ياليتني شفت موضوعج شهر 4 !
لكن للأسف ما شفته الا الحين :busted_red:..
المهم اعطيج شيء بسيط من الي عندي مادام ان الموضوع صار له كم شهر و الله العالم اشصار بعدها ..
لعلها تكون لج عبـــــــــره و تتداركين وضعج قبل لا تمر السنين و يصعب الوضع اكثر او يتعقدون عيالج ..
شوفي اختي خليك (( حمشــــــــه ))
كوني قويه انتي جدا جدا جدا ضعيفه و ماتردين على اغلاطه الا بنوح و بكاء .. شــــــــيء جدا طبيعي انه يعاملج بهاذي الطريقه !!
انا عن نفسي شماليه غربيه و عندي اخت شماليه شرقيه < اعوذ بالله :busted_red::busted_red: شماليه شرقيه متسلطه متحكمه مسيطره ابوي دلعها من الصغر و هي الحين تفرض كلمتها علينا و تحاول تمشي اختي الي اكبر منها ب7 سنوات على كيفها !!
تحكمت فيني و رديت لها بكل قوة وقفت في وجهها .. سكتت فتره و ما استسلمت ورجعت فرضت احكامها علينا .. هاجمتها ووقفت في وجهها و عمره ما كان البني آدم عبد لبني آدم آخر .. ملت مني و شافت نفسها ماتقدر علي .. أستخدمــــــت سلاح آخر و هو أبوي << حشت راسه علي و تكلمت كثيييييير لدرجه انها بس علشان تفرض معتقداتها بالقوة قامت تتكلم قدام الكل بأني غلطانه في كذا و كذا و تستفز امي و اختي بس علشان يكونون ضدي بـــــــــس والله محاااااااال اكون عبده لها و انا حره .. حاربتها و ما تنازلت عن كرامتي و حريتي و الحين في الاخير تقبلت غصبا عنها و مايقدر على الانسان الحر احد الا ربـــــــــــه فقط !!
والله لو شنو الوحده اهم ماعليها راحتها و حريتها وكرامتها .. والا اسمحيلي
هذا مو زوج ينصبر عليه ..
الله يهديه لج
انتي شكلج جنوبيه و تعلمي القوة و فرض الكلمه العادله فقط من زوجج الشمالي ارجوج ارحمي ولدج عن يتعقد ..
اختي انا اكلمج من منطق اني من عائله اغلبها شماليون
الاب << شمالي شرقي متسلط
الام << جنوبيه شرقيه هادئه دائما تبكي و لكنها الحين تعلمت القوة بعد ما انسلبت اغلب حقوقها خلال 27 سنه
اختي حرام والله لازم تقوين شخصيتج .. ولدج صغير راح يتعقد
انا محد عقد اخوي الكبير الا ابوي كان يضربه بسبب و بدون سبب !! كان يتعرض للأهانه يوميا ,, كان ينضرب في الاماكن العامه وهذا ذكرني بولدج لما قلتي ابوه ضرب راسه في الواجهه !! .. حرام اخوي حاليا انسان غير سوي صار متسلط على زوجته و يعذبها و يهينها وووووو تجيه حالات نفسيه و يسمع اصوات غريبه و الــــــخ ..
ارحمي عيالج هذا متسلط مااااايرحم .. والله يعين بنتج لا كبرت يمكن يبهدلها ويمحي لها شخصيتها هي و اخوها :exclamationpoint:
راح تقولين لي كيف اكون قويه ..
بقــــــــولك القــــــوة موبس طوله لســـــــان و تسلط ..
القوة هي الوقوف في وجه من يحاول اخذ حريتج و سلبج ابسط حقوقج و حقوق عيالج و هي الاستقراااااااااااااار و الراحه النفسيه و المعيشه في بيئــــــــــه طيبه افرادها اسوياء حنونين محترمين طيبين عندهم اخلاق يعرفون شلون يعاملون الصغر و يحنون عليه و كيف يربون ابناء ينفعون حالهم و اهلهم ومجتمعهم ..
االقـــــــــوة هي انج تقولين له يا فــــــــــــلاااااااان يا اما العيشه بالمعروف أو تسريح بأحســـــــان ,, ولاااااااا تخافيــــــن منه ابد مايقدر يسوي شي .. هذا بس متســـــــلط على الذبــــــــاب و انتي عنده ذبــــــاااااابه !! << و هل ترضين على نفسج هاذي النظره !
القوة هي انج ما تبكييييييييين اذا هاجمج .. ما تسكتيــــــــــن اذا هددج ..
مثلا هددج بالطلااااااق : قولي له طيب انا مافي شي في الدنيا يجبرني اعيش هالعيشه و لاااااااتنزل من عيونج دمعه ..
خليج صااارمه معاه .. و لاااااااازم تحطين في الحســــبان ان عيالج محد راح يرحمهم سواااج من بعد الله
و اي توضيييييح انا حاااضره