اتمنى احصل حل

[كل الود]

كيفكم يابلقيسات

مدري كيف افتح سالفتي الصراحه انه بقول كل اللي في قلبي واتمنى تفهموني وتعطوي الحل
مشكلتي هي ان دايما مشكلاتي انه وزوجي عن اهلنا هو يقول بيتنا وانه اقول بيتنا وحاولت كذه مره اتنازل بس هو دايما مصر على رايه يعني مثلا انه بنتي توها صغيره توها كامله الاربعين يوم يعني انه ازور بيتهم بس عباره ساكنه في بيت ابوي حاليا لاني لساتني تعبانه شوي لانها اول ولده لي وكلشي جديد علي لمان اقوله ابغي اخلي بنتي عند امي يقولي لا خليها عن امي لان وانه سويت هالشي بس مارجعت لبنتي الا وانتو بكرامه تصيح وحفاضها وصخ وموشاربه الحليب اقوله انه عندي عذري لمنا اقولك ماقدر اخلي بنتي عند امك .. واذا جلسنا مع بعض جميعا بنتي تصيح عند امه اقولها جيبيها عشان اعطيها حليب ماتعطيني اياها الا بالغصب وش الحل ويا هالسالفه؟؟؟ يعني هالشي احسه مخرب زواجي واحس زوجي حاط في خاطره لاني محب احط بنتي عند امه لان بالصراحه امه ماتعرف تتصرف يعني انه مو ذنبي ؟؟؟

وشكرا اتمنى احصل الحل؟

 

[حبيبت رشيد1]

اهلين ياقلبي خلاص خليها عندك ليش تحطينها عند امك وامه
وقولي لزوجك ان امه اذاحطتها عندها ما تهتم فيها

 

[طير مهاجر]

مو مفهوم شو الحكاية

هلا انت قاعده عند اهلك وبنتك عند امه؟؟

 

[البحر غدار]

بنتك خليها معك لامع امك ولامع امه خلصت المشكلة الله يجعلها اكبر المصائب

 

[**دنياالوله**]

خليها معاك افضل حتى لو ماتعرفين تتعاملين معها
مع الوقت تتعودين

 

[المرهفة]

بنتك مسوؤليتك انت فقط
امك وامه كفاية عليهم انهم ربوكم وتعبوا عليكم ..كمان بيربوا عيالكم؟

 

[الشهرزاد]

شوفي فضي هالمشكله لأن بيدك الحل
ما تخلي بنتك عند أمك ولا أمه و إنتهى
و إدا ما تفهم تنازلي بذكاء و سياسه قوليلو و الله فكره نخليها عند أمك أمي تعبانه أخليها ترتاح شوي
و حتشوفي كيف حيبطل تحكير في هالسالفه و مبروك على سلامتك الولاده

 

[الجذابه]

لاتعيبين على امه ابدا ابدا..

هذي امه انتي اشفيك؟؟!!!

حطي نفسك مكانه .. اذا مايرضى تودينها عند امك والسبب ان امك ماتنظفها ولاتهتم فيها بالله ماتتضايقين انه ينظر لامك بهالنظره؟؟؟انها موب قد المسؤليه..؟ امه ربته واعتنت في زوجك قبل بنتك..

ترى هالشي يجرحه ..ويضايقه..

انت حاولي تهتمين في بنتك ولاتتركينها ببساطه لاعند امه ولاامك واذا اضطريتي لاتمانعين اذا قال خليها عند امي..هو فرحان ببنته ويبي اهله يفرحون معه وبالذات امه..

قولي امرك .. وحطي بنتك وانتي مشبعتها كفايه ومنظفتها واذا جيتي واخذتيها ولقيتيها مبهذله ذيك الساعه ازعلي عليه هو لانه اجبرك على انك تتركينها عند امه مده طويله..

قولي يمكن تتضايق امك ويمكن مالها خلق تقابل بنتنا وتهتم فيها .. وامه ماهيب مجبوره تراعيكم انتم وعيالكم بعد..
معاناة بنتك وبهذلتها السبب فيها انت وزوجك..

وذيك الساعه ازعلي وتضايقي وحني على بنتك وخليه يشوفك ويشوف كيف حالتها هو بنفسه خليه ينتبه لبهذلتها وازعلي ومدي بوزك شبرين لكن لاتتكلمين عن امه ولاتدخلينها بالسالفه..
امه مالها دخل ماتدرين لو هي بنفسها تتضايق ومالها خلق لبنتكم بس ماتبي ترد ولدها وتضايقه...

المقصد خليه يحكم بنفسه..

وبعد كذا حتى هو بيستحي يطلب منك تودينها عند امه اذا شاف كل شي بعينه..

ويصير تودينها عند امك متى مابغيتي .. بس بعد لاتحرمين عمتك ابدا من حفيدتها وحاولي تتركينها لمده بسيطه.. سواء عند امك او امه..

لاتحوجين نفسك لهذا كله.. وابعدي عن المشاكل قدر الامكان..

مافي سبب يخليك تتركينها مده طويله عندهم..

هذي بنتكم ومسؤليتكم انتم الاثنين.. وتعودي على هالشي..

وانتي بعد شكلك معتمده على امك وماانت محسسته انك قد مسؤليتها ..

هذي بنتك انت موب فرحانه لجيتها .. تخلينها عند امه وامك كل شوي ولاي سبب..

استمتعوا برفقتها وعودي زوجك على وجودها معاكم ولاترى بكره بيزهق منك انتي وعيالك .. خليه يحس انها مسؤليته قبل مسؤليتك ولولا الله ثم وجوده بحياتك ولا ماكان رزقتي فيها ..

تعودوا على وجودها مافي احلا من رفقة الاطفال ومواقفهم المضحكه ..

خليه يستمتع فيك وفيهم..

والله يوفقكم..