ابي نصيحتكم تكفوووووون

[دمعة مجروحة]

السلام عليكم اخواتي
تكفون ابي نصيحه منكم شوروا علي وشلون اتصرف ؟؟
انا اكتشفت ان زوجي يكلم وحده عن طريق الجوال والموضوع يمكن له 3 شهور وبينهم حب ورسايل وشافها عن طريق الاتصال المرئي
بالله تكفون انصحوني شنو اسوي وياه ؟؟
اواجهه ؟؟
ولا شنو ؟؟ انا باأموووووووووووووووت من القهر مااقدر اسكت
انا اخاف العلاقه تتطور بينهم لو اسكت ومااسوي شي
بالله انصحوني
وشكرا

 

[فرحة صباه]

الله يكفيك شره
ويسخره لك عاجل غير اجل

 

[عتوشه]

يآآآآآربية من هالرجال واخرتها معاهم ~ حسبي الله ونعم الوووكيل
الله يكون بعونك اختي بس عليك بالدعااء والاستغفاار
..

 

[معلمتـ روضهـ]

الله يعينك اختي..
اخاف تصارحين يقولك ليش تفتشين من وراي واخاف تسكتين يتطور الموضوع والله مشكله بصراحه الله يصبرك.
تقبلي مروري..الاستغفار غير حياتي

 

[اماراتية دلع]

فديت عمرج اول شي انتي عندج الرقم صح
اتصلي عليها يمكن البنية ما تعرف انه متزوج
خبريها يمكن تتساعد وياج
لو شفتيها كلامها زين وياج و مستعدة تخليه
خبريها انها ما تقوله و تقطع اتصالها فيه
اما لو شفتيها ما تريد تخليه هدديها بالشرطة
و اكيد بتروح تقول لزوجك و على الاقل بيستوي بيناتهم مشاكل
و لما ييجي الي ما يتسمى زوجك خخخخ
و حستيه انه عرف اسكتي و خليك ببيتج حاولي تخربي عليه باي طريقة
لان لو تركتي البيت فهالوقت خصيصا لو هو يحبها ما بيسوي لج سالفة
اما لو كان ما بيحبها و متاكدة انه يحبج و ما بيخليج اتركي له البيت
و لا تسامحيه و سوي له طاف حتى لو يراضيك لا تردي له خليك عدبيه شوي
اما لو هو يحبها و حسيت بالشي خليج فبيتك فوق قلبه

و انشالله تطلع البنية ما تعرف انه متزوج و تستوي ضرابة بينهم و تخليه هي
و لو حسيتي انها خلته و ما تكلمه انتي بعد ما تسوي له سالفة و ما دلي عمرج عنده
و خليج قاسية وياه
المهم اتصلي عليها و شوفي شو بيصير و بنخبرج باقي الخطة
موفقة الله يعينج و يكون وياج

 

[الملكه اليزابيث]

شوفي لو انا بواجه
ترى انا اتكلم عن زوجي يعني زوجك لو واجهتيه وش تتوقعين ردة الفعل بتطلعين بنتيجهة ولا بيحلف ان ماعنده شي

 

[*نونه*]

خذي الادلة عندك و احفظي منها نسخ

ثم واجهي زوجك اذا مازال في بداية العلاقة... يعني لسه هرمون العشق لسه ما سيطر عليه

اما اذا الهرمون مسيطر عليه هنا الخطة تتغير... يلزمك ان تستميليه الى طرفك و بعدما يتعلق فيكي مرة اخرى ادعي انك تلقيتي ادلة على علاقته فيها من مجهول و انك منهارة و انك ستتركينه و من هذا الكلام...

المهم لا تواجيه على انك انتي اللي كشفتيه... ادعي ان شخص ما ارسل لك الادلة و انه ادعى انه فاعل خير و انه قال عن هذه الفتاة كلام لا يقال...

لانه لو قلتي له انك انتي اللي كشفتيه رح يحطاط مرة اخرى و يصبح حريص اكثر في اخفاء الادلة و رح يقولك موعاجبك الله معك هذا انا...

 

[عيون مزمز]

عندي لك خطه انا سويتها وظبطت معي الحمدالله
وهي يطويلت العمر سولفي عليه وانتي متغصصه بالدموووووووووووووووع
والحزن مسيطر علي صوتك المهم قولي له
ان هذي البنت تعرفني وحالفه تخرب بيتي وتحدتني انها بتخربه انا اعرفها لا وطلع سواليفك الخاصه للي جالس تسولفها عاااد هني راح يبلع السكين ويحس ان لامر حساااااااااس
انك تقول وتقووول خربطي شوي من عندك
وانها من الجماعه شافتني مرتاحه بحياتي معك وحااااقده علي

 

[عيون مزمز]

طبعا مستحيل يعرف اسمها الحقيقي ماراح تعلمه وتبد الوساويس تملي راسه

 

[قطـــــريه]

عندي لك خطه انا سويتها وظبطت معي الحمدالله
وهي يطويلت العمر سولفي عليه وانتي متغصصه بالدموووووووووووووووع
والحزن مسيطر علي صوتك المهم قولي له
ان هذي البنت تعرفني وحالفه تخرب بيتي وتحدتني انها بتخربه انا اعرفها لا وطلع سواليفك الخاصه للي جالس تسولفها عاااد هني راح يبلع السكين ويحس ان لامر حساااااااااس
انك تقول وتقووول خربطي شوي من عندك
وانها من الجماعه شافتني مرتاحه بحياتي معك وحااااقده علي

ماشاء الله خطه جهنمية :32: اتفق مع الأخت وهاي كله بعد ماتتوصلين لأسمها وعنوانها وشكلها لو قدرتي عشان لمن يسألج ويبي يتأكد يكون عندج رد ..

 

[اعاني]

الله يعينتس

 

[دمعة مجروحة]

الله يسعدكم
فديتكم ....
مشكورين على هذا الاهتمام
بس المشكلة ان زوجي عنيييييييد مرررررررررررررره واذا واجهته اكيد بيعند زياده وباخسره
وانا مثلكم فكرت اكلم البنت وتطلع ماتعرف انه متزوج بس لو يطلع العكس وانها تعرف رح تستمر العلاقه بينهم اكثر وبصراحه انا مااعرف عنها اي شي بس رقمها ولا حتى اعرف وشلون تعرف عليها
رغم ان زوجي مو راعي غزل ولا انترنت ولا حركات عشان كذا اخاف يتعلق فيها زياده
بصراحه انا محتااااااااااااااااره كثير وباامووووووووووووت من القهر
والله يسعدكم استمروا في النصايح
ابي حل يريحني بدون مااخسر زوجي ابو عيالي

 

[حلاوة وشقاوة]

الحقيه قبل مايحبها وينساكي..!
عجبني كلام الاخوات نونه وعيون..وشكرا

 

[راحةالقلوب2]

عليكي بخطة نونة