ابي مشووورتكم حياتي بدأت تخــنــقـنـي

[نذوب في الذكرى]

:icon1366:بنااااات داخلة عليكم بالله تساااااعدوني محتاجة رايكم ومشوورتكم
ماراح اطول عليكم هذي قصتي وانتو احكمو​

انا عمري 20 سنه مخطوبة من شاب بنفس عمري تقريبا .. علاقتنا مع بعض اوكي هو يحبني وانا احبه بس ماتخلى من بعض المشاكل
خطيبي طبيعته فيه بعض الغموض وهو جنوبي ..

مشكلتي ابتدأت في يوم كنا جالسين مع بعض جلسة مصارحة وكنت اضحك معاه واسأله هل حبيت وحدة بالماضي ؟؟ فاجأني برده أي كانت بحياته وحدة حباها بس كلشي انتهى بينهم ..
انصدمت من الجواب وتميت اسأله من هذي .. ومتى عرفتها وشلون ؟
قال لي انها وحدة تصير له من بعيد وهي من دولة ثانية بالخليج وكان يعرفها ايام الدراسة وبعدها صار بينهم سوء تفاهم وقرروا ينهون العلاقة لان مصير العلاقة تنتهي واهلها مايوافقون على شخص مو من بلدتها وتركوا بعض ..

صارت بينا مشاكل قبل بسبب انها بين فترات طويلة تتصل فيه وهو يرد عليها ويكلمها .. وبعدين اهو بنفسه يجي يقول لي بلي صار
ولما اعاتبه والومه ليش يكلمها يقول لي انها عادي يعتبرها مثل أي شخص صديق وانه يقول لي لان مايبي يخش عني شي يازعم خايف من تأنيب الضمير وان لو كان في بينهم أي شي مستحيل بيقول لي عنها

انا اعرفه زين هو احيانا يتعمد يقول كلام حتى يغيرني فيه ويستانس لما يشوفني غيرانة عليه
مع اني ادلعه واظهر غيرتي عليه احيانا

مرة في نهاية رمضان كان متضايق وسألته شفيك قال : انتي ماتفهميني لو قلت لج وبتزعلين بسرعة
انا فهمته على طول وقلت له :قول ماحب اسمع سالفة مقصصة
قال : بس الي اعرفها ابي اعرف عنها اي شي حيه ميته حتى السؤال عنها ما اقدر اسويه !!
قلت له : ترضاها على نفسك ؟؟ تخيل انت مكاني
قال : هالشي يخصني ومن داخلي يعني بالواقع ما ابينه .. حرام يعني حتى التفكير !!
قلت له : عيل اشلون تقول لي احبك ؟
قال : جوفي انا مستحيل اسوي جذي ومو انا الي العب على الحبلين واقول كلام من عندي أنا صج احبك ..
بعدها احتدينا شوي بالكلام وبس تميت مدة ما كلمته وبيوم العيد كلمني وتم يعتذر ويقول معاج حق تزعلين ادري مو حلوه بحقج وانا ما كنت ابي اقول هالشي جدامج بس يوم اصريتي قلت يمكن اهي تفهني انا مو قصدي شي قلت لج عشان اني ارتاح لج وعشان تعرفين بلي داخلي يعني كنتي تقدرين تطلعيني من الضيق الي انا فيه بس انتي كليتيني ما عطيتيني فرصة اتحجى على طول قلبتي علي .. المهم حقج علي وانا الغلطان .. صدقيني انتي اهم شي عندي فراقج صعب علي ايامي مالها طعم بدونج على طول ضايق خلقي مو يوم او يومين مثل كل الناس انتي غير والله يشهد على كلامي مو عارف شقول بس انا صج ندمت اني قلت لج افكر بأحد غير اصلا انا كنت غلطان يوم اقولها لان محد يسواج
وبس قلت اني اليوم عيد ماله داعي كل منا يشيل بقلبه وتصالحنا ..

ماعرف اشلون انا قام يصيدني توتر من يقول لي عنها شي .. اتبعت معاه اساليب مختلفة مرة اكون هادئة ومرة اثور ومرة قلت له خلاص انت الظاهر لازلت تحبها ومو قادر تنساها وخلنا ننفصل احسن وتميت اسابيع ماكلمته ..

جن جنونه وقال لا مستحيل وتم يحلف انها ماتهمه وانا الي يحبني وتدهورت نفسيته كثيير وتم كم يوم مريض على فراشه بس هو ما يتظاهر الضعف ابدا ويحاول دايما يبين لي انه قوي وما يظهر مشاعره على طول
احيانا بنفسه اشوفه يقول انا عمري ماحبيت احد كثرك وانتي صج احلى حب بحياتي


انا تعبت من هالمشكلة الي منكدة علي حياااتي ومو عارفة اشلون اتصرف معاه .. وانا ماقدر اعرف شي لو ما يقول لي بنفسه بحكم ان مو ساكنين مع بعض
ولما يقول لي وايد اتضايق ويبين علي واضح ولازم يصير بينا سوء تفاهم واحيانا احسسه بتأنيب الضمير يتم يعتذر مني على الي سواه ويقولي ان مابينه وبينها أي شي

ومشكلتي الثانية انه لما يعتذر يباني ارضى بنفس الوقت وارجع طبيعيه بتصوره الاعتذار يكفي ويتم يقول لي كلام غزل ويحاول يقنعني بمبرراته واذا تم يحاول كثير وماصرت معاه طبيعيه يزعل ويقلبها علي اني اذله وخلاص هو عرف غلطته واعتذر ..

احتـــــرت مو عارفة شلون اتصرف معاه انصحوووووني

والله يجازيكم الف خييير :bye1::bye1:

 

[أريج الحب]

حبيبتى المفروض انك ماسألتيه فتحتى على نفسك باب ماتقدرين تقفلينه

وبعدين اقعدى معاه وطالبيه يغير رقمه وخلاص وفكى نفسك من هالموضوع

وهو وضميره اذارجع يكلمها المفروض ماله داعي يرد عليها ويكلمها

انتى وضحيله قبل ماتتزوجينه وتنبلشين بعيال حطى حد لسالفه وطالبيه بقطع علاقتة فورابالبنت او هدديه

انك تركينه وقوليله هذا ماضي وانتهي لاعاد تفتحه قدامي ولا تجيب طاريه والله يوفقك

 

[هديل001]

ياأختي ليش متعبة نفسك ترى ياقلبي في رجاجيل وايد مايعتذرون وهذي طبيعة الرجال إذا أعتذر

ترضين على طول لأن في تصوره بالفعل إنك تذلينه

دام خطيبك يحبك هذا أهم شي لاتفكرين فيها ولاتظهرين غيرتك عليه كثير في بعض الرجاجيل

يتلذذ لما يشوف زوجته تغير عليه

وبعدين ليش تدورين بالماضي الماضي هذا له خلاااااااااااااااااااااااااص راح وأنتهى حتى إنتي

ياعزيزتي ماضيك لك لو كان فيه ماضي رااااااح وانتهى

ابدئي حياة جديدة معه لاتشدين خليكِ هادئة ولاتخلين الشيطان يوسوس لك تعوذي من ابليس

والله يوفقك بحياتك

أختك / هديل001

 

[أم ريمااااني]

الله ايكون بعونك ويكتب لك الخير..

 

[نذوب في الذكرى]

مشكوووورين خوااتي ..

المشكلة انها من أهله يعني لو اي مناسبة تصير لازم يلتقي فيها

بنات ابي نصييييحتكم ومشووورتكم لي انا بجد ضايقة فيني الدنيا

لا تبخلون علي بنصايحكم

 

[غلاء 2008]

الله يكون بعونك
بس احس انك عطيتيه مجال
لو شاف انك حازمه معه من البدايه لو ماتجراء مره تانيه

 

[مدعم حن]

1- يأحتي في البدابه انت الغلطانه ليه تفتحيين على نفسك باب مسكر
2- هو غلطان ليش بعد اعترافه مازال يقولك عنها انت قولي له خلاص لا تجيب سيرتها ولا تقولي عنها أي شئ
3- واذا تبغى الحياة تستمر معك لازم ما تتصل بها ولا تتذكرها وان تذكرتها تتعوذ من الشيطان لانه هو من يدخل لك من هذا الباب
4- اذا لم تستطيع فأنا من طريق وانت من طريق وكوني حازمه معه في هذا الموضوع عليك الخيار وان لاتتصل بها واذا اتصلت بك تقول لها وامامي انك تحبني وهي لا تعني لك شئ وان لا تعاود الآتصال بك
4- وقبل اي خطوة عليك بصلاة الأستخاره في استمرار زواجك وا تركه وصدقيني ان الله يختار للمسلم الخيرة من امره

 

[حلوه وكتكوته]

1- يأحتي في البدابه انت الغلطانه ليه تفتحيين على نفسك باب مسكر
2- هو غلطان ليش بعد اعترافه مازال يقولك عنها انت قولي له خلاص لا تجيب سيرتها ولا تقولي عنها أي شئ
3- واذا تبغى الحياة تستمر معك لازم ما تتصل بها ولا تتذكرها وان تذكرتها تتعوذ من الشيطان لانه هو من يدخل لك من هذا الباب
4- اذا لم تستطيع فأنا من طريق وانت من طريق وكوني حازمه معه في هذا الموضوع عليك الخيار وان لاتتصل بها واذا اتصلت بك تقول لها وامامي انك تحبني وهي لا تعني لك شئ وان لا تعاود الآتصال بك
4- وقبل اي خطوة عليك بصلاة الأستخاره في استمرار زواجك وا تركه وصدقيني ان الله يختار للمسلم الخيرة من امره

​

 

[ملكة ببلقيس]

خلاص حبيبتي انسي اللي صار
وابتدي حياتك وكأنه انت اول حب في حياته وان شاء الله هو كذلك
لان مو بمصلحتك ولا ايضا بمصلحته انو تتذكرون هذا الشيء
واذا تميت دايم تجيبين سيرتها او تتكلمون في هذي المشكلة
اتوقع يبي يصير من الصعب انو زوجك ان ينساها
على شان كذا اقطعي علاقته بها تماما
وعلى شان ما يصير مشاكل بينكم فيما بعد الزواج
لانو يبي يصير يشوفها او يسمع عنها
وخوذي من الان موقف حازم معه
ان ما يجيب لها اي سيرة او سوالف
الان او بعد الزواج
الله يوفقكم

 

[حبيبي لودي]

حبيبتي المفروض انك تحمدين ربك وتحافظي على خطيبك
لانه وافي يكفيك تأنيب الضمير قللللللللللللليل من الرجال
يحس بغلطته
والصراحه مو اول ولا اخر واحد يحب
لكن المشكله اللي يخطب وهوا لسا متعلق بحبيبته
وضعك مع خطيبك حلو عوضيه عن حبه واتأكدي انك بتكونين حبيبته وراح ينسى قريبته
لاتخربي حياتك عشان ماضي وانتهى خليه يوعدك انه ينهي علاقته فيها
اتمنى لك حياة هانئه
تحاياي