ابي مشورتكم لسا عروس

[دلووعة الغيم]

مساء الخير
كيفكم بلقيسيات ان شاء الله تمام
انا ابغا منكم النصيحه وتساعدوني

انا عروسة مضى على زواجي 5شهور الحمدلله مبسوطة مع زوجي
واللحين نزلي تثبيت على وظيفتي ادارية معايه دبلوم وخبره 6سنوات
من اول شارطه وظيفتي ومايمنعني عنها
من اول ماقلت بداوم وهوا يزعل من اتفه شي وماله داعي الوظيفه وليش ومدري ايش ماكنت اعرف ليش يقول كذا وانا شايفته كيف بيقطع نفسه عشان خواته يتوظفون او يسجلون في حافز
صارلي اسبوعين من وقت داومت اول اسبوع جاني الثلاثاء ومشا من عندي الجمعه وهالاسبوع انا نزلت الثلاثاء واليوم رجعت عند اهلي طيارة
حجزلي اسبوعين ذهاب واياب وانا في نيتي اسبوع عليه واسبوع عليه
منطقتي عن منطقه زوجي تبعد 7ساعات
المشكله انو جلس زعلان ومايكلم احد واهله كل واحد يدق الصدر ويقول زواجك عليه بس اختار عروس جديده ابوه وامه والكل يقول كذا وقت اقوله ايش يكون ردك يقولي اسكت مااقول شي
قالي اليوم تعرفين اشوف وظيفتك مالها داعي لو انك بكالوريوس عادي نتعب بس دبلوم لا والله زعلني وتضايقت وكتمت وانا معه بالسيارة يقولي ايش فيك قلت مافيني شي لانه بيزعل وبيطلعني انا الغلطانه
وقبل اوصل المطار طلبني رقم حسابي اعطيته بس اخطيت في رقم الفرع الموهيم نزلت المطاروهوا معايه وطول مااحنا ماشين وهوا يقول تركتيني ورحتي هجرتيني انا بغير اسمك بالجوال واسميك الهاجره ومن هالكلام
طلعت طيارتي ووصلت مدينة اهلي وفتحت جوالي دق عليه وانا بالشارع مااقدر ارد اول ماوصلت السيارة فتحت المكالمه يقولي مارديتي عليه ليه قلت دوبني اوصل وارد عليك شكله معصب عطيني رقم جوالك قلت له اوصل اعطيك الرقم لو غلط الموهيم عصب وطلب اخويه يكلمه
بعد مارجعت البيت اتصل بعد ساعه يمكن وهوا يقول كلمتين ويسكت واخر شي قلي انتي دايم تعطيني أي رقم خطا دايم يقول كذا لو صدرت شي مني ينكر كل الاشياء ويخليها غلط وانا ماعلقت عليه سكت وماقلت شي له
ارسلت له قبل ساعتين انو ماعندي رصيد اشحن لي وللحين ماارسل ولا اتصل
ابي منكم المشوره وتساعدوني اتخطا هالفترة احس اني مو قادره والله
عندي خواتي الكبار بس مدري وقت اتكلم معاهم او اسولف مااحسهم يهتمون لي
وربي محتاره وكل ليل ابكي ماابغى اخسر وظيفتي وتعبي وماابغى اخسر زوجي

 

[نحمدة ونشكره]

يا اختي انتي قلتي انك عروس جديدة صارلك خمس اشهر طيب كيف تتركين زوجك وتروحين لشغلك بعد سبع ساعات وكمان هو مو راضي على شغلك وتريدين منه يدفع الك اجرة الطيارة
انا معك انه ترك الوظيفه غلط وقعدة البيت كمان ماتنطاق بس انتي عروس وتاركه زوجك يعني ماقدرت تلقين دوام بمنطقه زوجك يعني حقه زوجك لمن يعصب ويصارخ لسه مافهم منه شي وتتركي اسبوع وترجعين اسبوع ترا الرياجيل نسوانهم عندهم ويدورون عشرة بدالهم مابالك اني تاركته ورايحه لاهلك بعدين تعالي هنا انتي شلن تحسين بالاستقرار اذا اسبوع هنا واسبوع هناك .
لا تتوقعين زوجك راح يعاملك زين لو يصرف عليكي هلا يعاند ويقول عندها وظيفه تصرف على نفسها وغير المشاكل والصراخ لو يقنعك لو تقنعي لو اهله يقنعو ويزوجو وانتي لساتك عروس يعني هلا هو يسكت ومايجاوبهم لما يقولولك بندور عروس بس بعد شهر شهرين لما يمل راح يبدي يفكر بكلامهم وانتو ماشاء الله البنات عندكم ماتصدق وحدة يجيها هعريس متزوج ارمل مطلق اي شي حيا الله المهم تتزوج
انا اقول دري لك على وظيفه في مكان سكنك انتي وزوجك ولا تخلين الناس تعبي راسه عليج وانتي في بدايه زواجك ترا اول سنه مهمه جدا اذا خربت العلاقه خلال هاي السنه ماتصور الي ينكسر يتصلح

 

[المركونه]

انا ما اعرف ايش وضعك ومدى حاجتك للوظيفه

بس يااختي كل انسان لازم يعرف اولوياته بالحياة عشان يرتاح ..
هل الوظيفة هي اهم شي بحياتك ؟
هل فيه مجال انك تنقلين بعد فتره في منطقة زوجك ؟
بكره لما يجيكم اولاد كيف رح يكون الوضع ؟
زوجك رح يتعود على بعدك مع مرور الوقت هل هالشي عادي عندك ؟
باين عليه ضغوطات من الاهل بالزواج الثاني هل زواجه الثاني يضايقك ؟

فكري كويس وحددي اولوياتك والله يكتب لك اللي فيه الخير

 

[دلووعة الغيم]

احتاج وظيفتي لاني تعبت فيها وتغربت عشانها
ان شاء الله فيه مجال انقل عند زوجي
ومو عادي زوجي يتعود ع غيابي ولو اعرف انو يفكر يتزوج اكيد بموت

هوا يقول عادي يتعب لو ان شهادتي بكالوريوس مو دبلوم

 

[التحدي الكبير]

نحمده ونشكره ,كفت ووفت ما بعد قولها كلام الله يهنيك ويسعدك

 

[6flah]

حبيبتي وظيفتك مهمه .. الرجال مالهم امان خليك بوظيفتك واكسبيه بالطيب والكلام الحلو ترا الرجال زي الطفل

يعني قوليله اهلي يمدحونك ويقولون الله يوفقه اللي خلاك بوظيفتك والله انه رجال يحط علي اليمنى ومن ها الكلام

وقولي انا جالسه احاول انقل عندك بسسس انتبهي تتركين وظيفتك

 

[دلووعة الغيم]

طفله الله يبرد قلبك يارب وتسلمين حبيبتي

 

[مدمنة صبر]

يالغلا استخيري الله في هالوظيفه لربما بداية شراو خير لك اهم شي الاستخاره ؟!

يالغلا توكلي على الله واستودعي زوجك ربي فالله خير حافظ له من اي مكروه حتى لو كلام الناس يقولون له ربي يصرفه عنه اهم شي التوكل وحسن الضن بالله

يالغلا سؤال جانبي انتي دبلوم ومعك خبره اداريه ؟؟! خبره في مدرسه اهليه ؟!

 

[دودة لولا]

نصيحة مني ...................وظيفتك أهم أهم أهم أهم ..وبنفس الوقت اهتمي برجلك ....(انا جتني بعثه وخليتها عشااانه وهذاه ضاربن وحاطن عند اهلي ولا سأل ))

 

[MannaR]

وظيفتك اهم

زوجك انتي دلعية بكل الطرق

لكن تتركينها صعبة هو يحب الخير لخواته وانتي اجلسي ف البيت!!
​

 

[مجنونه زعلاته]

من جد تخيلتها في نفسي بعيد الشر عني بس شي يحير ...!!
انتي اشترطي في العقد اش ؟؟؟ انك تتوظفين ؟؟؟ او تكملين دراسه ؟؟

حاولي تاخذينه بسياسه واحس من كلامك واسلوبك مافي حب له !!( يعني بكلام الحب والسياسه تمشي الامور ) غريبه واتروحين وظيفتك وعادي احس ماهمك الا وراك ( زوجك بيتك مملكتك بصفه عامه ) لازم تفكرين في هذي الاشياء قيل لايصير اي شي لاقدر الله ....
نظام حياتك خطأ ... اسمحيلي ...
وانتبهي زوجك مو راضي ربي ماحيباركلك في وظيفتك ...
انا ماني مع انك تتركين الوظيفه لكن اشتغلي على زوجك بالحب والمسايسه والهدايا والرسايل والاتصال والاهتمام ولاتطولين عنه الين مايرضى وحاولي فيهم ينقلونك في نفس المدينه اللي فيها بيتك...!​

 

[شامخه بإبتسامتي]

الله يهديه




سبحان الله العظيم وبحمده

 

[لميس 2011]

مع الاخت مجنونة زعلانة من جد اسلوب حياتك غلط انتي صااااااارلك 5شهور انتي فاهم كيف 5شهور والله لسى بدري اصلا لانتي ولا هو امداكم ذقتو طعم الزواج حرام عليك هو شاريك وشاري قربك لو واحد غيره و(كثيرين) كان قال جت منها واحسن

انا ماقول لا تتوظفين ومادام هذا شرطك من البداية بس بدري والله بدري فكري بالاهم فالمهم وحاولي تلقين وظيفة اقرب لانها تعب لك انتى بتحديد والا...
وجهة نظر تقبليها بصدر رحب ولا تخربي احلى ايام عمرك بزعل والبعد دعواتك

 

[themoongirl]

انا لو مكانك والله ماافرط بوظيفتي وفي نفس الوقت بحاول ارضي زوجي بطلب نقلي واخليه يسعى معاي في هالامر عشان يدري ويحس انو حتى انا تعبانه في بعدي عنه>>>>>>>>هذي وجهة نظري واساسا انا مشترطه وكاتبه في العقد الدراسه والوظيفه وبكره ماندري وش يصير فينا ولاندري العمر لمن لاسمح الله​

 

[غرور القمر]

مصيرة مع مر الأيام يقتنع و بأذن الله يجيك نقل الرجال ما تهمهم إلا مصلحتهم و بس فكري بنفسك

ولا تضيعي الوظيفة من يدك وين و وين الواحد يلقى وظيفة بزمنا هذا و شي حلو ان يكون لك هدف بالحياة فكري و استخيري قبل ما تقدمي على أي خطوة

 

[بسبوستكو]

لالالالالالالالالالالالالالالالالالالا

الله ياخذ الوظيفه اللي بتفرقني عنو أو تزعلو علي....

وربي اذا كان طيب ومو بخيل ويحبك ..

اضربي بالوظيفه عرض الحائط ..

وربي كول كلمة كتبتهااا من قلبـــــــــــــــــي​

 

[بسبوستكو]

لالالالالالالالا ايش الكلام داااا ...

انا تعلمت من حياتي السابقه انو الحب الحقيقي ...

اذا تبغيه يستمر ؟؟ لا تدخلي بينكم فلوس.. وظيفه .....الخ

والله العظيم ان وحده من اخواتي ماكملت الجامعة وف البدايه كانت مقهورة لانو اخوات زوجها كلهم مكملات ..

لكن بعد فترة اتضح انهم هم اللي غيرانين منهاا وبيموتووو من الغيرة ..

عارفه ليش؟؟؟

لانهم يشوفو انهم هم يجوو الظهرتعابانات وكل وحده قرفاااانه من الدوااام واختي تكووون في قمة نشاطهاا

والغداء انواااااااااااع وكل يوم طريقه جديده ... ودلععع وراااااااااااحه واهتمامها بنفسها وبشرتها وشعرهاااا

وبزوجهاااا واغراضوو ...

وربي انهمم غاروا منهاااا بشكل ..
وحاولو يسوولها مشاكل بس زوجهاا نقلهااا مكان بعيد عنهم شوي بحيث مايشوفوهاا يوميااا

زادت محبتهاا عند اموو وابوه وزادت عن زوجهااا وسارت هي دنيتووو دحين تقووول لو تدفعولي اموال الدنيا مااكمل ...​

 

[اميرة الالماس]

وربي ماحد تعبان في الدنيا هذه غيرنا يالحريم

انا معاكي الوظيفه مهمه خصوصا في الزمن هذا

بس لاتقسين عليه وخليكي حنونه ودوخيه بالمسجات

الغراميه واذا رحتي له اشبعي كل رغباته


من اكل وفراش ولبس وحركات ولاتخلين اي احد

ان ياخذ زوجك منك خصوصا ان شكله يحبك

كثير وربي بعض الرجال ماهمه وفي بعضهم

يستغني وبعضهم مايقدر الله يبارك لك

بشغلك ويخلي لك حبيبك

وحاولي على قد ماتقدرين تنقلين عنده:21:

 

[نضوج أنثى]

أول شي كيف زوجك قبل ماتتوظفين يعاملك زين يعطيك حقوقك ويصرف عليك ؟ إذا كان قايم بكل واجباته وتعامله بما يرضي الله اتركي الوظيفه وارجعي لزوجك ولا تخربين بيتك صح الوظيفه مهمه مرره لكن الرجال ماينترك لوحده خصوصا انكم توكم متزوجين ينحرف على طول بدونك وهو عبر لك بانفعالاته وبرطيقه مباشره عن حاجته لك اما اذا كان انسان مستهتر ومايعطيك حقك اتمسكي بالوظيفه بالنهايه اولا واخيرا استخيري الله ولو تقدرين تاخذين اجازه بدون راتب يكون افضل عشان ترتبين وضعك الله يكتب لك اللي فيه الخير يارب

 

[شذا الأزهار]

بصراحة انا اشوف مو حلوة تبعدين عن زوجك في اول سنة زواج
شوفي بأقول نصيحة بما انني مثلك عروسة ومتخرجة
.

.
الرجال اذا بعدتي عنه من اول سنة بيتعود على غيااااابك
يفقدك يوم يومين او اسبوع بالكثير وبعدها تتذكري كلامي
ماراح يرجع لك زي ماكان معاك..
حاولي تآخذي اجازة بدون مرتب ، واستقري ع الاقل مع زوجك سنة كاملة
وحاولوا خلال السنة تفكرون بحل يرضي الاثنين..
لايغرك كلام المتزوجات اللي هنا لما يقولوا لك اهم شي الوظيفة
انا في نظري الحياة المستقرة بدون تشتت اهم من الوظيفة بمليون مرة
(الوظيفة كويسة بس لما تكون مريحة لي ولزوجي وماتخلي الوحدة تقصر بحقوق زوجها)
موفقة..