ابي مشورتكم في الخاطب

[خالة الجمان]

السلام عليكم ورحمة الله وبركاته

مساء الخير حبيباتي

انا محتاره بالحيييل ومتردده

عمري 31 سنه والي يتقدمون لي غالبهم متزوجين ومواصفاتهم مو زينه وصراحه من زمان ماتقدم لي احد
وانا مابي متزوج فكنت ارفضهم وكان ممكن اقتنع باحدهم اذا كان ذا خلق ودين لكن سبحان الله ماتوفرت لي
قبل يومين تقدم لخطبتي شاب عازب وفرحت لانه عارفين بهالعمر قليل جدا يتقدم لي عزاب
وهو من عائله متحضره وانا من قبيله والحمد لله ابوي ما مانع واعجبه الرجال
لكن اخواني فاجئوني فيه مواصفات ماحبيتها ولا كنت اتمناها
هو اسمر بالحييل وسمييين يعني سمنته زايده وانا لوني قمحي
لكن ماقالو شي باخلاقه وللحين ماسئلنا عنه
خواتي وامي ماشافوه ولكن لما عرفوا انه اسمر قاموا علي يوم شافوا اني شبه مقتنعه بس متردده
يقولون لي شلون تاخذين واحد اسمر وش راح يطلعون عيالك بعدين
بنات انا خجلانه اني اقول هالكلام
وادري ان الاخلاق والدين اهم شي لكن لازم من تقارب النسب ويكون العرق واحد

ايش رايكم انا محتاره خاصه ان الفرصه ماتتكرر

 

[مَلآمِحْ حُلمْ]

بصراحة يا قلبي اللون و السمنه مو من موانع الزواج استخيري و وتوكلي على الله​

 

[ذاكرة الجسد]

حياتي انت الحين تزوجي وانبسطي

وبعدين فكري في العيال اللي بتجيبينهم!!!!!!!!!!!!


بصراحة خلينا نحللها وحده وحده

الاساسيات ماعليها خلاف يعني مافيه عائق اجتماعي واساسي يمنع هالزواج

بتجلسين تفكرين بالعيال ولون بشرتهم!!!!!!!!!!!!!!


حكمي عقلك يااختي

والله يكتب لك مافيه الخير

 

[naoomi]

يعني وش أسمر من أتباع الشيطان مثلا !! ولا مو من بني آدم ؟؟؟؟؟
اللون مو عيب الله يهديك ويصلح بالك
استخيري
وعسى أن تكرهو شيئا وهو خير لكم

وش سالفتكم اليوم على الألوان
الله يهديكم بس ​

 

[قطـــــريه]

ارفضي وريحي نفسج .. واقعدي فبيت ابوج اذا شايفه ان اللون والمتن لها تأثير .. شوفي اختي انتي سمرا ولا بيضا ؟ لانها تفرق ممكن تكونين سمرا وقمحاوية هني اقولج ليش لا ؟ يعني اصلج اسمر وافقي دام الريال زين .. اما لو اصلج ابيض ما اايد تقبلين بواحد اسمر يعني مو سمار شمس .. وموضوع المتن اشوف انتي وايد تركزين عالمظاهر والشكل بصورة كبيرة .. واستغربت لمن قلتي (( اخواني فاجئوني فيه مواصفات ماحبيتها ولا كنت اتمناها )) يعني بلاها الغرور وانج ملكة جمال وكاملة المواصفات ممكن يكون فيج عيوب وشكلج مو لهناك بالنسبه له لو شافج .. فلا تحكمين وتخلين حكمج على هالأمور من هالجانب .. انا توقعت لقوا فيه شي كاايد لكن لمن قلتي مواصفات ماحبها وما اتمناها وطلعت مظاهر قهرتيني صراحة .. توج تقولين مايتقدمون لج وايد وكلهم فيهم عيوب ..

من رايي تقعدين فبيت ابوج ..

 

[شتتنيــ غيابهــ]

قطرييييييييييه خخخخخخخ شكلك عصبتي على البنت
وانا بعد نفس رااي اختي قطريييه اذا تهمك المضااهر تجلسي في بيييتكم الى ان ياتييك شبيه مهند او واااائل كفووووري
وحبيت اقلك حماااتي زووجها اسمررررررررر وسميييييييين وعيااالها نفس لووون بشرتها قمحي وترا هي واااايد حلووووه بس النصييب والحيين عاااايشه حياااة عز مهننهاااا ربي يحفضهم

 

[نجد..]

حبيبتي الله يسخر لك اللي فيه الخير والصالح انصحك بالاستخااااااااااره

 

[سموره22]

استخيري ومااتوقع انه مواصفاته سبب للرفض

 

[قلب الأحزان]

وعليكم السلام ورحمة الله وبركاته
نصيحتي لك الاستخارة ثم الاستغفاار الاستغفار الاستغفار
بنية اذا كان فيه خير ييسره ربي واذا شر يصرفه
ورب العباد اعلم بأحوال عباده هو اللي بيختارلك الافضل
والله يسعدك دنيا واخره
ويفك حيرتك ويلهمك الصوااب​

 

[ماليزيا]

وعليكم السلام ورحمة الله وبركاته

نصيحتي لك الاستخارة ثم الاستغفاار الاستغفار الاستغفار
بنية اذا كان فيه خير ييسره ربي واذا شر يصرفه
ورب العباد اعلم بأحوال عباده هو اللي بيختارلك الافضل
والله يسعدك دنيا واخره

ويفك حيرتك ويلهمك الصوااب​

الله يجزاك الخيييير ياقلب الأحزان كلامك جدااا منطقي ,
صاحبة الموضوع امشي على هذي النصييييحه

 

[خالة الجمان]

الله يجزى خير كل من ردت علي

بس اشفيكم عصبتم علي

انا قلت لكم اني متردده ما رفضته للحين ولا وافقت عليه

وقلت لكم عن بعض مواصفاته اني ماكنت ارغبها بالخاطب لكن مو معناه اني ارفضها واقدمها على الاخلاق والدين

اهلي هم الي شتتو افكاري لدرجه اني تهاوشت مع خواتي البارح

قلت لهم اهم شي الاخلاق والدين والسمار عادي لكن شنو علي هجوم

الحمد لله انا مؤمنه بقضاء الله وقدره ودائما ادعيه بأن يرزقني الزوج الصالح التقي

لكن مسئله التردد هي الي تخرب علي كل شي وكتبت لكم فقط لاني انا في دائره المشكله وماراح اشوف الصحيح من الخطأ واحتاج لتوجيه

مره ثانيه اشكركم جميعا

واللهم آمييين لمن دعت لي

 

[ماليزيا]

والله بصراحه القرار بيدك انتي وبس, طيب مين احلى خطيبك ولا اازواج خواتك ؟؟؟!!!!! يمكن هنا السر !!!!!!!! واسأليهم اذا متفشلين منه قدام ازواجهم عادي صارحيهم ,, اذا راعي صلاه ودين مايعيبه سماااااااااااره , هذا اللي عندي وبكيفك يااختي
الله يكتب اللي فيه الخير لك يارب

 

[كلي حنو]

لا فييه بعض البناات لا زم تبي موصافاات بشريك حياتهاا ..

لان صراحه حتى الرجال يشرطوون يبوون بنت كذا وكذا ..

يعني حتى الرجال يشرطوون واتحدى اذا من اللي هنا مافييه رجال ماقال ابي

موصفات زوجتي كذا والا ابيها تصير كذا ..

والا بس حلال عليهم وحرام عليناا ..

لان الزواج ماهو بيووم او يومين او شهر ..؟؟

الزواج راح يستمر معك الين ما الله ياخذ امانتك ..

واذا ع انه اسمر او متين ..

ترى بعدين البنت اذا حبت زوجها وربي تحب كل شيء فييه ..

حتى لو كان جيكر او ماتحبي تناظري فييه ..

اذا انتي بس حبيتيه وربي بتحبين كل حاجه فييه حتى لو كان اللي كان ..

ودامه اخلاق ومدين ..

توكلي ع الله وانا اختك ياغاليه ..

والله يوفقك ياارب في حياتك ..؟؟

 

[سـمـاء]

طيب وأذا ابيض واشقر ولو انه مستحيله
ومزيوون ياخذ العقل
وكل تصرافته تجيب الهم وترفع الضغط والسكر وكل الأمراض المستعصيه
ماشوف للجمال اهميه

واذا اسمر واخلاق هذا اللي بتجيب السعاده الزوجيه مو الشكل والحجم واللون

ولك الخيار

 

[أنا أنسانه]

استخيري ،، والله يوفقك ويتمم لك على خير

 

[الصداقه]

استخيري اهم شى وتوكلي على ربك

 

[نجمه مضئه]

استخيري بالنسبه للسمنه انتي تقدرين تغيرينه انا اعرف واحد سوى ربط معه عشان خطيبته
اما اللون لا تطاوعين اخوانك ترى الشباب مايعجبهم العجب استخيري والله يكتب اللي فيه الخير لك

 

[خالة الجمان]

الله يجزاكم كل خير كلامك ريحني وصدقوني زمان كنت بالمظهر حاليا يهمني معدنه ودينه واخلاقه

انا حاليا مقتنعه ادعو لي يتيسر زواجي

كل ماتقدم خاطب تتفركش السالفه وماتتم الخطبه

شكرا لكل من مر هنا سواء هزني ( لحتى اصحى شوي ):22:

او نصحني:20:

الله يرزقكم ماتتمنون عاجلا غير اجل

 

[ريانه*]

حبيبتي هذا وقتك .. ليش تتكلمين بأمور سمار سمنه؟
استخيري ربك
واذا هو اخلاق ودين يختي احمدي ربك ..
وانت قلتيها .. الي قبل متزوجين ولاهم بعد اخلاق ودين ..
استخيري وربي يكتب لك الي فيه الخير