ابي مشورتكم تكفون .. :(

[ليليان :$]

السلاام عليكم ..

حبيباتي انا حابة استشيركم بـ شيئين صغنونين :39:
الشيء الاول :

انا جآني خطيب وسألنا عنه والحمدلله كل شيء فيه تمآم التمآم
يصلي كل فروضه وما يدخن وبيتوتي وبآني له بيت وشاري له سياره من اول ما توظف وكل شيء تمام ..
بس المُشكله ان راتبه 3700ريال بس ،
انا مبدئياً مرتاحه للشخص نفسـه بس إلي خلاني اتردد بصراحه راتبـه اخاف ما يعيشنا زي الناس او شيء كذا

--

الشيء الثاني :

انا كنت من قبل مخطوبة لولد خالي وفسخت خطوبتي معه لآنه خآنني وآستغفلني مع بنت خالتي .. وحاول يرجعني مره ومرتين وثلاث ويقول انه ندمان ، والحين انخطبت للأول وبنفس الوقت ام ولد خالي كلمت آمي عشآن ارجع لـ ولدهاا

وولد خالي راتبه 5000 بس انه يدخن ويقولون يصلي وعنده سياره لكزس وآكيد راح اعيش مهاه بيت آجار :/

بصراحه مدري آحترت ، مع آني ارتحت للأول آكثر

وولد خالتي عايفته بس اختي تقول لي فكري ف المادة - يمكن الأول ماراح يعيشك زي ما آنتي ببيت آهلك والخ
وماما تقول لي اذا على ولد خالتك يمكن طيش وغلط هذيك الغلطه وآنتي لك حُرية الاختيار

ولد خالتي عمره 24
والثآني عمره 29
وانا عمري 21 :20:

آممممم إنتو وش تنصحوني .. هل فعلاً المادة آهم شيء ؟!






​

 

[والله مشتاقه]

ياااقلبى استخيرى اول شي
وثانى شي المـــــــاده مو كل شي في الحياااااه ياااما ناااس عندهم مااادة ونفووس تعبااانه وناااس ماعندهااا الى يمشي امورهاااا بس
مرتاااحين نفسين والله يوفقك ويكتب لك الى فيه الخيير

 

[صاحبة الليل]

حبيبتي خانك ومع قريبه لك عطيه بلوك على طوووووووووول أغلب المتزوجات يشتكون من الخيانه والفلوس ماهي كل شيء حبيبتي ويكفي ماعنده بيت ملك ترى الإيجار يكسر ظهر الرجال والأول عنده بيت ملك وراتبه 3700وولد خالتك راتبه 5000وبيدفع فيها للإيجار وهذا غير ميزانية الدخان اللي بيشتريه؟؟؟؟؟
وعايفته وش تبين فيييييييييه ومايجي من القرابه غير وجع الرأس !!!
ماخاب من إستخار صلي الإستخاره واللي قلبك يرتاحله إختاريه بس تبين الشوري حطي إكس على ولد خالتك​

 

[دانة الشام]

وعم تسألي كمان ومحتارة؟؟!!!!!!!!!!!!!!!والله لو ابن خالتي خاني وأنا مخطوبة مع بنت خالتي كمان لارميه متل ماارمي ثوبي البالي بدون مااتحسر عليه ولااندم حتى لو كان مليوووووووونير ....الغنى غنى النفس المال لايصنع رجال ولكن الرجال تصنع المال ...استخيري والخيرة فيما اختاره الله..

 

[الى الله امضي]

حبيبتي استخيري اولا

واذا الثاني راتبه 5000 وش بيبقى بعد الاجار والمصاريف ووين صلاته اللي مانهته عن الفحشاء والمنكر

ارى ان مواصفات الاول لا يعلى عليها الله يثبته ويكتب له الخير معك او مع غيرك

ووالله لو تعيشين تحت شجره مع زوج محترم ويخاف الله ويحبك لتحسين بسعاده ما بعدها

ولو تعيشين بقصر مع واحد ما يعرف ربه لتكونين اتعس وحده

فكري في الاول زين ونصيحه لا يضيع من ايدك تذكري الله بيده سبحانه يفتح لكم ابواب رزقه

 

[ايفوريا]

حبيبتي عمرها الماده ماكانت سبب لسعادة الزوجين
حبيبتي ياما بنات تزوجوا ناس بطرانين وفوق هذا حياتهم تعيسه
انا من رائي انك تختارين للي ارتحتي له
واذا ولد خالك من الخطوبه يخون وش بيسوي بعد الزواج
اولا واخيرا استخيري ربك
وانشالله خير
الله يوفقك

 

[ليليان :$]

فعلاا يا دانة الشام كلامك صحيح​

 

[الى الله امضي]

كمان لا تنسين النظره الشرعيه فيه كثير بنات كانوا مترددين لكن بعد النظره الشرعيه

يوم تشوف عيونه مبققه فيها توافق وهي بعد ما طلعت من عنده ههههه

 

[ملآمح طآغيه]

استخيريييييييي كثير كثير

وربي مع الاستخاره بيوجهك

وكثري استغفار وربي بيفرجها عليك وبيدلك للزين ان شاءلله

شوفي الزواج اهو الشي الوحيد ترتيباته واموره تخصك

ممكن انا اقول راي
وغيري راي
وغيري برضو راي
وتتلخبط عندك الاراء
وتمشين ع راينا وبالنهايه تتندمين ع قرار اتخذتيه من اراء

الاستخاره افضل شي

لا خاب من اسختار ولاخاب من استشار<<مو مرتب بس بما معناه

بس الاستخاره فوق كل شي


انا مثلن من رايي

الاول عومره 29 سنه وبصراحه انا جربت وتزوجت واحد عومره 24 تفكيره بزر مع انه رجل والكل يثني عليه

لكن للمواقف غير !!

29 سنه يفرق بكثير

ادري العومر مو دليل

بس بوقتنا هذا يالله ينظجون الرجال ..

وبالنسبه للاول ماديته احس مثل الثاني
لانو الاول عنده بيت وسياره وراتبه بس بيكون لكم

الثاني 5000 وبيت ايجار راتبه بيتقسم ع ايجار البيت وعليكم

ف احس موضوع الماده بينهم سوا ماتفرق !!

ولد خالك تقولين خانك والمؤمن مايلدغ مرتين



هذا مجرد رايي الشخصي ولك حرية الاختيار

لكن الاستخااااااره ماتخلينها حتى لو تملكتي
كل يوم استخيري

ولله يختار لك الي فيه خيره لك والي بيسعدك وبتعيشين معه براحه

: )​

 

[ليليان :$]

آكيييييييييييييد لابد من النظره الشرعيه

هو بصراحة انا شفت صورتة بس هو ما شافني للان
وودي آنه يشوفني عشآن يرتاح وارتاح انا كمآن ..

بس آنتو ادعو آن ربي يتمم لي على خير ويوفقني​

 

[ملآمح طآغيه]

صح لما قلت لك تزوجت 24

بجد ندممممت اني خذت صغير

والناس مالها الا الظاهر وبس : )​

 

[سمرء غير]

طيب انتي تقدري تنسي انو خانك ومع بنت خالتك يعني مو وحدة غريبة وما تعرفيها يعني بتشوفيها فى اي مناسبة واعتقد الوضع حايكون صعب فكري واستخيري والمادة مو كل شي اهم شي انو كويس خذوهم فقراء يغينهم الله الله يخترلك الخير

 

[ليليان :$]

بصراحه كلامكم عين العقل وجداً ريحني - الله يريح قلوبكم .

ماتتصورون قد كآن تفكيري متشتت ، كل ما اسأل احد من اهلي يجاملني ويقولون بكيفك آنتي شوفي إلي يريحك . محد فيهم يعطيني رايه على بلااطه .

الله يسعدكم