ابي حل مع زوج يشاهد افلام اباحيه لاتطنشو ارجوكم

[تعبت والله]

عزيزات عضوات بلقيس



زوجي كذا مره احصل عنده افلام سكس بالجوال

وواجته يمكن كذاا مره وكل مره تنتهي بصيااح
وفي الاخير يقولي ادعلي ان ربي يهدني لاني عند فضول للاشياء هذي


واليوم صدفه لقيت ذاكره فوق المكتبه سالته لمين الذاكره قالي هذي لصاحبي
طنشت عادي قلت باشوف النهايه معاه

وباليل طبعا جاب فرش وبطانيه قال ابنام اليوم وحدي استغربت وقلت يمكن يبي يغير على فكره اول مره يسويها
بس كنت احس انه في الجوال حاجه اخذت جوال منه سالني ايش تبي منه قلت ابي اتصفح النت قالي روحي اجلسي على الكمبويتر
طنشته وقعدت على السرير وتصفحت النت ودخلت على الاستوديو الا والقى افلام وصور اباحيه
رحت عنده سالته الذاكره حقت مين قلي حقت اخوي انا ادري انك تبي تفتيش وقام يصااااارخ

قمت قلت له خذ وصاخه هذاي وحسبي الله ونعم الوكيل فيك وفي صاحبك انقهر مني وقام زعق وانتي وانتي طنشته وحطيت راسي ..

بس ماني عارفه بكره ايش اسوي ابي احط حد للموضوع ؟
انا مليت من حركاته وانا لسه صغيره عمري 20 وماعندي اولاد

وماريحت في الجنس بالمرررررررره بس الحين عندي الدوره...

 

[تعبت والله]

لاتطنشوووا ابي حل قبل مايصحي يعني ايش اسوي معاه اتكلم والا اطنش ولا اعبره؟؟

 

[تعبت والله]

ولارد ماتوقعتها يابلقيسيات
جزاكم الله الف خير

 

[أميرة الغالي]

فديت قلبج يالغالية

انه بقولج رايي .. وانشالله اقدر افيدج

اول شي حطي في بالج ان زوجك ماهو انسان سيء .. هو بس عنده
مشكلة تقدرين تقولين نفسية
يعني مثل المريض ومحتاج علاج
والمريض ما نقدر نخليه لحاله يتعافى .. لازم نوقف جنبه ونساعده
بس طبعا على حسب الحالة تختلف المساعدة والعلاج

ثاني شي انتي منتي الوحيدة الي تعاني من هلمشكلة
اغلبية الرجال يميلون الى هسوالف بس كل واحد وضميره
وقربه من ربه وشطارة زوجته انها تحل معاه المشكلة

بس هالكلام مو معناه انج تستهينين بالمشكلة لان ياما بيوت انهدمت
من تحت هالافلام الاباحية


ما راح اقولج انتي ما تعطينه حقه او ما تتعدلين له كفاية
لان ممكن يكون هذا احد الاسباب بس الرجال مرات لو مرته
احلى وحدة بدنيا عينه تطيح على الحرام ولو وحدة تلوع الجبد
يطالعها في الافلام


المهم مابي اطول عليج ..

انتي الحين لازم تاخذين موقف ..
لازم تعرفين زوجك كان يطالع هسوالف من متى تقريبا
يعني قبل لا يتزوج لو من بعد الزواج
الشي الثاني .. ربعه هم الي يعطونه الافلام لو هو الي عنده و يعطيهم
تقدرين تعرفين طبعا من بعد رجعاته من عندهم بتلاحظين التلفون
معبى لقطااات

قربيه من ربه .. يعني صلو مع بعض
او ذكريه بصلاة الجمعة
او اذا عنده من اهله احد متوفي اقرو له الفاتحة مع بعض
بأي طريقة حاولي تشجعينه يسوي شي لله

انتي نفسج و حتى لو ما كان هذا الشي سبب
بس عشان ما ياخذها ضدج نقطة ويقول لان انتي ما تلبسين لي او ما تسوين لي

خذيه معاج يختار لج ثياب نوم و شوفي انتي اي نوع من لبس النوم الي يعجبه
وبتعرفين اذا كان يحب البنت الجريئة او شي ثاني مثلا
الرجال عموما لما يسوي الشي الغلط مرات لما ما يبي يعترف انه غلطان
يلبس الغلط احد غيره
ويقول انتي ما كنتي تهتمين
جددي الجانب الجنسي من حياتكم
شديه لج انتي خليه ينغري فيج مو يهدج عشان يطالع احد بالتلفون او التلفزيون

انه ما اقول ان الزوجة مجرد وسيلة للجنس .. المرأة احساس وعاطفة
بس احنا لباس لهم
وكل رجال رغباته وطاقته الجنسية تختلف
لو زوجك من النوع الي وايد يحب الجنس
وفري له الشي انتي بالحلال

طبعا انتي لازم تبينين له هالشي يضايقج لانج تحبينه
وتغارين عليه
وما تحبين عينه تشوف جسم بنية غير جسمج
وقولي له من الكلام
بس مو تقلبين الدنيا على راسه
لانه يعرف الي يسويه غللللط و لما تكتشفين كل مرة انه قاعد يسويه
بيقلب الدنيا عليج قبل لا تقلبينها عليه

انتي بعدج صغيرة اقري وتثقفي عن الرجل و تفكيره وشلون تتعاملين معاه
الرجال ما يحب احد يواجهه بالغلط مباشرة
او تلومينه
خذيه بالسياسة و بالعقل
عشان تريحين بالج وتحلين مشاكلج
بس اذا انتي معصبة و متوترة ما بتعرفين تتصرفين

والله يهديه

 

[ماء الهنا]

حبيبتي اذا تبين رائي لاتكلمينه انتي ماخطيتي بحقه وبنفسك معترفه انك مشبعته من ناحية الجنس صدقيني اذا راق راح يجي لمك ويكلمك لانه يدري انه على غلط بس اذا كلمك كلميه بهدوء وقليله بالحرف الواحد انت ترضى اني اشوف اللي تشوفه انت بتصرفاتك هاذي تجرحني وتطعني مع ظهري وذكريه بالله وعقابه وان يمهل ولا يهمل حطيه بهذا الموقف قوليله تخيل انك تناظر المقاطع وتقبض روحك كيف تقابل رب العالمين وانت عاصيه الله يكون بعونك ويسخرلك زوجك يارب​

 

[أميرة الغالي]

اذا حسيتي ان ربعه لهم دور .. حاولي تعرفينه احد زين
من اهلج مثلا
او عرفيه على زوج صديقتج


ترى الزواج لازم تدخلينه و في يدج بطاقة صبر
و هذا بيتج يعني حتى لو تعبتي واايد في الحل
بنهاية انتي الي بترتاحين

 

[بيرلا ليتشي]

الله يهديه ويصلح من شانه
لاتنبرين ورا اريال تراج بتربطين راسج بليا وجع
الريال بحر عميق فلاتتدخلينه لانج بتغرقين
تكفيه النصيحه وخلاص

 

[أميرة الغالي]

انه حاسة فيج والله .. مريت بهلموقف
بس لما تكلمين الرجال و تعرفين يمكن عنده
اسباب
مو كل رجال يجي ويقولج تعالي يا مرتي انا كم هالشي متضايق
او انا هالشي .. الخ
انتي خذيه و كلميه بحنية

وحطي في بالج ان مو من اول مرة يعني خلاااااص
ما بيسوي هالشي مرة ثانية ابدااا


لان في ناس توصل لحالة ادمان الافلام الاباحية

يعني كل عقب لو سويتي هالي قلته كله

ثاني مرة لما تشوفينه يطالع

ذكريه انك وعدتني و انت رجالو عند كلمتك
وخليه موقفج اقوى شوي


بس ترى سمعي مني .. الاصدقاء لهم تاثير كبير
ما اقدر اقولج منعيه من ربعه اذا يحبهم ما راح يتكرهم
بس عرفيه على ناس عدله

شغلي وقته معاج لا تصير حياتكم روتينية لدرجة ان
يبي ينام بروحه
خططي لبرامج معاه
طلعو عالبحر
روحو تعشو
طالعو فلم مع بعض
تقربي منه شاركيه اهتماماته

بعد شتسوين هذا زوجك واحنا يختي اجرنا عند الله

وصدقيني بيترك هالعادة السيئة بس انتي ساعديه وتصرفي صح

 

[سمراوية حلوة]

الله يعينج ويهدي زوج

 

[أميرة الغالي]

انا ما كان قصدي تنبر ورا الرجال
بس مجرد انها تعرف المشكلة وين
اذا اصحابه اصحاب سوء مثلا
وكلامج صح يا بيرلا الرجال بحر عميق
ومو كل شي لازم تتدخل فيه
في اشيا لازم تخليها في حياة زوجها خصوصياته
بس لما هالاشيا تجي تهدم بيتها لازم تتصرف
والنصيحة حلوة بس لوحدها ما تسوي شغل

النبي امر لما الياهل يكبر وبعد ما يصلي
من عقب النصيحة و التوجيه ينضرب
الدين مافيه اكراه ابداا لكن في اشيا الواحد
لازم ياخذ موقف فيها

 

[أميرة الغالي]

يمكن إني اقول لها تفتش في تلفون زوجها
صعبة شوي ..
بس اذا اهي تقدر تعرف بمجرد الحوار معاه
من وين تتوفر له هالافلام
او اذا بدون ما تناقش تعرف ان اصحابه فيهم حركات


انا ما اعرف حياة البنية بضبط ..
وبيئة حياتي تختلف عنكم ..
بس اهي لو مو من اول مرة شافت في التلفون ما كانت بتعرف اصلا

يعني لو بعد ما بتشوف التلفون ابدا ما يندرى شالوحدة تشوف

انا ما اقول الوحدة تصير مدير فوق راس زوجها
بس كل واحد في الدنيا اذا ما حس ان في رقابة
بيصير تسيب
واذا مافي عقوبة كل واحد بيسوي الي يبيه
احنا لو ما ندري ان في جنة و نار كان كل واحد
عاش بمزاجه

خير الامور الوسط ..
وفي ظروف هالزمن الوحدة لازم تحط عينها على زوجها

 

[سمراوية حلوة]

الله يعينج ويهدي زوجج ان شاء الله

 

[تعبت والله]

هلاوالله باميره الغالي
مشكوره على كل كلمه كتبتبه
وانشالله في موازززين حسانتك
شكرا لكن اخواتي وبارك الله فيكن