ابي حل شورو علي

[انين الفراق]

ابدا مشكلتي منذ الطفوله ابي متزوج من زوجه اخرى ولا يسال عنا ولايهتم بنا وامي مسوله عنا منذ الصغر صحيح ان جميع طلباتنا مجابه لكنني لم اذق طعم الحنان في حياتي وكنت منذ طفولتي العب مع بنت جيراننا صديقتي مره عندنا مره عندهم وكانت امي تضربن وتجبرن انام وانا ابكي كبرت ودخلت المرحله المتوسطه كنت اذهب للخباز على رجولي وكنت اروح لوحدي والخباز بعيد وكبرت ودخلت الثانويه وقربنا شوي وكانت ترسلن للمخبز الساعه ست الفجر بعد الصلاه مباشره مابين مشاعرالخوف والخجل لاني وحدي بنت واقفه والباقي رجال وبعدين كبرت ودخلت الجامعه وانخطبت وتزوجت وجبت ولد وبنت وتطلقت من زوجي بسبب سحر تفريق لانه وحده من قريباته تبيه وفرقت بيني وبينه ورجعت لبيت العز وجلست ثلاث سنوات وكنت موظفه طلبت اجيب شغاله وانا ادفع راتبه ورفضت وطلبت اجيب سواق ورفضت وكل يوم مشاكل ووجع راس واضطريت اتزوج هروبا من حياتي وكنت كالمستجير من الرمضاء بالنار واخذت واحد واخدعن على اساس معه ام عياله فقط لكن متزوجه وحده سوريه ومخبي علي وجاب لي ورقه طلاقها كذب وبالاخير جابها للسعوديه وسكنها عندي تحملت بالبدايه وصبرت لكن بالاخير طفح الكيل سوى نفسه مريض وانه مايبي الحريم وانه تعبانه ويبي يطلقن ويطلقه وفعلا طلع من البيت وطلقني بس ماطلقها وانا الان لي سنه وثلاث شهور مطلقه ومادريت انها معه الاقبل ثلاث شهور وحسبنا الله ونعم الوكيل انا ماجبت خبره لكن القهر شين ودي ربي يرده لي ذليل ويعرف ان الله حق طبعا هو مستحيل يطلقه لانها لاعبه فيها لعب هي وامها سحر وموخر وبلاوي شوروا علي احيان يلعب علي ابليس افكر انتقم منها لانها احرمتني من زوجي وشتت حياتي بس مااكذب عليكم اذاتذكرت الموت اخاف من الله ماودي بالحرام وش اسوي ياناس قاهرني هو واياه ودي اربيهم علشان يعرف ان الله حق شورو علي يابنات وش اسوي وجزاكم الله الف خير​

 

[دمعة الغيمه]

هذا نصيبك من الدنيا كتبه الله عليك ارضي بما قسمه لك خالقك

 

[~أحزاان العمر~]

حبيبتي

ابدآ لاتناظري وراك اتركي كل اللي صار وخلي عينك للمستقبل صدقيني لا الانتقام راح يبرد قلبك

ولا اي شي غير رب العباد

ادعي الله ان يوفقك ويجيبلك نصيب احسن من اللي راح

فكري بنفسك وبعيالك احسن ماتفكري بالانتقام كذا راح تضيعي عمرك على شي مايسوى

اللي باعني ابيعة واحاول احسن حياتي واخلي اللي تركني هو اللي يتحسر ماهو انا

ربي يوفقك ان شاءالله

ويسعدك ويشرح صدرك يااارب

تقبلي مروري عزيزتي

 

[رجه بدلع]

حبيتي الله يكون بعونك وانسى اللي فات