ابي حل سريييييع بلييييز

[البنت وامها]

:icon1366::icon1366::icon1366:عزيزاتي بلقيسات مملكة بلقيس

انا من خمس سنين متزوجه لي الحين ما اعرف اتفاهم مع زوجي او اتناقش معاه باي موضوع
دايما اخاف يعصب او يتهاوش لانه من النوع اللي اذا عصب بسرعه يمد ايده واذا حاولت اتكلم معاه يقول "غبيه"
وما ادري شنو المواضيع اللي يحب اتكلم فيها والحين صارت حياتنا وايد جامده وبكل شي وكل واحد فينا ماله خلق يقعد مع الثاني​

بلييييييييييز ابي حل لاني تعبت من حياتي معاه مع العلم ان هالشي صار ياثر على عيالي ونفسيتي
:icon1366::icon1366:​

 

[سلامي26]

المفروض هالمدة تكفي أنج تعرفين زوجج شو اللي يحبه واللي مايحبه وحاولي تتأقلمين معاه

الله يفرج همج

 

[أميرة الالماس]

ينقل الى لاستشارات الزوجية العامة

 

[البنت وامها]

حبيبتي(سلامي 26) مشكوره على الرد
بس كثر ما اهو عصبي ما احب اتكلم معاه ودايما يحسسني اني اقل منه مع العلم ان شهادتي العلميه اعلى من شهادته
بس انا نوعي شخصيتي مو وايد قويه
وثقتي بنفسي قليله وهالشي وااايد مضايقني

 

[صمت لأيام]

طيب حبيبتي شوفي هو ايش يحب يتكلم فية وتكلمي معاة وانتبهي تبيني انك تخافين من عصبيتة علشان ما يتمادي خليكي واثقة من نفسك وشوفي زوجك ايش نمطة وتعاملي معه موفقة اختي

 

[البنت وامها]

وايد حاولت اني اسايره باللي يبيه بس انا طريقتي غير عنه اهو وايد جريء ويحب الجرأه وانا وايد استحي اني اصير بهالطريقه على فكره انا ما اقول الغلط كله عليه ادري ان فيني وايد اشياء غلط بس مو عارفه اغير بنفسي

 

[سلامي26]

الله يعينج أختي بس حاولي مافي إنسان كامل الكمال لله بس الواحد فينا يحاول يصلح من حاله قد مايقدر
يعني حاولي تصلحين أخطائج قد ماتقدرين والبااااااااااااقي على الله

بالتوفيق

 

[مشاعر ضائعه]

نفس مشكلتي والله
الشخصيه الضعيفه دماااار لصاحبتها
بالله اعينونا بحلول تنفعنا

 

[البنت وامها]

نفس مشكلتي والله
الشخصيه الضعيفه دماااار لصاحبتها
بالله اعينونا بحلول تنفعنا

:sadwalk: انشالله بس والله تعبت ووايد صايره افكر بالطلاق بس بس بعدين اقول حرام اشتت العيال :sadwalk:​

 

[سلامي26]

الصبر مفتاح الفرج

 

[ملكة عرشي]

الله يعينك ويعينا انا كمان اعاني بس ما كتير لان زوجي ليس دائما عصبي ولكنه لااااااااااازم يمشي رأيه حتي لو كان ما مقنع المهم كنت مثلك في اول حياتي معاه بس شوية شوية اصبحت اقوي من شخصيتي واتكلم معاه بكل ثقة نفس وهو مرة يرضخ ومرة لا لكن مرااااااااااات يعصب لدرجة يقول كلام غير منطقي
عزيزتي الرجل عندما يعصب لا يدري ما يقول وعندما يهدأ يندم علي ما قاله بينه وبين نفسه لذا عندما يعصب لا تتحدثي اصمتي واتركي له المكان وعندما يهدأ تحدثي معه اثني عليه في الاول ومن ثم ناقشيه بهدوء وقوة
انا كنت عندما يعصب زوجي اسكت لكن عندما يتمادي اقول له لكمة واحدة نحن لسنا اعداء انا لا اكرهك ماذا بك
فيصمت واحسه يندم ولكن كطبع الرجال لا يعتذر
حاولي بكل الطرق ولا تيأسي الله معك

 

[الجواااان]

طيب انتي حاولي تبتعدين عن السوالف اللي تنرفزه

 

[مون لاي]

حبيبتي حاولي تكسرين الحاجز الي بينكم وتقربي منه ولازم تكون لك ردة فعل اذا مد يده عليك من اول مره علشان الضرب مايتكرر وحاولي تقوين شخصيتك وانشاءالله تهدا الامور

 

[لوليتا*]

بصراحه انا من رأيي انك تقوين شخصيتك الاول عشان تجبرينه على الانصات
وبعدين اذا تقدرين في البدايه تصفحي النت وانتي معاه واي خبر تقرينه يشد الانتباه اقريه عليه بدون اي تعليق واذا علق باي شي كوني معاه عالخط يعني رايك من رايه لا تخالفينه
صدقيني بتعجبينه وبحب يتكلم ويتناقش اكثر معاك
هم الرجال كذا بس ارضي غرورهم وامشي معاه عالخط على طول لا تقولين لاالمفروض كذا وكذا
لاوخصوصا انه مايتقبل وهذا مو معناته ضعف شخصيه معاه بالعكس
اذا مافي سواليف جيبي العاب والعبوا سوى زي مونوبولي مثلا تراها فنانه
او كتشينه
وبخصوص الضرب هل فيه احد من اهلك بيوقف في صفك لو عرف بمسأله الضرب هذاي
اذا الجواب ايوه لاتخلينه من اول ضربه ووقفيه عند حده عشان مايتمادى واذا مافي اخد بيوقف معك
احتسبي الاجر وادعي
اصلا في كل الاحوال الدعاء لاتقطعينه
كام فيه احد الصحابه لمن يخلص الملح من بيته يدعي ربه انه يرزقه الملح
والله كان يلاقي الملح في مكان في البيت
احنا زي الطير ربي يرزقه احنا ضعاف وكل هالرزق من الله مو شطاره منا
والله يوفقك حببيتي
ولا تنسين حبي نفسك يحبك ومو لازم تتكلمون عشان تحبون بعض احيانا الصمت ابلغ من الكلام

 

[نووودي3]

صادقه اختي الحرمه لما تتكلم مع الرجال مايعطونها وجه دعواتنا لك اختي واطفاللك كل شي يهون ولا تشتتيهم والله يعينك حاولي انه ما يمد ايدة عليك والله المشاكل تاثر بالاطفال اساليني انا مجربه لان الوالد الله يهديه لا الان يمد ايده على امي واحنا صرنا ضعاف شخصيه وما اقدر ارد على احد اذا غلط علي ياليت احد يساعدنا والله ياليت بس وحده قالت عليك بقراءه القران وانشا الله يفرج همونا جميع

 

[البنت وامها]

مشكورين وايد حبيباتي على تفاعلكم معاي
احنا ببداية زواجنا كنا نلعب الاونو والمونوبولي ونطلع مع هذا كان يعصب
بس من الله رزقنا بالطفال وايد تباعدنا عن بعض
(نووودي3) انا بعد ابوي كان يطق امي بس امي ما تحملت وتطلقت بعد فتره
لاني جربت العيشه من دون اب ما ابي عيالي يعيشوا بهالماساة