انا متزوجه من زوج عصبي ولا يهتم فيني ولا في عيالي وانا ساكنه في مدينه واهلي في مدينه اخرى وانا موظفه وزوجي عنده قطيع من الابل في البر وكل يوم يطلع من العمل ويذهب الى الابل ولايرجع الى الساعه 9 ليلا واذا قلت ليش كذا تهملنا ولا تهتم ببيتك يقول انا شايفتني حرمه اقعد بالبيت انا رجال غصب على الي مايرضى انا علمت اهلي بالمشكله وقلت لهم تعالو عشان تتفاهمون مارضو قالو نكلم واحد جاهل ويجبروني اني انتقل مديتهم وانقل وضيفتي عندهم يقولون عشان يحس بقيمتك واتركي عياله علشان يتحمل المسؤليه ويخضع لكي لاكن لو تشوفونه مع ربعه واهله واحد ثاني يسولف ويضحك وبيته يبخل علينا الضحكه والسوالف حتى اغراض البيت ينقط علينا ويحسب علينا بالرغم الابل يسرف عليهم بشكل غير طبيعي اكلهم وعلاجهم ويشتري الابل بمبالغ قويه وعنده عامل في البر يعطيه الف ريال في الشهر ويوم قلت له جب لنا سواق قوم الدنيا وقعدها مره يقول لي بعد سنه بجيب ومره يقول بعد سنتين ماتعرفين له تصرفاته فيها اعوجاج لو تشوفونه رجل طبيعي بس تصرفاته غير طبيعيه واذا رحنا مدينة اهلي انا عندي شقه فوق اهلي اجلس فيها لوحدي مع اطفالي وهو يجلس بيت اهله ولا يرضا لي اجلس معاه عشان اخوانه ولا يرضى يجلس معاي انسان فيه عواجه كيف اتصرف معاه ودائما ماينسى الغلط الي مني بس ينسى الشي الزين الي سويته ويواعدني على اشياء ويخلفها كيف اتعامل معاه