ابي بنتي !!!

[غرور حبيـــبي]

السلام عليكم
انا بدخل في الموضوع
بناااات تكفون عطوني طريقه اقدر اخف غيرة ريلي و شكه :4:و الله خلاص مااقدر اتحمل قبل شكيت لكم و بنات ماقصروا بردود و قالولي عادي غيرته دليل انه يحبج بس و الله غيرته مب حلوه يعني البارحه صار موقف يوم ريلي رد من الدوام انا كنت قاعده مع اهله تحت قالي شلي البنت وروحي فوق رحت وانا ساكته عقب مافشلني جدامهم و انا رايحه اسمعه يقول حق امه قولولي الصدق هي طلعت برع البيت و لا لا طبعا امه اتعرف ولدها كيف قالتله لا و انا فعلا ماطلعت برع و عقب يا عندي في الحجره قالي ليش ماكنتي اتردين على التلفون قلتله تلفوني بطاريته ضعيفه خليته في الحجره عشان ينشحن و نزلت تحت قالي انزين انتي ليش قلتي انا ارتاح يوم ريلي يروح عند حرمته الثانيه انصعقت كيف عرف اني قلت هاالشي و انا كنت قايله جدام حرمت اخوه قالي انا سمعتج و انتي اتقولين يعني لاتنكرين
قلتله هيه قلت هاالكلام بس مب بطريقه اللي انت فهمتها قالي انا ماابي اسمع شي حاولت افهمه و اول مره و الله من تزوجنا صفعني و اللي تحت سمعوا ويوم امه يت قالها من اليوم ورايح محد يروح عندها و لا يكلمها امه حاولت اتفهمه بس ماطاع ورد الحجره قال انا اعرف كيف اعاقبج يابنات خذ بنتي و راح عند حرمته الثانيه و الله بمووووت من دونها تكفووون يابنات ابي حل عجزت وانا ادق عليه يقولي مابيردها والحين كملنا يوم كامل :4:امه تتصل فيه بعد مايرد و الله احس بيصير فيا شي و خاصه اني حامل ظهري وااايد قام يعورني مب قادره اوقف والله تكفوووون ساعدوني
الله يخليكم مااعرف شو اسوي؟

 

[دلوعه مزاجيه]

انتي الله يهديك ليش تتكلمين فيه عند زوجة اخوه-مو حلوه لا بحقك ولا بحقه
ثاني شي هو عرف نقطة ضعفك زوجته الثانيه فحاول يعاقبك فيها
وبالنسبه للجوال اختي انت اكيد عرفتي لاطباع زوجك فليش ماتبعدين عن الاشياء الي تغضبه وتجنبيها
انا زوجي لو ماارد من ثالث رنه فضحني-تشوفيني دايم الجوال بيدي بس عشان ابعد عن المشاكل
الله يهديه ويسخره لك-اكثري من الاستغفار والدعاء كرري بسجودك((اللهم اسالك رضاك والجنه))
وارسلي لي رسائل اعتذار واذكري مدى حبك له وشوقك له وان الدنيا ماتسوى وهو زعلان
ولا عاد تكررين كلامك عنه من وراه لانه اكيد ماراح ينسى بسهوله
الله يصــــــــــــــــــــلح مابينكم

 

[ام لموووو]

لاتخافين على بنتك اكيد عند ابوها وبيخاف عليها وبيردها لك تفاؤلو بالخير تجدوه -انتي لاتفكري بالسلبيات انه راح يصير لها شي لانه لو فكرتي بكذا راح يصير لها -تطمني بس انتي لاتدقين عليه وطنشي سوي نفسك ماهمك وراح يجيبها بس لو اتصلتي وطلبتيها راح يعند طولي بالك وبترجع لك ومن ناحيه الغيره وربي اعرف وحده تقول ليه زوجي مايغار علي شكله مايحبني زوجك اكيد يحبك -وانتبهي تتكلمين عنه عند احد يمكن زوجت اخوه وصلت له الخبر وهو ماسمعك

 

[دمعة أيام]

الله يعينك وليش بس مسكن مرتو التانيه بشقه لحالها
وانتي عند اهلو؟؟؟
ليش ما بتطلبي حقك متلها؟؟؟

وبالنسبه للبنت بعرف انو صعبه الوحده يبعد عنها ولادها
بس ما عندي حل غير استدعيلك انو ربنا يحنن قلب زوجك عليكي وعلى بنتك ويردو الك محب ودود ومطيع لك


وما تأمني تحكي قدام حدا عن زوجك ولا عن غيرو بس بالمنيح احكي وبس

 

[غرور حبيـــبي]

مشكووورين حبايبي بس انا ماتكلمت بطريقه سيئه انا قصدي تعبت من غيرته لا اكثر و لا اقل
و موضوع حرمته الثانيه هي متزوجنها قبلي و انا الثالثه و توني سنه تسع الشهور و الله مرتاحه بين اهله يعتبروني بنتهم وكله واقفين معايا انا لو اسكن وياه روحي جان مت من زمان

 

[زوجة المسافر]

الله يرد لك بنتك ياااااااارب
ويسخرلك زوجك يااااارب

 

[غرور حبيـــبي]

امييييييييييييييييييين يارب

 

[عذاب السنين]

وش فيهم ذالرجال أنهبلو
وليه الصفعه وليه الإحراج عند أهله
وليه أخذ البنت !!

خير أن شاءالله تقولين بزر
بعدين بالنسبه للجوال مافي احد لاصق فيه 24 ساعه
وخيييير يسأل أهله هي طلعت !!
هذا أسمه شك مو غيره هذا مرررض
يابنت الناس من البدايه حاولي تعدليه
ولاتعطينه وجه عليم يتمادى
بالنسبه للكلمه اللي قلتيها
(لو متأكده ماكان موجود وقتها )
أسألي زوجة حماك ( أو ) لمحي بالكلام
قولي مدري من وصل له حسبي الله ونعم الوكيل
عشان تتووب وماعاد تفتن بين الزوج وزوجته
.........

ماأقول الا الله يعيييينك
ويرجع لك بنتك
موفقه​

 

[نوتيلا لمار]

الله يفرج همك
إجلسي معاه جلسة مصااارحه شوفي ليه كذا شاك وإش اللي مايخليه يعطيك ثقه​

 

[سنابل خير]

عزيزتي ..

مهما يكن مابينك وبينه من خلافات ..
لايحق له أن يستغل صغيرتك أداة ضغط عليك ..
ثم ما ذنب الطفلة ان تحرم من امها ..
هل هو عقاب للأم أو للإثنين معاً ..
لا ترضي ان الموضوع ينتهي بدون أيقافه عند حده ..
وبتقرير واعتراف منه بخطأه في أن هذا تصرف مشين .. ولن يكرر ..
والا سوف تكون حياتك سلسة من التهديدات المشابهة ..
فقد جاء في الحديث
عن ابن مسعود رضي الله عنه قال.. كنا مع رسول الله صلي الله عليه وسلم في سفر فانطلق لحاجته
فرأينا حُمّره (أي طائر) معها فرخان.. فأخذنا فرخيها فجاءت الحُمّرة تعُرّش.. فجاء النبي صلي الله عليه وسلم فقال "من فجع هذه بولدها؟؟ ردوا ولدها إليها" (صحيح الجامع).
ابعثي اليه الحديث في رسالة .. وقولي له اطيع رسول الله ..
عسى ان يرق قلبه ويخشى الله فيك ..
اطلبي من امه اتأمره بإعادة ابنتك ..وإلا استعين بوالدك ..
ولاتنتظريه يردها من تلقاء نفسه .. لابد ان يرى تصرفاً منك ..
ختى لايعاود الكرة ..
رد الله لك وليدتك .. وطمئن قلبك عليها ..​

 

[غرور حبيـــبي]

يزاكم الله خير خواتي
بنات توه ابوه يعني عمي اتصل في ريلي قاله يرد البنيه رد عليه انه الحين فاضي و طرشلي مسج عشان مره ثانيه اتعرفين اتردين على تلفونج اترجيته عشان يرد بنتي قلتله اللي تباه بسويه رد عليا بفكر و الحين كملت ساعتين بس مااارد و لا ياب البينه . مااعرف شو اسوي و الله احترت ريلي من النوع اذا عاندته ولا طنشته هو بعد يعاند

 

[عشق النعومه]

ربي يصلحه ويرجع بنتك بس حبيبتي خذيه درس لاعاد تتكلمين عنه قدام اهله حتى لو زوجة اخوه بس اجلسي ومدحي فيه لا تبينين سلبياته ربي يعينك ويصبر قلبك ياراد يوسف ليعقوب رد لها بنتها
​

 

[saniaend]

مع الحكيمة سنابل خير كلامها عين العقل هذا انسان عديم المسؤليه كيف يتخذ بنتك وبنته لحمه ودمه اداه رخيصة لتاديبك كيف لا يراعي ما الم بها من العنف العاطفي الذي وقع عليها فالعنف ليس فقط ضرباً بل هناك ما هو أسوأ من ذلك يا رب والله قلبي عورني عليك لازم تاخدي موقف قوي بعد فرج الله همك

 

[همسات الدجى]

الله يرد لك بنتك ويهدي لك زوجك