ابي النصيحه جزاكم الله خير

[nosa_76]

قصتي باختصار اني مطلقه وعندي 3 اطفال من فترة 3 شهور تقريبا تعرفت علي ر جل مطلق وعنده 3 اطفال المهم كلمته 2شهرين وبعدين قالي انه بيرجع زوجته ام عياله بعد سنتين انفصال وانه بيرجع عشان عياله من يومين رجع اتصل علي وسال عن اخباري وانا سالته عن اخباره فقالي انه تعبان ومو مرتاح وانه ندمان انه رجع لزوجته واتفقنا انا نسولف مع بعض بس للفضفضه وانه كل واحد يشكي لثاني .............. الي سويته غلط ولا صح الرجال مره محترم وله معزه خاصه .......... وبس ابي رايكم

 

[عـروق الـوفـا]

احسن شي ابتعدي عنه
لان وجودك راح يخليه يحس بالهم مع زوجتة
مدام رجع لزوجته انسحبي
وزين ما تزوجتيه كان جابه عليك
ابعدي عنه
وربي يرزقك برجل افضل منه

 

[جوووووودي]

اللي صار صار ,,
بس خلاص لا تكوني انتي سبب في خراب بيته

الحين هو بيقارن بينك وبين زوجته .. واكيد انتي احسن منها في نظرة

يعني هو بيكلمك علشان يفضفض .. علشان يبغى احد يفهمه ويرتاح معه

شوي شوي تتطور العلاقه ,, حتى لو ماكان فيه حب او مشاعر

بس كونه يلجا لوحده ثانيه غير زوجته هذي فيها ...!!

وانتي كنتي متزوجه وماترضيها على زوجك ... حتى لو كانت من باب الصداقه !!

خلاص ياقلبي اللي صار صار ...
وان شاء الله ربي يرزقك بالزوج الي يعوضك عن طليقك وعن الف واحد غيره

انتي قولي له انك ماتبي تكوني طرف في خلاف بينه وبين زوجته .. وحتى لو حاول يقنعك قولي له انك ماترضيها على نفسك لو كنتي مكان الزوجه
وصدقيني ( من ترك شيئا لله عوضه الله خيرا منه )

 

[وجن ~]

موب غلط واحد إلا غلطيتن عمرك شفتي حرمه تكلم رجال ماتعرفه وانصلح حالهم
بالعكس إلا كل المصايب والمشاكل من هالمكالمات مهما كان الشخص اللي قدامك محترم
وله معزة وتقدير هو بشر ولابد يستهويه ابليس ثم لاحظي إن اللي سويتيه أول شئ حرام ثاني شئ كل البلى من هالمكالمات نصيحه لاتحفرين قبرك بيدك

 

[مايصحش هالحتسي]

اتقي ربك وخليه مع اسرته
وش معزة خاصة ياخزياه حرام عليس
خلك مكان زوجته هل بترضين بكذا !!!
اصحي من نومة الغفلة واتقي دعوة المظلوم ترى ربي بيعاقبك
واستغلي وقتك بدل هتنفيس مع رجال اشغلي وقتك مع عيالك الله يستر عليك ولا ادخلي دورات
وكثري صلاة ودعاء اشكي لربك مب تشكين لواحد ضعيف وكثري استغفار وقري قران بدل المكالمات
الله يصلحك

 

[سنوات ضاعت]

و الله انتي ستين غلطانة و طلاقك مو مبرر انك تتعرفين على احد....

انا تطلقت مرتين و توني صغيرة لسة مادخلت 27 سنة و عندي ولد

و عمري مافكرت اتزوج واحد متزوج على ذمتة وحدة او اكلم من ورى اهلي سبحان الله لما وثقت بنفسي و بالله
انفتحت قدامي ابواب
و الخطاطيب ماشاء الله مايوقفون دايم يدقون و اكثرم الي مطلق او ارمل قليل مرة الي يكون متزوج

خليك الخربطة و ادفنسة

و اتقى ربك و خافية