ابي احب نفسي وافكر بنفسي وبس علموني كيف احب نفسي

[زهرة الينبوع]

بنات ابي احب نفسي
معاشي كلة ما اصمد فية لاسبوع وكلة للاهل ولا خرابيط
واذا ما عطيت اهلي ازعلو
واذا ما عطيتهم مايتصلون
وانا وراي زوجي ايحاسبني ويين راح معاشج
اتصدقون يروح المعاش ما اذكر شرييت منه شي سنع
حتى ما اعرف اشتري لنفسي شي
شنو شريت ويين راح ما ادري
والاخ هم قام يمسك ايدة بمصروف البيت بس لا اذا شافني سويت شي هم يقوم ويسوي مثلا شريت غسالة شرا اهو ثلاجة
بس انا ابي اصمد افلوس ابي اسوي ادخار لعيالي ما ابي اعطي اهلي "ابي ما ايكلمني لاني ما اعطية بس امي وخواتي واهم الي قاضيين على المعاش"
لا تقوليين انتي من الاول تكسر خاطري امي
شسوي

 

[الحقيقه]

كله باجره اختي ان شاء الله في ميزان حسناتك
اعطي اهلك والباقي خلي لك مو لازم تحطي شي في البيت هو زوجك المسؤال
ان شاء الله اكون افتدك

 

[أحلى فراشه]

طيب حاولي ترتيب فلوسك وحطي لك ميزانيه

شي لك وشي لاهلك وشي حطيه بالبنك لاتلمسينه ابدا

واذا اهد اعترض قولي له انا هذا اللي اقدر عليه ابي

عندي التزامات

وقوي روحك من الداخل لاتضعفين

اول شي صعب بس راح يقدرون انشالله

وبعدين المفروض زوجك مسؤؤل عن البيت قولي له انا مااخذ منك مصروف وهذا مصروفي وانت ياقلبي مسوؤل عن

البيت وهذا انا شايله نفسي عنك

اتمنى اني افدتك

تحياتي...

 

[مدي الحب]

الله يساعدك

 

[زهور فرنسية]

انا مع الاخت فراشه

الله يوفقك

 

[m2008]

يا عزيزتي اعطي اهلك ولكن بحدود

 

[مؤاسم الدهر]

اصرفي كل شيء في مكانه الصحيح وترتاحين

 

["حور الجنان"]

قال رسول الله صلى الله عليه وسلم ((ما من يوم طلعت شمسه إلا وملكان يناديان: اللهم أعط منفقاً خلفاً وممسكاً تلفاً)).
وقال سبحانه (( مَّن ذَا الَّذِي يُقْرِضُ اللّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً وَاللّهُ يَقْبِضُ وَيَبْسُطُ وَإِلَيْهِ تُرْجَعُونَ ))

اختي..
هناك امر دوما نغفل عنه وهو ان مانفعله لوجه الله..
أخلصي النيه لله كل يوم عندما تبدأين يومك اخلصي اي عمل تقومين به لله
واعلمي ان الله سيضاعفه لك وستح البركه عليكم في البيت
ليتني استطيع ان اساعد اي احد محتاج بمالي فما بالي بأمي..!!
((ألا بذكر الله تطمئن القلوب))
اجعلي لسانك مرطب بذكر الله من تسبيح وحمد والصلاة على حبيبنا
والأستغفار اكثري منه غاليتي
اذا عملتي بما نصحتك به فسترين كيف ستتغير حياتك تدريجيا
وسترين كيف ستشعرين بالطمأنينه والبركه التي ستعم عليكم
بأذن الله تقبلي مروري غاليتي وأرجوا ان لاأكون قد اثقلت عليك
فكل ماأريده ان تنتفعي واخواتي البلقيسيات بما اعلمه
وجزا الله خيرا من نصحتني بها

 

[اشراقه]

عندي لك اقتراح يالغاليه
بما انك صعب تقولي لاهلك لا ما بي اعطيكم
اشتريلك عقار قطعت ارض بالتقصيد
تحفظ لك فلوسك :bye1:​

 

[دلوعة عبودي]

تقولين ان ابوك مايكلمك لانك ماتعطينه000اذن هو زعلان عليك00ماتتوقعين ان هاذا سبب من اسباب قلة البركه مهما كان الراتب قليل وكان الوالدين يبون منه فلا تحرميهم تحرمي انتي من اشياء كثيره حتى لو كانو مو محتاجينه \\\انت ومالك ملك ابيك\\\صدق رسولنا الكريم000بس اعطيهم من رضاء ونفس مو غصب واداء واجب لان الله يعطي كل انسان على نيته00وشوفي وشلون البركه بتصير00اما باقي الاهل فما انتي ملزمه بهم000وحاولي بعد ذالك ان تتبعي نصائح الاخوات00لاكن لاتقفلي باب من ابواب الجنه قد فتح لك 0000

 

[girls rock]

كل شهر شيلي من راتبك جزء معين تحطينه بالبنك ولين ازعلوا عليك قولي لهم داخله جمعية او علي التزام شهريا اساعد وحده على باب الله او تعذري باي شي واللي يتبقى من الراتب انا اقولج شنو تسوين فيه كل شهر تعطين احد من اهلك بالدور يعني شهر ابوج وشهر امج وشهر ... وجذي تكونين ما قطعتي عادج عندهم بس اللي صار تنظيم لا اكثر ولا اقل وانتي ما منعتي عنهم العطية ...والباجي ونسي روحج فيه انشاءالله تكون فكرتي يازتلج

 

[زهرة الينبوع]

اقولكم

ابوي اصلا مو محتاج ودايما تجي عندة افلوس الدنيا وخصوصا الورث الي من جدي الله يرحمة ولكن مثل ما جوا مثل ما راحو
ما شفت منهم شي حتى يوم عرسي ما ساعدني بتجهيزي يقولي ليش اساعدك شبستفيد منك
وامي خليت عندها ذهب عرسي ولما يت اباخذة قالتلي "بعتة احتجت وبعتة "
وانا كان عندي قسط متسلفتة حق تجهيزي لكن مسكت نفسي ما ابيع
واخرتة باعتة امي عشان تكشخ فية
ادري انهم مستغليني
واما اختي الصغيرة ساعدوها وابوي عطاها ربع مهرها مع انة مهرها اكثر من مهري
:icon28:
عشان جذي ابفكر بنفسي وبعيالي وبس
وصدقوني راح اعطي امي وكل ما اعطيها تقولي بس هذا وكل اشوي تدق والله ابي هالكثر وهالكثر "حتى ما قمت ازورهم لاني لوطلبت شي بسيط منهم تقوم القيامة وتوصل للضرب حتى لو اني حامل"

 

["حور الجنان"]

حبيبتي الله يكون بعونج واعلمي ان الله اذا احب عبدا ابتلاه
وما اصعب الحال عندما يكون "اهلي "ضدي..

اهم شي انج تخلصين النيه وماتكلفين نفسج فوق طاقتها
اهلج حبيهم وواسيهم ولاتنقطعين عنهم واذا هم مو محتاجين بس واسيهم
انتي مب ملزمه تصرفين عليهم!!

هم اعتادو منج هالشي قلليه واسيهم بالمعقول والمنطق!!

وتعقيبا للأخت الي قالت ((انت ومالك لأبيك))

ما اعلمه ان بعض الشيوخ جزاهم الله خير افتوا اذا كان الأب محتااااااج
والابن متيسر اما اذا كان العكس بمعنى الأب لايحتاج للمال
فلا حرج على الأبن والله اعلم..

وبعدين هي انثى والأنثى تحتاج لمن يهتم بها ولطلباته ليس العكس!!

وأي مهر اخذوه؟؟؟؟؟؟؟؟؟؟

الي اعرفه حبيبتي ان المهر يدفع لتجهيز العروس لا أعلم اذا كان الحال تغير!!

((اللهم لك الحمد كما ينبغي لجلال وجهك وعظيم سلطانك))