ابو زوجي يخوفني(الردود تحت المراقبة))

[س ر]

صراحه ها الشايب يخوف الله يبعده عنك ويستر عليك
احقريه وصيري رسميه معه ولاتضحكين بوجهه

 

[نظرت المستقبل]

الساكت عن الحق شيطان اخرس لازم يعرف زوجك بالقصه كامله واذا قدرتي تمسكي دليل يكون احسن سجلي صوته وهويتكلم معاكي او اي شي كدليل

 

[قطرة في بحر]

طيب ممكن يكون يعتبرك مثل بنته
يعني إذا كان حكمتي أنه نيته سيئة فقط عشان يقولك أنك حلوة وشعرك وعطرك حلو ممكن يكون هذا إسلوبه
ويكون أرتاحلك كبنته فقط
عموماً الواحد من نظراته تبان نيته لو كان بريئ وللا يقصد شي سيء وأنت أدرى

بس ما أشوف أنه سوى شي يستحق أنك تشتكي لزوجك خاصة أنه هذا أبوه صعبه

فقط لو حسيته منه ريبة مثل ما قالوا البنات لا تقابلينه اللا رسمي ولو بالحجاب أفضل راح تنسد نفسه ويبعد عنك

 

[اتعبني هواك]

أستغفرالله .يالله ياربي لاتبلانا
صدق الكبر شين جعله يستخف ان شالله ولافيه احد يسوي
كذا بزوجة ولده..اذاجاك عيوني لاتفتحين الباب الااذازوجك فيه تعذري انك نايمه والاماسمعتي الجرس ولاتاخذين شور واذاارسل زوجك البقاله
وقفيه عند حده قولي انت مثل ابوي يحشم ابوك عندهالمريض. وانا بحسبة بنتك ومااعتقد انك بتسوي هالامور لوحده من بناتك ماتخاف من ربك..لاتعتقد اني ساكته خوف منك ولاانك تقطع المصروف عنا لاء
الرزق من عند رب العالمين وربي ماراح يضيعنا خوفي على ولدك اذاقلتله
عن ابوك يسوي فيني هالامور..ومافيه شي يقدر يمنعني علي وعلى أعدائي
الله معي وماراح اسكت عن هالشي واذاقال قولي ماتقدرين قولي حط فبالك اني لاحطيت هالشي براسي اسويه لو احط كاميرات بالبيت بدون علم زوجي وافضحك قدامه شف شلون تطيح من عينه,,
لاتسكتيــــــــــــــــــن لان بسكوتك جالسه تعطينه دافع يسوي هالخرابيط
تكلمي معه حتى لو ترفعين صوتك والله اللي زيه مايستاهل الحشيمه والا الاحترام

 

[سماوي ياحلو]

انتبهي تخبري زوجك ،،، ماعاليكي من كل الردود
اناصديقتي صارت معها بالضبط،،، كأنها هي الي كاتبة مش انتي وزوجها قلب الدنيا على راسها ،، وارسلها لأهلها وكانت رح تتطلق بس الله رحمها لانها حامل
وقعدت عند اهلاها قريب الشهرين ،،، الزوج الغبي مصدوم فيها ويلعنها طبعا وواقف مع ابوة والأب انصدم وقال مثل بنتي وهي نفسيتها وسخة وفهمتني غلط
ومشااااااااااااااكل لها اول ما الها تالي،،، ارجوكي لاتخبري زوجك واستخبي من عمك قدر الامكان ياقلبي
والله يفرجها علي وعليكي

 

[خفايا الأيام]

مرحبا اختى الله يعينك صعبه تقولين لزوجك اكيد بيقوول انتى تتوهمين لكن الحل الوحيد تركبين كاميرا فى الصاله المكان الا دايم يجلس فيه ابو زوجك فى بيتك وبعدها تقولين لززوجك ولو ماصدقكك يشووف هالشى بعينه ... يمكن اقتراحى صعب بس ماادرى اشوفه الانسب عشان تثبتين انك صادقه معه....

 

[خفايا الأيام]

وبصراحه اقوول بعد صعبه تقولين لزوجك لان هذا ابوه ومربيه وحب ابوه فى قلب من وهو صغير حب فطرى ...لو بتقولين يمكن يكرهك ومايطق يشووفك ....يمكن الافضل انك تكتمين على الموضوع وتدعين ربك يستر ومايصير منه شى ابدا ....

كتبت لك خيارين لانى احترت فى امرررك بس انا لو فى مكانك بسكت والشكوى على الله ....لان هالشخص ابوه لو اخوه بقوله او اى احد ثانى ..

 

[وصية رسول الله]

انــــــــــــــــــــــتبــــــــــــــــهي تخبرين زوجك
خليها آخر خطوة تفكرين فيها ....
ابتعدي عنه قدر الامكان وخليك رسميه جدآ معه في الكلام والتصرفات وكل كل شيء
وحــــاولي قد ماتقدرين اذا طلع زوجك من البيت اطلعي معاه
وقولي نفسي اطلع طفشانه ...... أي عذر
لانو لو كل مرة جاء ومافتحتي بيقول لزوجك حرمتك ولا مرة فتحت لي الباب
اما اذا كان زوجك في العمل لاتفتحين ودوري لك عذر واذا اضطريتي مرة مرة افتحي الباب وخليك برى البيت ...
الله يبعده عنك ويفكك من شره

 

[ق م ر 15]

فكرة مهوره ممتازه ، حتى لمى يبوسك قوليها لزوجك وبيني انك خجلانه ، لكن حذاري حذاري تستحين منه اذا قبلك وتظهر عليك ملامح الحياء لأنه يحرك القلب المريض ،وأبدليها بعلامات الغضب والتذمر والإنزعاج ، ولا تجلسين معه بعد هالحركه و اشغلي نفسك الين يطلع . و استودعي الله سمعك وبصرك ولسانك وقلبك وجوارحك وعرضك ودينك وامانتك وخواتيم عملك فإنها لاتضيع ودائعه ،صباحا ومساء واذا طرق عليك الباب كرري الدعاء وقولي اللهم اكفنيه بما شئت ولاتنسين دعا الرسول حينما عاد من الطائف كلما تذكرتي هذه الحركات وتقربي الى الله بالطاعات والصدقه وان استطعتي الإتصال بإستشاري اسري فهذا حسن حفظك الله ....

 

[ق م ر 15]

نسيت ان أقول لالآلآلآلآلآلآلآلآلالالالالالالالالالالالالالالالالالالا تصارحين زوجك ابداً ، ((فقط اذكري الحركات والكلمات كانك منحرجه او خجلانه وهذا على حسب شخصيه زوجك )) واستقبالك له بشرشف الصلاه مبادره ممتازه منكِ واذا قال وش تصلين قولي اقراء و اسبح واذكر الله حتى يضعف شيطانه و هذي فكره ياليت تعرفين نمط شخصيه ابو زوجك حتى تتمكني بسهوله من التعامل معه بالأشياء التي لايرغبها في المراءه .

 

[غلولوه]

شوفي حبيبتي زوجك لايدري هذا ابوه مهماصار يعني لو قلتيله يمكن يزعل منك ومستحيل يزعل من ابوه قولي الاشياء الي تصير بحسن نيه يعني كائنك منتي عارفه وش قصد ابوه يعني يحليله لبوك اليوم مدح شكلي وقال حلو عطرك الله يخليه لنا اليوم قال كذا خلي الولد يتضايق وصحصح من حركات ابوه اليوم يوم ارسلك للبقاله قام يمدح فيني عسانا ماننحرم منه الولد بينقهر وصدقيني
يبعدين خليك ذكيه لاتفتحي الباب وهو مو موجود يعني
قولي كنت اتروش كنت مشغله المكنسه ماسمعت كنت استشور

 

[كان الحب لك]

قولي كل يوم "0اللهم انا نجعلك في نحورهم ونعوذ بك من شرورهم

دعا ء رائع


ولاتكلمين زوجك ابدا ابدا


بس لاتفتحين له الباب الا اذا زوجك موجود


الله يهديه

 

[طحينيه وجبن]

ياختي من ترك لله شي عوضه لكن الفلوس بتجي والله بيرزقكم من واسع ابوابه, لكن بقولك شي يوم تتروشين وعمك موجود هذا خطا, المفروض نطرتي لين يطلع ثم تروشتي, وانتي عارفه انه بيدخل من غير اذن, والنقطه الثانيه لا تقولين لولده عن شي الى اذا شي زاد حده, وبدا يتحرش فيك, مادون الحلق الا اليد, خبري عمتك وهي اللي بتصرف معه بطريقه خاصة.

 

[قلبي نفسي]

كيف لبسج قدام ابو زوجج ؟؟؟ مكشف ...بناطيل ...اشيا قصيره ؟؟؟؟

 

[الزوجه الاولى]

للرفع

 

[يادنيا اعذرينا]

لا تقولين احد وادعي ربك ان شاء الله ربي يشغله بنفسه امكن يقول ماعتبره مثل بنتي وانتي فكرتي غلط لاتقولين لااحد نصيحه

 

[نو25]

لاحوله ولاقوة الابالله

 

[جوري ازرق]

اهلين اختي تبين الجد اذا انتي واثقه في نفسك كلمي زوجك لان الموضوع خطير ودامه تجرى يفتح الغرفه بدون يدق الباب معناته ناوي على شي بس ع نار هاديه وانتي تغدي فيه قبل يتعشا عليك وواضح انه راعي خرابيط انا اشوف انك تتفقي مع زوجك يسوي نفسه مو في البيت واذا جاء ابوه خليه يسمع وش يقلك وربي احسن لك تكسبي زوجك

 

[ام رنون]

لاحول ولاقوة الابالله
لاتخبرين زوجك الا اذا كان عندك دليل قوي وانا افضل انه مايعرف
الا اذا الموضوع زاد عن حده وانتي ماقدرتي تحلينه بمعرفتك يعني خليه اخر الحلول وتاكدي ان له عواقب وخيمه
بس انا متاكده انك راح تعرفين توقفينه عند حده بنفسك وبكيد الحريم
حطي نفسك مكان زوجك اذا وحده من حريم اخوانك تقول عن ابوك هذا الكلام هل بتصدقونها
وهل بتوقفون معها ضد ابوكم وهي تتهمه بدون دليل ؟؟اكيد الكل بيوقف معه هو الداخل وهي الخارجه
انا من رايي انك ماتقولين لزوجك وتصدينه بطريقتك ولكن ايضا وصلي لزوجك حركات ابوه
على اساس انك هبلا وغبيه وعلى نياتك ماتفهمين شو قصد ابوه من هذي الحركات
زوجك رجال ويفهم حركات الرجال ويفهم نواياهم اذا كانت زينه او شينه
وراح تشوفين زوجك بنفسه يقولك لاتسقبلين ابوي اذا كنت برع البيت او اتصلي عليا لو جالك
يعني زوجك راح يفهم ويخاف عليك بس حتى لو فهم حركات ابوة
ماراح يقولك لانه يخاف على سمعت ابوه
وانتي استمري قولي لزوجك كل شي من تلميحات عمك اول باول بس
بطريقه تبين انك مسكينه مو فاهمه وعلى نياتك وانك تعتبريه مثل ابوك
ولازم تكونين محتشمه هذي مفروغ منها اكيد ماوصيك
ولو زوجك طلع من البيت انتي انزلي عند اهله واجلسي معهم ساعه ساعتين
وبعدين اطلعي بيتك يعني سدي عليه الطريق ليش يطلع عندك اذا انتي
سبقتيه ونزلتي ماراح يلقى عذر يطلع لك
واتمنى لك كل الخير الله يستر عليك وعلينا وعلى جميع بنات المسلمين
وربي يحفطك من كل شر موفقه حبيبتي

 

[حلآووه]

لآحول ولآقوة إلآ بالله..

دآئمآ كرري..((اللهم إكفنـي فية بمآشئت))
تحصني تحصني دوووم..وأستودعـي نفسسك عند الله
ولمـآ زوجك يكون خآرج البيت شغلي سورة البقرة وأرفعـي الصووت

وبكذآ بإذن الله بيتك محمـي من الشآطيـن وإذآ جآء أبو زوجك خل يسمع القرآن

شغآل..وخليك دووم رسميـة وولآتحطين ميك آب ولآ روج قدآمـــة
وخليك لآبسسة شرشف الصـلآه

وأدعي الله والله مـآأدري شو أنصحك بإنك تكلمي زوجكـ أو لأ..

هاذي إسألي فيهآإ أحد مختص أفضلك..
والله يحميكـ ويكفيكـ شررهـ يآرب ويهدية