ابني يخااف من الاستحمام

[*ظلال الورد*]

عندي استشارة بخصوص ابني

عمره 4 سنوات
طول الفترة السابقة كنت لما أحممه يستحم بدون مشاكل
لكن الشهرين الأخيرة صار يتعبني مرة
ما يستحم إلا هو يبكي وعلى سريع أحط الشامبو وبالقوة أغسله وهو يبكي يبغى يخرج
يعني صار يخاف من الاستحمام
آخر مرة قال إن الشامبو يعوره في عينه
مع إني حريصة إني ما أخليه يبكي أو ياخذ موقف من أي شي زي الشامبو لأني أعرفه حساس جدًا ويخاف بسرعة
يعني أنتبه للشامبو لما يجي على وجهه أغسله على طول
بس تذكرت إن جدته حممته مرة وبعدها والولد تغيّر
أتوقع إن الشامبو دخل في عينه ذاك الوقت

كيف أتعامل مع ولدي في هذي الحالة؟
مع العلم إن أخته أصغر منه بسنة ونص وممكن أحممها بدون مشاكل والحمدلله
وأمدحها طبعًا بدون ما أقلل من قيمته
وأقولها ريحتها صارت حلوة وصارت نظيفة وأبين له إني أهتم فيها وألبسها نظيف وأمشط شعرها وهو لا
وبعدها يتحمس يقول يبغى يستحم
بس يقرب من باب الحمام يقول لا ما أبغى ويخاف يدخل



إيش رأيكم ؟​