ابني ماذا يفعل تحت الحصيرة ؟؟؟

[ذكريات جميلة]

أنا أم لطفل عمره ثلاث سنوات ونصف وبنوته عمرها شهر واحد فقط ، مشكلتي في طفلي البكر اللي عمره ثلاث سنوات ونصف ، مره وأنا عند أهلي كنت أدور عليه ولما لقيته شفته تحت الحصيرة مع بنت خالته اللي تكبره بخمس شهور فقط في وضعية الزوجين ، انصعقت من اللي شفته وقعدت أبكي من الضيق ، ومسكت ابني وضربته ، ولما روحنا البيت قعدت معاه وكلمته وقلت له ان اللي سويته اليوم غلط وما يصير وعيب ،وحاولت أفهم منه كيف ووين شاف مثل هالشي لأني حريصة أنا وأبوه انه ما يشوف مثل هالشي في التلفاز ولا يشوف اللي يصير بيني أنا وابوه، المهم لما كلمته قال لي أنها لعبة تلعّبها حقهم بنية من جيران أهلي عمرها سبع سنوات تتردد دايما عندهم ، واللعب يكون تحت حصيرة في الحوش ، والله ذبحني الكلام وكلمت أهلها يتصرفوا معاهاوومنعناها انها تدخل بيت أهلي ، المهم الحين في ابني بعد ماكلمته ان هذا غلط بعد اسبوعين تقريبا وفبيت اهلي وتحت الحصيرة شفته يعيد الحركة نفسها مع بنت خالته بعد ، مسكته وضربته ضرب ما انضربه من قبل ، والله حسيت اني قلبي بيوقف من الغصة ولما اكلمه بهداوة يقول لي نلعب مثل فلانه ، شوفي دكتورة هو ما فاهم شو يسوي يحسبها لعبة تحت الحصيرة ، والله أنا ما عارفة شو أسوي ضرب وضربت و كلام بهداوة وتكلمت ، والله اني خايفة عليه وايد وما أبي يفهم مثل هالأشياء وهو توه صغير ، وأنا لولا ضيقي ما طرشت أبي مساعدة، الله يخليج دكتورة شوفيلي حل للمشكلة اللي ما مخليتني حتى أقدر أنام .وأتمنى انج تريحيني

على فكرة ولدي يحب يرقد عندنا ،، يعني أنا أنيمه في فراشه وينام ، لكن لازم بالليل يقوم وينام بيننا ، لازم يسوي هالحركة ، يعني مستحيل أقوم الصبح وما يكون عدالي..
ويحب يوم يرقد عندي يحط رجله بين رجولي ، أبعده عني لكن يقعد يصيح ويقول انا بردان ، لكن احس انه يبا يستكشف:no:

 

[أ.نجوى ناجي]

مافي ولا شئ , المشكلة مكررة وتحدثت من قبل , لا تضربي , فهمي بهدوء , ابعدي الطفلة عنهم ولا تذكريه بالموقف نهائيا .. وابحثي في القسم ستجدي استشارات ستفيدك ان شاءالله