ابني صار يتشنج من القسوه

[ZZZ111]

وقسم بالله اني تعبت من الضلم والضيم بدخل بلموضوع علي طول بس بعطيكم نبذه عن شخصيت زوجي هو عدواني بكل معني الكلمه يعني ولا مره طلعت معاه بنتمشي او نروح مطعم لازم يسوي مشكله وخناق مع صاحب المطعم اوفي الشارع او مع محاسب البقاله وكل الناس اهم الغلطانين عليه وثلاث ارباع سواليفه سب وتلعن في خلق الله يعني مامره قال بطلعكم الا احاتي ايش المشكله الي بسويها اليوم وترا علي فكره حتي في البيت كلنه انه وعيالي مانسلم من السانه بعلمكم ايش سو في ولدي الكبير بس لحضه انتضره يذلف بيطلع وعلمكم

 

[أسماء زكي الدين]

الله يعينكم لكن أختي عليك بكتابة كل المشكلة مرة واحدة حتى لا يغلق الموضوع فليس لدينا كل الوقت للنتابع مشكلة على أجزاء ... جزاك الله كل خير ..

 

[فردوس هوساوي]

الله يفرج همك
احكي وفضفي لنا
لعل وعسى يخفف عنك شوي من النكد والضيقة
كان الله في عونك..​

 

[ZZZ111]

اكمل لكم الموضوع انه من تزوجه لي عشرين سنه ضقت فيها انواع العذاب من زوج قاسي ومعقد ووسواسي انه احس بذنب لاني رضيت اكمل حياتي معاه لاني جنيت علي اولادي والسبب اني كنب ابي اطلع من بيت اهلي باي طريقه والسبب المشاكل الي بين ابي وامي المهم اكمل لكم بختصار جدا اه اه قلبي يتقطع علي ابني الكبير ماادري اقول لكم يكرهه او يميزه عن اخوانه والله ماني عارفه مايكلمه الا بسب ولعن والله اخجل اقول لكم اشلون يلعنه من وهو صغير كل يقول لي انه غير اخوانه اسمر واخوانه بيض ومايناديه الا يلاسود يلعبد وقسم بلله لين صار نايم يخليه يفزع مايصحيه الا بصراخ ولين طلع مع ربعه يسبه ويفشله يمهم ولله وبلله الكريم انه ولد صالح ومؤدب ويخاف خوف من ابوه ولاعمره رد له كلمه اه ولله وانه اكتب اصيح بحرقه علي فكره عمر ابي 18سنه محطم من قسوة ابوه مره اشتهي يتكلم ويرد عليه اضربه بلعقال وبيده مثل المجنون الان الولد صار يجي له تشنج يعني مثل الصرع واول مره جاه الصرع انه بغيت انجن وخفت ولاني عارفه ايش اسوي ولما شافه الطبيب زوجي هو الي تكلم وقال لدكتور انه قاسي عليه عشان اربيه قال الدكتور لزوجي اطلع بره طرده من القسم قاله انت السبب وهلحين صار يتكرر عنده التشنج افيدوني الله لا يواريكم مكروه في عيالكم

ولدي هلحين بثالث ثنوي ويقول لي ياامي انه لازم اطلع من البيت عشان انه اعيش وانه خايفه عليه من المرض الي انصاب فيه يقول بيقدم علي بعثه ولا يبغي يرجع حبيبي قلبي ماني قادره اتحمل

 

[نوررررري]

ياااااااااه اب جااااااااهل الله يفرج همك وهمي وهم ابنك وهم كل بني ادم مهموم يارب انا لله وانا اليه راجعون

 

[% عشق ظامي %]

خليه يطلع ويدرس وان شاء الله بيتعرف على ناس يهتمون فيه ولا انج اتخلينه في البيت حرام والله

 

[بنوتة بلادي]

الله يهدي ريلج.. التربيه عمرها ما كانت جذي... انزين ريلج ما اعتدل بعد ما الدكتور قال له ان انت السبب في الصرع؟

 

[مدمنة صبر]

الله يكون في عوونك انتي تقربي لهذا الولد عشان ما يفقد حنان لاب صيري له الاب والصديق والاخ وفهميه انه ابوه مصاب بعين فيه واو حسد بس عشان يصدق وقولي انه اذا جاء ينام معك يبكي على اسلووبه ويندم

وعيالك فهميهم ان هذا اخوهم وحرام اللي يقوول كذا وقربيهم من بعض وادعي لهم وابوهم الله يعينك عليه ادعي له وحاوولي تقولين لا اخوانك او عمانك يمدحون هذا الولد كثير ويشكررون ومدرس وكذا

 

[شهد الحلويين]

انا مااعرف ليش في امهات سلبيات لهذا الحد وين شخصيتك والله خلية يموتني ولا يقرب على اولادي شوفي نعم زوجك عدواني بس انتي ماوقفتية عند حدة
حاولي تبعدي الولد وتخلية يعيش عند جدتة او يدرس برة
ولازم تحسسي ابنك ولو مرة انك تدافعي عنه
وغليك بالدعاء والدعاء والدعاء

 

[ام الهلالي]

حبيبتي بالنسبه لزوجه من كلامك مو طبيعي يمكن حد ساحرةاو شي كذا علاجيه بالرقيه الشرعيه
اما ولدك والله كسر خاطري الله يشفيه بس هو كبير فهميه قولي له لا تضغط علي اعصابك ماشي يستاهل
شكله يكتم في قلبه وايد
قوليه ما عليك من ابوك جلسي معاة وايد ورفعي معنوياته تري المراهق حساس عشان كذا
حسسيه انه عادي وانه ربعه اكيد عندهم مشاكل محد خالي
كلن عطاة بلوة في حياته علي قد قدرته الي عطاة ايها الله وهو عشان هو بطل والله عطاة غير الناس عشان كذا ابوة قاسي محد يقدر عليه الا هو
واهم شي رفع المعنويااااات
والله يفرجها عليك

 

[احتويني بحنانك]

طبيعي بيجيه صرع دام هذاابوه طالع ناازل قاعديسب فيه خيييير ان شاءالله وش يبي يسوي للولد اكثر من كذااا!!!!
وربي انقهررررت وش هالقساوه الله لايبلانا
نصيييحه خلي ولدك يروح ويشوف مستقبله واستودعيه رب العالمين الذي لاتضيع ودائعه لاتخاافين عليه خافي بس من ابوه اللي دمررره
استغفرالله واتوب اليييييه

 

[قلبـــهـ]

=(


حبيبتي والله ربي يكون بعونج ماتشوفين شر بعيالج ،
ربي يفرجها عليج ويهدي ريلج ويحفظلج عيالج ويعافيهم دنيا وآخره ..


من القلب ربي يعافيه ويطمن قلبج حبيبتي ..

 

[ماني من ناس]

اه ياقلبي
علي ولدج
يارب تفرج همه وتيسر امره يارب وتفكه من ظالم ابووه يالله يارب
كله الا عيالي ....والله لو يقرب واحد من عندهم لاكله بسنووني وحتي لوو ابوه
بعض الاباء عندهم عقد نفسيه ...وغيره من الابناء وخاصه لما يكوونون اولادهم افضل منهم​

 

[كان اسمي nadoo]

لاحول ولاقوة الا بالله العلي العضيم زوجك هذا الله يعينك عليه وحاولي تسالي عن بعثه لولدك ولا شي وتامنيله حياه مستقره بعيد عن الضلم

 

[اللهم ازل همي]

صح والله خليه يطلع يرتاح ويشوف مستقبله واستودعيه الله وادعي له وياارب يخليه لك اوقفي معاه عشااان لما يعتمد على نفسه بيحميك من ابوه المتسلط المتجبر انتبهي لولدك شجعيه قوي شخصيته وحسيسيه انه هو اقوى من ابوه بس عشان انه طيب ساكت له

 

[البشاريه]

الله يعنيك ياكريم

 

[ZZZ111]

ولله انه شايل البيت علي راسه دايم هو الي يوصلنه ويشتري الاغراض للبيت ويعامله مثل السواق واذا مدحته يقول لي لا تمدحينه انه اكرهه طيب ليش بس كذه وقسم بلله يقول لي انه مااحبه بلاضافه الي دارسته وثانويه العامه بس الحمدلله كل علاماته متفوق مع هلضروف والقسوه وهو ضاغط علي نفسه ودايم يذاكر يقول هذه ابوي ومهما سوي فيني مااقدر اغلط عليه ويقول لي ياامي اذا طلعت من البيت لا تخافين بجي ازوركم وحتي ابو مهما يكرهني راح ازوره وقسم بلله انه يخاف من الحرام ولله مايترك فرض ودايم في المسجد الي درجة ان الشيخ يقول هذه الولد ولد اخره ونادر الوجود حبيبي وليدي اول امس دايب لي هديه ومالف لي شعر عن الام حبيب قلبي يعلني ماافقده

 

[ZZZ111]

ياربي انه اتحمل القسوه والعذاب بس قلبي مو متحمل اشوف ابني يتعذب خلاص حتي الصبر مل مني ياربي انه ماسويت شي غلط ليش عمري ماشفت يوم حلو مثل الناس ولله اني صرت اتمنه انو يتزوج علي عشان تجي وحده تساعدني علي هلرجال الضالم ولله اني لو اعلمكم اشلون عيشتي معاه جان انتو ماتحملتو اه لو يموت ولا انه اموت وارتاح استغفر الله ياربي عذروني من حرقت قلبي اتصدقون هلحين هوه يعمر لنه بيت وسو لنه سكن تحت واربع شقق فوق ولما ابني سال ابوه قال لو ابوي الشقق لنه انه واخواني قال له لا لاخوانك وانت دور لك شقه اجار قلت له ليش وهوه قالي لا مااتحمل اشوه رقعة وجهه خل ينقلع لين تزوج ياجر له ماشفت الا ابني انكسر قلبه وقال خلاص ميخالف ياامي انه بدرس بره ومايحتاج شقه خلي ابوي ياجرها ويستفيد حسبي الله عليه هذه اب ولا ينقال له اب اقول له زين كسرة قلبه يقول ايوه انه ابغاه يذلف ونتي ذلفي معاه لحقيه اذا تبغينه اه ياربي

 

[أعشـق حياتي]

ياويله من ربي هذا مو اب
اجل لو هو مو ابنه كان ذبحه

حسبي الله ونعم الوكيل

والله ما ادري وش اقولك

انتي خليك حنونه عليه بزياده وحاولي تعوضينه عن ابوه
وامدحيه كثيررررر عشان يصير واثق من نفسه

بعدين كلها فتره ويصير رجال ويرتاح ويريحك من ابوه

الله يكون في عونكم وربي ضاق صدري عشانكم

 

[بنوتة بلادي]

الله يعينج اختي... طريقة تعامله مع الولد غريبه... هل هو شاك ان هذا مب ولده... احس تصرفاته تقول هذا الكلام...

خلاص يا اختي.. دامه شاطر ما شا الله عليه... خليه يقدم بعثه... و يدرس برا... و استودعيه الله عزوجل