ابني حبيبي,,ليه تسوي فيني وفي نفسك كذا؟؟

[بسمه امل]

السلام عليكم ورحمه الله
تعبت من هذا الموضوع وانا افكر فيه
قلت ما لي الا أخوتي البلقيسيات
وان شاء الله القى عندكم الحل
انا ابني عمره 11 سنه
ولاحظت عليه مره وهو جالس في الصاله انه يحرك قضيبه حركه سريعه
انا طبعا زعلت وقلت له ان هذا غلط وسألته مين شاف يسوي هالحركه
وقالي ما شاف احد
وراحت الايام وشفته مره ثانيه وثالثه
وكل مره اهاوشه واقوله عن خطورة هالحركه
والله العظيم اني ابنهار ولا أدري كيف اتصرف معه لاني لاحظت انه صار ما يسويها في مكان مكشوف
وصارت الأفكار توديني وتجيبني
يمكن تعلمها من المدرسه؟؟؟
يمكن من الأولاد اللي في الباص(فيه واحد في الثانوي)
ويمكن شاف أحد يسويها(مع العلم ان زياراتنا محدوده واحاول اني ما اتركه بدون ملاحظه)

ايش التصرف المناسب؟؟
ايش المفروض تكون رده فعلي اذاشفته يسوي هالحركه؟؟​

مع العلم ان الولد كتوم ولاحظته يطول في الحمام اعزكم الله بشكل كبييير
الله يفرج هم اللي تساعدني
وييصلح لها اولاده وبناتها

 

[وردة تركواز]

انا مو متزوجة بس حابة ادعيلك انو ربنا يفرج همك

 

[بسمه امل]

الله يجزاك خير حبيتي..
ويرزقك الزوج الصالح

 

[ليلكيه]

حبيبتي

مو شرط يكون شاف احد او تعرض لموقف

ابنك في سن المراهقة ..........وهذه الحركات طبيعية جدا في هالسن

وجلوسه في الحمام لمدة طويلة يعني انه يمارس العادة السرية

يجب عليك ان تشغليه بما هو مفيد من هوايات والعاب

وان تجلسي معه كثيرا تحدثيه وتناقشيه وتكوني قريبة منه

ولكن لاتحدثيه في هذا الموضوع الان

بعد ان يكبر قليلا بامكانك ان توضحي له مخاطر العادة السرية او تحضري له كتب تتحددث عن اضراراها

بالتوفيق

 

[بسمه امل]

تسلمي اختي ليلكيه
بس ليه ما اقوله الان عن اضرارها
ليه اصبر حتى يتمادى
ويصير علاجها صعب

 

[زارمنيا]

والله ماعندي فكرة بس ماقول الا الله يهديهم

 

[دنيا كئيبه]

الله يفرج لك ويهدي ولدك ويصلحه
ليه ما تقولي لابوه وهو الي ينصحه ويقوله انها وغلط ويعلمه باضرارها

 

[ريحك يالخزامى]

عزيزتي بسمة أمل
اسأل الله العظيم رب لعرش العظيم أن يصلح لي و لك النية والذرية ونصيحتي لك من تجربة
كل يوم في الصبح وفي المساء قولي " اللهم إني استودعك بصر ابني وسمعه وفؤاده وجوارحه عما حرمت وعن رفقاء السوء وعن كل ما يوقعه في الاثم فحفظ لي وديعتي يا كريم "

 

[بسمه امل]

دنيا كئيبه,,شكرا لاهتمامك
ابوه يقول انا ما اقدر اكلمه وانا ماشفته يسويها
بيسأل كيف عرفت؟

 

[بسمه امل]

ريحك يالخزامى,,الف شكر
ماتتخيلين كيف ارتحت يوم قريت ردك
الدعاء كتبته وان شاء الله ما انساه يوميا
الله يخليلك اولادك ويصلحهم

 

[nanaa]

عادة يقولون من علاجات العادة السرية للمراهقين الرياضة لو دخلتيه معهد كاراتيه و لا تايكوندو و لا سباحة او كرة قدم بينسى او بالاصح الطاقة اللي عنده بيستنفذها في الرياضة

 

[رب احفظ من أحب]

أنا ما أعتقد
إنه يسوي العادة السرية ... يحركه إيه
يسويها للآخر لا

لساته صغير
بس توه يبدأ يحس فيه ..
و إنه ينتصب عنده ... و يبغى يقومه عدل
بس ما يقدر لأنه لسه صغير

و أكيد عرفها من الأولاد بالمدرسة
الله يسترنا بهالزمن


أنا من رأيي
الأب يكلمه
الأولاد حتى و من هم صغار يحسوا بالإطمئنان لما أبوهم يكلمهم

و عادي
ايش يعني ما شافه !!!؟؟

اكيد بيقول ماما قالت لبابا

و أنا من رأيي
يكلمه بأسرع وقت ممكن

و ربي يهديه و يصلحه هو و اولاد المسلمين و المسلمات و بناتهم يا رب

 

[رب احفظ من أحب]

و أنا مع نانا
لازم تشغليه بشي و الرياضة كل الأولاد يحبوها


ربي يوفقكم

 

[ليلكيه]

عزيزتي

اذا كنت تعتقدي انه سيتفهم الامر من الان فحدثيه عن اضرارها

ولكن انا اعتقد انه صغير الان على فهمها

كما اعتقد كما قالت احدى الاخوات انه لايمارسها بالشكل الكامل ....ربما فقط بعض الحركات التي يستمتع بها

اهم شي اشغليه بالرياضة وغيرها من الهوايات

 

[jجوري]

اختي هذا سن المراهقه وهو على وجه بلوغ فا شي طبيعي يعمل هذي الحركات ,,ادعيله ربي يحفضه ويصلحه ,,
انا احس الولد ماعليه خوف الخوف على البنت الله يستر على بنات المسلمين

 

[بسمه امل]

أخواتي نانا وربي احفظ من احب..
شكرا لتفاعلكم بالنسبه للنادي صعب أسجله وقت المدارس كل اللي أقدر أسويه اشغله في البيت معي..وأضيق الخناق عليه :sly:
يعني ما اتركه في مكان لحاله
اختي ليلكيه..اجل انا احس البنت تربيتها اسهل كثيير من الولد
البنت عندك وتحت عيونك اما الولد صعب يتسيطر عليه الا من رحم ربي
مدري يمكن لاني ما جربت البنت وتربيتها
عموما الله يهديهم ويصلحهم جميعا ولد وبنت ويحفظهم من كل مكروه
ويجزى كل وحده ساعدتني برد اوحتى دعوه احسن الجزااء

 

[همسة ليال]

اعانا الله كل ام على التربية الصحيحة السوية اللهم امينننننننننننننننننننننننننننننننننننن

 

[غموض الاحساس]

الله يعينك ويعيني وانا كمان عندي ولد عمره 6 سنوات واشوفه كثير يمسك عضوه التناسلي ودايم اخاصمه اواقوله عيب محد يمسك عيبه
اللهم اهدي لي اولادي وبناتي والمسلمين وابعد عنهم رفقاء السوء

 

[حور السلطنة]

خلي ابوه ينصحه يمكن ياخذ من نصايحه اكثر منج

 

[قلعه بلا حراس]

خوفيه وقولي له بتجيك امراض اذا استمريت كذا واخترعي امراض من راسك اتوقع بيخاف ولا تنسين الدعاء"اللهم حصن فروج ابنائي وذريتي اللهم اعففهم بحلالك عن حرامك اللهم اني اعيذك بهم من الشيطان الرجيم"