ابنى وحمام المدرسه المساعده بليييييييييز

[sherwetta]

السلام عليكم ورحمه الله وبركاته

ابنى ماشاء الله عمره 4 سنين ونص وفى كى جى 1

عمره مابيشتكى من التبول فى المدرسه ...من يوم مادخل شهر 9 وهو بيخلى الدادا توديه

المشكله بدات من امس لما دخل ابوه الصف يجيبه ولقاه عامل بول وعامل براز كمان اعزكم الله

اول ماخطر ببالى انه ممكن يكون اسهال لكن لقيته براز عادى جدااااااا

حاولت افهم منه لكن اكتشفت انه الدادا طلبت منه تدخله الحمام ورفض ولكنه سواها على روحه

طبعا كان رد فعلى امس عنيف بصراحه لانى ماستحملتش المنظر

واليوم اتصلت الميس على ابوه عشان ييجى ياخده لانه سوا براز تانى على روحه..ولما راح لقاه معملش لكن على ااااااااخره

اخده دخله الحمام لكن اكتشف انه عامل بول على روحه ...

والدادا تقوله معرفش ايه اللى حصله ابداااا..هو كان بيقول وبيروح فجاه اتغير

وهما كانوا فى الحوش بيلعبوا اليوم دخلت الولاد كلها الا هو لانه قالها مش عايز ومجرد مادخلوا الصف عملها على روحه

مع العلم انه مستحييييل يعمل كده ابداااااا هو طبيعى جدا فى موضوع التبول سواء فى البيت او المدرسه

فكرت انه ممكن تكون حاجه خوفته حاولت اكتشفها منه لقيت مفيييش اى حاااجه ابداااا

وطبعا كمان مش عارفه طريقه العقاب تكون ازاااى

افيدونى افادكم الله لانى نفسيتى تعبانه وخايفه الولد يكون عنده حاجه؟؟؟؟؟؟؟؟؟؟

 

[د/همسه هذيل]

السلام عليكم عزيزتي :
لازم تبحثي في الموضوع اكثر.. ابنك ما في شي ما دامه طبيعي في البيت ..
لازم تشوفي كيف تعامل المدرسات معاه و الاطفال تشوفي الدادا هذي نفسها كيف تعاملها .اذا في الحمام شئ يخوفه لا تعتمدي على كلامه ..

 

[sherwetta]

دكتوره همسه الفاضله

انا متاكده من الدادا لانى نبهت عليها قبل كده هى والمدرسه محترمين جدا

هى اليوم بتقولى انه مش بيقول وانه بيقعد بعدها يبكى

فاكدت عليه لما يحب يعمل براز اعزكم الله يقولها لانى اكتشفت انه فاكر ان محدش هيشطفه بعدها فعشان كده بيتعب ويعملها على روحه

ان شاء الله النهارده اشوف اللى هيحصل ربنا يستر

والف شكر لردك يادكتوره والله

 

[د/همسه هذيل]

انشاء الله خير طمنيني..

 

[sherwetta]

السلام عليكم يادكتوره
امبارح رجع الحمد لله مفيش حاجه وفهمته كويس واتكلمت مع الدادا قالتلى هو مش بيقووول مع انه كان بيقولى الاول وكنت بوديه مرتين وتلاته فى اليوم دلوقت اقوله ويقول مفيش لكن مجرد مايقعد يعمل على نفسه

اليوم بقى رجع برضه عامل بول على نفسه وهدومه غرقااااانه
بصراحه انا دماغى هتنفجر ومش عارفه اعمل ايه ولاعارفه فيه ايه؟
حاولت اتكلم معاه لقيت مفيش اى حاجه

ارجوكى يادكتوره تقوليلى هو كده حاله مرضيه ولاحاله نفسيه ولاايه بالظبط لانى فعلا خايفه

 

[د/همسه هذيل]

يا عزيزتي هذه ليست حالة مرصية لان تقولين يكون طبيعي في البيت المشكلة نفسية و هي في المدرسة .. لازم تشوفي ايش في ايش الي صار جديد عليه الا ما يكون في شئ..

 

[sherwetta]

طيب يادكتوره اقترحى عليا اعمل ايه ؟

لانى مش عارفه اتصرف بجد

هو بيقول مفيش حاجه ونفسيته فى البيت عااادى

وفى المدرسه من يوم مادخل عمره مااشتكى من المدرسه او الدادا بالعكس معاملتهم كويسه جداااا

شورى عليا الله يخليكى

 

[د/همسه هذيل]

السلام عليكم عزيزتي:
ما في حل غير تروحي معاه او تخلي المدرسة تراقبه تشوف ايش يصير معاه يوم كامل مافي احد من الاولاد يتعرض له يضربه او حتى يستهزئ به كل هذه المور تضاعف المشكلة كيف يتعاملو معاه اول ما يسوسها اول لما يكتشفون كل هذه المور لازم تعرفينها .. شوفي و ردي علي..

 

[sherwetta]

دكتورتى الفاضله
امس انا قعدت معاه قعده مطووووووله وبدات اتكلم معاه بالراحه وادخل فى تفاصيل يمكن اكتشف منها السبب

هما عاده كل كام يوم بينزلوا الحوش يلعبوا
فسالته عن الحوش وكلمته بطريقته
قلتله ايه اخباااار اللعب ..قاللى كوييييييييس
قلتله بتلعب ايه بقققى فى الحوووش..قاللى بروح اتفرج على توم وجيرى احسن
قلتله اااااااااااالله جمييييل ...مين بيتفرج معاك كريم صاحبك؟ قاللى ااااااااااه وطلال صاحبى كماااان
قلتله طيب قولى لو فيه حد مزعلك وانا ارووووووووح اضرررررربه قولى وماتخاااافش
قاللى لاااااااياماااما مفيييش حد مزعلنى والله
طيب الميس او الدادا بتضربك قاللى لاااااااااااااااااااا انا بحب الميس عاااااايشه
المهم عرفت منه انه كان عايز يروح الحمام على اخخخخخخخخخره فى اااااااااااخر لحظه ولما كلم الميس ومش سمعته ملحقش وعملهاااااا

بس والله يادتوره من كلامى معاه مش ملاحظه اى حاجه ..حتى بيحب يصحى الصبح ويروح المدرسه ويدخل الفصل وهو فرحاااان ويقعد يتكلم ويهزر مع اصحابه وبيرووح كمان يسلم على الدادا

حتى فى البيت حاولت الاحظ اى تغيير عليه او على نفسيته لقيته عااادى جداااااااا وبيقعد كتير يغنى مع نفسه انا بحب الميس عاايشه

النهارده كمان كلمت الدادا حلفتلى انه ماقلهاش ولاتعرف ولا لاحظت عليه
واكدت عليه اليوم كمان لما يحس انه عايز يروحلها حتى قالتله امسكنى من هدومى او اقف جنبى وانا هفهم وربناااا يستتتتتتتتر