ابغى مساعدة واستشارة من الاخوات

[زهرة--اللوتس]

السلام عليكم

كيفكم اخواتي

انا متابعة للمنتدى من زمان

واول مره انزل موضوع

ابغكم تشووورن عليْ

انا مملكة من فترة

وخطيبي يكلمني بس انه خجووووول

ويتكلم في امور عادية

واخيرا قرر انه ما نكلم بعض عشان لانمل من بعض

بس مالحقنا نتعرف على بعض ونتعود على بعض

عشنا نمل كنت نفس ناخذ وقت اكثر عشان اعرف شخصيته وطريقة تفكيرة

طبعا الان اكتفى بالرسايل فقط

اعتبروني وحده من اخواتكم وانصحوني

والله مو عارفه كيف شخصيته واسلوب تفكيره

مو عارفه اتعامل معه

شووووور علي ايش العمل ؟؟؟؟

:30:
​

 

[توليبـ]

والله لو تجلسين سنه تحكين ماتعرفين طينته الا اذا جمعكم بيت واحد
احتمال هو شخصيتها غامضه ترا الرجال مايتكلمون مثلنا ان فتحت الوحده فمها ماسكرتها
بس تبين حل ع السريع انتي خليك غامضه وخليه اهو الي يشتاق لك
خففي مسجات مو كل صبح رسايل صباح العسل والقشطه وبالظهر مثل والمساء مثل واذا نام مثل
اركدي طبعا مو اقول لك كذا بانك ترسلين او انك طايحه عليه لا محشوومه بعدي بس كني بديت امون عليك يوم قلتي اعتبروني اختكم
بس اول شي اثقلي وخليك غامضه لايددري عنك ولا عن اهلك شي واسرارك لك انت بس
تميعي بصوتك جريه حبه حبه
وارجع اقول تفكيرنا يالحريم غير تفكيرهم اقري كتاب الرجل من المريخ والمراءه من زحل لـ جون غاري

 

[زهرة--اللوتس]

شكرا لك اختي على ردك

والله هو اللي كان يتصل ولا عمري اتصلت عليه وهو اللي يرسل رسايل كثيرة بس انا اكتفي برسالة وحده

عشان لا يفتكر اني مطنشته
​

 

[خلود بكر]

االله يوفقك يارب بس خطأ اختي الطريقه الي تتبعيها يعني عشان هو خجول اتركه واقوله خلي بيننا رسائل طريقه بالنسبه لي مو حلوه او هروب من حل مشكله يعني خجول تتفكك شفراته مع الايام لكن اتركه واقول طيب موافقه على رأيك بعدين يمكن هو تعب من كثر مايتصل وانتي طناش مفروض تسألي عنه وابدئي انتي اتصلي قولي له حبيت اسلم بعد فتره سوي نفس الحركه لازم يكون بينكم كلام والله يوفقكم وترى هي مو مشكله هو رأي حب يقوله لان شاف عدم اهتمام منك له هذا الي اتوقعه عشان كذا بقولك ابدئي بلاتصال

 

[زهرة--اللوتس]

اختي خلود

شكرا يا قلبي على كلامك ان شاء الله احاول اطبقه

والله فكرت اتصل ولكن كثير قالوا خليك ثقيلة لا تتصلين

والله احترت اتصل عليه او لا
​

 

[شموووسة&]

إتصلي كل فتره وفتره
مو انك تلغينه خلاص خخخخخ
الله يوفقك ويسعدك

 

[زهرة--اللوتس]

اختي شموسة

شكرا على الرد ان شاء الله

اطبق

يعطيك العافية
​

 

[دلوعة عمرو]

ممكن سؤال

انتي تقولين انه كلامه عادي وخجول

وش تبغين يقولك مثلاا؟؟

 

[زهرة--اللوتس]

اجاوبك اختي

ولامره قالي اشتقت لك

وحشتيني

والوحدة تحب تحس انه خطيبها مشتاق لها
​

 

[توتونجد]

طيب يمكن اختار هو هالحل عشانه خجول اكثر منك

بس يصرف بقولته ما نمل من بعض

دقي عليه من وقت لوقت

الله يسعدك​

 

[زهرة--اللوتس]

اختي توتو نجد

شكرا لك

وهذا اللي رايح يصير

يا انا يا هو هذا الاسبوع
​

 

[اتعبني هواك]

شوفي ياقلبي سالفة انك شلون تعرفين شخصيته ومابينكم الامسجات
ريحي ماراح تفهمون بعض الابعد الزواج لاوبعد سنه تفهمون بعض
بس انك ماتتصلين مالها داعي ع الاقل فالاسبوع مره والباقي مسجات
وانتي ارسلي مسجات اشتياق ووله بس لاتفلينها واجد يعني تكون مسجاتك قصيره
يمكن يحس شوي ويفهم ويحرق جوالك بالاتصالات..

 

[زهرة--اللوتس]

اتعبني هواك

ان شاء الله

يتم التنفيذ

يعطيك الف عافية
​

 

[خلود بكر]

شوفي ياقلبي مو كل الرجال يعرفوا يعبروا انا زوجي كان متى مايبغى لكن كان مو معطيني مجال انا اتصل يعني لمن احتاج اكلمه والله مااعرف كيف اجيبه وماكان عنده جوال المهم بعد شهرين يمكن اتصل من جوال وماقال ان هذا جواله المهم كان يكلمني يجي على كيفه طبعا اخر شهر للملكه وقبل الزواج بشهر قطع اتصالاته وزياراته ومع هذا كنت اتصل على اهله واسأل عنه يعني مافي شئ اسمه على كيفه انا زوجته واسأل عنه متى ماابغى واذا في شئ اسمه ثقل وماثقل هذا لمن يكون زعلان او تكثر الاتصالات ممكن اقولك خففيها لكن تقولي مايتصل ابدا لا هذا اسمه خطأ والله يوفقك اتصلي واسألي طبعا لاطولي اسألي عن حاله وقولي له اشتقت اسمع صوتك وقفلي بس وكل ماتكلميه ارمي له كلمه عشان يفهم ويعبر مثل ماتعبري وبتجي مع الايام وبيترك الخجل بس اتحملي اشوي

 

[خلود بكر]

وبالنسبه انك تبغي تفهميه فاانا اقولك يالليل ماطولك والله يبغالها عشره عمر يمكن سنتين او 3 او 4عشان تنسجموا مع بعض طبعا مابيكون فيه مشاكل لكن كل واحد يفكر غير عن الثاني وهذا طبيعي حكم ان كل واحد متربي في بيئه فلاتفكري كثير بالمسأله هذي

 

[زهرة--اللوتس]

اختي خلوووود

الله يعطيك الف عافية

على النصائح الحلوة

وفعلا تم التنفيذ

واتصلت عليه

وتفاهمت معه باسلوب حلو

وتقبل اسلوبي الحمدلله

واتفقت معها على مواعيد الالاتصال

وعقباااااااااااال

ما يتجرأ ويقول كلااااااااااام حلو


​