ابغا مشورتكم؟؟؟

[عطر آنفاسيA]

ابغا اسالكم وابغا ارائكم؟؟؟
تخيلو زوجي جلس فترره يومين زعلان
وبعدين ارسلي رساله كتب فيها ليش يا ..... ما تلبسي لي زي ايام الملكه
وتتعطري احبك.... وانا والله اني ما اقصر البس بس انتم تعرفون وقت شغل البيت
والطبخ وانا عندي ولد ....بصراحه جرحتني الكلمه كثيييير
حسسني اني انا مهمله ورديت عليه ابشرري ياقلبي ما يصير خاطرك الا طيب بس حسستني اني مررره مهمله.... وعلى قلبي زي العسل ,,احبك​

 

[اتعبني هواك]

طيب حبيبتي حلو انه نبهك ومافيها شي
غيرك ياقلبي يدور برى واذاانكشف لقى عذر انك
ماعاد صرتي مثل اول,, تداركي الموضوع مدامه جابها لك
باسلوب حلو موعصبيه ولا بكلام جارح وبالعكس اسلوبه مافيه شي
اوك انتي تلبسين وتتكشخين لكن اهو حب الطريقه اللي كنتي عليها اول ماشافك ارجعي سويها,, والشغل خليه بالطقاق لاحقه عليه اهم شي زوجك هذا ومعك ولد واحد اجل اذاكثروا بتنسين نفسك وبيكون عذرك الاولاد وذاشاف برى الله لايقوله ساعتها اندمي على حضك,, لاتكوني ياقلبي حساسه بزياده عن اللزوم والله ان غيرك يتمنوا ان رجالهم يصارحونهم بهالطريقه شوفي المنتدى كله خيانات وبلاوي لان مافيه مصارحه بينهم اكشخي له مثل اول واحسن علشان لاتحجج لك باشياء ثانيه حبيبتي,,

 

[سحر البرآءة]

انا مع الاخت اتعبني هواك
كلامها صح .. بس احب انبهك انتي مو مهمله ..بس بالاول كنتي متفرررغه له وهو كل مسؤليتك
والحين كثرت مسؤلياتك و انشغلتي عنه شووي بالبيت وولدك وكذا
حاولي تنظمين وقتك وتسوين لك برنامج تمشين عليه ويوم في الاسبوع لزوووجك بس تتفرغين له.. لاااتاخذين في خاطرك من كلامه بالعكس اسلووبه معك ذوووق ماشاء الله تبارك الرحمن
وربي يسعدك ويوفقك​

 

[جرحني حبيبي]

ماشاء الله تبارك الله والله انه دوق ربي يسعدك نظمي وقتك وفرغي شوي من وقتك له ياليت زوجي يوضح لي وش انامقصره فيه

 

[امنتك قلبي]

احمدي ربك ان زوجك نبهك الى شى انتي غافله عنه في بعض الازوج مايخبرون زوجاتهم
وماتدري المسكينه الا وهو متزوج عليها وعذرهم يقولون نزوه الله يبعدها منك