ابششركم تطلللقت !!! نبذتي البسيطه

[اصدق إحساس]

:8:

السلام عليكم

كيفكم بليقسيات

اخر مشاركة لي هنا كنت ببيت رجلي قبل 7 شهور

ماظليت معه غير شهرين ونص وتطلقت الشهر الماضي ,, برغم انه كان حبي وحلمي وجنوني وكل شي

فترة الخطوبه كانت سنتين وكانت كلها مشاكل وبرغمها كنت مصصرة ابييه كله بسبة اخته خلتني عميا فيه

غبنتني وطلعته للسمآ وهو للاسف سيء الاخلاق والطباع والتعامل وشحيح وكل شي فيه

كثر مانصدمت فيه كثر ماظليت ساكته ومآحكي لدرجة الكل يفكرني اتوحم

باول شهر هددني بالطلاق ورجع كررها لمن رجعنا من شهر العسل

مد يده علي ,, اخلاقه للاسف سيئه ,, شحيح مره ,, المؤثر فيه اصدقاءه وامه بالدرجه الاولى ,, بلا شخصيه

مشحون على اهلي واخذ فكرة عنهم ,, كان بشر العسل بعيييد عني كل البعد اهم شي يتمشى وياكل وينوم

طفح الكيل عندي وحسيت بغصه تخيلو كل هذا مامر شهرين تمام مو قادره احس اروح عندي اهلي

اكذب ارسم ملامح وضحكات كذبيه لين جا اليوم الي مسخها ولاتحملت وقلت لهم هاوشوني ليه ساكته على كل هذا

انا على اساس يتغير وينصلح حاله اتاري العوج عوج لو يموت
ردينا ناس كثيير وقدمناه وانتظرته كثيير

اكتشفت اني تنازلت عن مبادئي واساسيات متربيه عليها وكرامتي ونا مو حاسه

صحيح تدمرت لكن عساه البلا الحب اللي يدمرك ولا يفيدك كنت احببببه وهو مو داري ويني فيه

اهم شي اكل جاهز ويدوام وينوم

صحيح هي شهرين ونص لكن والله كآنها سنه من كثرة افعاله الشنعااء ياليتني ما احبه تهووون كثيييير

صورته بعيني كبيييييرة لوثها بيده

ونا ببيتي اكتشفت ان له علاقات ومو شوي كثييييييييييييييييييييير باعتباره صداقات والصداقات عادي ماي فريند

طبعا ما واجهته ابدآ بس كنت ابعرف شخصيته وهروبه وصده

صعبه ادمر واضيع نفسي مع واحد لاهي وطايش لسآ صغير عالحياه مغازلجي مانضج

نظرة الناس تعور وقاسية واحيان اضعف واحس اني ولا شي

واحيان اقول يخسى والله هو اللي يكسرني

المشكلة انا قرايب ,, لكم وش قال حامد زيد المصايب ماتجيك الا من الناس الاقراب

كتبت كلام كثيييييييييييييييييييييييييييييييييييييييييييير ومنمق افضل من هذا وانضغط زر وطااااار تعبي

اللهم لك الحمد كما ينبغي لجلال وجهك وعظيم سلطانك

ساعات اندم اني اصريت عليه برغم معارضة الجميع وساعات اقول هذا قدر

واكيد فينا واحد مايستاهل الثاني ولكن حسبي الله عليهم وحسبي الله عليه

الولد طايش مغازلجي داج بالحياه وامه الا وتزوجته حالفتن عليه رمته بكبدي

هو مايبي يعرس الا وصل 35 واجبرته علي وكنت الضحيه حسسسسبي الله عليهم

ابصراحه فرق العيشه معه وعند اهلي وييييييييييييييييييييييييين رجعت لصحتي وعافيتي

كل من شافني قبل يفكرني اتوحم بلاه من الهم شي شي مو طبيعي

والله شي مو سهل ابد ولكن لو افكر اني اكمل معه عيشتي بطريقته لا والف لا شح وبخل وشح اخلاق وماده واكل
وتعامل وصد وبعد وهجر ياكافي

والله ارتوى جسمي وتغيرت كثييييييييييير صورتي بالاحوال المدنيه كانت ايام شبكتي والله فرق فرق

لدرجة ان موظفات الاحوال يبون يتاكدون ماعروفني ليه احرم نفسي الراحه على واحد جآهل ومو حق مسؤليه

والناااس كلها ودها تعرف وش السبب ولييه

بالرغم الاكاذيب والاقوايل اللي قالولها فيني لكن الله حسيبهم

نظرة المجتمع قاسية خصوصآ لسآ بعمري جلست متزوجه بس شهرين ورجعت صبيه

اييه رآح يخطب ولسآتني على ذمته قالو له طلق وتعال يوم رجع ارفضوووه وخطب اكثر من مرة

وانرفض ماااا بي اتشمت بس الله يوريني فيه .. ليه لاني مارضيت ارجع الا بكرامتي يسوي كذا
كآن تعاملي مره كويس مع هله ارسلهم من اكلي واسوي حلآ وقهوة واجتمع بهم

واتعشى عنهم وعلى هذا قالو فيني حكي ... ماتعرف تطبخ ووووو.. لكن فيه عادل كريم يرى ولايمهل

الحمدلله افتكيت منه وعلى فكرة جاتني هدايا وفرحآت اكثر من فرحة زواجي يعني احتفلو فيني اهلي

والله هدايآ وكيكآت ولكن يظل فيني جواي شي مكسووور يبين علي ولآقدر اخفييه

الله كريم وقادر ينصر المظلوم


ياعمري ابيك كنت متواصله معها طوال فترة المشكله وكانت تآآيد الطلآق وكنت استبعد حلهآ بالمره

لان صحيح مشاكل بس كنت احبه ,, لابارك الله في حب مثل كذا


اللهم لك اللهم لك الحمد اللهم لك الحمد

اللهم رضني بمآ قسمت لي وارزقني من حيث لا احتسب

والله اني كرهت كل المنتديات النسائية اللي كنت مشاركة واقرآ فيها سواء ازياء او استشارات او اكلات كذا مدري وش فيني كرهت اي شي يخص الحرريم

طبخت له باول شهر مالت عليه وماخلى بيت ماحكى فيه اني ماعرف اطبخ

ووين بيروح من ربه

دعواتكم بنآت والله يفرجها على كل مكروبه وكل من تعااني ووللاسف هالزمن وهالجيل مافي رجال ينسند فيهم الا ماندر

ابي مثل ابوي لا يغازل ولايلعب بذيله يكرمني ويحترمني بسسس حتى مو مهمه الفلوس ولا السكن

الحمدلله على كل حال

انتظر اراائكم :4:

 

[مجنونة ميدو]

الله يعوضك يا قلبي بلي احسن منه والحمد الله انها على البر ما بينكم اطفال والله ايسر اموورك ياارب​

 

[اصدق إحساس]

غللللللللللللللللللللطتي جيته بكل حب ولهفة الدنيا وشوقها وكان مبين علي

وهو مرره صاد عني وياما قريت انه ماتبين حبك ولا شي بس هذي النتيجه وماتخيلت اني راح اكررهه بيوم من الايام

الكذبات اللي يرميها بظهري ونكرانه لكل شي اقوله صراحه كانت شي كبير ان يحطم صورته الكبيره في عيني

والله السي دي صور زواجي ما حمضتهم ولا لي خلق اشوفها ابرميها الزباله امسحها بس مو قادره حتى صوري انا وياه بالجوال مو قادره اشوفها حتى امسحها

كثير اشياء تذكرني وتربطني فيه لكن الله جآآآآبر يجبر كل مكسوور

 

[اسيرة الخياال]

ياروحي الحمدلله لحقتي ع نفسك ولاتهتمي لكلام الناس مهما قالت او جرحت دامك عفيفة وبنت ناس
وربك راضي عنك ووالديك راضين عنك ابدا لاتهتمي احمدي ربك وتقربي منة واشكرية ان كل شي بان وطلع على حقيقتة قبل تتوهقين وتجيبي اطفال وشر وانزاااااااااااااااااح عن طريقك غيري حياتك حتى ملابس واغراض واشياء والجوال كل شي يذكرك فية تخلصي منها علشان ماتاثر في نفسيتك وتتعبي لاتكابري وتقولي خلاص افتكيت منة وارتحت لا ياروحي لاتكبتي اي شي جواتك وتتعبي نفسيتك اي شي يضايقك وتحسي انة شاغل تفكيرك امسكي دفتر وفضفضي فية وبعدها قطعي كل اللي كتبتية بس علشان تطلعي كل شي بقلبك او فضفضي لخواتك هنا كلنا راح نكون معك
تاكدي انها تجربة وازمة وراح تعدي
بس انت لازم ترفعي معنوياتك ولاتتحسسي لاي كلمة طنشي وماكانك سمعتي ولاتضايقي نفسك على كلام الناس لان الله يمهل ولايهمل بس
قولي حسبي الله ونعم الوكيل الله يريني عجائب قدرتة ويكفيني فيهم بما شاء وخلي ثقتك بالله كبيرة واحسني ظنك فية
حياتي لاتياسي الحياة باقي قدامك بس اهتمي بصحتك ونفسيتك اهم شي لاتستسلمي للحزن والجرح
وخليك قووووووووووووووية ولاتفكري كثير ولاتعطي نفسك مجال انك تجلسي لوحدك علشان تنسي وتمرالازمة وانت باحسن حال
انتبهي لنفسك ولاتظلمي نفسك باقي الدنيابخير وفية رجال فيهم خير وربي يعوضك خير ويرزقك زوج صالح يخاف الله فيك ويسعدك وينسيك الايام اللي مريتي فيها ربي يوفقك يارووووووحي ويشرح صدرك ويجبربخاطرك اسفة على الاطالة​

 

[دلوعةزوجي]

عزيزتي الله يجبر على قلبك ويرزقك باللي اطيب منه ويعرف معدنك وقيمتك

ابغض الحلال عند الله الطلاق

لاكن هو الحل النهائي والاخير اذا انعدم التفاهم والحب والمودة

الحمدلله مافيه ضحايا وهذا شي من فضل ربي عليك

خليك قويه وهذي تجربه لاتأثر فيك وخليه بصالحك مو ضدك

لايهمك كلام الناس ولاتجيبين همهم عيشي بحياتك اللي اخترتيها

المطلوب منك

تفرشين سجادتك وتطلبين ربك بأخر الليل انه يعوض صبرك خير وينزع كل ذرة حب او كره من قلبك لهذا الشخص

اطلبيه العوض والحياة الهادئه السعيده

اقري سورة البقرة اكثري الاستغفار

الله يعوضك خير حبيبتي وخليك متأكده ان ربي ما ابتلاك الا لانه يحبك وبيجأزيك بالاجر والحظ الطيب

تحياتي وانا بالخدمه لو احتجتي حاجه​

 

[نجمه الخليج 1]

ماهي. اخر الحياة

الله. يعوضك خير منه الف مره

 

[س؟..ج:..]

بصراحه برافوو عليك


والله يعوضك بأحسن منه

صح البداية صعبه بس مع الايام بيصير ماضي وبتضحكين عليهااا

وبتنلغي من ذاكرتك ...بس المسأله تبي وقت ...

الله عطى الانسان حياة علشان عبادته ثم يعيش بسلااام مو يركض ورااا شخص يلغي شخصيته ...

اللله يعووضك ان شاءالله

 

[كشه ناعمه]

الله يفرج همك ويعوضك يارب بالي احسن منه
ودام تركتيه لانه ماعفك واهملك ومايستاهلك لاتندمين عليه
ربي يعوضك بالي اخير منه والي ينسيك الايام هذه
وتحسينها مجرد كابوس كان بحياتك وصحيتي منه
الحمد لله على كل حال .. وكلام الناس مايودي ولا يجيب
والناس مالها الى الظاهر لو بتطاوعين كلامهم ماكلتي ولا شربتي
بس مو هم الي بينامون وينهانون وينذلون معاك
خليهم يتكلمون لين يشبعون بكره يدورن ضحيه غيرك
يحشون فيها بس ربك اعلم بالمستور .. وربي قادر انه يذله
ويعرف قدرك بعد مايجرب غيرك ذاك الوقت ماينفع الصوت لافات الفوت
عسى تجيه وحده توريه نجوم الليل بعز الظهر .. ويكره نفسه
وحياته معها .. وتصير لها هم بدنيته بالنهار تعله وبالليل تسمه .

والله يسعدك يارب وانتي خليك ريلاكس وعيدي ترتيب حياتك
وارتاحي وانسى كل شي وفتحي صفحه جديده كلها تفاءول
وخير وربي بيرزقك خير على قد نيتك .. واحسني الظن بالله
وصلي ركعتين شكر الي ربي فكك منه ​

 

[استغفرالله@]

الله يعوضك يارب

 

[om sara2]

اختي ربي يعوضنا اجمعين

 

[خلود بكر]

يارب فرج هما وازل الكرب عنها .....والله العظيم حسيت بالغصه الي فيك ولكن يظل فيني جواي شي مكسووور يبين علي ولآقدر اخفييه

الله كريم وقادر ينصر المظلوم جربت االطلاق وبالفعل نفس الاحساس مكسوره من الداخل......بس بقولك كلمه المصيبه في بدايتها تكون كبيرة وبعده فتره تتلاشى والانسان بصبره وقوته يمحي الكسر هذا صح كسر المراءه طلاقها لكن ربي حطه حل وحطي في بالك الدنيا فانيه وكلن مبتلي ماحد عايش مرتاح وقال تعالى سبحانه لقد خلقنا الإنسان في كبد) بقول الإمام القرطبي في تفسيره للآية كلاما عجيبا عن المكابدة فأحببت أن انقله لكم لنتعرف عن المكابدة وكيف شرحه علمائنا رحمهم الله .
إلى هنا انتهى القسم؛ وهذا جوابه. ولله أن يقسم بما يشاء من مخلوقاته لتعظيمها، كما تقدم. والإنسان هنا ابن آدم. "في كبد" أي في شدة وعناء من مكابدة الدنيا. وأصل الكبد الشدة. .....فرج الله همك وثبت على قلبك

 

[حور الأثرية]

ربي ريحك منه قبل لا تجيبين محمد وفهد وفيصل وتصيري في الثلاتة حيصل

 

[هياووووووي]

الله يعوضج حبيبتي خييييييييييييييييير ويرزقج باللي تستاهلينه ويستاهلج

 

[نفسي مجروحة]

الف مبروك وعقبال ما ييجيكي رجل بستاهلك​

 

[!! sama !!]

الله يعوضك خير ويرزقك شخص افضل منه يستاهلك

 

[شامخه بإبتسامتي]

الله يعوضك خير
الزمي الإستغفار والدعاء




سبحان الله العظيم وبحمدهـ

 

[زوجة الناظر]

قولي ( الله يشغلهم بأنفسهم )


وووووووووووانشي كل شي


اهم شي انك مستانسة والحمدلله


والله يرزقك باللي يسعدك

 

[واثقة]

رددي اللهم اجرني في مصيبتي واخلف لي خيرا منه


يعوضك ربي خير بإذن الله

 

[Lily-White]

وهالجيل مافي رجال ينسند فيهم الا ماندر

اختي صح لسانك والله

صرت ادعي على نفسي ان الله يباعد بيني وبين الزواج مثل ما باعد بين المغرب والمشرق لانو جد تعبت نفسيتي من زود الهم والغم اللي اقراه وش ذا الجيل اللي احنا فيه

 

[Lily-White]

خيتي اسمحيلي ابارك لك على الطلاق والفكاك

مبروك يا عسل وعقبال كل وحدة ضايقة الويل وبدها الفكة