ابشركم انخطبت

[روعة روح]

:icon26::icon26::icon26::icon26::icon26::icon26:

•·.·´¯`·.·• (أبشركم انخطبت) •·.·´¯`·.· •
​

كنت قاعدة أتفرج عالتلفزيون ... متابعة مسلسل ..
وجاء مشهد زواج وحدة من الشخص اللي تحبه من زمااااان ...
قلبت القناة على قناة ثانيه ...
لقيت عرض أزياء فساتين عرايس...
قلبت القناة .. لقيت خطوات وضع مكياج العروس ...
سكرت التلفزيون وجريت الونة " تنهيدة كبيرة " تشقق الصدر

التفت عليّ أبوي اللي نسيت تماما انه كان جنبي ... قال لي أبوي :
خير إن شاء الله يابنتي ؟! وش فيك ؟! عسى ماشر ؟!

أنا تلخبطت ساعتها وفتحت له التلفزيون وقعدت ساكتة ...

إيه أكيد بسكت وش أقول؟ أقول له ودي أعرس؟؟؟ ( يعني أتزوج بالعربي) ..
أقول له إن صاحباتي اغلبهم تزوجوا ؟؟
وإلا أقول له إني تمنيت أكون مكان بنت خالي في كوشتها وفي الزفة أمس ؟
يقطع الدراسة وسنينها ياشيخ ...
أوف والله غثا .. يا بخت جداتنا ماتطق الوحدة العشر سنين إلا هي مخطوبة ..
وعلى ال 13 أعرست ..
وان وصلت البنت 18 ما اعرست قالوا عانس!!!
هذوليك البنات اللي عايشين صح مُبْ حنا اللي نعجز ونوصل سن اليأس ما اعرسنا ...
أخخخ .. يُبه الله يفتح عليك وتخليني اعرس ... وتفكني من الدراسة ...

وساعة انا غارقة في قاع هذي الهواجيس ويرن التلفون ويقطع حبل افكاري ...
طالع الرقم ابوي وقال رقم غريب ... رد بلهجة رسميه :

وعليكم السلام .....
الله يسلمك .....
الحمد لله بخير .....
ايه أنا أبوفلانة (منيب قايلة لاحد عشان محد يعرفني ويضحك علي) ..
لا منت غلطان انا هو ...
ماعليك زود الله يسلمك ...
من معاي ياخوي ماعرفتك ...
والنعم .... تفضل وش السالفة اللي تبيني فيها ؟..
لا ماني مشغول ...
لهالدرجة الموضوع مهم ؟!...
تفضل تكلم شغلتني ...

والتفت أبوي علي وعطاني نظرة غريبة ..
أنا ساعتها قرصني قلبي مو من ردود أبوي بس من نظراته الغريبة ..
رد أبوي على المتصل : وش فيها زود طيب ؟...
لا بس مافيها أي ميزات عن الباقي ...
أقول في نفسي ..
ودي أرجفك يبه واخذ السماعة منك واكلم الرجال ناشر غسيلي حتى عند الرجاجيل ..

رد ابوي على المتصل : طيب وبعدين ... أيوه ....
طيب إيش اسمك الكامل ؟
إيش تشتغل بالضبط ؟
طيب من دلك علي وعطاك رقمنا ؟
لا الموضوع يا ابني مو بهالبساطة ....
العملية مش بيع وشرى وبس ...
الواحد لازم يسأل كثير ويحرص قبل يقدم على أي خطوة ...
لا موضوع انك تجي لبيتنا خليها بعدين ...
لين أسأل عن كل صغيرة وكبيرة ...
لا لما اكتفي من السؤال وأخذ المعلومات اللي تكفي ..
باتصل عليك تجي ونتفاهم ويكون خير إن شاء الله ..

أنا كنت أتابع حركات أبوي وأنا متشققة من الفرحة ...
أخيراً انخطبت وبتزوج مثلي مثل غيري ...
يوووووه أخيرا بلبس فستان أبيض منفووووووش
أخيرا بطلع أجهز واتقضى للزواج ...
بسوي زواج كبير مررررررة
وبحط زفة ريميكس وطرحتي مابيها خليجية بخليها مبتكرة ...
منيرة منيب عازمتها هي وخواتها ماعزموني الأسبوع اللي فات على الدي جي اللي سووه ...
وحصة صديقة امي منيب عازمتها بعد مطوعة مالي خلقها تحوسني لو حطيت ((أورق)) ...
وبشتري أغراض واشيل واحط واخطط ... بيصدع راسي بس ولو لذيذ هالصداع ...

يوم قفل الخط ابوي التفت علي وهو مبتسم ابتسامة تعجب وهو ساكت ... قلت :
- هاه يبه ؟ متى بيجي يشوفني ؟
- منهو
- هذا اللي خطبني تو
- وشو؟!

- خطيبي اللي تو
- تموووووونين انتي ووجهك صار خطيبك على طول ماعندك وقت !؟!..
- ايه يبه ترا احذرك هالمرة شف تكرش العريس ..
مثل ماكرشت ولد أم مساعد العام الماضي .
للحين تراها حازة في نفسي ..
ترا هالمرة بضرب عن الدراسة ...
والا الاكل مقدر اضرب عنه ...
وجع يبه بعنس من تحت رأس فعايلك بخطاطيبي ...

والرسول حث على تزويج من ترضون دينه وخلقه ...
وهذا الخاطب قايل قلبي انه أجودي .. ترا ما اعرفه بس اتوقع انه كذا...
وترا العرس أهم من الدراسة عشان الجنس البشري ماينقرض ....
وبعدين من قال لك اني منيب مكملة دراستي والله بكمل
حسيت ان عيون ابوي بتطلع من شدة علامات التعجب اللي في وجهه ..
بعدين انفجر من الضحك .
- هي انتي وين رحتي ... حدك حدك لا تشطحين !!!
- وش اشطح ؟!
هذي الحقيقة يبه والحقيقة ماتزعل ..
وانت الله يطول لنا بعمرك علمتنا على الصراحة وحب الحقيقة
- أي عريس وأي هم؟؟!!
انتي مصخنة ؟

هذا المتصل مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ ..
قومي نامي يابنيتي .. ولا تكثرين قعده قدام التلفزيون ...
الحين بس عرفت ليه سكرتيه تو...
أنا لا تسألون عن وجهي ...
الله يقطع أم العجلة اللي تعرفونها ....
مشكلتي إني أجزم على طوووووول قبل أتأكد

استروا ما واجهتوا

انتهت القصة ؟

ايش رايكم في قصتي...........!!!!

منقول

ادعولها والله رحمتها:cupidarrow:​

​

​

​

​

​

​

​

​

 

[*عبير القلوب*]

ههههههههههههههههههههههههههههه يقطع شيطانك

والله اني صدقت

 

[ام عنود]

هاهاهاهاهاهاهاهاها

روووعه لووووووول


انا قبل اول ما ايفاتحون بان في احد تقدملي على طول دموعي اربع اربع لوووووول


سبحان الله...

البنات اتخبلوا هالزمان

 

[روعة روح]

هلا بالغاليات

ام عنود

*عبير القلوب*

اسعدني مروركم

 

[ام جواهر]

ههههههههههههههههههههه



عاد الصراحه ماتفيد في كل المواقف............. الله يزوجها ويزوج بنات المسلمين

 

[شـغـف]

لوووووووووووووووووووووووووووووووووووووووووووووول

دمها خفيف..

شكرا حبيبتي..

 

[Rooma1]

زمان

كنت عارفة انه وراها سالفة........الله يرزقها و بنات المسلمين...:bigsmile:

 

[بنت الصيبا]

ههههههههههههههههههههههههه ههههههههههه
والله صدجت وقلت وش هل جراءه بس دمها عسل
الله يرزق بنات المسلمين بالاز واج الصالحين ويحفضهم من عيال الحرام

 

[روعة روح]

اهلين

ام جواهر
أميره محمد
Rooma1
بنت الصيبا

اسعدني مروركم

 

[لحن الأنوثة]

هههههههههههههههههههههههه

ياحلوك

وان شاء الله ربي يرزقك بولد الحلال

اللي يسعدك ويهنيك

آآآآآآآآآآآآآآآآمين يارب العالمين

 

[روعة روح]

اهلين ام دندونة اسعدني مرورك

بس انا متزوجه

ادعيلها هي ههههههههههههههههاي

 

[إخلاص]

ههههههههههههههههههههههههههه
لووووووووووووووووووووووووول
مسخنة على الآخر
الله يرزق بنات المسلمين بالاز واج الصالحين ويحفضهم من عيال الحرام

 

[روعة روح]

اهلين إخلاص اسعدني مرورك

 

[ام شهد]

ههههههههههههههههههههههههه

الله يرزقج بولد الحلال

تسلمين حبوبة

 

[هني يعني عسل]

هههههههه
والله انها جنان لووووووووووووووووووووووووووول مسكينه والله بجد انها من افضل انواع الفشايل ياي على كده وجها الوان ثانكس

 

[روعة روح]

مشكورين على المرور