السلام عليكم ورحمة الله وبركاته...
سامحوني يا بنات اني بتعبكم معاي... بس اول مرة في حياتي احس اني محتاجة لاحد ماحصل حد حوالي...
اتمنى ان اللي عندها مشورة صادقة ماتبخل علي.. والله يجزيها خير الجزاء..
مشكلتي باختصار...
انا اتزوجت رجل مطلق مرتين ومن كل حرمه عنده بنت.. زوجته الاولى على كلام اهله كانت سيئة الطباع جدا ولسانها سليط وماتحشم احد.. وهي غير مواطنة ومن عائلة فقيرة..
بس عقب ماطلقها تم متواصل معاها ويحبها وماتركها لحظة وحدة... وهذا كان سبب طلاقه من زوجته الثانية..
المهم الزوجة الاولى اتزوجت وهو فقد الامل انها تطلق من زوجها الثاني فاتزوجني هذا بعد معاناة تقريبا 8 سنوات...
عقب ماتزوجني.. اتغير وحاول ان يصلح نفسه ويتركها خاصة بعد ماكتشفته في بداية زواجنا وفعلا تركها لمدة يمكن اتكون شهر... فهي سوت المفاجأه انها اطلقت من زوجها واعلنت حريتها وامكانيتها للزواج...
ومن هذاك اليوم وانا ماشفت خير.. يعني بعد زواجي منه بثلاث شهور وهو كل مرة يسويلي تمثيلية عشان لازم يتزوجها عشان بنته وعشان يصلح حياته وعشان (على كلامة اللي اعتقد كذب) شي سري مايقدر يبوح به لكنه مجبور يسويه واذا انا ماوافقت بيعيش حياه كئيبه...
المهم انا رفضت وهذه القصص استمرت لفترات متقطعة لمدة سنتين... واخر شي اكتشفت انه اتزوجها من شهر او شهرين بس مادخل عليها للحين...(لانها شرطت عليه مايدخل عليها الا عقب ماياخذلي بيت اونها تبا تبين طيبتها يعني) وطول الفترة هذي كانت معاملته لي سيئة.. وانا احسب انه هالمعاملة لانه يبا يتزوجها ومايقدر.. لكن اكشتفت ان ماخذنها.. وبعد ماكتشفت تم يعاملني معاملة رومانسية (اكيد ينافق) ووعدني انه بياخذلي بيت ايجار وبياخذلي سيارة من الوكاله وبيسفرني... كل هذا عشان اكون راضية.. للعلم هو انسان مديون جدا.. وساكنين بيت اهلي.. وراتبه كله يروح للدين.. وانا اشتغل وكنت اساعدة بس من فترة تركت هالشي وماساعدة ولا باي شي.. واول مازاد في راتبه شي بسيط خذ قسط كبير وخذالها بيت اايجار ودفعلها مهر واتزوجها... وانا عطاني 20 الف يسكتني بها وانا ماعرف عن سواياه
والحين انا مكسورة جدا جدا... واهلي كلهم معاي.. بس مايدرون انه اتزوجها على بالهم كان يبا ومايقدر.. واذا عرفو بيزعلون وايد.. لانه ماحشمهم... وغير هذا اهلي مستعدين يستقبلوني ويريحوني لو اطلقت منه.. عندي ولد واحد صغيروني .. واقدر اني اخذ حضانته من زوجي لان لي طريقتي في اجباره على هالشي...
البارحة اخر كلامه قالي:"تبيني كل يوم اكل بيض؟؟" يعني انا البيض... فانا كتبتله اليوم على البيبي.. " لا خلك تاكل فاصوليا كل عمرك... انا ماباك"
والحين قررت اطلق منه... اتمنى اتخففون علي همي مثل ماشوفكم اتخففون على الحريم في المنتدى...
الله يفرج هم المهموم...
وسامحوني على الاطاله
:8:
:8: