اااااااه ثم اااااااااااه حتى زوجي مالي حق فيه

[القلب الرائع]

السلام عليكم يا بلقيسات

ارجووكم ساعدوني انتون اهل زوجكم جذي يسوون

السالفه وما فيها انه زوجي طالعين معزومين على غدى المهم دخلنا الى هالناس الا هم من اهلي عازميني دخلنا بس دقايق حتى كانو قاعدين يجهزون الغدى المهم الا اتصلوا اهله يعني امه وخواته يقولونانتو وين قلنا لهم طالعين قالوا انا للهوانه اعرف من وراي ان بعض الظن اثم وهاي بس كل يوم ماخذه الصبي ومطلعته عاد هو عرف انهم يبون يطلعون معزومين كمان تخيلوو يا بنات طلع من المكان اللي معزومين فيه ورد راح الى اهله بمنطقه مو قريبه عشان يوديهم رغم هم عارفين احنا تونا طالعين بس ولا اهتمو ولا قالوا تعبان عندهم كذا احد بالبيت بس ما يبون الا هو لانه طيب والكل يستغله
والله يا بنات حدي تضايقت رغم اشوه انه الحال واحد عند اللي زايرينهم

بس بذمتكم تجوفون عدله اللي سووه طلعو زوجي من العزيمة عشان يروح لهم انه ماانكر انه هالشي واجب يساعد اهله ومن البر يعتبر لكن بهاي الطريقه يعني

صراحة جدا تضايقت من تصرفهم وخبرته اني تضايقت وهو حس لي انه تضايقت بس مااقول غير الله كريم

دعواتكم الله يرزقني رزق من رب العالمين عشان اطلع لحالي بيت

مادري ليش من اطلع معاه احسهم يتضايقووون احس بنظراتهم انه مو مااحس يعني الواحد له مشاعر واحاسيس والحمدلله رب العالمين هو يحبني حب كبير وانه احبه بالمثلي والله يخليه لي يارب
​

 

[ROSES BLOOM]

يمكن محد من عيالهم بار فيهم غيره ؟
يمكن لمن يطلبون الباجي ما يسوون لهم ؟
حبيبتي طولي بالج لأنه انا نفس الحاله مع انه مو ساكنه معاهم
بس اهما ما يحبون احد يوديهم و ييبهم غير ريلي
حتى خدمهم على اسم زوجي مع انه بناتهم متزوجين و الاولى يحطون خدمهم على رياييلهم !!!
بس عادي ، مالي شغل فيهم اهوا و اهله يسوون اللي يريحهم ، ماحب اتدخل بينهم ، دام اهوا مرتاح ، و علاقتي فيهم زينه الحمد الله ، ليش اكبر الامور .
اخذي الامور بالسياسة ، الزواج يبيله وحده تكون قالب ثلج و تطوف
انزين حبيبتي انتي مدخلج و طلعتج تمرين عليهم ؟؟؟ و لا مدخل و مخرج برا البيت ؟؟؟
اول مرة تصير هالحركة و لا دايما ؟؟؟
يمكن كان عندهم شي طاريء حيل .
اذا تطوفين عليهم صج مشكله ان شالله تطلعين ببيت بروحج و راح ترتاحين .

 

[القلب الرائع]

ROSES BLOOM

فعلا يااختي هو الوحيد الي بار فيهم ومدخلي مشترك بسمع اخوانه المتزوجين بس ولكن علاقتي فيهم اسلم عليهم واسولف معاهم بس بحدود بس ما بيني وبينهم مشاكل الحمدلله بس مو اول مره يطلبون منه هالطلبات بس هالمره انه وهو طالعين معزومين على غدى يعني هو طلع بالاخير وجدا تضايقت ولا اهتموو خلووه يطلع ولا حسوو لتعبه مسكين
على فكره مدخلي غير مدخلهم بس اول بداية زواجنا لازم من نطلع انروح انمر عليهم والكل يعرف عاد فلانه وفلان راح يطلعون سكت كثيرر وتضايقت تالي فهمته كل واحد له خصوصياته وفهم ولكن احيانا يرجع للهسالفه واهله يحبون يسالون وين رايحين وين جاين

والحمدلله رب العالمين ماعندي مشاكل معاهم بس تعرفين تصرفات اهل الزوج احيانا الواحد يتضايق منها
http://www.niswh.com/vb/member.php?u=163729​

 

[ورد الجوري000]

الله يسعدك ويفرج همك يارب

 

[زمان الوصل]

أختي
مادام زوجك يحبك ومعاملته لك حسنة
فما يحدث بينه وبين أهله أمر يخصه لا شأن لك به
حتى لو كان الأمر مرهق ومتعب بالنسبة إليه.... فالضيقة عليه لا عليك
المهم في الأمر أن بره بأهله لم يكن على حسابك أبداً
ولا على حساب علاقتكما
فلو نظرتي للأمر من هذه الزاوية
أي أنك غير متضرره شخصياً ممايحدث بينه وبين أهله
لإرتحتي نفسياً
وفقك الله