ااااااااااااه ياخواتي القهر بيذبحني

[دنيتي كلها غلاي]

السلام عليكم خواتي اشحالكم ان شالله بخير
بدخل في الموظوع على طول امس كنت طالعة انا وزوجي نتعشى برى المهم قاعدين وايد مبسوطين
المشكله انه جاه مسج ع موبيله مكتوب ( فدييييييييت هالويه ) المهم هو رواني المسج عند باله حرمته ثانية المهم بعد مانتبه للرقم عارف ان المسج من مجهول على قولته مايعرف منوا راعي رقم طبعا انا وايد ضايقت وتحسست واااااااااااايد من المسج وكانوا بنتين يالسين مقابلنا فاطلبت منه يعطيني رقم ورفض قالي يمكن زوجته ثانية هي الي مسوية فيه هالمقلب لانه متزعل معاها ومايرد ع تليفونتها عقب شوي جاه مسج ثاني من نفس رقم مكتوب ( شو بلاك بيبي ) انا هني خلاص كنت بنجن وبالاخص يوم عرفت ان فيه وحدة دوم تركض وراه المشكلة انه يحلف لي انه مايعرف رقم ومايبا يعطيني اياه عشان مااسوي مشاكل المهم ردينا البيت وكبرت السالفة وطلع نام بالغرفة ثانية وصبح راح الدوام واتصل بي وتميت اقوله انه واحد مايستهل واكيد انه هو الي موزع رقمه ويحلف لي الله وانه مايبي يتصل ويعرف منوا عشان مايبا يعطي الموظوع اهمية وحلفته براس عيالي اذا يعرف قال مايعرفه وعصب علي وسكر الخط بوجهي وجا ع البيت جمع اغراضه وراح ع البر وبيرد يوم السبت والحين انا معاي رقم اخدته من عنده شو تنصحوني اتصل واعرف منوا هي واذا كلمتها شو اقولها ابغي اوصل لها بأي طريقة عشان اعرفها منوا هي وع فكرة هو حلف الله انه ماراح يتصل ع رقم دخيلكم خواتي ساعدوني

 

[دانة الشام]

أولا ليش تتهمي زوجك إنه هو من اعطى رقمه لبنات؟؟؟ممكن يكون ترى ملعوب من شي بنت وماأكترهن بهلأيام بنات فارغات ماهمهن غير التسلية وخاصة بالمتزوجين على فكرة ..مابخافوا الله...المهم اذا بتقدري خلي حدى من أخوانك يتصل فيها على أساس من شكاوي الاتصالات وإنو إجاهن شكوى من شخص إنو هادا الرقم عم تجي منه قلة أدب ومعاكسات وخليه يجرجرها بالكلام ممكن يعرف مين هي وبلأخير يهددها إنو بيفضح أمرها عند أهلها اذا مابتوب عن أفعالها....الله يطمن بالك يارب.

 

[@أحلى من ألحلى@]

زوجك على نياته لو هو صحيح يعرف احد ثاني ماكان قال شوفي الرساله لا تخلين احد ثاني يستانس بزعل زوجك منك وقفلي على السالفه والرقم لا تتصلين عليه لو شفتي الرقم استمر برسايل خلاص اتصلي وهزئيه وقولي اللي براسك ماراح يصير وعلى فكره كل رساله ترسلينها لزوجي يخليني اشوفها ​

 

[دانة القصيم]

شوفي ياقلبي

اول شي تعوذي من ابليس وخلي عنك العصبيه لو براس زوجك حركات كان ماوراك المســــج

بعدين قال لك انه مايعرف صاحب هالرقم

انتي خليك واثقه من زوجك ياقلبي ولاتخربين حياتك بشك او باتهام انتي ماتعرفين مصداقيته

وانا مع الاخت دانة الشام بكلامها
والله يوفقك ويسهل امرك ويسخرلك زوجك

خلي حدى من أخوانك يتصل فيها على أساس من شكاوي الاتصالات وإنو إجاهن شكوى من شخص إنو هادا الرقم عم تجي منه قلة أدب ومعاكسات وخليه يجرجرها بالكلام ممكن يعرف مين هي وبلأخير يهددها

 

[عسل11]

يااختي الحلف لغير اللة شرك قال تعالى ان اللة لا يغفر ان يشرك بة ويغفرمادون ذلك لمن يشاء وقال صلى اللة علية وسلم من حلف بغير اللة فقدكفر اواشرك فاانتبهي جزاك اللة وحفظ لك ابنائك

 

[ديم و ريم]

ممكن سؤال
انتي الاولى او الثانية
ع راحتك اذا ماتبين تجاوبين

 

[عسل11]

جزاك اللة خيرا

 

[خلود بكر]

اتركي الرقم عنك اختي وامسحيه والله مو مستفيده ولا شئ وبعدين لو هو خطأ او يسوي شئ خطأ ماواجهك فيه يابنت الحلال لاتخلي الشيطان يدخل بينكم وبعدين حاولي تعتذري منه والله يهدي الجميع

 

[MEeMEe -]

حبيبتي فكري مزبوط واتصرفي

 

[بـدويـه مـودرن]

وحلفته براس عيالي اذا يعرف

اختي انتبهي الحلف بغير الله لايجوز
وزوجك باين انه صادق
لاتسمحين لابليس يخرب علاقتك بزوجك
لو زوجك عنده شي مايوريكي الرسايل

 

[القوية]

حبيبتي زوجك لو نيته مو سليمة ماكان وراكي الرسالة......خليك عنك هذه الأفكار وانتبيه ممكن أحد اراد ان يوقع بينك وبين زوجك....موفقة

 

[صغيره بالعمر]

لو عنده شي ما كان وراك اياها واذا اتصلتي وش بتقولين

وخصوصا اذا طلعت زوجته بتقول له زوجته وبيعرف وبيزعل منك اكثر لان قال لك لا تتصلي

والله معك

سوي اللي يريحك

 

[مييسو]

انتي اعرف بزوجك راعي خرابيط ومسكتي عليه شيء من قبل ؟؟؟
راعي العلاقات مايعلمك بالرسايل بيشبك معاها على طول باين انه على نياته والمفروض انه مايعلمك اي شيء عن علاقته بزوجته الثانيه اريح نفسيا لك

 

[دنيتي كلها غلاي]

مشكورين خواتي ع مروركم
والله القهر ذابحني اخاف ترد طرش له مسج وعقب يتصل فيها وتصير امبينهم علاقة
وانا وااااااااايد شاكة ان صاحبة رقم مغربية ع فكرة انا ماشفت على زوجي ولا شي بس الي سمعت ان في بنتين يلحقونه وحدة مغربية وثانية سورية ساعدوني خواتي كيف اتصرف معاه وشو ردة الفعل لآنه هو الحين زعلان مني لاني قلت له خاين وطلع ع البر ولا فكر يتصل فيني ولا حتى بمسج يسأل عني وعن العيال شو تنصحوني اكتب له مسج

 

[عابرة في الحياة]

بذي الحاله خليه يغير رقمه وحااافظي عليه

وانننتبهي تطلعين من بيتك ... . عشان اللي تزعجه ما تقدر

تاخذه منك .. الله يعينك .. ياليت يواعدها وتنسقين مع الهيئة

عشان تقبض عليها .. ودي*

 

[hadifa]

مشكورين خواتي ع مروركم

والله القهر ذابحني اخاف ترد طرش له مسج وعقب يتصل فيها وتصير امبينهم علاقة
وانا وااااااااايد شاكة ان صاحبة رقم مغربية ع فكرة انا ماشفت على زوجي ولا شي بس الي سمعت ان في بنتين يلحقونه وحدة مغربية وثانية سورية ساعدوني خواتي كيف اتصرف معاه وشو ردة الفعل لآنه هو الحين زعلان مني لاني قلت له خاين وطلع ع البر ولا فكر يتصل فيني ولا حتى بمسج يسأل عني وعن العيال شو تنصحوني اكتب له مسج

أنت تتهمين زوجك من غير دليل هو طلعك تتعشين خارج البيت ونكدت عليه وعلى نفسك على كل حال انت الخسرانة
اياك تفتحين باب اخر للخلاف بسبب كلامك عن المغربية والسورية الله يهديك

 

[حالمه ولكن]

الرجال كان صريح معاك ولو حق لعب ماوراك الرسايل نكدتي عليه وعلى نفسك عالفاضي
اعتذري منه وحاولي تسيطري على اعصابك قد ماتقدري خليك حكيمه في حل المشاكل وفي المواقف المستفزه

 

[عسـэšζـــل]

بصراحه انتي غلطانه كدتي على نفسك وعلى زوجك من اوهام مالك دليل عليه ولاشيء امكن زوجته الثانيه وهو لو عنده خرابيط ماوراك المسج​

 

[دنيتي كلها غلاي]

نسيت اخبركم ثاني يوم خبرني انها طرشت له مسج
تقوله ( ليش تضربون ) وقت مانحنا كنا نتعشى بس ماعرف اذا صدق طرشت له هالمسج ولا لأ
واخاف يكون يستفزني يمكن ماطرشت له هالمسج وتخيلوا طلع من ع امس البر ولا فكر يسأل عني ولا يطمن ويدري اني زعلانة ومابيرد لين يوم السبت​

 

[بسبو]

احس انه على نياته تاكدي قبل ما تهدمي بيتك