إنهن أمااااااااانة...والله إنهن أماااااااااااااااانة

[سعوديه]

بسم الله الرحمن الرحيم​

السلام عليكم ورحمة الله وبركاته​

لم أعرف ماذا أختار عنوان له...فلم أجد أمامي غير موضوع أستاذتنا الغالية ناعمة "إنهن أمانة" لأقتبس منه
http://www.niswh.com/vb/showthread.php?t=14113​

وربما موضوعي هو صورة حية واقعية جسدت أمامي اليوم بصورة حيه لما كنت أقرأه ولم يكن عقلي يستوعبه​

في الحقيقة لا أعرف كيف أبدأ بما بمر معي يوم أمس من موقف لفتاتين في عمر الزهور
فتاتين لم يعلمان عني أي شئ سوى أني الغريبة التي كانت تقضي شهر عسلها على متن الباخرة التي ركباها الفتاتين برفقة والديهما واخوتمها ليقضيا إجازتهم على متنها​

الغريبة التي قبلت دعوة والدتهما على العشاء في منزلهم
والتي تفاجأت من إهمال أحد الأمهات ..الذي جعلها ترسل السائق ليجلب ابنها ابن العشر سنوات لبيتهم​

الغريبة التي جلست تحدث المدعوات عن التحرش الجنسي للأطفال ومخاطره وآثاراه
وكيفية توعية أطفالهن عنهن
ثم انصرفت لمنزلها الصغير ولم تكن تعلم ماذا تخبئ لها الأيام ​

لم يخطر في بالي ولو للحظة من الزمن أن يحصل لي ما حصل بالأمس ....ولم احلم بشئ من ذلك وحتى في كوابيسي
لأن ما حصل وما سمعته كان شي شنيع
ربما كلمة شنيع لا تمثل مدى بشاعة الأمر الذي سمعته
سمعت منهن كلام دمع قلبي منه
وأخذت دموعي تنهمر
وجسدي يرتجف
فاجعة ​

وقد سمعتها من أفواه بريئة مدت يدها إلي لعلي أنقذها
وأنا لست سوى فتاة غريبة ​

اليوم عزيزاتي في الساعة ال4 عصرا اتصلت على هاتفي المحمول "نورة"
وهي تبكي وتندب قائلة: "إلحقيني يا سعوديه بناتي يا سعوديه بناتي"​

"نورة تعوذي من الشيطان ايش فيهم بناتك فهميني؟؟"​

نورة: " الحقيني يا سعوديه بناتي
راحوا بناتي
انجنوا بناتي
حسبي الله وهو نعم الوكيل
حسبي الله وهو نعم الوكيل"​

 

[سعوديه]

انا الآن اسمح بكاء وصراخ وحوسه
" يانورة حرام عليك إهدئي وفهميني!!!!!!!!"

نورة: "بناتي يا سعودية حنان جالسة تبكي بقوة
وندى تصارخ وتبكي وما ني عارفة ايش اسوي؟؟؟ وكل ما كلمتهم زادوا وقالوا لي انتي ما تفهمين
نبي سعوديه...الله يوفقك يا سعوديه ويخلي لك عيالك تعالي بسرعة"

"خير يا نوره هدي نفسك وعطيني ندى أكلمها"

نورة: " ندى الله عالم بحالها بس تصارخ...خذي حنان معاك"

"السلام عليكم حنان يا قلبي ايش فيكم؟؟"

حنان بصوت متقطع يتخلله النحيب والبكاء :" خالتي الله يخليك تعالي...خالتي الله يخلي لك بنتك تعالي"

"طيب يا قلبي جايتكم بس فهميني ايش الموضوع يا قلبي؟؟؟ ما اقدر اجي على عماي"

حنان: " ياخالتي ما اقدر اقولك انتي تعالي الله يخليك"

"حنان ما راح اجي لين افهم ايش السالفة...ايش فيك انتي وندى حرام عليكم امكم فيها القلب خافوا ربكم فيها"
أنا مفكره انهم مثل البنات معاندين امهم او مو سامعين كلامها ومخانقتهم...لكن اللي محيرني أنا مو صديقة أمهم المقربه!!!! وكل المرات اللي شافوني فيها ما تتعدى 3 او 4 مرات؟؟؟!!!!

حنان بصراخ" سيكشوال أبيوز...سيكشوال أبيوز...فاهمة سيكشوال أب يوز" يعني (تحرش جنسي)

أنا الحين الدنيا تلف تلف تلف تلف فيني...لكن بدون ما أفكر
"ألحين جاية"

كنت وقتها زايرة أهلي كلمت سواقي وقلت له بسرعة تعال
لبست عباتي وطلعت الشارع
ركبت ورحت بيتهم...وانا مو عارفة اي شي ايش اللي صاير
تحرش جنسي في مين؟؟
ومن مين؟؟
ووين ابوهم؟
وامهم؟؟
وأنا ايش دخلني انحشر بينهم؟؟
وليش انا بالذات؟؟

أسئلة كثير في بالي ومو عارفة إجابة أي سؤال​

 

[ام جواهر]

كملى اختى........ الاحول ولاقوةالا بالله

الله يأجرها في مصيبتها ويخلف لها خيرا منها

 

[سعوديه]

رنيت الجرس وأنا قلبي بين إيديني
يا ربي استرها......يا رب سترك

فتحت الأم نورة باب الشارع وعيونها لونها حمر من البكاء
وكانت تتمتم بكلام شي فهمته وشي لا وكان أغلبه: "حسبي الله وهو نعم الوكيل...لا حول ولا قوة الا بالله....حسبي الله وهو نعم الوكيل...لاحول ولا قوة الا بالله
آمنت بالله ...آمنت بالله"..

جلست وأنا راسي في الأرض ولساني معقود جنب نورة وأنا أسمع بكاء ونياحة
ودخلت علي حنان(17 سنة) ووجهها غرقان دموع
وجلست

قطع صوتي الخجول صمتنا
"حنان إيش فيك حبيبتي... وإيش فيها ندى؟؟"

نورة ردت وهي تشاهق: " ندى الله أعلم بحالها"

حنان: " أنا يا ماما قايلة لك إيش فيها ندى بس أنتي ..." وسكتت

قلت أنا: "إيش فيها ندى؟؟؟"

طالعت البنت في أمها ونزلت راسها وقالت: "يمه قولي لها"

أنا رديت بسرعة: " لا أنا أبي أسمع منك..."

نزلت البنت راسها وسكتت
حسيت إنها مستحيه أو خايفة ...ما ادري ايش مشاعرها بالضبط؟؟

فجأة دخل أخوها الصغير علينا
قمت أنا قلت لها: "عندك مكان ثاني نروح له"

حنان وقفت ومشت ودخلتني غرفة الضيوف وجلست على الكنب والنور والمكيف مسكر
وجلست أنا في النبة اللي جنبها

وبديت: " وقلت يالله قولي لي ايش اللي سيكشوال ابيوز؟؟؟"

ما ردت

" طيب من مين؟؟؟"

حنان: " من المدرس"

أنا: "مدرس؟؟؟ مين هذا"

حنان وهي منزلة راسها والدموع تنهمر بغزارة: "لما كنت في ثاني ابتدائي أهلي كانوا جايبين لنا مدرس يدرسنا العصر..."

أنا فهمت ايش السالفة وما حبيت اكبر الموضوع

قلت لها: " قولي لي إيش سوى لك؟؟"

حنان: "كان يتحرش فيني...وانا ماكنت عارفة ايش وكنت خايفة وخايفة على ندى"

"قولي لي ايش سوى فيك؟؟؟"

حنان:"كان.............................كان ..." وكملت لي ايش الموضوع
واعتذر عن كتابة ما حصل لأن الموضوع جدا شنيع وانا مااقوى على كتابته

أنا وقلبي يدمع وعبائتي غرقت بالدموع: "حسبي الله وهو نعم الوكيل
حسبي الله عليه وهو نعم الوكيل
يا الله ياكريم انك تخسف به الأرض....آآآآآآمين

يا حنان هذا إنسان مريض...
لا هذا مو إنسان هذا أي شي بس مو إنسان
الله ياخذ حقك منه..الله ياخذه

يا حنان ترى يا قلبي العيب مو فيك
وانتي ما سويتي اي شي غلط
الغلطان هو هذاك الكلب حسبي الله عليه وهو نعم الوكيل اللي مافيه في جسمه ذره من الإنسانية
هذا شيطان متحرك"

قاطعتني: "أنا لما صار لي هذا الشي ماكنت عارفة ...لما صرت اول متوسط فهمت ايش هذا وكنت اخاف من كل شي ودرجاتي كانت في النازل...ومو قادرة اركز...لكن حاولت انسي نفسي
اقنع نفسي ان هذا حلم مزعج...كابوس ولازم أنساه لازم"​

 

[ام جواهر]

حسبي الله ونعم الوكيل فيه


كملى


متااااااااااابعه

 

[سعوديه]

سألتها وكان ودي اخفف عنها ..ما دريت ان السؤال راح يفتح جروح حاولت انها تقطبها
"ياقلبي هو تحرشه بس من فوق؟؟"

قالت: "ايه"

قلت:"الحمدلله احمدي ربك اللي سترها معاكم"

حنان انفجرت في موجه بكاء: "بس انا عندي اكسبيرينس ثانية"

وقتها انا ظنيت إن البنت أكيييييد انحرفت من اللي صار لها وغلطت مع أحد
لكن لما سألتها انصدمت
" اكسبيرينس كيف؟؟؟ احد ثاني جاك؟؟؟"

حنان:"أذكر قبل حكاية المدرس ...يمكن كان عمري 5 سنوات كنت متدده على سريري وأمي كانت والده في المستشفى...جت الشغالة ودخلت فيني......................."
اعتذر عن الكتابة

انا مسكت راسي ما قدرت ارفعه من الفاجعة
وجلست ابكي بقوة وبحرقة وقلبي يردد : حسبي الله وهو نعم الوكيل

حسيت البنت راح تتأثر من موقفي خليني اخفف عنها
تمالكت نفسي وسألتها: "قلت يمكن ما أثر عليك"

ردت حنان علي:" لا يا خالتي أنا اذكر حسيت بألم...خالتي لا تعلمين امي اخاف يصير فيها شي الله يوفقك يا خالتي امي مو ناقصة هم"


قلبي انعصر وانا الحين اكتب لكم وماني شايفة الكي بورد
ومو قادرة اسند نفسي على الكرس

حسبي الله وهو نعم الوكيل​

 

[ام جواهر]

لاحول ولاقوة الا بالله


اولا خذى البنات لعياده خاصه.... لاطمئنان عليهم ..... وبامكانك الذهاب لبعض الدوله الخليجيه.... لارجاع الاوضاع لما كانت عليه .

ثانيا.... البنات يبالهم عياده نفسيه حتى ما تأثر عليهم... القصه

وكملى



متاااااااااااااااااااابعه

 

[سعوديه]

لملمت الجزء الذي بقي من عقلي
ورديت عليها: " الله لا يوفقها...ورب العالمين حسيبنا عليها...والله يورينا فيها عجائب قدرته...انه قادر على ذلك...اللهم آمين

حبيبتي لا تخافين ماراح أعلم أحد وسرك في بير عندي
وأنا باخذك دكتوره تفحصك وتشوف
واذا فيه شي انا أكلم أبوك ونسوي لك عمليه"

ماكنت دارية ردي بيخفف عليها او بيزيد همها...الله يستر عليها في الدنيا والآخره...ويصبرها على ما ابتلاها...اللهم آمين

حنان: "يا خالتي انا خايفة من الدكتوره
لا ما أبي أروح"

أنا: "لا تخافين يا حنان أنا بروح معاك لدكتورة ما نعرفها ونغير اسمك ونلفلف الموضوع"

حنان وهي راسها منحني للأرض (حسبي الله وهو نعم الوكيل على من كسرها) : " خالتي لا تحسبين اني بنت صايعة...أنا والله ياخالتي امشي جنب الساس وأعرف ربي"

"عارفة يا قلبي سمعتك أطهر من الطهارة نفسها...وماشاء الله عليك اخلاق ودين وجمال"

حنان: "أنا الحين مين راح يتزوجني...ومين راح يطل في وجهي...ما احد راح يصدق إني مالي ذنب باللي صار........"
وجلست ترمي بهمومها علي

رديت عليها مبتسمه: "الله معنا

وأنا مصدقة كل حرف تقولينه ولا تخافين أنا راح أساعدك"

حنان: "طيب وندى؟؟؟"

جاوبتها: "بساعدكم كلكم...روحي نادي ندى أكلمها
وإلا إيش رايك نطلع برى بيتكم ونروح كوفي ونتقهوى ونتكلم...ولا تخافين انا راح اكلم امك"

حنان: "والله يا خالتي ما ودي تعبانه وراسي وبطني يعوروني"

"يالله عاد يا دلوعة كلها ساعة بالكثير وراجعين ومنها تغيرين جو وأنا خاطري في قهوة وما ابي اروح لوحدي...يالله روحي نادي ندى"

حنان: "ان شاء الله"​

 

[بحرالدموع]

حسبي الله ونعم الوكيل الله يصبرهم على هالمصيبه

 

[سعوديه]

نورة كانت عند الباب ورايحة جاية
ولما طلعت حنان دخلت بسرعة وقالت لي: "طمنيني سعوديه الله يطمنك"​

نوره توها مسوية عملية في القلب صار لها اقل من 6 اشهر..الله يشفيها
أنا ما حبيت أهمها...وقلت افهم من السالفة
فرديت: " أبدا خير ان شاء الله ...انا بطلع معاهم ونتكلم وافهم الموضوع زين واخبرك
لكن قولي لي ليش كلمتيني أنا بالذات وما وديتيهم عيادة؟؟؟!!!!!"​

ردت نوره: "مو أنا حنان قالت لي كلمي خالتي سعودية هي اللي تفهم أنتي ما راح تفهمين علي وكانت مصرة على رايها"​

أنا متعجبة من الموضوع
"كيف أنا اللي أفهم؟؟؟"​

نورة: " تذكرين يوم الاستقبال اللي عندي لما جيتي تتحمدين لي بالسلامة وجلستي تتكلمين عن التحرش بالأطفال...أتوقع هذا هو السبب"​

بدأت توضح لي الفكره: "تطمني يا نورة بناتك مثل خواتي...واللي بيقولون لي عليه بيني وبينهم وبين رب العالمين..وماراح يطلع لجنس مخلوق"​

نوره: "الله يجزاك خير يا سعوديه...واعذريني على الثقل اللي بتتحملينه لكن حنان ما تبي تتكلم مع غيرك وأنا والله حاولت معها ومع ندى وما قالت لي حنان غير سيكشوال ابيوز وما قدرت أطلع منهم أي شي"​

انا مستغربه: " انتي بس تقولين حنان تبي وحنان قالت
طيب وندى؟؟؟"​

نورة بحزن عميييق: "ندى صار لها 6 سنوات تجيها حالات عصبية وما تحترم احد لا أنا ولا أبوها ولا احد وتتلفظ بكلام مو زين وتصارخ...وفيه أيام ماشاء الله عليها زينة البنات"​

أنا الحين مو فاهمة أي شي لكن بخفف عنها
" انتي بس ادعي لهم بالهداية والستر"​

نورة: "الله يستر على بناتي وعلى جميع بنات المسلمين ويهديهم وييسر أمورهم ويحفظهم" اللهم امين

قلت لنورة: "اذا ما كان عندك مانع ودي أخذ البنات للكوفي شوب يغيرون جو ونتكلم...يمكن ياخذون راحتهم أكثر"

نورة ردت: "إعتبريهم بناتك لكن الله يوفقك حطيهم في عيونك ما عندي أغلا منهم"

حبيت ألطف الجو: "بناتي مره واحده .... حرام عليك توني ام 25 تبين تعجزين بي"

وطلعت من نورة ضحكه ذابلة من الهم اللي شايلته
​

أذن المغرب وطلبت أتوضأ وأصلي وكلي خوف اني اذا نزلت راسي وسجدت ما أقدر أرفعة من الهم والحمول اللي في راسي​

 

[ام جواهر]

الله لايوفقه دنيا واخره .....

 

[سعوديه]

بعد الصلاة جتني حنان
وقالت لي: "خالتي ندى ما تبي تروح معانا"

قلت لها: "أقول لأمك تكلمها؟؟"

ردت: "لا هي تقتنع مني أكثر من أمي"

قلت: "روحي ترجيها وقولي لها عشاني وما أبي أطلع مع حرمه غريبة لحالي وتعالي معاي...واترجيها"

راحت حنان لندى وجلست تترجى ورجعت خائبة الأمل
وقالت : "خلاص خالتي خلي الطلعة يوم ثاني"

أنا زاد إصراري إني أكلم ندى
أبي أشوف البنت إيش عندها من هموم؟؟
قلت لها: " حنان يا قلبي ناديها أبي أكلمها"

ردت: "خالتي ماراح ترضى تنزل...ايش رايك تطلعين لها؟؟"

إلتفت إلى نورة التي بادرت بالكلام قائلة: "سعوديه يا قلبي روحي اطلعي البيت بيتك"

ارشدتني حنان لغرفة ندى
وانسحبت
خبطت على الباب ما ردت
خبط مره ثانية وثالثة
وماردت

خبط بقوة وتكلمت: "ندى لو سمحتي ممكن تفتحين لي الباب..أنا خالتك سعوديه"

ندى بغضب: " ما راح أفتح خلوني في حالي"

جاوبتها: "ندى الله يوفقك لا تفشيلي الحين انا جاية وتاركة بيتي عشانك وانتي تقولين لي ما راح أفتح؟؟...على الأقل طلي علي وسلمي"

ندى : "طيب بسلم بس لا تدخلين غرفتي"

"ابشري ولا يهمك ما راح ادخل"

فتحت ندى جزء بسيط من الباب ووقفت قبالة وسندت الباب من جوا برجلها

كلمتها: "ندى بنطلع أنا وحنان ونبيك تجين معانا"

ندى:"ما ابي حرانة وفيني النوم"

رديت: "معليش كلها ساعة وراجعين ماراح نطول"

ندى: "لا ما ابي"

انا: "معليش هالمرة بس عشاني أول مره أعزمكم لا تفشليني"

نفس الجواب: "لا ما ابي"

سألتها: "طيب ليش عطيني سبب غير الحر والنوم"

ندى:" انا كذا مزاجي ما ابي اطلع"

جلست اتراجاها وعشاني والله يخليك وبكلمك في موضوع

قالت: "موضوع إيش؟؟"

قلت لها: "موضوع عريس"

ضحكت وقالت :"طيب ماراح ابدل ملابسي بجي بالبيجامة"

قلت لها: "على راحتك بالعكس أنا دايما أطلع بالبيجامة أريح لي"

انبسطت ندى
ورحت انا وياها وحنان للكوفي شوب​

 

[سعوديه]

في السيارة مخي يوديني ويجيبني
وأسأله كثيره تدور
كيف راح أتعامل معاهم وأنا ما أعرف البنات
كيف راح أبدأ معهم الموضوع؟؟
ومع الأسئلة انتابتني حالة خوف ​

لكن قطعت أفكاري منظر البنات
تخيلوا قمة الأدب والاحترام
محتشمات ومتغطيات
وطول الطريق ما التفتوا لا يمين ولا يسار
ولما أسألهم عن شي يردون وأصواتهم واطية والرد يكون بكلمة او ثنتين بالكثير​

ماشاء الله تبارك الرحمن عليهم
الله يحفظهم ويستر عليهم
ويصبرهم وينسيهم اللي حصل فيهم
ويرزقهم بعيال الحلال اللي يصونونهم....اللهم آمين​

المهم وصلنا
وبايالله طلبوا بعد إلحاح كبير مني وإصرار
جلسنا شربنا وأكلنا
ودردشنا في المدرسة والجامعة وايش طموحاتكم
وتخرجتي ايش
ومتى تزوجتي
يعني دردشة بنات​

وفي نص الجلسة دقت أمي: " سعوديه الله يهديك وينك..أنا على بالي إنك نايمة..ولما ارسلت أختك تصحيك ما لقتك والشغالة قالت إنها شافتك طالعة بسرعة وأنا مستغربة أول مره تتركين عيالك..خير ان شاء الله يا بنتي!!!"​

ما عرفت ايش ارد على أمي لكن ربي ألهمني وقلت: "يمه معليش اعذريني بس صديقتي لما تعبانه وفي المستشفى وأهلها مسافرين وكلمتني تبي أحد معاها وأنا طلعت مستعجلة...يمة الله يخليك انتبهي على عيالي وخليهم تحت عيونك"​

والدتي: "سلامتها يا بنيتي ما تشوف شر...تبين اجيك او ارسل معاك احد اخوانك او خواتك؟؟"​

انا: " لا يمه الله يجزاك خير ما يحتاج...أقول يمه اعذيني ما أقدر أكلمك ألحين...برجع ادق عليك لما يصير الوضع تمام"
طووووووووووط​

حسيت البنات كأنهم انبسطوا من مكالمتي مع امي
يمكن حسستهم بالأمان وان سرهم في بير...ما أدري يمكن​

و بدأوا يمونون شوي وخلصنا من الشرب والأكل
جت اللحظة المنتظره​

قلت لهم: "ألحين أنا راح أفتح معاكم موضوع...هو موضوع حساس لكن أبيكم تعتبروني أختكم الكبيره وتقولون لي كل شي
أنا أعرف إن اللي صار فيكم وانتوا صغار شي مو سهل
ولا هو غلطكم
هذا غلط الوحش اللي سوى فعلته الشنيعة
وهو شخص ما له بالإنسانية أي صلة​

وأنا فاهمه إنكم خايفين من أشياء كثير
ولكم الحق إنكم تخافون​

لكن لا تخلون هذا الشي يدمر حياتكم​

تعرفون هيروشيما وناجازاكي؟؟
تخيلوا إن أمريكا قبل 60 سنة رموا عليهم قنبلة نوويه وقضت على الأخضر واليابس​

ألحين قولوا لي وين صارت اليابان؟؟"​

ردت ندى: "هم ألحين أكثر شعب متطور"
حنان قالت: "وبعد أكثر ناس عندهم علم ونسبة الأمية قليلة"​

قلت: "شفتوا كيف بدؤا حياتم من جديد بعد ما تدمر كل شي؟؟"​

انا طبعا كلامي كله ودموعي على خدود

بعدين سألت ندى: "يشكون منك أمك وأبوك يا ندووو ويقولون إنك عصبية وماتحترمينهم و...و....."​

ندى بدت تتكلم ودموعها جالسة تقطع جملها: " أبوي مو فاهم
ما يفهم أي شي
وأمي بعد ما تقدر
وما تعرف أنا إيش فيني
أنا كل يوم أتخيل هذا الوحش يبي يدخل علي
وما أقدر أنام ولا أجلس ...أخاف منه يجي ودايما اسكر باب أي غرفة انا فيها
وأقفلها بالمفتاح"​

 

[سعوديه]

كملت ندى: "أنا كنت خايفة
خايفة عليك يا حنان...ولما كان يسوي لي كنت اسكت لأني خايفة عليك"

حنان: "انا بعد يا ندى كنت خايفة عليك كثير"

ندى:" ايش سوى فيك يا حنان قولي لي"

حنان: "نفس اللي سوى فيك ....واشرحت.....لكن مرات اكثر"

ندى: "كيف يعني مرات اكثر...يعني سوى فيك شي زياده"

حنان: منزلة راسها للأرض: " لا بس..

انا هنا قاطعتها لأني شفت البنات خايفين على بعض ومتعلقين في بعض
وخفت حنان تكمل وتحكي لأختها عن السالفة الثانية وبعدين تنتكس حالتها

سألت ندى وحنان : " ما خبرتوا احد عن اللي صار لكم"

حنان قالت: "قبل سنة خبرت امي وابوي عن سالفة المدرس"

ولكن ندى ردت: "لا أساسا أمي ما تفهم وابوي..."

قاطعتها: " يا ندى أنا أم وأعرف كيف الظنى غالي
إذا مرضتي إنتي أو حنان كيف تصير أمك؟؟

وإذا أحد تأخر من البيت كيف أمك تسوي؟؟

أبوك بعد ليش يجلس يشقى ويتعب عشان مين؟؟

وعشان ايش؟؟

وهل تفتكرين إن أمك او ابوك ما يحمونكم؟؟

تعرفون قبل لما كنتوا صغار ماكان أحد عقله ممكن يتصور إن ممكن أحد يتعدى على طفل
أساسا كانوا الناس مهيتين عيالهم في الشوارع
ومأمنين

لكن لما جانا الإنفتاح الإعلامي
ودخلت القنوات وقلة الأدب علينا بدأ يطلع الشذوذ والعلاقات المحرمه والتحرش والاغتصاب

ولا تفكرين ان ابوك راح يقصر او امك معاكم او في حمايتكم"

هنا ردت حنان: "أذكر امي لما سوت جت تسوي العملية جلست تصييح وتوصيني عليكم وعلى ابوي
ووصت ابوي علينا

وقبل سنة قلت لأبوي على حكاية المدرس ودور عليه ولقاه سافر بلده...واعتقد راح دور في بلده لكن ما حصله"

ندى: "من جد يا حنان الكلام اللي تقولينه..المدرس راح بلده وأبوي راح يدور عليه...ايش راح يسوي له؟؟"

انا رديت: "أكيد راح ينسيه اليوم اللي ولدته أمه فيه

انتي بس لما تذكرين الموقف اللي صار معاك قولي: حسبي الله وهو نعم الوكيل

ولاتفكرون إن الجنس شي قذر
بالعكس الجنس شي مقبول اذا تم في إطار الزواج الشرعي
اللي يجي فيه الرجل ويخطب من الأب وقدام الناس ويتزوج ويشهر زواجه"

ندى ردت: "أنا ودي أتزوج"

قلت لها: "خلصي المدرسة وبعدها ربي راح يكتب لك الصالح بإذن الله"

حنان قالت لها: "لا مافيه زواج غير بعدي"​

 

[دميـة]

لا حول و لاقوة إلا بالله العلى العظيم

اكملى اختى الحبيبة فنحن فى الانتظار

 

[سعوديه]

كملنا كلام في أمور ثانية​

وبعدين وصلتهم البيت ​

وسبحان الله اللي يشوفهم قبل ما يصدق إنهم نفس البنات
من قبل وجهيههم ذابلة وتحسون ما فيهم دم وحزينات
ولما رجعنا صاروا موردات ومبتسمات

وجت على بالي تسميه لهم: "خارجات من تحت الأنقاض"​

المهم
طمنت أمهم عليهم
والحمد لله ارتاحت من يوم ما شافت وجيهم
وقلت لها تطمن أبوهم​

وركبت سيارتي
وأول ما تذكر بنتي الله يحفظها
وولدي الله يحفظه​

ولما رحت أخذهم ظميت كل واحد منهم ظمة كبييييره وانا ابكي​

الله يحفظ عيالنا وبناتنا من كل شر​

وترى يا خواتي أنا مو متخصصة
ومالي أي خبرة في هالأمور...
لكن مشيئة رب العالمين هي اللي حطتني في هالموقف
والله يقدرني على إني أساعد هالبنات ​

وعارفة البنات يبي لهم علاج نفسي نتخصص
وانا بسوي اللي علي وبحاول أدلهم على الطريق الصحيح
واللي عندها نصيحة لي تنصحني
لكن الله يوفقكم ما ابي من كلام الإحباط...وإلا هذا ذنب مين او من تسيب مين​

الموضوع حصل ومانبي نتكلم في أشياء ماضية
نبي نصايح تفيد وتكون في مصلحة البنات
وايش نسوي لهم كخطوة ثانية​

ويابنات ادعوا لهم الله يوفقكم
ادعوا لهم بالستر والصبر والسلوان...ولاتنسون الدعاء في ظهر الغيب​

تخيلوا من كثر مافيني هم
كل ماجيت أنام أتذكر عيونهم وهي تدمع
وما نمت من أمس لحد الآن
وقلت لازم أنزل لكم الحكاية اللي ما فكرت فيها ولا في الأحلام​

المهم أنا لاحظت واستنتجت عدة أشياء:
1- المعتدي يكون ذكر أو انثى ...جوا البيت او من برا
2- لا تثقين في أي أحد حتى الشغالة ولا تخلون أولادكم معاهم أبدا بدون رقيب حتى لو لساعة
3-المعتدى عليه يخاف التكلم عن الموضوع ويشوف كل شي أسود...وأحيانا يرضى بالإعتداء عشان يحمي أحد غالي عليه
4-نتيجة الإعداء على الشخص تختلف من شخص لآخر...مكن يكون انساء هادئ جدا او يكون عصبي وحاد المزاج وغالبا انطوائي
5-دائما ما نسمع بأن المعتدى عليهم ينحرفون ولكن مما رأيت هذا غير صحيح
6- يا أمهاااات احتووا اطفالكم
7- علموا أطفالكم عن الإعتداء الجنسي وكيفية التصرف​

والله يستر على البنات ويصبرهم ويسليهم
ويرزقهم بالأزواج الصالحين
والله ييسر لي في مساعدتهم​

والله يحفظ بناتنا وشبابنا​

 

[دميـة]

لا حول و لا قوة إلا بالله

للأسف الشديد جدا جدا جدا انتشرت الاعتداءات و التحرشات الجنسية بالاطفال بصورة اكبر من المتوقع و كأنها سرطان يتفشى فى مجتمعنا

و الاسوأ ان الام لن تستطيع ابدا تخمين من اى جهة ممكن ان ياتى الاعتداء على اطفالها فللأسف الظاهرة تبدو و كأنها حصار محكم لا تعرف من اين ستأتى الضربة هل من الشغاله او المدرسين او الاقارب او المحارم او العمال او السائقين او الجيران او او او او .........؟

نحن فى زمن صعبت فيه المعيشة بأمان للاسف الشديد إلا من رحم ربى

كل ما يمكن فعله هو التوكل على الله اولا و التحصن بالاذكار ثم توعية الاولاد و البنات جيدا ثم الرقابة المحكمة عليهم و عدم تركهم لكل من ( هب و دب )

لى سؤالى فقط اختى الحبيبة

ما الذى فجر كل ما اختزنوه من تجارب مؤلمة فى هذا الوقت بالذات بعد مرور كل تلك السنوات ؟؟؟

و ايضا حين قيام المدرس بالتعدى فى البيت اين كانت الام حينها ؟ معقول كانت غافلة لدرجة انها كانت مغيبة و هو تعدى على الاثنتين مرات عديدة؟

و جزاكِ الله من خيرى الدنيا و الآخرة على موضوعك الهام جدا و المفيد لكل ام و اب ليفتحوا اعينهم على اولادهم

 

[زهرة البوادي2006]

الله يصبرهم ويصبر اهلهم وعسى الله يرزقهم الازواج الصالحين

 

[ادعولي بالصبر]

اختي انا بنتي عمر 3 سنوات ونصف مرت بمحاولة لفض البكارة من الخادمة وكانت تبكي

 

[ادعولي بالصبر]

اختي انا بنتي عمر 3 سنوات ونصف مرت بمحاولة لفض البكارة من الخادمة وكانت تبكي كثيرا ومزاجها سئ وتكرهني ان صح التعبير وتبكي في الليل حتى بعد ماسافرت الشغالة ومادري كيف اتصرف معاها ...........
وين اوديها ...............شوروا علي يابنات الله يوفقكم .. وادعولها الله ينسيها الي حصل لها والله يستر بناتي ويحفظ بناتي وبنات المسلمين امين