إأإلصـمـ صدى ـت ابا شورج عندي عزيمة بعد التراويح

[إأإلصـمـ صدى ـت]

السلام عليكم و رحمة الله و بركاته .. ​

حبيباتي انا عازمه خوات زوجي و حريم خوانه و خواتي و حريم ربعه .. و هذا عشان ازيد من التعارف و هي بمناسبه ان البيت اكتمل .. :shiny:​

و عزمتهن على الخميس الجاي على فواله بعد التراويح ..:essen:​

بليز بليز أبا حد يساعدني في الأطباق اللي بحضرها و الحلويات و كيف اقدم و وشو اقدم اول شي و شو عقب .. :surrender:​

لأني بصراحه أول مره اعزم و ما عندي خبره .. :dunno:​

كوني اني ما تعلمت شي في بيت اهلي لأني الدلوعه ..:c018: ​

و أبغي أبيض ويه :santa_1: .. ​

اباهن يوم يردن يقولن ماشاءلله عليها فلانه ما قصرت .. :icon30:
بحكمة أنهم يشوفوني قاصر ابا اراويهم القاصر شو تسوي ..:a115:​

بليز بليز طابتنكم لا تردوووووني .. :c016:​

 

[إأإلصـمـ صدى ـت]

استغفر الله

 

[نبض الخواطر...]

حبيبتي مو ذاكره شي الحين بس عندي لك طريقة كنافه راح تاكلين اصابعك وراها
تاخذين الكنافه وتذوبين نص اصبع زبده وتخلطينها مع الكنافه عقب خذي نص الكنافه اللي مع الزبده و حطيها في قالب وبعدين خذي خلطه
2ملعقه كبيره نشاء
1قشطه
2ملعقه كبيره سكر
2 كاس حليب سائل
3 ملاعق جبن سائل
وتخلطينهم بالخلاط بعدين حطيهم على النار الا ان تتكثف وتصير زي المهلبيه وصبيه فوق الكنافه وبعدين حطي الكنافه الطبقه الثانيه وحطيها في الفرن خليها تتحمر وعقب ماتستوي خذي الشيره وصبيها فوقها او عسل

وعذرا على الأطاله اتمنى انك تجربينها وتعطيني رايك

 

[إأإلصـمـ صدى ـت]

مشكورة حبيبتي ..

 

[إأإلصـمـ صدى ـت]

أستغفر الله

 

[إأإلصـمـ صدى ـت]

بلييز ليش ما تردوون

 

[NANDOOOOS]

انا اقترح عليك تسوي ورق عنب وتبوله كبه جيبي من برى جاهزه علشان ماتاخذ منك وقت
تشكيله معجنات صينيه مكرونه هذا اللي عندي

 

[نجمه الخليج123]

لاع انا اقترح انها هي اللي تطبخ علشان يذوووقون اكلها وما تتفنن واجد علشان محد يحسدك يختي الحسد كثران بين الناس

واذا انتي بتحطين لهم سفره تقليطه يعني حطي صح فطاير وورق عنب وكيك وعصير غير عن الحلا اللي بتقديمه مع الشاي والقهوه حلا للقهوه وشابوه مثلا مع الشاي ولا كيك بيتي كروكر تقطعينه طوال على انه حق شاي واممممم ولا تتعبين نفسك واجد كافي عليك الفطور اللي بتسوينه يعني هالاشياء اساسيه ولا تخربطين واجد علشان اصلا هم بيجونك شبعانين من الفطور اللي افطروه في بيتهم لا تحطين تحطين والناس مارح تاكل وان شاء الله قدرت افيدك ولو شوي تحياتي لك وان شاء الله تصير عزموتك حلوه واهم شي حصني نفسك بالاذكار

 

[إأإلصـمـ صدى ـت]

مشكوورين حبايبي

 

[إأإلصـمـ صدى ـت]

أفا وينكن محد يرد

 

[ياسمين وفل]

حبوبتي حطي سوالك على هالرابط
http://www.niswh.com/vb/t165499-3.html
موفقه ان شاء الله.

 

[ليليانKSA]

أهلين توي أشوف الموضوع,,,
أولآ:عدد الضيوف كثير <<ما شاء لله
لازم تكثرين الأصناف,,
ثانيآ:قدمي القهوه ومعاها 4 أنواع من الحلا
أدخلي قسم الحلويات راح تلاقين أشكال حلوه
بس ركزي ع طريقه التقديم,,
ثالثآ:قدمي السفرة وسوي الي تحبينة مثلآ جريش قرصان مكرونة باالباشميل_ورق عنب _كبة_محشي خضار_معجنات_ سمبوسة_سلطة حلا عشا_فواكة_عصير طازج,
ورتبيها ع شكل بوفيه بيطلع ررررروعة,,,موفقة أختي,,ولا تنسين صوري عزيمتك ونزليها لنا,,أوكيشن؟؟

 

[إأإلصـمـ صدى ـت]

يسلمووو ... طبعا لااازم أصلا أنا مشتركه في مساابقه غصبا عني بنزل

 

[معشوقه]

السلام عليكم ورحمة الله وبركاته ,,,

أولا مبروك عليكم البيت و إن شاء الله اتهنون فيه ...


و بعدين على بدخل في موضوع العزيمه ... يا الغاليه حددي عدد الحضور علشان نفيدج أكثر بالأصناف إلي اتسوينها ... و بعدين في احد يساعدج ولا لآ و اتعرفين اتسوين الأكلات الشعبيه الخليجيه يعني الجريش و ربعه .. ولو إنه مو أساسي وايد يعني إلي في وضعج محتاجه أصناف وايده و سهله بنفس الوقت على كل من اليوم أبدي اعملي محشي ورق العنب بالليمون و زيت الزيتون أو باللحم و الصلصة إنت و إلي اتعرفينه و إلي أسهل لج و بعدين في موضوع مهم عندج أطقم لتقديم الأكل و جفاش نجاب و صحون أكل و قنادير حلو لا شنو إلي عندج يعني عندج طقم تقديم كامل ولا محتاجه تشترين ..؟؟

و في شي بعد مهم إنت من أي بلد شكلك الإمارات اعتقد جذي لأنه الفواله على قولتج هقوتي إماراتيه و إحنا بالكويت نسميها غبقة ... إلي بعد العشا يعني من الساعه 9 لي نص الليل و طالع ... المهم في العادة بالإمارات و على حسب عرفج من الفوالات إلي تروحين لها الناس شنو يقدمون .؟؟

و اشلون اسلوب الضيافه عندكم لأن أنا شفت الخوات إلي ردوا الظاهر من السعوديه غالبيتهم و إلي تقول ركزي على القهوة و الحلو و إلي تقول لا اتسوين وايد من هالحجي جزاهم الله خير ...

حبوبه إنتوا اشلون الضيافه عندكم تكون يعني احنا في الكويت أول ما يدخل الضيف نقدم عصير فريش و بس و بعدين نقعد سوالف و ووناسه لي وقت الفواله يعني لما اتقلطينهم على الأكل و عقب ما ياكلون يردون لكراسيهم نصب الشاي على حسب الرغبه ...

ولما يوقفون بيطلعون نصب لهم قهوة مع حلوة القهوة و طبعا لازم نكون شابين البخور و يكون يعجل و نرشهم بماء الورد مع البخور و إحنا نودعهم عند الباب و حلو القهوة هذا مختلف على الحلو إلي راح يتقدم مع البوفيه ....


أنا ودي أساعدج بالأصناف بس زودينا بالمعلومات على شان انساعدج و انحدد معاج كم طبق اساسي تحتاجين اسوين و كم نوع سلطه و كم طبق حلو و الأفضل إن الأكل يكون غالبيته شغل بيت و أشياء خفيفه ممكن تشترينها ...

وقبل لا أنسى الناس إلي عازمتهم نوعهم أكيل ولا لآ يعني من النوع إلي ينسى نفسه بالأكل و إلا إلي ياكل خفيف بالنسبه للي اتعرفينهم خواتج و خوات زوجج ..

الله يسهل أمورج و تبيضين الوجهه في هالعزيمه إن شاء الله

 

[إأإلصـمـ صدى ـت]

يمكن من 10 حريم لفوووووق .. نحن عند الضيافه أول شي قهوه .. بس انا بخليها عصير ..امممم ..اذا على اهلي ضيافتهم بدويه بحته بس انا مابا جيه ابا تكون الفواله مشكله بنسوي هريس لأنه الطبق الرئيسي

 

[معشوقه]

سوري الموضوع نزل قبل لا أكمله ...

أشوه في تعديل عاد أنا في التعديل شلته بالمره ...

و سوري على الأغلاط الإملائيه ... الكي بورد أحيان يعلق معاي و ما أنتبه له ...

المهم في الشيز كيك في كلمه و تبينها = و تصبينها

 

[معشوقه]

أوكي 10 حريم تقريبا طيب خلينا نقول 15 حرمه حلو ...

محتاجه 3 إلى 4 أنواع سلطات ...

اقتراحاتي :-

تبولة - فتوش - سلطة سيزر بالبيدنجا - سلطة الشمندر أو الجرجير ...

معجنات صنيتين كل وحدة تشيل درزن و نص إلى درزنين معجنات مختلفه حجم صغير من جبن إلى خضار إلى بيتزا .. ( يفضل تشترينه جاهز علشان ما يضيع وقتج في عملة و إنت بس اترتبينه في صنية التقديم )

صنيتين مقالي أنواع الكبب و سمبوسة .. ( يكون متوفر من قبل و تقلينه وقت العزيمه )

ممكن تحطين صنية سبرينج رول إذا كان عندج جاهز يعني تقلينه بس يوم العزيمه

ورق عنب بالليمون أو بالطماط

صنية محاشي مشكله -

ممكن تحشين قرع وايد حلو و سهل ((و راح تشوفين إن عليه إقبال إذا ربعج بدو و ياكلون عيش تجيبين قرعة كبيرة مدورة و تقطعينها من فوق و اتنظفين بطنها من البذر و تغسلينها و تحشينها بعيش و لحم مفروم و اتردين راسها و اتغطينها بقصدير و اتدخلينها الفرن و اتخلينها لغاية ما تنضج يعني ما تاخذ وقت و تستوي على الراحه ))

طبعا الهريس ... إلي إنت قلتي عليه و بوجوده ماله داعي تعملي جريش الهريس يسد مسد ..

3 أطباق دجاج

مثل مسخن هذا سهل و اتحضريه من الصبح ولما يجون دخليه الفرن يتسخن لتقديم ...

و في طبق سهل اسمع دجاج شيرازي يطلع مثل المرق وايد لذيذ و سهل (( مرة طلع في التلفزيون الشيف أسامه السيد مستضيف مطعم إيراني و الطباخ سواه وايد سهل و طعمه عجيب أنا أعمله بالماسبات و العزايم ))

و في طبق اسمه عش العصفور لذيذ و حلو و جديد (( تستخدمين المعكرونه إلي بحجم الرز و تفوحينها و تخلطينها مع سبانخ و فلفل بارد ملون و كريمه ممكن يتحضر من اليوم إلي قبله و يتسخن قبل التقديم ))

و الحين وصلنا للحلو ...

محتاجه لثلاث أصناف حلو و طبعا مثل ما قلت لج غير حلو القهوة إلي ممكن تشترينة من برة أو ما أدري يمكن طريقة أهلج يفضلون التمر ,,,

المهم نرد للحلو ...

طبقين شيز كيك (( كونه الأسهل و الأسرع ما ياخذ وقت مجرد كيكه جاهزه تقطعينها و اتصفينها و اتعملين الخلطة و تبيها عليها و تحطينها في الثلاجه وقت التقديم يعني يحضر من اليوم السابق للعزيمه ))

و طبق جلاش و هذا حلو شرقي سهل و لذيذ و سريعه و يجهز من قبلها بيوم و يوم العزيمه العصر دخليه الفرن وسويه (( مكون من الجلاش و القشطة و مكسرات و لما يطلع من الفرن تصبين عليه الشيرة ))

و بس

أتمنى أكون أفتدج و إذا عجبج المنيو أو الأطباق و تبين الوصف التفصيلي و المقادير بعثي لي على الخاص و لا يهمج ولا يردج إلا كي بوردج يا الغالية ...

 

[الشيف ننّا]

حبيبتي شوفي موضوعي هذا ان شاء الله يفيدج...

واي سؤال من عيووني..
http://www.niswh.com/vb/t163309.html

 

[اشواق وحنان]

صلحي حلا وفطاير وورق عنب وممكن تستفيدين منقسم الحلويات والمعجنات فيها اطباق روعه وممكن تتفقي مع خواتك يساعدوك

 

[جولي دلع]

اول مايجونك طلعي عصير
سوي عصير ليمون ونعناع بالبيت
الطريقه
حطي لكل شخص نصف ليمونه وشوي ورق نعناع وحبه ثلج
يعني على عددهم حطي الكميه ومويه وسكر وحطيه بالخلاط
واذا جيتي تقدمين العصير حطي باطراف الكاس ذرات ليمون من شركة تانج
يعني بللي اطرف الكاس ومرري الكاس على ذرات اليمون يعني يعطي شكل وطعم
او عصير برتقال تانج او سنكوك ومعاه اخلطي كم حبه رتقال طبيعي يعطي طعم مره حلووووووووووو


شوفي انا قبل فتره سويت عزيمه وحطيت عصير اول شيئ

وبعد حطيت سفره كامله من الي
يعني الموالح والحلا والقهوه والشاهي والعصيرات والغازيات كل شيئ

انا سويت سفره تهبل وماتعبتني كثير
بس الحق لله عندي شغالتين ساعدوني الله يعطيهم العافيه


سويت من الليل
اربعه انواع حلا قهوه
وسويت نوعين حلا سفره ومهلبيه وكريمه

وسويت بف باستري حشيته جبنه وبيض
وسويت بيتزا
وشريت خبز صغار مره وقسمته من النص وحشيته كذا نوع
يعني كذا خلطه سويت
وسويت شوربه
وجريش
وسمبوسه
وسلطه خضراء
وسلطه مطحونه

ووووووووووووووووووو سلامتك