أول مره بيسفرني زوجي ياخبيرات وش تنصحوني فيه...؟؟؟

[سوسو بنت فوفو]

السلام عليكم حبيباتي البلقيسيات
ابستشيركم في شغله مهمه بالنسبه لي:7:
لي اكثر من 22 سنه مع زوجي ماعمري سفرني برا ولا مره :8:
صحيح نسافر داخل الديره بس برا لاااااااااااااااااا لظرووووف كثيره
منها الاولاد كان دايم يقول آخذك لحالك بس والعيال مابيك تاخذيهنم وانا ماعندي ااحد أستأمنهم عليه اهلي واهله بعيد..
هالحين بنتي الكبيره في الثانوي واصغر عيالي 4 سنين
ووعدني بعد اسبوعين نسافر 4 او5 ايام دبي نغير جو مانقدر نطول عشان العيال
وقال اانا ودي اجربك في السفر ماعمري جربتك!!!!!!!!!!!!!
وانا ماادري وش يقصد؟؟؟؟؟؟؟؟؟؟؟
خايفه ياخذ عني فكره شينه !!!!!!!
هو شخصيته شمالي غربي واناشرقيه جنوبيه
وعلى فكره زوجي تزوج وطلق وشكله يبي يعيد الموال مره ثانيه وانا ماعاد عندي صبر وابي
أنسيه فكرة الزواج مره ثانيه وش تنصحوني فيه ياخبيرات ؟؟؟


و دي تطلع السفره هذي حلوه وفيها تغيير وحركاات عشان يعيدها ويسفرني مره ثانيه :5:
بس ماادري وش اسوي محتاره ابي افكار جديده اسويها غير عن الليله الحمراء والزرقاء والخضراء
ياليت اللي عندها افكار جديده تسعفني فيها ولها مني دعوه في ظهر الغيب
إن ربي يحقق لها كل ماتتمنى ...ويرزقها من حيث لا تحتسب..

في انتظار نصايحكم....

 

[ايفوريا]

حبيبتي انا قبل كم يوم كنت بدبي مع زوجي
وهو يبغى يجربك يمكن مو قصده ليلات حمراء وخضراء
يكن كذا يجرب انه يسافر معاك اماكن ثانيه
بس نصيحه
خلي السفره هذه كلها رومنسيه ودلع
انا ماسويت شي غير اني تدلعت عليه شويتين
وعلى فكره ترى تغير المكان والمنطقه يحسن من الامور الثانيه اذا فهمتي علي
يعني لا تشيلي هم سافري وانبسطي وعيشوا شهر عسل من جد وجديد
والله يوفقك
وملاحظه.اختياركم لدبي افضل اختيار لانها صراحه مدينه اكثر من رائعه

 

[سوسو بنت فوفو]

تسلمين حبيبتي أيفوريا على الرد السريع
يعني في رايك هو يبي دلع ورومانسيه؟؟
اناادري انه مايبي الليالي اللي كل يوم الحريم يسوونها
احس الرجال ماتهمهم هالحركات كثييير..
ماشاء الله انتي كنتي بدبي ؟ الله يوفقك ياقلب ويسخر لك زوجك ويحقق لك كل ماتتمنين

 

[حيااتي حلوه]

انا وزوجي دايما نسافر دبي وتحسين بالسفر يتغير ما يخلي شي بخاطري ويكون طيب اكثر من احنا بديرتنا بس دايما العيال معانا يقول خل يستانسون اصلا تكتمل وناستنا وياهم شرايكم بتفكيره؟


والله يا الغاليه انبسطي وخ>ي راحتك ولا تفكرين بغير الوناسه وطبعا لاتنسون تروحون النافوره الراقصه احلى شي بدبي..........والليالي الحمرا والخضرا خليها بديرتج في بيكم احلى اصلا السفره بروحها تغيير جو وماله داعي ليالي حمرا بالسفر لما تردين سويها بغرفتج واشكريه على السفره الاكثر من رائعه وامنياتي لج بسفره سعيده والله كسرتي خاطري لما قلتي انج ما سافرتي هالسنين كلها.......

 

[احلى فجوري]

شوفي اهم شي تكوني مجهزه كل اشياءه ولالالالالالا تنسي شي عشان يعرف انك مهتمه والله لو طلب شي وقلتي نسيت ونسيت يطفش بس انتي ضبطي وضعك كلوو وفهمي اولادك لا يعملو ازعاج ويكونو هادين ماشاءالله كبار واهم شي الدلععععع والكلام الحلووو والله يسعدك ويسخر لك زوجك يارب ولا تنسيي لمى ترجعي قولي كيف سفرتكم ويارب تنبسطووو

 

[سوسو بنت فوفو]

حياتي حلوه زوجك عكس زوجي
زوجي مايحب ناخذ العيال الا السفرات القريبه
يحن على البنات بس اما العيال يقول مالهم داعي
انااشوف بالعكس اذا اختذهم اتطمن عليهم مااقلق واشيل همهم
صحيح تكلفة الرحله بتكون اغلى بس وش تسوى قدام راحة البال
بس رحلتنا ذي قصيره عشان كذاوافقت مع اني قلقانه شوي بس وش اسوي عمري
راح وانامااستانست مع زوجي برحله خاصه لنا لحالنا

احلى فجوري ..اهلين حبيبتي من ناحية الترتيب والتظيم لا تخافين علي انا اموت في التنظيم والترتيب
ومااروح مكان الا مجهزه كل شي من بدري لاني شرقيه وهذا طبعي
بس ماقلتوا لي افكار جديده شي اسويه ..؟
ياليت اللي عندها افكار لعشاء والا طلعه حلوه والا اي شي تقولي والا مكان حلو تنصحوني فيه ..اي شي

 

[كــبرياء أنثى]

حبيبتي لا شيلين هم ولا شئ خلي كل شئ في وقته يعني لا تفكرين من اللحين عشا وافكار ومدري وش ،
اصلا اذا سافرتي بتتغير كل افكارك وكل اللي خططي له .
انا في الصيفيه رحت اسبوع على سوريا بصراحه كانت احلى سفره بحياتي وطبعا العيال كانوا معنا لان اهلي بعيدين عني هم ولدين الكبير 6 والصغير 3 ،
يعني من غير لا اخطط ولا شئ عيشي يومك بس و وانبسطي قد ماتقدرين .
تروحون وترجعون بالسلامه ..

 

[سوسو بنت فوفو]

كبرياء انثى ..يعني قولك كذا ماتحتاج تخطيط ولاشي
انا كان قصدي ابي السفره ذي مميزه ماينساها ..
ادعوا لي ربي يسهلها وتكون احلى سفره

 

[روز الغامدي]

روحي والبسي احسن البس قبل ماتسافري روحي مشغل قصي وصبغي وسوي تنظيف بشرة وخلك عروس وتمتعي خلي كل شي وراك

 

[غريبة2]

حبيبتي انا كتبتكج عالخاص بس انتي ماعندج الخدمة مادري ليش،لأني انا تقريبا نفس سالفتج

 

[so you]

مرحبا اختي اول شي مبروك على السفره ثاني شي انا اشوف انو لازم يكون فيه تخطيط بالسفر يعني تعرفين وش الامان الحلوه الى تستاهل تروحيلها تسوي جدول لمدة خمس ايام علشان تكونين عارفه انتي وين تروحين انا قبل تقريبا شهر كنت هناك وكانت من امتع السفرات الي رحتاها انا وزوجي وراح اقولك على اماكن اعجبتني فيه النافوره الي بدبي مول والممشى الي في الجميره مرررر خطير يسمونه شانزليزيه العرب وفيه للعشاء في قرية البوم سفينه تخذونها لمدة ساعتين مع بوفيه عشاء مررره حلوه وفيه الكوفي الثلجي وفيه اشيا كثيره حلوه بس هذا الي يحضرني الحين وسفره ممتعه باذن الله

 

[شبح الفراق]

نا نصيحتي لك دام انك اول مره تسافري
انبسسسسسسسسسسسسطي
فكري كيف تعيشي الي فاتك
جددي بكل شي
اعملي كل شئ نفسك فيه
لاتطفشيه بالخوف على العيااااااااال هذي نقطه مهمه
خليه يحس انك عروس
واكيد هو اذا شافك عصفور طاير بالسما وسعيد رح يسعد فيكي ويتعلق فيكي
الله يخليكم لبعض ويسعدكم
وان شاء الله مابعمره يفكر يتزوج عليكي

 

[كــبرياء أنثى]

اكيد زوجك بيكون حريص اكثر منك على الاماكن والحاجات الثانيه يعني اكيد هو مخطط على الشئ هذا ،
انتي بس فكري في نفسك والاخت شبح الفراق تقريبا كتبت الكلام اللي كنت باكتبه .

 

[ذهب ماسي]

سوي تغير لوك حتى عباتك غيريها وطقمي شنطتك وجزمتك واشتري عطر سكسي واتركي الباقي علية حتى لو ماسو ى شي تبقى ريحة العطر تذكرة في ا لسفرية هذي وووووووووووووووخليك اتكيت وذوق ولسانك عسل وفرفشي وانبسطي واطلعي على أفضل الاماكن بدبي عشان تنورينة ولا تنسين تركبين المترو واواواواواوا شفته بالتلفزيون قبل يومين يصرع والله يوفقك أنا كمان راح أسافر في العطلة بس يارب يوافق بعلي بس لا تنسين تعلميني بأفضل الاماكن وأجملها وأرخصها

 

[الوردوالياسمن]

تروحون وترجعون بالسلامه
اختي انتي ادري بزوجك وشخصيته واش يحب

 

[متزوجه ولكن]

ماعليك من اليالي الحمرا والصفراء

اهم شي جددي نفسك

روحي جيبي ملابس حلوه وجديده ومشخلعه بعيدا عن اطفالك خوذي راحتك
وكل ليله لبس جديد
وخوذي لك مجموعه جسم حلوه

وش رايك بالنقش نقشي له كنك عروس يديك ورجلينك
بس تجنبي النقش الاسود بعضهم يحطون فيه مواذ تسبب حساسية

واستمتعي على الاخر
خليه يحب السفره معك

 

[محبة مكة]

ادعي الله ان السفرة تكون حلوة

 

[البياض]

اول شي اول شي واهم شي

خليك مو زوجه خليك خووووويته او خويييه بالسفر يعني
تبعدين عن اهم شي واقوى شي واخطر شي الغيرررررررررررره لاتقولين ولاتفتحين فمك وش ماشفتي خليه براحته يناظر
يتفرج هو قصده يجربك يعني يبي يشوف بينبسط معاك ولا بينغث وهالسفره بتحكم عليك
الرجال مايحب الحرمه تقوله شفت وطالعت خليك عميا واي شي يصير او شفتي حريم قدامه لاتتضايقين بالعكسسس خليك مرررررررره فري وعادددي عندك بالعكس علقي وتكلمي معاه مو تسكتين وتتنحين ويبان عليك شي هو بيكتشف هالنقطه فيك

لانه اذا حس انك محاصرته بيضطر انه يسافر مع اصحابه او اي شي ثاني ويصرف نظر عنك ...
سووووي كل شي براسك وخليه يحس براحه معاك ويحس انك وحده ثانيه ومتحمسه لكل شي وكل شي حلووو ويجننن
وطووول السفره اطررري اي شي يسووويه ونطي وبوسيه وقولي مررره انت تهبببل يازينك ليش من زمان ماتوديني كذا ومن هالمواويل ترى الرجال يفرررررررررررح وينبسط ويصير بعدين يحب يكرر هالاشياء ويمشيك لانه اثمر فيك وشاف رد فعلك واخر الليل عاد لاتقصرين خليه ماينام الا وهو مستااانس ودلع ومساج وسوالف حلوه ابعدي عن اي شي يكدر عليك زي ماقلت لك خليك خويته مو زوجته بسسس

اخر شي

عيالك الله يحفظهم لاتقلقين عليهم ترى الرجال اذا شافك كذا يهون ولا يحس بتانيب الضمير ولا يقول هذي ماتصلح مسويه قلق بالعيال وصجتنا فيهم بالعكسسس قولي انك مطمنه عليهم وخليهم مشاء الله كبار ادعي لهم وحصنيهم كل يوم واستوديعهم الله ولاتبنين قلق وارتباك احمدي ربك زوجك قرر يطلعك ويحرص على الاشياء ذي معك معناته يحبك ويبي يعيش شي حلو معاك
مررره خليك رااايقه واصلا من غير زوجك انتي لازم ترتاااااااحين وكل يوم وكل لحظه ذكري نفسك ان هالشي لك انتي قبل كل احد وعشان راحتك انتي ومن حقك ترتاحين شوي وتغيرين جوو وتروقين من حقققك عيالك الله يحرسهم ماعليهم خلاف
خليك مرتاحه ولاتصجينه بسيرتهم اخر يوم قولي له اذا ودك ناخذ لهم هدايا قالك ايه صار مايبي براحته بس انتي لاتخربين على نفسك شي اكليه ودلعيه وحمميه وكل شي خليه يحس انه عريس جديد معاك والله ياااااااااارب يهنيك ويسعدك ويريح بالك ويحمي لك زوجك وعيالك ياكريم ​

 

[قطـــــريه]

اختي الرفيق في السفر يا يكون ونيس يا يكون كئيب .. يعني الموضوع مو بس ليالي رومانسيه مع انها مهمه ايضا في السفر .. لكن القصد انج تكونين فرفوشه في السفر وتحبين تشوفين كل الاماكن مو كسوله ولا كل تبين تروحين مجمعات بس او كله قاعده في الفندق او كل يومج يروح في النوم .. حلو في السفر المرح والضحك والوناسه والفرفشه .. وتجربه امور جديدة ومانخلي الزعل يدخل فيها حتى لو صار شي يضايق او يزعل حاولي تحلينه بهدوء من غير زعل او مشاكل او مد البوز .. ومن وقت للثاني جربي تمسكين يده وانتوا في السياره او المطعم وانج تأكلينه وانتي تتغدون او تتعشون .. ومن هالأمور اللي تخليكم تنبسطون في سفرتكم الله يوفقج يارب

 

[عنقود عنب]

الله يهنيكم

مثل م قالت لك اختي قطرية ...اهم شي لا تخلي شي ينكد عليك او يزعلك

حتى لو صار شي يضايق ...تجاوزية باسرع وقت ولا تلتفي علية

لا تزني علية عن اولادكم وتبيني انك قلقانة عليهم اكثر من اللازم

وانت معه ...انسي اولادك... ((اكيد صعب عليك ولكن لا تجيبي طاريهم على كل وقت)) عيشوا كأنكم عرسان جدد

واذا شفتية مثلا دخل الحمام ...ممكن تكلمي الاولاد وتتطمني عليهم

او اذا هو اقترح انك تكلميهم ..فما في مانع

ولكن حسسية انه هو الوحيد في حياتك في هذه الايام القليلة

وربي يسعدكم