أهتمي بزوجك ودلعيه ،كيف ؟؟؟دخلي وبقولج ؟؟؟

[روح قلبي]

هذي طريقتي وحابه اني اقدمها لكم وان شاء الله تستفيدون منها ...
الريال يوم يشوف الحرمة تكون مهتمه فيه بيستانس ويحس انج صدق مدلعتنه ...مش بس بالجنس الي يريده الريال ..لا اهتمي بصحته وأهتمي ببشرته..

والادوات المطلوبة :
فواحة عطر وانصحكم بالزيت المعطر اللي في بدي شوب بريحة الليمون وثاني بريحة المشمش ...
شموع صغيرة ليكون الجو هادي ...
أربع فوط صغار ولازم تكون حارة ومخليتنها في ماي دافي ((بس لاتحرقن زوجج)) ...((بتعرفون بعدين ليش ))
متظف للويه ..وسكراب ..وتونيك ...وماسك ..اللي انتي تستخدمينه ..مابيسألج هو شو حطيتي ..
اسفنجات القطنيه لمسح الكريمات وتغطينهن طاسة صغيرووونه بلاستيك لغسلهن..
ماي ورد....
زيت مساج ..واذا مالقيتي اقرب شئ بيبي اويل...
يعني بالعربي ..سويله تنظيف بشرة....


قبل لينام أكيد ريلج بيكون يشوف التلفزيون أو الانترنت ..خليه بالصاله ..وانتي روحة الغرفة وتجهزين كل شئ ..ويوم بتخلصين قوليله تعال عندي مفاجأة ...وتكونين مشغله الشموع والفواحة ..وبيكون في باله شئ وانتي في باله شئ ثاااااااني:icon30:
وخليه ينام على السرير وتكونين حاطة تحت راسه فوطة علشان ماتتوصخ المخدة ..ومجهزة الاغراض عدالج على الطاوله ...
وتبدين تسوين له تنظيف بشرة ..يعني مثل ماتنظفين انتي بشرتج سوي لريلج ..والله انه بيستانس ...وانتي ساكتة :shutup: يعني مش تيبين سوووالف والعيال سوا وهذا ضرب هذا ..لا خليج هادية...
وسوي مساج بالكريمات وهاتي قطنتين حطي عليهن ماي ورد وخليهن على عيونه ...
وحطي الماسك على الويه ....وبالفتره اللي الماسك ياخذ له وقت ..ابدي برجوله حطي زيت على رجوله وسوي مساج .ولو انتي ماتعرفين ضغطي باصابعج على قدم الريل من تحت ومسحي وانتي ضاغطة على رجله ..واسحبي صبوع ريوله صبع صبع ...وهني بيي دور الفوط الحارة ..بعد ماتخلصين من رجله على طول لفيها بالفوطة الحارة ..وأبدي بالريل الثانيه ...وبتخلصين لفي بفوطة حارة ...
وروحي لأيده وسوي مساج وأسحبي صبوع ايده صبع صبع ..وبعد ماتخلصين من أيده لفيها بالفوطة الحارة وبالمثل لليد الثانية ...
وبعدين هاتي الاسفنجتين القطنيتين وغطيها بالماي ومسحي الماسك ..
وبعدها سوي مساج على ويهه بالكريم المرطب ....
وشلي الفوط وخلاااااااص وهنيئاً بتنظيف البشرة لزوجج ..

ومن يجرب الفكرة رجاء يكتب نتائج الفكرة ...
أنا عن نفسي يوم اسوي جذي يحس ريلي انه ملك زمانه ..ويستنانس ...

ودعواتكم لي ....
ومن تنقل الفكرة رجاء تذكر مصدر الفكرة..............

 

[واحات]

صراحة الفكره اتجنن ’’’بطبقها بأقرب فرصة ممكنه إن شاء الله

 

[البارونة توتة]

الفكرة وايد حلوة
بالنسبة للمساج .. أسوي حق ريلي .. خاصة مساج الريل ..
بس بالنسبة لتنظيف البشرة ما فكرت فيها ... بطبقها إن شاء الله
ومشكورة يا أم شما على النصيحة :icon30: .. والله يخليلج ريلج​

 

[روح قلبي]

طفلة كبيره:cupidarrow:




البارونة توتة:cupidarrow:

الله يخلي لنا ازواجنا وعيالنا ياااارب ...

يسعدني مروركن وان شاء الله أكون أفدتكن بالفكرة ....

وسلامي لكن أخواتي....:icon26:

 

[دنيا]

والله الفكره حلوه وصدق بيستانس

الله يعافيج على افكارج الحلوه ....

 

[ام فطامي الحلوه]

مشكورة وانشاء الله بطبقها

 

[كونتيسة]

مشكورة ام شما.. افكار رائعة وفي محلها..

 

[الوردة المحمدية]

ام شما ،،، أبدعتي
وان شاء الله أطبقها في يوم من الأيام ،،، وادعيلي أنا بعد

 

[القلب الكبير]

فكره رائعه .. بطبقها ان شاء الله لما يجي الوقت المناسب
شكرا لك و بانتظار المزيد من الابداعات

 

[قلب حر]

مشكوووورة على الفكرة الرائعة

 

[درة الأكوان]

بالنسبة للمساج على طووووووووووول شغالين بالمساج
بس تنظيف البشرة والله أخاف أسويه يصير كل يزم يبي يسوي تنظيف بشرة وأتوهق معاه مب ناقصةهههههههه
بفكر لو جربت سأخبرك بالنتجية بإذن الله

 

[شمس المحبه]

الفكره واااااااااااااااااااااايد حلوه بس انا ماعرف اسوي تنظيف بشره


وانا عمري ماسويت تنظيف بشرة لأنه الحمد لله بشرتي ابداً ماتحتاج شي .. حلوه وناعمه وصافيه ولله الحمد


ممكن حد يعلمني كيف اسوي تنظيف بشره وخاصه انه ريلي وايد يحب هالسوالف .. يعني بيستانس لو سويت له

 

[((شادن))]

وااااااااااااااااااااااااو فكرتك تهبل

ان اراد ربي وماجني شي يشغلني سويته اليوم

وبعلمك وش الانطباعات

 

[ام الحلوين]

تسلمين احاول اطبقها اذا حصلت الوقت المناسب

 

[مهره]

والله يليت تعطينا طريقة التنظيف لاني ماعرف الكريمات الى تستخدم فيه ولا الماسك

وراح نجربها عن قريب

 

[%%الاميره%%]

يااااااسلااام صراحه الفكره تهبل
لازم نجربها
الله يسخر لك زوجك ويسعدك حبيبتي
يسلمووو ,,,

 

[* ملكة الحب *]

مشكوره روعه الفكره... طيب إذا كان الزوج عنده لحيه طويله كيف تسوي زوجته ...؟؟؟؟؟؟؟

:msn-wink:

 

[الأميرة الصغيرة]

تسلمين ام شماا فكره حلوه ان شالله بسويها واقولك النتايج ياقمررر

 

[غاليه]

مشكووووووووووووووووووووره على الفكره الحلوه

 

[أروي]

واواواواواواواواواواوواواواواوواواواوااواو
وناسه احس بجرب واكتبلك