أنا و زوجي و أهلي

[راعية الغنم]

السلام عليكم و رحمة الله و بركاته

فضفضة على صدر المنتدى الغالي...


أنا عروس يديدة... فديتني

زوجي بسرعة يعصب و بسرعة يرضى

يرفض يعتذر.. كبرياء لكن يراضيني

حنون... لأبعد الحدود...

و المشكلة...

أهلى

أقول لهم بعفوية "لا ما بسير ريلي ما يرضى"
يردون بعصبية " ليش..؟ من متى هالكلام...؟ كيف ما رديتي عليه...؟

أقول لهم بعفوية "بيشتري لي أثاث من المكان الفلاني" للعلم مستواه المادي أقل من مستواي و المكان الفلاني يناسب ميزانيته و أنا ماعندي مانع

يقولون " ليش تسمحي له, قولي ما أبي و اطلبي انتي من دبي أو من بوظبي, هذا نصاب يقص عليج و يلعب عليج يبي يشتري لج أثاث مستعمل"

و أي شي من صوب ريلي يهاجمونه و يقولون كلام أنا ما أحب أسمعه مثل "ما نعرف كيف بتكملي و ياه؟ الله يعينج و يستر عليج"

مع العلم انهم هم اللي اختاروه ووافقوا عليه و عقب أنا...

صرت ما أحب أسير بيت أهلي ما أحب أسمع كلامهم... بالمقابل هم يتحرونه هو اللي يمنعني أو يكرهني فيهم.. مع انه دايما يقول سيري بيت أهلج

و أزيدكم من الشعر بيت.. أنا كنت مطلقة من ملجة و هو أول مرة يعرس

أبي نصايحكم أبي أبتدي حياتي بإيجابية

و بانتظار تفاعلكم

 

[وردة الحنون]

حبيبتي لا تكلمين بزوجج عتد اهلج
من الغلط تكلمين بعيوب مثل هذي
امسكي لسانك
وبس اجلسي تفديه وامدحيه عندهم
ربي يسخركم لبعض
سدد الله خطاك واعانك

 

[كارهه الظلم]

حبيبتي الله يووفقكم يالغاليه ويسخركم لبعض
لا تجيبين طاري لزوجك عن سوالف أهلك,,,, ودوم قوليلهم فلان يسلم ويسأل عليكم وأعزميهم عندك
وأمدحيه قدامهم وأنك مرتاحه معاه حيل ,,,,,, وأمدحيهم قدامه كمان........
والله يوفقكم يااارب...

 

[الشهرزاد]

غاليتي لا تجبدي سيرة زوجك قدام أهلك و إدا جبتو سيره فبلخير فهمتي إدا قالك بنشتري أتات من هاي المكان لا تقوليلهم خالي علاقتكم الزوجيه في حدود بيتك لا تقولي لهم فلان قالي ولا فلان بيشتري و إذا ما عجبهم شي مثل أثاتك قولي إنه دوقك مشان ما يعصبو عليه و حاولي تمدحينه لهم و أخليها لك وصيه مهما كان فهدولا أهلك يحبونك أكثر منه و راح يرمونك فشي يوم لا تقولي كرهت أزورهم هم خايفين عليك بس لا تفهمينهم غلط حاولي تبقي محبوبه مثل ما كنتي و تعامليهم بود و تزوريهم و تحبيه لهم و تحببيهم له هم حابين يمكن تصير لك شخصيه و كبرياء مثله شخصيه قويه و تكون عندك كلمه في بيتك مثله و بتوفيق​

 

[الدكتورة نبضة قلب]

الغلا
كلامج انتي وريلج ماله داعي يوصل اهلج

 

[غيرهم كلهم]

مثل ما قالوا الاخوات

لو عرفتي انه هي السالفة راح يصير عليها مشاكل

لا تقوليها وخلاص ودايما قولي يمدح فيكم ويحبكم

وخليه لو زار اهلك ياخد معاه حلى او شئ

او انتي جيبي شي معك وقولي زوجي جابوا الكم

يعني حبيبيهم ببعض بشطارتك

 

[كافيه لاتيه]

ماشاءالله الاخوات كفو ووفوا

 

[راعية الغنم]

الله لا خلاني منكم

خواتي .. العزيزات

حيل محتاجة لنصايحكم أحس اني أمية في الحياة الزوجية

في بيتنا ما أحد قال لي نصايح قبل الزواج

أنتظر المزيد من ارشاداتكم...

لكم مني كل الحب

 

[دلوعة فصولي]

الله يوفقك يارب
عادي تعامل زوجك معاك طبيعي شوي شوي وتفهمو بعض أكثر
امابالنسبه لأهلك لاتتكلمين لهم عن حياتك داخل البيت ودايما وصلي لأهلك ان زوجك يحبك ويحترمهم وكمان زوجك خليه يحس ان أهلك يحبوه ويقدروه
والله يحفظ لك ريلك وهلك ويديم عليك الموده يارب

 

[همـــس الروووح]

انا اكبر غلط سويته يوم تكلمت لهلي عن شخصية زوجي واهله وربي اني ندمااااااااااااااااااااااااااااااااااااااااااااااااااااااااانه

الحين احاول اصلح بالشخصيه بس مافيه فايده كل مايجي طاريه احسهم مايعطونه اهتمام ابد واحس ماله مكانه عندهم ابد

وهذا الشي يقهرني لاني احب يحطون لزوجي مكانه لو بس عشاني ؟؟؟؟

احيانا احس علشان مستواه المادي واحيان كثيره اشوف اهلي مايهتمون بالمستوى المادي وعلى فكرة ترى انا رفضته بعد فتره من الخطوبه وقالي ابوي خلاص نفك الخطوبه بس هل انتي متاكده تراه رجاااااااااال طيب وكريم ووووو

لمى رضيت وانا الاالان والله ماندمت

بس المشكله ابوووي عطاني فلووووووووس كثيره واثث بيتي من الى وووووو كل شي حتى الراتب الشهري نزله لي

والحين انا ندماااااااااااااانه اني قبلت مساعدة اهلي مدري ليش احس احيانا بالذل لمى اجي اهلي ليش لان زوجي مو قادر على بعض اشياء ويذكروني باشياء وانا بنت سبحان الله الحين رضيتي بالبس الفلاني وتركتي الماركات ووووو


المهم قهرررررررررر فنصيحه مني لاتشتكين لاهلك ابد وجيبي من اللي يريح زوجك وقولي هذا من الفلاني وغاااااااالي استغفر الله يارب

ااااااااااااااااخ يالقهر

 

[ام النونة]

زي ماوصوكي البنات والله يسعدك ويتمم لك بخير
اهم شي انو حنون

 

[دمعة حزيينة]

انا من راي الاخوات

 

[راعية الغنم]

السلام عليكم و رحمة الله و بركاته

عزيزاتي و خواتي الكريمات

أسعدني تواصلكم الجميل

و إن شاء الله بطبق كلامكن

و الحمد لله بديت.. بعد ما أسكر عنه التلفون لما اكون في بيت أهلي أقول لهم يسلم عليكم
حتى لو ما قال و نفس الشي أقوله أهلي يسألون عنك و يسلمون عليك...

الله لا خلاني من نصايحكم..
\