أنا و حماتي

[كـلـي دلـع]

السلام عليكم ورحمة الله وبركاته

كيفكم ياصبايا عساكم بخير 0000وكل عام وانتم بخير 0000:a200:
بصراحه بدخل في الموضوع بدون مقدمات انا ياحبايبي توي متزوجه يمكن لي 4شهور وزوجي يكون اخر العنقود ودلوع امه و ابوه متوفي (الله يرحمه ) من يوم كان زوجي صغير وعنده 2اخوان و3اخوات وكلهم اكبر منه بكثير :detective2:واخوانه مايسالون عن امهم اللى نادرا اكثر شي هي تدق عليهم كل واحد مشغول بعائلته وزوجي الحمدالله شايل امه في عيونه وملبي كل طلباتها (بصراحه مفتخره فيه حيل الله لايحرمني منه) وعمتي طبعا ساكنه معانا أول الشهور كانت معايه زي العسل بس بعدين تغيرت 180درجه وماني عارفه وش السبب مع اني شايلتها بعيوني وماني مخليتها تسوي في البيت شي شايلتها على كفوف الراحه والله اني معتبرتها زي امي بس ماني عارفه وش اللي غيرها فجئه حتى زوجي محتار وعايش بين نارين اتوقع ياصبايا انها تغار مني وهذا اللي غيرها لانها تحب زوجي اكثر من اخوانه وهي اللي ربته 00000 وزوجي يحبني ويموت فيني الله لايفرق بينا ويخلينا لبعض ويرزقنا بذريه الصالحه اللهم آمييييييييين :c016: صار اغلب وقته معايه تعرفون عرسان جدد :c018:0000 ودايم تقلنا ابي اشوف عيالكم :sadwalk:ماهوبيدنا اللي يجي من الله راضين فيه وانا وزوجي محنا مستعجلين على الحمل 000يمكن عشان كذا تغيرت الله اعلم 0000ياصبايا انا حبيت اقولكم عن موضوعي علشان تساعدوني لاني ماني قادره اتحمل كل هالمشاكل والله اني صابره علشان زوجي حبيبي مع انه يحس ان فيني شي بس انكر ان مافيه شي مابغاه يشيل على امه لان مهما صار امه جنته وناره مالنا غنا عنها 00000مهما صار

 

[!ام الـقـمـر!]

حبيبتي لاتفكرين..

ولاتتغيرين على امه بلعكس خليك احسن من اول عشان ماتلاقي عليك طريق..

وتراه كثير حماوات زي كذا يغارون على عيالهم وهذا شي طبيعي .. بس انتي لاتثيرين غيرتها حاول تهدينها

مثلاً لوخرجي يوم انتي وزوجك اي مطعم خذوها معاكم وانتي الي قولي لها ياعمة تعالي معانا ..


بس مو كل خرجة تاخذونها عشان لاتتعود..

وجيبي لها هدية بسيطة حلوة

لين تحسسينها ان مافيه فرق وانك زي بنتها بضبط

 

[فديتني اهبل]

وانا معاااااااهااااااااا
والله يخليكم لبععععععض طول العمر

 

[كـلـي دلـع]

1000شكر لكم ياخواتي وراح اخذ بنصيحتكم

 

[starmo0on]

حبيبتي انتبهي تقولي ان امك السبب حاسه انها تغيرت بيني نفسك عادي..ومرتاحه على الاخر عشان ماتنقلب السالفه عليك..الله معاك

 

[كـلـي دلـع]

اللهم آمييييين ويخليلك احبابك

 

[الورد الصبوحي]

انا مع راي خواتي خليك احسن عشان تكبري زيادة في عين زوجك والله يوفقك ويهنيك.........

 

[السر المكنون]

(اتوقع ياصبايا انها تغار مني وهذا اللي غيرها)
حبوبه انت رديتي على روحج وانتي بنفسج عرفتي السبب، وأتوقع إهي فاهمه وفي بالها (إنج خذيتيه منها كأنه شي ثمين تملكه وانتي بكل برود وعلى الجاهز أخذتيه منها) وخصوصا توكم متزوجين والله يسعدكم يارب ويرزقكم الذريه الصالحه ... آمين،بس استمري بعطائج لها ومساعدتها علشان خاطر زوجج اللي مقدر الشي اللي تسوينه معاها.

 

[*ملكة الحب*]

الله يجزاك بالجنه ويرزقك بالذريه الصالحه

عامليها بالطيب ولاتبينين لزوجك شي وصدقيني مع الايام راح تكبرين في عينها وعين زوجك وبتعتبرك اكثر من بنتها

 

[قلايد الخيل]

هذي مشكلة امهاتهم
تصيرين معها طيبة على الاخر وانتي عروس
بعدين تنشغلين شوي بزوجك اواطفالك ونفسك واهلك
بعدين تقلب عليك تبيك زي اول
كانك تمسكنتي لحد ماتمكنتي
والله العظيم مو كلهم طبعا
اقول وينك يالرسمية والاحترام وبس

 

[رحيل الوقت]

من المفروض تعاملتي معها برسميه حتى تضل مهابتك

لكن لانك بينتي لها انها ممكن تتدخل سوت اللي سوته

حبيبتي ما احثك على الشي اللي موو زين بس الرسميه ما بعدها سوي اللي تقدرين عليه بس ما تقدرين الحين تتغيرين

كلامهم هو اللي صح صراحه استمري تبينين طيب اصلك لكن صراحه لازم تتحفظي في بعض الامور فهمتي

يعني تبين تروحين السوق روحي بس لا تورينها وش شريتي بالعكس جيبي لها هديه بسيطه طرحه اي شيي انتي شايفته مناسب

اشتريتي اشياء للمطبخ اشتري عادي جدا ولا تعلمينها وش شريتي ابد ولا انتي وين رايحه خلي زوجك المتحدث انتي مالك شغل يعني بتروحون السوبر زوجك هو يسال امه وش تبين يا يمه انتي مالك شغل

وتعاملي في باقي الامور زي ما انتي تسولفين تضحكين عادي جدا ونصيحه خلي زوجك يخصص لها وقت خاص بها هي وهو لان مهما انتي اعطيتي ما بتشوفه لك بتشوف ان ولدها يقعد عندها

حبيبتي الحما غير الام الام لو نقصتي بحقها ما بتشوف نقص عطاك لها لكن الحما لو تولعين لها ايديك الثنتين شمع بتشوف انك مقصره

وخلي نشاطاتك انتي وزوجك بعيد عنها وهو نشاطاته هو وامه بعيد عنك صراحه لابد هو اللي يتصرف وانتي تعاملي مثل ما انتي بس ابتدي سوي رسميه شوي شوي

حتى حملك لا حملتي او رحتي لطبيب تعرفين انتي وش عندك لا تقولين لها ابد زوجك هو اللي يتكلم صدقيني بتشوف ان ولدها هو المهتم لكن لو انتي اللي تبين تعلمينها بتحس انك تتملقينها او تحاولين تسترضينها والفقاعه اللي فوق راصها بتقول على مين تلعبها تسوين نفسك تحبيني هذي فكرة الحما

لكن لو هو اللي يعلمها بيحس انو مهتم بها وبتعذره على تقصيره


اتمنى اني افدتك

 

[كـلـي دلـع]

يعطيكم العافية على الردود الحلوه

 

[معشوقه]

تخصيص يوم لأمه يطلع معاها وايد راح يخفف من حدة علاقتها وياج وراح تطمن إن ولدها ما تغير عليها يوم يطلع يقضي مشاويرها و شغلها ولا يتسوق معاها و يتغدون أو يتعشون في مطعم بروحهم يكون يوم لها ...

وربي يرزقج الذرية الصالحه و يرزقج برهم مثل ما إنت تبرين أم زوجج و خلج على ما أنت لا تتغيرين معاها تراها من خوفها اتخبط في تعاملها معاج ولا ترى كل أم تتمنى السعادة لولدها خلج قويه و فاهمه نفسيتها و لا تتأثرين في المشاكل يعني لي عصبت على شي و إن كان تافهه لا اتكبرين الموضوع قولي لها ما يصير خاطرج إلا طيب ما عليه يا الغاليه هذه مهما كان أمه جنه و ناره و إنت هو جنتج ونارج ...

وربي يوفقج و يصلح لج الحال و يسخر لج الأرض ومن عليها ...