أنا وزوجي وحماتي اللي تتدخل في كل شي /نصيحتكم لي كيف اتعامل معها ؟؟؟؟؟

[amirah2000]

السلام عليكم اخواتي الغاليات واللي اعز علي من
كل بنات مجتمعي احبكم في الله جميعا وأسأل الله
ان يجمعنا في جنات النعيم اللهم امين
وبعد قصتي باختصار هي ام زوجي اللي تتدخل في
كل شي تخيلوا أمس رجعنا زوجي من برى انا واولادي
وهي ولما خرجوا عيالي من السياره وهي وياهم قلت
لزوجي قم انا وياك نجيب اغراض من السوبر ماركت القريب
من بيتنا طبعا لان البيت فاضي والفريزر فاضي ومافيه شي
للعشا وخصوصا ان الثلاجه خربانه عند المهندس تصدقون
نطت وقالت مابيروح هو تعبان تعبتوه انتي وعيالك لااتروح
ولاتجيب لهم شي /قلت لها لا ضروري البيت مابه شي
وقلت له انت خلك بالسياره وانا بنزل بجيب الاغراض بسرعه
وبحاسب وبرجع علا طول /تصوروا قال لا خلاص مابروح انا
تعبان /ولما دخلنا البيت رحت عند جارتي استلفت خبزه
وسويت لي سندويشه ولعيالي ودخلت غرفتي وخليته
بالصاله /تصوروا يجي يقول لي مافيه شاهي مافيه شي
يبغاني اجلس معه وااسهر وانا مقهوره وساكته منه
بعدين اتناقشنا بالموضوع قال لي كيف اعصي امي
قلت له الموضوع مايخص امك بشي هذا راجع لك انت
يهون عليك ابقى انا وعيالي مممن غير اكل ونستلف خبزز
من الجيران وانت رجال موجدود موناقصك شي ؟؟؟؟
ورفعت صوتي وزعلت من رده وانه طلعني انا غلطانه وقال انتي
عنيده .......الخ الحاصل لو وحده صار معها هالموقف اشلون تتصرف

 

[اميره هاشميه]

الله يكون بعونك على والدت زوجك

اعتقد لو كنت بمكانك وعارفه ان لها كلمه عليه ماراح اكلمه قدامها بنتظر بس تغيب عني واتكلم معاه

 

[مشتاااقه]

غلطتك تكلمتي عند امه كان خلتيها تروح او رسلتي مسج وقلتي بعد مايدخلون نروح نجيب اغريضات للبيت بعدين فهمتيه بساطه هذا مايتسمى كسرت كلام امك كان قلت لها ياا امي الغاليه بيتي فاضي وعيالي جواعه لازم اروح اجيب لهم شي ولا حلو نتسلف من الجيران
والله يهديهااااااااااااااااا​

 

[محبة النبي]

الله يعينك خذيهاااااااا على قد عقلهاااااااااا وزجك كان نزل بعد مانامت امه وشرى النواقص

 

[الحيا طبعي]

الله يعينك والله هالامهات متعبين غيرهم معهم مايتركون اللقافه

 

[^_^الشامخه^_^]

الله يكون بعونك عمتك وعرفت ِ اسلوبها لا عاد تقولين عندها شئ وزوجك لازم تعتذرين منه وتاسفين له والحياة تحتاج شوية صبر على كيد ومكر وبعض الاحيان لازم ضعيفة مغلوبة على امرك حتى تسير الامور لصالحك الله يسخر للزوجات القلوب القاسية​

 

[@أحلى من ألحلى@]

طيب انتي تكلمي مع زوجك ان لما يستلم راتبه يجيب لكم الاغراض اللي تكفي للراتب الثاني (الشهر الثاني ) انتي ماعليكي الاإنك تذكريه وتكتبي له بورقه الاغراض اللي محتاجينها
وأّذا على امه عادي طنشيها ولاتتكلمي قدامها بحاجات ماتخصها​

 

[حلوى طعمه]

اه عندي وعندك خير حاولي قدماتقدرين تخلينهاماتعرف وش تطلبين صدقيني موخوف على ولدها الاالغيره منك ومالك الاالصبر وهي بتتضايق بالبدايه بعدين بتتعود انهاماتتدخل بس أهم شيء لاتقصرين معهابشيء بس الاخصوصيتك حطي حدلاتتجاوبين معهاوالله يهديهاويسخرلك زوجك

 

[ملكة بدون عرش]

انا مع الاخت مشتاقه

 

[كشه ناعمه]

بعض امهات الازواج تحسيها عله على قلبك تتدخل بكل صغيره وكبيره
وكنها بلوى طابه عليك ماتتفهم ولا تحس وتبي تعيش جيلها وجيل غيرها
وتخرب على ولدها وتسبب له المشاكل وهي تضحك بغرفتها انه سمع كلامها
وكسر كلمه زوجته بدون اي احساس منها او مبالاه ..والله لو ام زوجها سوت لها
قبل كذا كان عرفت سواتها وتادبت .. وبعض الازواج الله يهديهم
مايعرفون يفرقون بين حقوق الام والزوجه ويجيب المشاكا له
ولا يعرف يتصرف او يرد ..
بس ياختي ماتجي الحلو معه بالمواجهه كذا الحل بالكيد والخطط
المفبركه
ولازم تتعبين لين توصلين للحل بس لازم شطاره منك وتمثيل
لازم زوجك يحس ان انتي تحبين امه .. عشان مايتوقع ان
اي حركه منك نابعه بنيه ثانيه ويتوقع فيك خير
يعني مفروض بالموقف الي صار لك تقولين
يوووه انت تعبان مرره صادقه خالتي .. بس مو عدله ننام وماعندنا شي ناكله
اذا ممكن يالغالي يابو عيالي الله يخلي لنا امك طق على الجيران
قبل تدخل يعطونا خبز .. هنا بيقول مايصلح وبيروح هو
والا قولي لامه معاك حق تعبان بس كلها خمس دقايق مايصير
عندي رجال كداد وشهم ومدحي فيه واخذ خبز من الجيران وش
بيقولون عنه
ودايم ادخلي بالنص برد مقنع .. واستخدمي الايحاء بكلامك
لانه ياثر على النفس ويوصل رسالتك للمخ ويعكس الواقع

لان لو استمريت بوضعك بيمل من هواشك واكيد بترجح كفه امه
بس كذا انتي اكسبي عصفورين بحجر وانتي الربحانه

​