أنا وزوجي صديقان

[سماء الشموخ]

بسم الله الرحمن الرحيم

السلام عليكم ورحمة الله كيفكم حبيباتي البلقيسيات ..

بطرح لكم قصتي مع زوجي واتمنى من قلبي الاقي منكم ردود :5:


زوجي شمالي غربي وانا جنوبيه غربيه الحمد لله هو على دين وصلاح ..لكن مشكلتي معه كثرة مشاغله وكثرة سفراته ..


من شهر قالي بعد ماارجع من سفري ((افريقيا للدعوه)) بجلس اسبوع وبعده بتسافرون معي لأبها ((لأن عنده شغل هناك ))..المهم رجع وقال شكلي بروح كم يوم بعدين برجع ((لأن زواج أخته فالوسط المشكله انه صغير عائلي))بعد الزواج نمشي الفجر لأبها !!!!!!



طبعا أنا مارضيت وما أعجبني هالراي وصرت اناقشه وأقول : مو لازم نحضر الزواج واذا سوو حفله كبيره بنحضر ونعوض ..


لكن هو اصر على رأيه وعصب وقال صرتي توقفين بوجهي حتى بسفرات الشغل !!!

وبعد نقاشات حااده بينا ..قال شوفي أنا حر وانتي حره ماتتدخلين بتصرفاتي وانا نفس الشي .


وعلى فكره اذا حصلت لي سفره بروح بأي وقت ,وانتوا اذا تبون شي اجيبه خلاص انتي في بيتك وكل شي عندك ......!




طبعا زعلت وقلت وشلون يعني اصير تحفه فالبيت واذا جيت تلاقيني واظل في مكاني لحد ماترجع العيال امانه عندك مو بس عندي !!قال خلاص انا بجيب سواق وشغاله ماعليك منهم !



زعلت وكتمت وماتكلمت معه الين طلع وسافر ..والحين ماأدري وش أسوي مع هالانسان


بنات تكفون قولوا لي تصرفي صح ولى خطأ والله احترت مع هالمخلوق ...:35:


لكم حبي واحترامي :16:

 

[سـحـاب]

وعليكم السلام ورحمة الله وبركاته
أختي معليك تحملي دامه مو قصر معاك احمدي ربك
وقدري ظروفه ولاتشدين عليه ماشاء الله عليك وعدك بشغاله
وسواق وإذا خلص شغله بيتفرغ لكم والله يسخرلك كل خلقه ..​

 

[سماء الشموخ]

ياحبيبتي الشغاله والسواق مايعوضون عن الزوج والاب فالبيت بعدين سفراته كثيره يعني خلال ترم بس ثلاث سفرات !!

 

[استعدت نفسي]

ياااااااااااقلبي انتي احمدي ربك واشكريه مليوووووووووون مره انه يساااااااااااااافر للدعوه وش نقول ياللي ازواجنا يسافرون للمعصيه والمراقص والنساء وانتهاك حرمات الله
ادري ان بعده صعب لكن شوفينا وانتي ترضين

 

[سماء الشموخ]

لاحول ولاقوة الابالله الله يكون بعون كل مسلمه .

 

[التسامح طبعي]

أختي ولله مثال الزوج قليل

أحمدي ربك وشكريه

أولآ سفراته لله وطاعته

تانيآ طيب ومو مقصر معكم

ثالثآ واصل رحمه


أختي تعوذي من الشيطااااااان الرجيم

وطيعي زوجك

 

[مدمنة صبر]

لا تنسين تعينينه على الطاعه اذا هو يسافر عشان الدعوهـ الله يثبته على دينه وا لله يكثر من امثاله يارب

ولا تنسين الدعاء واستودعيه ان الله يحفظه ويصرف عنه السوء

واذا مو مقصر معك ولا مع عيالك وحقوقك كامله لا تخلين الشيطان يوسوس لك الله يصبرك على مساعدة على الدعوهـ ولا يحرمك الاجر

 

[خلآص...!]

لا تنكدي على نفسك ولا عليه ..
دام تقصيره لشغل مو للعب .. انتي بس طولي بالك
حاسه فيك اذا الزوج سافر الزوجه تضيع حتى لو حولها اهلها واهله ..
بس شنسوي عشان الحياه تمشي لازم نتغاضى عن اشياء تقهررنا ..

 

[ملاك الهمس]

ماشاء الله تبارك الله على زوجك بيسافر للدعوه ...انا اشوف ان تصرفك غلط حتى لوكان زواج اخته عائلي هو لااازم يحضره لانها اخته ..الله يهديك..
الله يسخر قلوبكم لبعض ويجعلكم تعينون بعض على الطاعه,,امين

 

[hadifa]

مثل ما قالت الأخوات احمدي ربك على النعمة التي أنت فيها

والله يبارك في زوجك ويصلح أحوالكم​

 

[مشاعر جنوني]

تصرفك غلط معليش حتى لو كان فرح اخته عائلي بسيط لازم يحضر مفروض توافقي بعدين لمن يخلصوا الحفله تسافروا
لاتكبري السالفه

 

[سماء الشموخ]

اشكركم وحده وحده ..

أحب أوضح لكم انه كان طوال السنه مشغول وانا فرصتي بس اذا سافرنا وانتظر هالسفره بس الحين بيكون وقتها غير مناسب لي لأنه وقت (( الدوره وانتوا بكرامه )) وتتعبني ونفسيتي تكون متعكره ..هذا اللي ازعجني ..


اشكركم من أعمااااقي على تجاوبكم .

 

[رندا كووول]

زوجك يسافر للدعوه لله ..ارضي بذلك ولكي الاجر
فالوقت الذي يقضيه هناك هو مأجور ..وانتي مأجوره لبقائك في بيتك ومع اطفالك..فكوني راضيه ..ووعدك بالسفر معه قريبا بعد حضور فرح اخته ...لاداعي للزعل واخذ موقف فالامر بسيط ....وربي يوفقك

 

[سهم العشق]

ما عليه اصبري ولك الاجر عند الله لا يضيع 00 ​

 

[سماء الشموخ]

اشكرك (( رندا و سهم العشق ))

 

[رحمة الله ~]

اتعرفين يا اختي عند سفر زوجك للدعوة وانت في بيته تراعي اولاده وتحرصي على ماله ونفسك وبيتك
أتعرفين ان لك اجره تماما من خير عميم
مادام مو مقصر معاك لا تزعلي يا غالية
الحمد لله الذي رزقك رجل ذا دين نحسبه كذلك ولا نزكي على الله أحد
انت حاولي تقومي بهواياتك وتعتني بنفسك وتتعلمي وتتثقفي وتحفظي قرآن بغيابه
وانت معه اغرقي معه بالمودة والرحمة
يا اختي زوجك هو جنتك فحافظي عليها
ربي يسعدك في الدارين وييسر لك طريق الخير يا غالية


​

 

[سماء الشموخ]

اشكرك حبيبتي (رحمة الله )

 

[ميااده]

الله يفرج همك

 

[سيره ضعفي]

انا مع الاخوات