مرافي
New member
- إنضم
- 8 فبراير 2010
- المشاركات
- 207
هلا ياحبايب قلبي ,,,,,
أنا بحكي لكم قصتي أنا مرافي يمكن تذكروا أول ماملكت وقولت لكم مواصفات خطيبي الرائعة بصراااااااحة مو عارفة ايش أمدح فيه وايش أخلي فيه كل المواصفات اللي اي بنت في الدنيا تتمناها في زوج المستقبل وغير كدا يدرس في أوروبا يكمل دراسته وبعيش بعد الزواااج في الخارج ويحبني ومدلعني يعاملني كأني بنته وتعامله راقي وعاقل ومحترم مو بتاع علاقات قبل الزواج يعني أنا اول بنت في حياته واول حب على انو في اوروبا بس يتواصل معايه على طول ومايفكر الا فيه وانا صرت كل حياته حتى وهو هناك عمره مامشي غلط ماشاء الله تبااارك الله شخص شاريني بمعنى الكلمة على المشاكل اللي اعمله معاه لكنه متحملني ويداريني كأني طفلة على فكرة عمري22 سنة ومايجيب اللي الهدايا الغالية والفخمة حتى دب جابلي حتى في كلامه محترم مايتعدى الخطوط الحمراء حتى في المكالمات وانا لي 7 شهور مملكة عليه حتى الزواج أجله عشاني وعشان نفسيتي وصار فرحي بعد 5 شهور طيب انتهينا الحين ادخل في المشكلة ,,,,,
المشكلة من يوم ماخطب وانا كنت رافضته ورافضه فكرة الزواج لاني صغيرة وعندي اكبرمني اخوات وجاء اهله على اساس شافونا واختاروني انا طبعا نصيب وانا استخرت ربي كثير ورفضت لما اختارني وجلست ابكي وكرهت الدنيا قام بابا جلس معايه وقاعد ينصحني لانو فعلا شاب مايتفوت ووافقت قلت خلاص كلام بابا صح وعشان افرحه هو وماما لانهم عندهم خبرة في الحياة وفاهمين اكثر مني قولت خلاص سبب رفضي كان احسبه مو فاهم ومو حلو عشان كدا ماكنت ابغاه يعني رسمت رسمة غلط والى الان هذه الفكرة احسها ثبتت في عقلي على اني لما شوفته عجبني ولما جلست معاه عجبني اكثر وطلع فاهم ومتفتح المهم من وقت ماملكت وانا ابكي وكرهت الدنيا وخلاص فقدت طعم الحياة ومو عارفة اعمل ايه بس مو دايم يجني كدا بعض الاحيان احبه وابغاه وبعض الاحيان مااحبه ولاابغاه ولاحتى احب صوته واحس انه مو هو فارس احلامي وربي تعبت نفسيتي تعبت مع العلم انا فيني عين وعايلتي فيها حسد وبابا فيه سحر قديم وسألنا شيخ قال اللي في بابا مثأثر علينا احنا البنات وهو اللي مخلينا ننفر من الر جاااااال بس والله مو عارفة ايش فيه نفسي اصير طبيعية واحب زوجي وترتاح نفسيتي بالله ادعولي
أنا بحكي لكم قصتي أنا مرافي يمكن تذكروا أول ماملكت وقولت لكم مواصفات خطيبي الرائعة بصراااااااحة مو عارفة ايش أمدح فيه وايش أخلي فيه كل المواصفات اللي اي بنت في الدنيا تتمناها في زوج المستقبل وغير كدا يدرس في أوروبا يكمل دراسته وبعيش بعد الزواااج في الخارج ويحبني ومدلعني يعاملني كأني بنته وتعامله راقي وعاقل ومحترم مو بتاع علاقات قبل الزواج يعني أنا اول بنت في حياته واول حب على انو في اوروبا بس يتواصل معايه على طول ومايفكر الا فيه وانا صرت كل حياته حتى وهو هناك عمره مامشي غلط ماشاء الله تبااارك الله شخص شاريني بمعنى الكلمة على المشاكل اللي اعمله معاه لكنه متحملني ويداريني كأني طفلة على فكرة عمري22 سنة ومايجيب اللي الهدايا الغالية والفخمة حتى دب جابلي حتى في كلامه محترم مايتعدى الخطوط الحمراء حتى في المكالمات وانا لي 7 شهور مملكة عليه حتى الزواج أجله عشاني وعشان نفسيتي وصار فرحي بعد 5 شهور طيب انتهينا الحين ادخل في المشكلة ,,,,,
المشكلة من يوم ماخطب وانا كنت رافضته ورافضه فكرة الزواج لاني صغيرة وعندي اكبرمني اخوات وجاء اهله على اساس شافونا واختاروني انا طبعا نصيب وانا استخرت ربي كثير ورفضت لما اختارني وجلست ابكي وكرهت الدنيا قام بابا جلس معايه وقاعد ينصحني لانو فعلا شاب مايتفوت ووافقت قلت خلاص كلام بابا صح وعشان افرحه هو وماما لانهم عندهم خبرة في الحياة وفاهمين اكثر مني قولت خلاص سبب رفضي كان احسبه مو فاهم ومو حلو عشان كدا ماكنت ابغاه يعني رسمت رسمة غلط والى الان هذه الفكرة احسها ثبتت في عقلي على اني لما شوفته عجبني ولما جلست معاه عجبني اكثر وطلع فاهم ومتفتح المهم من وقت ماملكت وانا ابكي وكرهت الدنيا وخلاص فقدت طعم الحياة ومو عارفة اعمل ايه بس مو دايم يجني كدا بعض الاحيان احبه وابغاه وبعض الاحيان مااحبه ولاابغاه ولاحتى احب صوته واحس انه مو هو فارس احلامي وربي تعبت نفسيتي تعبت مع العلم انا فيني عين وعايلتي فيها حسد وبابا فيه سحر قديم وسألنا شيخ قال اللي في بابا مثأثر علينا احنا البنات وهو اللي مخلينا ننفر من الر جاااااال بس والله مو عارفة ايش فيه نفسي اصير طبيعية واحب زوجي وترتاح نفسيتي بالله ادعولي
