أنا متزوجه وهو متزوج بس نحب بعض..

[كوله]

السلام عليكم ..صلو على أشرف الخلق محمد صلى الله عليه وسلم
لا يروح بالكم بعيد:blushing: أنا متزوجه وعندي طفلين وكنت اموت في زوجي أحبه حب حب ماصااااااااار وزوجي قممممممممممممه في الاخلاق بس سبحان الله يحب الهدوء ومايحب اني اسولف كثير ولايحب شقاوتي ودايمآ يقول لي انت ماتفهميني انتي لسا صغيره انتي ماراح توصلين لعقليتي ومن جد تحسون انه بعيييييييييييييييييد كل البعد عن الرومانسيه يعني بالمررره جامد وهاذا عيبه الوحيد وهو
قممممممممه في الأدب ومو متعبني من ناحية الطبيخ والغسيل والكوي يعني انامرفهه
بالمررره والكل يحسدنا على بعض يقولون ماشاء الله انتو حلويييين ومناسبين بعض
ومره زمان كنا جالسين قالت وحده من قريباتي لازم اي وحده تحط عيب في
زوجها عشان لاقدر الله اذا مات ماتتعلق فيه عشان تقول كان كذا وكذا وعشان
ماتتعب اذا تركها كلهم قالو عيوب ازواجهم الا انا قلت والله والله والله
مافيه اي عيب والكامل الله لكن والله مافيه اي عيب صح ان عيبو الوحيد انه مايفكر في الرومانسيه بس قلت موشرط كل الازواج مو زي بعض وبعد زواج 6 سنوات يابنات ماأطيقه
والله ماأطيقه لكن يعجبني وارحمه بس ماله اي مكان في قلبي
مررره يعني لاأحبه ولا أكرهه عااااااادي وجوده زي عدمه
لا تقولون طبيعي مع الوقت لا والله أعرف ناس لهم 10 سنوات كأنهم متزوجين امس ماشاء الله
تبارك الله...المهم تعرفت على وحده أخوها معروف اعلاميآ يعني ماأقدر اقول اسمه
لانه معروف في السعوديه ومشهور تعرفت عليها من خلال منتداه
وقالت انو على خلافات مع زوجتو المهم بعد كذا صرت اعرف أخباره من اخته
وبعدين مره كانت معي على المسنجر وحطينا فيديو وشفنا بعض
انا وهي وقاعدين نسولف ونضحك بس فجأه قالت أن أخوها كان يشوفني
وأعجب فيه مرره قال اذا طلق زوجته يبغى وحده نسخه مني مو بس في الشكل حتى اسلوبي مررره يعجبه وانا كمان احس بيننا اشياء كثيييييييره مشتركه يابنات يعلم الله انهم عايله نظيفه
وكم مرره اخته نصحتني عشان زوجي بس ماقدرت خلاص انا وأخوها من جد حبينا بعض ونموت في بعض
لاننا قبل كذا تكلمنا على المسنجر وكان يوصيني على زوجي وخلاص ....انتهى اللي بيننا ماعاد كلمته ولا كلمت اخته وانقطعنا وتبت اني ماراح أسوي اي حاجه ماترضي ربي ومسحت ايميله وهو كمان قال أبغاك تراجعين نفسك وترجعين لزوجك وهو أصلا طلق زوجته ويتمنى انه يلاقي زيي وودعنا بعض ولنا من زماااان عن بعض ومستحييييييل أسأل عنهم ...لكن السؤال هنا هل ربي راح يحاسبني لاني ماأحب زوجي وان قلبي فيه انسان ثاني وهو اجنبي عني يعني احب انسان غير زوجي وراح اتعذب عشان كذا؟ مع اني ماقصرت مع زوجي بالعكس صرت مهتمه فيه لكن المشكله هنا قلبي والله ماني قادره اتحكم فيه
والله ماقدرت مع اني ألتزمت وصرت احسن من اول بس لسا قلبي يحب هاذاك الرجال..
وعلى فكرة والله مادخل حياتي الا من بعد ماعرف اني انا وزوجي على خلافات كبييييييره
وقلت لاخته اني بأتطلق عشان كذا كان يبغى يتزوجني بس قال انا حاس ان زوجها ماراح يفرط فيها
عشان كذا فقد الامل بس لسا يتذكرني ويقول ما راح انساها للأبد وانا كمان يابنات ماراح انساه للأبد..
قولولي هل اعتبر خاينه لان قلبي يحب غير زوجي ولا لا؟حطو في بالكم انو بس قلبي مافي شي ثاني
يغضب الله عز وجل ...ولاتنسون ادعولي...

 

[موزة خلفان]

لن نصدر نحن الاحكام عليك
بل كوني حكما على نفسك
لو كنتي لم تقصري في حقك زوجك اعطيتيه كل شيء ومنحتيه حبك واهتمامك
ولم تثقلي عليه بالطلبات والاوامر
لكن بالمقابل لم تعلمي كيف تعبرين عن هذه المشاعر ولا عن حبك له فانتي لم تتعودي على ذلك

وفي يوم من الايام اكتشفتي ان زوجك تحدث فيديو مع امراة اخرى اعجب بشكلها ومظهرها وسلوكها
عشقها وملات قلبه فلقد وجد عندها ما لم يجده عندك فانتي ممله وبارده
صحيح انه مع الوقت تركها ...........لكن قلبه متعلق بها مشاعره مرتبطه بها

هل ستشعرين بان هذه خيانة في حقك ام لا ؟؟؟
كوني انتي حكم نفسك

 

[الميهاف]

الله يهديك ويصلحك ايش الكلام هذا طالما زوجك طيب ويخاف الله وادب واخلاق ليه تبغي تخسريه ترى انتي كذا ترفسي النعمه هذي وماراح تعرفي قيمة زوجك الا اذا خسرتيه يعني الي حبيتيه لو صالح كان صلح لزوجته ومدام سمح لنفسو يشوف وحده مايجوز يشوفها اذا وين مخافة الله لا تخسرين زوجك الله يهديك بس

 

[صابرة 1]

اختي اعتبريها نزوة وراح ان شاالله تقضين عليها بنفسك. لأن عندك زوج مافيه عيب او خلق سيئ وبعدين فكري بالعيال وبيتك . الشعور اللي تحسين فيه تقدرين تتخلصين منه. مثلا تذكري دائما علاقتك بزوجك كيف كانت وحاولي تذكرين زوجك فيها وتقربي منه اكثر. وادعي ربك انه يستر عليك ويقبل توبتك واستغفري دائما .واتمنى لك حياة سعيده

 

[أم_سوافي]

شو هالسخاااافه؟؟
أنتي عارفه شو تسوين في حياتج؟؟
تهدمين بيتج وتخسرين زوجج اللي تقولين انه مافيه عيب غير انه بعيد عن الرومنسية ومب شرط يكون نفس الأزواج الباقيين ..؟؟؟
هل هالنقص اللي فيه يبرر لج هالخيانه .؟؟؟
وما تخافين ريلج يعرف بسواتج ويجلب الدنيا عليج ؟؟؟

ومثل ما قالت لج الأستاذه موزه إنتي أحكمي على تصرفج وحطي عمرج مكان زوجج تخيلي انج إنتي تكونين مكانه غافله عنه وواثقه فيه ولا تدرين عن سوالفه ولا هو شو يسوي من وراج ..
وفجأة اكتشفتي خيانته لج وماعنده أي عذر يبرر له هالتصرف السخيف شو راح تكون ردت فعلج ؟؟؟؟

وقبل هذا كله فكري في رب العالمين ...يمكن ريلج الحين ما عنده علم بس ربج عالم بكل شيء ويعرف كل اللي صار بينكم
ماتستحين من رب العباد ؟؟؟

الله يهديج ارجعي لربج ولزوجج محد بينفعج لو صار شيء لا اخته اللي تعرفينها ولا حتى هو انتي وحدج اللي بتروحين فيها وبتخسرين كل شيء ....

ارجعي لعقلج وخلج من هالسوالف

 

[همسة ود]

واظح ان عقليتك صغيره مثل ما قال زوجك ..


تتصرفين وكانك مراهقه ...


فعلا ... انتي لن تصلي لمستوى عقلية زوجك كما قال ...


وبصراحه اكثر ... هو حسافه علييييييييييك ....



انسان مهما كانت عيوبه صانك وعفك ...


تجين تخونينه ؟؟؟؟؟؟؟؟؟؟؟



الدنيا هذي مدري شسصار فيها


المخلصه ترزق بخااااااائن...



والخاااااااائنه تتزوج مخلص ...




روحي اقري قصص الخينانت اللي تحدث هنا بالمنتدى ...

عشان تعرفين كم الله من عليك بهذا الزوج الرائع ...


لكن ناس رافسه النعمه بيديها ... سبحان الله

 

[دموع فراشة]

الإنسان ما يحس بالنعمه لما يفقدها
فلا تفقدين النعمه وقولى الحمد لله​

 

[روح النسيم]

حبيبتي اصحي..

انتي عايشة بوهم اسمه حب واحد اجنبي..

احيانا ما نشوف الشي اللي قدامنا وندور بعيد..

مع ان النعمة قدام عيننا..

حبيبتي لا تخلي الرومنسية عدر..

هدا زوجك يحسن اليكي ويحبك..ليش تطلبي اكثر..

وتراكي خنتي زوجك..

ولو كنتي مكانه اتخيلي شو تحسي لو هو عمل اللي عملتيه..

اتقي الله في نفسك اختي..

وانسي هالحب..لان المرأة ادا تزوجت يعني صارت ملك زوجها..وقلبك ملك زوجك..


اتمنالك التوفيق..

دمتي بود..

 

[ثقتي عاليه]

حياتي انتي كم عمرج؟؟
انتي ليش متناقضه ؟؟وفعلا الانسان يحتاج الى الكلام الطيب والغزل والرومانسيه بس مايسبب الطلاق
يعني انتي كنتي ناويه تطلقين من زوجج؟؟ من صجج ..هذا الانسان الرائع.. اوكي تطلقي منه وروحي تزوجي اللي كلمتيه وحبيتيه .. واذا ماعندج مانع بعد ماتطلقين زوجج قوليلي لاني انا بدور له البنت اللي تناسبه وتناسب طيبته..
حياتي تدرين مافي مذيع مايتكلم مع البنات اصلا الوسط الاعلامي وصخ كله بنات ومغازل ووووو
انا ماقاعده اتهم اللي تعرفتي عليه لكن هذا الشي معروووووف .. ان الوسط الفني مب نظييييييف واي احد يدش الوسط الفني لازم يتكلم مع الجنس الاخر وثم يندرج ..الخ..
حبيبتي ليش احس ان عقلج صغير ؟؟ بدل ماتتعرفين وتعشقين ..حاولي تعلمين زوجج الكلام الرومانسي واذا هو مايعرف انتي قوليله وشوي شوي راح يتعود ان يكون نفسج رومانسي صدقيني هذا شي سهل مو صعب على الاقل اسهل من الخيانه والضرب والطلاق ..الخ
موفقه حياتي حافظي على زوجج وحاولي تطلعين من لقب الزوجه الخائنه لان هذا مايناسب وحده عفيفه نفسج

 

[*همس المشاعر*]

الله يهديك ويصلحك..لاتصدقي هذاك الرجال لانه يلعب عليك وفعلا بعدين بيقول لو خذتوا بعض اكيد انها تكلم واحد ثاني وانتي بعد راح تشكين فيه ..اتركي عنك هالتوهمات وترى الشيطان يزين الحرام وارجعي لزوجك واتقي الله فيه .

 

[روز الحب...]

انا مو معاها في تصرفها لكن صراحة مو حلوه الحياة بدون رومانسيه يمكن هذا السبب الي خلاها تغيره مع

 

[روز الحب...]

مع انو المفروض يتناقشو في ذا الموضوع قبل لا يدخل احد بقلبها ...

 

[كوله]

بنات انا عمري 26 بس راح اسمع كلامكم الشي اللي استخلصته اني قاعده ارفس النعمه من جد
انا ارفس النعمه مشكووووورين وانا وعيت وفقت من جد كلامكم ذهب

 

[الجذابه]

ياشيخه حرام عليك..

هذا اللي تحبينه شافك وتكلم معك بالماسنجر وتغزل فيك و..و..

هذا دليل انه مايحبك ولادرى عنك حتى لو عجبتيه ولو انه حبك صدق وتمناك زوجه له كان احترمك وماسمح لنفسه بأنه يكلمك ويسوي اللي سواه..
اسمحيلي اقولك وبأعلى صوت..

هو وبقرارة نفسه مستحقرك وبكل اسف..

طالما انها حرام اعرفي انها غلط وربك ماحرم شي الا لسبب..

تخيلي نفسك تزوجتيه وصرت ملكه بالله بيسكت على طريقة تعرفه عليك وانت عارفه انها غلط..

تراك واهمه نفسك انه يحبك وانك تحبينه..

اتحداك تقولين لزوجك انك كلمتي شخص بهالطريقه وشوفي وشلون بيزعل عليك وينقهر ويتحسف انه تزوجك وهذا ببساطه لانه يحبك ولانك ملكه وحلاله ولايرضى بأي كان يمسك بشي..

اما هذاك اللي يدعي الحب فعايله تثبت اخلاقه الفاضله..

اما انتي واللي تحسين فيه هذا من فعايل الشيطان يزين لك الحرام..

تمتعي بحلالك وحاولي وادعي ان الله يحببك فيه ..

ادري انها صعبه لكن يكفي انه مدلعك ومايتعبك وعلى قولتك كامل والكمال لله..

والاخ الفاضل ماتدرين لو مزهق زوجته من كثر اللي يعرفهم ..

تدرين ودي انك تجربين وتطلقين وتتزوجينه عشان تعرفين من اللي يستاهل اهتمامك وحبك واحترامك..


ياشيخه والله عيب عليك..

الف وحده تتمنى لو نص زوجك وانت تتشرطين..

معليش يمكن اكون قاسيه معك بس هذا احنا مانحس باللي بين يدينا واذا فقدناه تحسفنا..

انتي ببساطه فااااااضيه اشغلي نفسك اولا بالطاعه ثم بمتع الحياه اللي هي اعظم نعم امن الله بيها عليك..

والله يهديك ويكتب لك اللي فيه الخير..

 

[وووهج الأمل]

كوله
اصعب حب 00
ذلك الذي يجئ في الزمن الخطأ
تحيتي00

 

[انا حياته]

انتبهي لنفسك قبل فوات الاوان

 

[basmah]

ياحبيبتي انتبهي انا مره قريت قصه عن وحده تقول معاناتها انها تعرفت على واحد من النت عن طريق موقعه وهو واحد مشهور ومعروف بالسعوديه وانه خرب بيوت الناس ودمر البنات والحريم ويدخل معاها بالنصايح انه ينصحها بزوجها وتهتم فيه وانه يضحي علشانك في سبيل حبه وانه طلق زوجته بسبب مشاكل
بصرااااااااااااحه هذه قصهه مكرره ومملله انا ماادري الحريم متى تصحى وتفتح عيونها على الواقع مافي حب صاااااااافي 100% على الانترنت والتلفون متى تصحوا ليش الغباء هذا مهما كنتي محتاجه عاطفيا ماتتعلموا من دروس غيركم ماتشوفوي مصايب غيرك من النت والتلفون والعلاقات المحرمه مو شرط الجنس حتى ان الوحده تتكلم مع واحد اجنبي عنها تعتبر علاقه محرمه
متى نصحى ونحط الله بين عيونا مااقول الناس حطي ربي ثم ضميرك وعقلك ان اللى تسويه صح او غلط
الله يهدي بنات المسلمين ويبعدهم عن كل شر
امين يارب العالمين

 

[نبع الحنين]

الله يهديك بس .​

 

[قطوة صغيره]

سؤالي هو من متى كانت المشاعر جريمة؟؟؟؟؟ ومن متى الله يحكم على الخلق حب انسان رغما عن مشاعره؟؟؟
انا مع خواتي العضوات انه يجب ان لاتفرطي في زوجك ويجب ان تتناقشي معه في هذه الموضوع لتهدمي الحواجز التي بينكم بس بصراحة لا استطيع لومك على بحثك للحب والعاطفه والرومانسية واعتبارها امرا اساسيا مع زوجك الذي من وجهة نظر بعض العضوات وزوجك انها مشاعر مراهقه ومادري شنو. كما اني لا استطيع تأنيبك على مشاعرك اتجاه شخص اخر فهذا ليس بيديك لاكنه للاسف وهم فيجب ان تتناسيه لصالحك... اعتقد ماتريد التوصل له الاخوات ان ترضي بزوجك وان تقبلي ان تكوني زوجه فقط لا اكثر ولا مشاعر رومانسية ولاحب فان كنتي تفتقدين لهذا الامر فغيرك مفتقد لامور كثيره موجوده في زوجك انتي...

هذه وجهة نظري في موضوعك​

 

[بشرة طفل]

حرام عليكم يكفي تهزيء في البنت هي اعترفت بخطأها وندمانة عليه بعدين هي في البداية ما كانت قاصدة هالشي يعني مو دخلت شات مثلا وكانت تلكم وتدور فيه صار الموضوع بالصدفة بس اللي لازم تعرفيه ان الوحدة ما لها غير زوجها تاج راسها مهما كانت صفاته وطباعه وزوجك ماشاء الله عليه مو ناقصه شي وكلام النت والحب اللي فيه كله وهم وخرابيط مهما حسيتي بصدقه بينك وبين نفسك يمكن بسبب الفراغ العاطفي اللي انتي عايشتيه خلي هدفك للايام الجاية انك تسترجعي حب زوجك واسعي لهالنقطة بشتى الوسائل الله يسعدك يا رب