أنا زوجي مافهمته إذا اعتبره شمالي أو جنوبي

[حلالي]

السلام عليكم ورحمة الله وبركاته أخواتي،،،

أنا قريت عن بوصلة الشخصية بس زوجي احترت فيه :sadwalk:

المهم انا بخبركم أنا متزوجه يديد يعني من شهر 5 هالسنه بس كنت اعرف زوجي عن طريق الشغل يعني اشغلنا مع بعض بس من بعيد لبعيد هو اعجب بشخصيتي وطلبني انا ما صدقته لأن كان طبعه يسولف بس جد كلم اخوي وهذا نحن معرسين الحين...

اخبركم عنه الكل يسميه الدفش يعني موووووول ما يعرف شي اسمه مجاملات اللي فقلبه على لسانه حتى انه ينحط فمواقف محرجه لأنه مايفهم الكلام المبطن مثل مايقولون بس كنت دايما اقول قلبه طيب أضن لأنه حس اني الوحيده افهمه بس بعد يقولي بعدج مافهمتيني عدل...

طفولته كانت وحيده ولو انه أكبر اخوانه ماشاء الله 7 وبنتين بس كان منطوي وااايد وماكان قريب منهم بس الشي اللي مايتكلم عنه علاقته بأبوه اللي توفى وهو فالثانوية العامة وأحس أنه من يوميها وااايد حزين عليه فصار منطوي ومايتكلم وايد...
مايحب يتدخل فمشاكل هله حتى بعد العرس قال ماصدقت طلعت من البيت بس مايقصر من الناحية المادية فيهم أبد وبسخاء...

هو يحب الأطفال واااااايد لو اسهبت من هالناحية البعض بيعرفه وهذا مجال شغله :shiny:
دايما يقول انا بس عشان فرحة اليهال احب اشتغل من خاطري... بس مو مستعيل من انه انييب عيال

واااااااااااايد يحب يدفن عمره فالشغل من زمان طبعه حتى معروف عنه جذي ويوم سألته ليييش اتهلك نفسك يقول احسن من ما اكون بطالي واتالي في المراكز واسوي اشيا غلط...

شغله IT حاليا ويحب الكمبيوترات بشكل فظييييع وكل شي تقني والبلاي ستيشن من ينزل شي يديد شراه على طووول...

هو مب ملتزم يعني يصلي بس مب حريص بالمسجد أو بوقته واحاول من هالناحية معاه ...

اكمل ولا شو ؟؟؟:fish:

يزاكم الله خير ردوا

 

[حلالي]

اضافة

نسيت اخبركم هو من النوع اللي يشجع على المساواة ويأيد أن الوحده اتساهم في البيت مع ريلها ويتوقع مني هالشي بس أنا قلتله انا هلي مب من هالنوع يعني الريال هو لي يصرف لو الوحده اتداوم...

يحب الأفلام وااايد الاجنبية اكشن والهندية الكوميديا ويتابع المسلسلات الاجنبية مالت المخابرات...

رومانسيته اعطيه 40 % مايظهر مشاعره العاطفية مب عصبي يكتم غيظه بس لو عصب أخاف منه بس مايغلط الحمدلله...

يالله ساعدونييييييييييي يا خواتي :dunno:

 

[أنيقة]

اظن والله اعلم زوجج شمالي اختي ..

 

[حلالي]

مشكوووره اختي دمايع على المشاركة وعلى مرورج اللطيف أنا شاكه والله انه شمالي بس في اشيا تخليني اقول جنوبي لأنه حنون مب ظاهريا وعاطفته تبين مب فالكلام بل التصرفات يعني يوم سوا اختبار الأنماط طلع سمعي ثم حسي ويتأثر فالافلام ونفس الوقت احس به من النوع عنده الوقت عنصر مهمممممممممممم جدا بس ما يهتم بالترتيب والتنظيم يعني ماتفرق عنده موووول...
يدعي انه مغامر بس ماشفت عليه شي يدل لانه يسووق بكل هدوء وملتزم بالمرور ويعصب يوم اتهور فالسواقه...

 

[حلالي]

ممكن الغاليات رد بلييييييييييييز لأني مب عارفه كيف اعامله بالذات يوم متضايق من الشغل ومن الناحية المادية كيف ابين له واجبات الريال ...

وموضوع الغيره عليه انا وااايد اغار عليه بس ماعرف كيف اظهر له بشكل متوازن لانه من النوع لي يكلم الناس فالشارع بالذات الحريم مايصدق عاد وويقدم خدماته للكل حتى اني احسدهم واتنرفززززززززززز:busted_red:

 

[حبي وسام]