أنا رجل و يحق لي ما أفعله .. أريد أسمع آرائكم بليييز

[Princes Of Ice]

السلام عليكم و الرحمة ..​

كيف حالكم ؟​

اللي كان متابع مواضيعي القبليه ..​

من مشاكل مع زوجي .. من خيانه .. .. و ممارسته العادة السريه ..​

عمــوما .. أنا طفشت من الحال اللي أنا فيها ..​

بخبركم موقفين و خبروني رايكم ........​

.......................................................................1.​

ما قدرت اكتم .. اكثر .. واجهته بآخر خياناته ..​

أنكر في البدايه كل شيء .. إلى أن دخلت في تفاصيل خياناته ..​

فعرف أني كنت أبحث من ورائه .. و هالشيء اللي عصب منه ..​

تخيلووووووووووووووووووووووووووو شو رده فعله .............!!!!​

عصب لأني بحثت من ورائه .. و قعد يلومني مرارا و تكرار ع فعلتي ..​

و قال .. بالحرف الواحد .. أنا رجل و يحق لي ما أفعله ..​

لم أتمالك نفسي .. بكيت .. و صوتي على بين البكاء و الصراخ ..​

تميييت ألومه .. انا قصرت في شيء .. انا شو سويت لك .. ليش جي تعاملني ..؟؟​

أنت ترضى أني اكلم حد غيرك ..؟ ترضى هالشي ع خواتك و اهلك ..!!!!!!!!!​

ما خلاني اتكلم .. قعد يسكتني .. و قال .. لو تكلمتي زياده .. بييج كف يوصلج بيت اهلج ..​

كان شوي و بيصفعني .. ​

كل هذا صاااااااااااااار و لا فكر يعتذر .. كأن اللي يسويه صح و انا الغلط ..​

تعرفون شو قال .. قال : انا بودر هالسوالف .. يوم انتي تودرين أنج تنبشين من وراي .. !!!!!​

انا قلتله .. كنت انبش لاني كنت ابى أتاكد ..​

عشت حياتي معاه .. جذب و نفاق ..​

و هددني .. اذا خبرت حد بالموضوع .. ​

لو ريلج جي قالج .. كيف راح اتصرف وياه ..؟​

كيف يكون ردي له ...؟؟؟​

........................................................................2...​

الموقف الثاني :-​

سويت بارتي .. بمناسبة ذكرى ملجتنا .. ​

يبت كيكة .. و عليها كلام حلو .. و شغلت الشموع ..​

و سويت جو .. و مثل ما تعرفون .. تعدلت و كل شيء ..​

و الحبيب سهران يجوف فلم ..!!!!!!!!!​

طرشتله مسج .. اباركله .. و اذكره بالتاريخ .. تونا كملنا سنه من الملجة ..​

و بعدين .. رد .. انا تراني بسهر اجوف فلم في السينما ..​

رد وقت متأخر .. و لا حتى عبرني و لا شيء .. =(​

هالليله كانت تعييييييييييييييييييييييييييسة ..​

قلتله اقص الكيكة .. تبا .. قال : لا ما ابى .... باجر باكلها ..​

و ف اليوم الثاني : سألني ليش ما نزلتي الكيكة حق أهلي ..!!​

قصيت له قطعه .. و قلتله جوف الكلام .. ما كلف بخاطره يجوف .. تم يسألني شو مكتوب ..​

قلتله : جوف .. قرى و هو مبتسم .. عقب قلتله >>> انت اللي فوت على عمرك ..​

و انا روحي ما ذقت منها ..!!​

عقب سيدة نزلتها ..​

................................................​

و السمـــــــــــــــــــوحه عزيزاتي ..​

 

[إشراقة*أمل]

أعانك المولى يا غالية ...

دائما تنصح الأستاذة ناعمة بعدم مواجهة الزوج بخيانته خاصة أنك لا زلت في موقف ضعف لا وقوة .. و قد يتمادى ..

أنصحك أخيتي أن تقدمي إستشارة عاجلة ..

وفقك الله تعالى للخير

 

[الدكتورة نبضة قلب]

غاليتي

انصحك بدورة استراتيجيات التعامل مع الزوج الخائن

المدمنين على الخيانه واللي ما يخجلون من افعالهم
ما ينفع وياهم الا هذي الاستراتيجيات​

 

[مؤاسم الدهر]

الله كريم

 

[عنقود عنب]

يا ويلي على بعض الرجال

ما هم برجال بل اشباه رجال

ربي يعينك

 

[**صمتي جمالي**]

الله يعينج يا ختي
ادعيله الله يهديه ويسخره لج إن شاء الله

 

[وردالجناين]

لاتحرقين نفسك علشانه حبيبتي هذا مايستاهل اهم ما عليك نفسك اللي ما يقدر مشاعرك لاتقدرين مشاعره
مهما كان .وترى ماراح يصرلك الا ماكتبه الله لك فلا تضيعين صحتك وراحت بالك علشان واحد خائن!!!!
هذولا الرجال الخونه لو فيهم خير ماصاروا يلهثون وراء الساقطات بنات الشوارع ونزلوا أنفسهم لمستواهن
وأحنا يا الزوجات المسكينات مقطعين عمرنا علشانهم ليش ما أدري؟؟؟؟؟مع أن مصيرنا بأيد ربنا مو بيدينهم!
يقول ليش مانزلتي الكيكه لأهلي وليش ماأهتم فيك زي ماهو مهتم بأهله؟؟؟؟ولا مايحقلج؟
أتركيه حبيبتي أن جا يجي وأن راح بالطقاق.

 

[@دروب الحب@]

اختي

نصيحه الرجل يكرة انج تدورين من وراه على قولتهم دم ضروسهم

ولازم على الاقل يكون فيه فيه شي من الثقه وتصرفك هذا يدل على عدم الثقه

وهذا الشي صارحني فيه زوجي ....

وانا ما الومج اذا انتي مع رجل خائن الله يعينج

وياليت تطلبين استشاره مستعجله

ونصيحه لاتصارحين الرجل وتهاجمينه بافعاله راح تكون هناك رده فعل معاكسه

والله يهديه

 

[ام فريال]

ليش ماقلتيله يعني عشانك رجال تغضب ربك ؟؟؟

مع الاسف حبيبتي زوجك فاهم الرجولة غلط ..

مااقول غير الله يهديه ويسخره لك ويفتح على قلبه ...

 

[بحار الاحلام]

بعض الرجال لو شافو الوحده مهتم به يطنشه ولو اهملتو يركض وراها الله يهديه ويسخر لك

 

[زينه ونحول]

الله يعينك حبيبتي اقري قصة عبــر الاثيــــــر يمكن تفيدك

 

[سامية الروح]

بالنسبة للموقف الأول غجابة الأخوات كانت كافية ..

وسؤالي هو : هل كان الموقف الثاني بعد الأول ؟؟؟

إذا الإجابة بنعم ,, فردة فعلة متوقعه .

وإلا فأنه شخص لا يحب الاحتفال بالمناسبات (غير مقتنع فيها )

و بعدين .. رد .. انا تراني بسهر اجوف فلم في السينما ..

هذا كان رفض غير مباشر ،،

و لا حتى عبرني و لا شيء .. =(

هالليله كانت تعييييييييييييييييييييييييييسة ..​

لأنك لم تفهمي رفضة من البدايه ،، فمازلت تنتضريه :sadwalk:

و ف اليوم الثاني : سألني ليش ما نزلتي الكيكة حق أهلي ..!!

هذه العبارة تحمل نصيحة يقدمها لك زوجك ،،

زوجك يرغب أن تكوني :

واقعيه في كلامك وتعاملك

يكـــــــــــــــــــــره الضـــــعف

يعشق الواثقه والمعتزه بنفسها دون غرور

يريدك مرحـــــة وبعــــــيده عن الشك والمراقبة

يكره الانفعالاتك العاطفيه والبكاء يعتبره عدوه اللدود ..

عزيزتي إذا تحدثتي مع زوجك تكلمي بواقعيه أكثر وانظري لعينيه برقــــه ،

لا تبالغي في إظهار حبك , اعطي بقدر وامتنعي بقدر حسب تعامله معك ..



أسأل المولى أن يهدي زوجك ويسخره لك ويسعدك في الدارين ..

******​

 

[nonoura]

ياربى دخيلك تعيننا على هالرجال دائما حارقيين دمنا

 

[ريح الشمال]

نصييييييييحه مني اختي لالالالالالالالالا تواااااااجهييينه شوفي شو عيووووبج وعدليها كوني غييير خليه يتفاجأ فيج بشكل يديد لا تتصلين ولا تهتمين فيه زياده عن اللزوووم تراه محد بيتعب غيرج وبتتعب صحتج حاولي تبتكرين حركات يديده عليه ما يتوقعها منج مثلا لا تردين على اتصالاته بعد رابع اتصال ردي بدلع وأونج مشغوله وحاولي تنهين مكالمتج معاه بسرعه - مثلا يتصل فيج اتخيييسينه لين ما تتفيجين وردي عليه بكل دلع وحاولي تنهين بسرعه وقولي له بسكر باي باي ترست البانيو ماي وبتودن فيه يلا باي- هلا الغالي بغيت شي تراني وااااايد مشغوله بصبغ اضافري - أو بتنتف أو ألبس ملابس الداخليه....إلخ يعني في كذا طريقه ويوم يجي رحبي به -أدري انه بيكون تمثيل بس حاولي قد ما ترومييين - ما تتواجدين وياه في نفس المكان وايد يعني يدوووب ثواني ودريه سيري رتبي كبتج دوري شي يشغلج عنه.......بختصار غييييري من نفس اهتمي في نفسج حبي نفسج دلعي نفسج تراه والله إذا ع الريايل بنكبر بسرعه وبنشيييب بسرعه وبنعيز

 

[ريح الشمال]

ونسييييت اخبرج هاي نفس الرمسه إلي يعدها ريلي علي قبل - ما خذنها من ابوي- الحرمه ما يخصها في ريلها برع البيت وكان ردي عليه يعني إذا نا سرت دوامي -يعني برع البيت- نفس الشي محد يخصه فييييني؟؟؟؟؟ عصب ونرفزته ورديت عليه رمست ابوي ما باه في بيتي انا غير وامي غير وامك غير انا وحده اشتغل مثلك وبنيت بيتي -إلي هو بيتنا- واشقى اتعب مثلك برع البيت ف يحق لي الرااااااحه بعد -

 

[**angel eyes**]

أختي بقولج شي رب العالمين قال ولاتجسسوا ..
والله العظيم أنا قريت موضع ف مجلة المرأة اليوم أظن الأسبوع اللي طاف كانوا حاطين موضع عن تجسس الزوج على زوجته وتجسس الزوجة على زوجها .. وكان مشارك ف الموضوع الشيخ أحمد الكبيسي وناس من صندوق الزواج ودكتور نفسي ومن الشرطة
شرعا لايجوز .. ورب العالمين نهى عن هالشي بقوله جل جلاله ولاتجسسوا..
وقانونيا لايجوز وريلج لو راح واشتكى عليج عند الشرطة بتدخلين ف سين وجيم .. المفروض اتكون عندج موافقة رسمية من الشرطة عشان تسجلين مكالمات ريلج..
واجتماعيا هالشي يقلل المودة ويؤدي إلى انعدام الثقة بين الزوجين .. ويثير الشك والريبة ف أي تصرف ولو كان مب مقصود..
فأختي نصيحة مني .. لاتتجسسين عليه ولاتنبشين وراه .. اللي مايخاف من رب العالمين ويستحي منه مابيخاف من حد ولابيستحي من حد
إذا اتحبينه واتحسين انج تقدرين اتكملين وياه اصبري عليه وادعيله بالهداية وأهم شي إبدئي بنفسج وأربطي قلبج وعقلج برب العالمين ..
وإذا اتحسين انج مب قادرة تستمرين وياه فرب العالمين قال (فإمساك بمعروف أو تسريح بإحسان) ..

 

[غلاء 2008]

ربي يهديه ويسخره لك

 

[أحب بناتي]

الله يفرج همك ياااااااااااااااارب