أنا حامل ... زوجي يشمئز مني زمن وحامي.. أستحي من كرشتي

[إسم عتيج]

السلام عليكم يامتزوجات..

لاحظت في أكثر من موضوع إن المتزوجات والحوامل من قريب يرددون مثل هذه العبارة:

أنا حامل والكرش بيشوه منظري..
الوحام وأنا أزاوع .. وزوجي يشمئز مني
انتفخت وورمت وأخاف زوجي مايطالعني لأن شكلي متشوه

والكثير من العبارات المشابهة..

يا نسااء.. الحمل والعيال نعمة كبيرة من رب العالمين

والتغيرات اللي تحصل لك طبيعي مية بالمية
والمفروض إنك تفرحي بالوحام لأنه ظاهرة طبيعية تدل على أن الجنين ينمو بشكل طبيعي وصحي..
لما توحمين خبري زوجك بهذي المعلومة
لما ترجعين.. قولي لزوجك.. الله يهداه ولدك ماشاء الله عليه متعبني

الرجاجيل حبهم وحياتهم في العيال.. لأنهم دليل على رجولتهم وفحولتهم

انتي اثبتي هذه الفحولة..
بدل ماتخبين كرشك إلبس ملابس تبين الكرش..
إمسحي على كرشك بلطف وحنية..
وكلميه جدام أبوه وقوليله بابا هنا..
لو رفس قولي.. آااي.. ولدك رفس... تكفى كلمه خلي يخف علي شوي

حسسيه بأبوته..
ترى عاطفة الأبوة قوية مثلها مثل عاطفة الأمومة..

إذا إنتي رفضتي حملك . واستحيتي من شكل بطنك .. فعلى طول زوجك راح يتلقى الرسالة وراح يرفض الأبوة في نفس الوقت

أذكر في أول حمل لي كنت جالسة مع الزوج الغالي .. وفجأة ركضت أبغي أسير الحمام وأرجع..
ماأشوف إلا أبوالشباب لاحق وراي ويالس يطالعني وأنا أرجع..
بعد ماخلصت وتغسلت قال لي بعفوية مطلقة: شكلج كان مغري وانتي تزاوعين..
كنا سعيدين بأول حمل.. مع انه جاء بعد ثلاث أشهر من الزواج بس..
وماقلت ياربي ولييش.. كنت في قمة سعادتي
وأحمد ربي دايما في كل حمل وأقول له الخبر بطريقة مملوءة سعادة حتى لو ماحسبنا حساب الحمل.. وكنا ناوين نأجل..
وهذا الشيء ينعكس عليه ويصير هو فرحان بعد بالحمل..

إحمدي ربك انك تجيبين عيال.. غيرك مايحصل​

 

[سمو الاميرة..]

اسم عتيج
كلامك صحيح وربي
انا الحين حامل بالشهر الثامن وهذا اول حمل لي
ورغم ان زوجي ماكان وده بالحمل لاني حملت بالشهر الرابع من زواجنا
الا انه لمن شافني ابكي من الفرح ومستانسة زادت فرحته
واحيانا امسح على بطني واكلم البنوته بدلع .. لدرجه انه صار هو يشتاق يكلمها ويقولي انتي مالك شغل باكلم بنتي
ويحط راسه عند بطني ويمسح عليها ويسولف معها ويناديها حبيبة بابا ولمن ترفس ماتصدقين قد ايش يفرح
عشان كذا انا معك بكل كلامك... نفسية الام ورضاها وسخطها تنقلب كمان على الاب
والله ييسر للجميع .. ويسهل ولادتي يااااااااااارب​

 

[رحـى]

إلهي يرزقكن بذرية صالحة معافاة طيبة حلوة رائعة الخَلق والخُلق,
كما تتمنين و أكثر,,
اللهم آمين,,

 

[$دمعه غلا$]

صح والله بس انا عن نفسي صراحه من اول شهر الين الثامن وانا اتفنن بملابس الحمل صراحه روعه وشيك واحب شكلى وانا حامل بس يجي التاسع الله لايبلانا تغير 180درجه من شدة الخوف من الولاده

 

[وردة الحنون]

ربي يرزق الجميع الذرية الصالحة الطيبة المعافاة​

 

[إسم عتيج]

اللهم يسر لأخواتي حملهن وولادتهن..
الله يجزا خير كل اللي مروا.. وعلقوا
وحتى اللي ماعلقوا أتمنى ان الفقرة عجبتكم​

 

[تيالا]

إسم عتيج

موضوعك رووعه وفعلا الحمل والامومه تعمه من نعم الله

الحمدلله كماينبغي لجلال وجه وعظيم سلطاانه

الله يرزق كل محرووم الذريه الصاالحه ياارب ويحفظ اولادناا من كل شرياارب

 

[شماليه متطرفه]

فلاانا نفس الاحساس
حتى التشققات اول ماطلعت
قلت لزوجي يادلبو شوف بنتنا قاعده تكبر ببطني

اذكر وحده شوي وبتموت
حماتي كسرت المرايا وقعدت 3شهوور ماتشوف جسمها وتدخل الحمام والنووور طافي
يارب لك الحمدوالشكر
وفووق هذا عندها3 ورى بعض
==
الحمدالله كنت مستمتعه
بفترة الحمل والتغيرلت الظاهره
على جسمي
وحده من خواتي خلت زوجها يلعب بنفسيتها اللين جاها اكتئاب وكرة حياتها وكرهة ولدها
لانو كان سبب في تشقق جسمها
والمشكله انها سوت رجيم نحفه ثلااااث ارباع وزنها قبل وبعد الحمل
يعني نفسيه
وخسرت عاطفتها مع ولدها حتى ولدها يحس بكره امه له
والسب هي وزوجها
خلته ينقدها ويلعب على النفسيه
وكانت كاااره حياتها وكل شي
وكنت انصحها واهاوشها لاتخلي زوجها يدمر نفسيتها
واللي برد على قلبي انو بعد مانحفت
قالها زوجها جسمك يوم كنت حامل كااان احلى
وانقهرت
وهالحين حااامل وبدا شغل النفسيه حق السعوووديين
قامت قالت له من هالحين خشمي كبر بطني يطلع اتشقق وزني يزيد تطلع لي اردووف مالك شغل ولااسمع صوتك
كفايه حملي ببكري ماخليتني افرح فييه وسكت ولا صااار يقولها شي
===
اتوقع السبب انها هي كانت تعطيه ايحاء انو جسمها صااار فيه كيت وكيت
==

 

[مشتاااقه]

والله اللي خايفه على جسمهاااا لاتحمل ولاتولد
والرجال اللي مايقدر ولا يابي ذريه لايتزوج ولا ياخذ وحده ماتبي تحمل
ولا اذا ولدت يخسر عليها يصلح ويعدل
وبعد الوحده لاتفتح عين زوجها وتحاول قد ماتقدر تحافظ لو بشكل بسيط
واللي يبي الذريييييييه يتحمل كل حاااقه
نعمة من الله واحلى نعمه فديتهم

 

[كييوت]

فترره الحمل احلى فترره بالنسبه لي اتدلع واطلب الي ابي

 

[زارمنيا]

احلى فترة الحمل من الشهر الخامس بعد فترة وحاااااااااام جدا صعبة حتى زوجي يتعب معاي بس صابر

واما يتحرك في بطنك احس بفرحه وعاد كل شي اطلبه يلبيه لكن الحين ولدت وراح اكثر الدلع بس موكله

والتغيرات الحاصله في الحمل طبيعيه بكيفه يرضى ولا لا اهم شي نفسي