أم زوجي قطعت قلبي .... !!!! أرجوكم ادخلوا

[عيوف]

السلام عليكم

بحاول اكتب مشكلتي باختصار..

انا عايشة مع زوجي في شقة مستقلة فوق ام زوجي الأرملة .. وحماي الثاني عندها بالبيت توه متزوج من كم شهر بنت صغيرة بالعمر ..
المشكلة في أم زوجي انها مريضة بالضغط والسكر .. ودايما نفسيتها تعبانة ولا تحب تطلع من البيت... عيالها يجيبون لها
أغراضها اللي تبي بس لو قصروا في بعض الأشياء ذبحتهم بالدعاوي بالأمراض المستعصية اللي ما لها علاج ..
وبالحوادث.. !!!! والله العظيم شي غريب ... عشان كذا عيالها شوي غلظين معها لأنهم ما يسمعون منها دعاوي حلوة زي الأمهات!!!

في رمضان راحت شغالتها .. وصارت حالتها النفسية زفت مرة مرة .. لأنها تعبانة.. وما تقدر تشتغل
وعيالها الله يهديهم ما فكروا يجيبون لها شغالة !!
وفي هذي أنا في صفها مسكينة ودايما تشكي علي منهم .. قطعت قلبي .. علما إني
ولله الحمد ما أقصر معها ماديا .. ومعنويا .. وارحمها كثييييييييييييير .. واحيانا ارسل لها شغالتي ..اذا صارت فاضية..
كلمت زوجي حاولت معه يجيب لها شغالة ... ويتقاط هو واخوانه بس للأسف الشديد ..
كلن يقول نفسي نفسي ...
اللي حصل .. اني جبت لها شغالة في نهاية رمضان اللي يشتغلون بالشهر وحبيت أعملها لها مفاجأة ..

واتصلت على زوجي وهو عندها وقلت له ترى الشغالة جاية بالطريق .. وترى إذا ما دفعوا أخوانك راتبها أنا وانت بندفعه
خلك تستأثر بأجر بر أمك ... وش تتوقعون حصل ؟؟؟؟


ثار علي ثورة عاااااااااااارمة وهاوشني وقالي ما لك دخل .. رديت عليه وقلت له خلاص أنا اللي بدفع راتبها وانت لا تدفع ولا ريال ..!!!

انتم لا ترحمون .. ولا تبرون في أمكم .. وهذا اللي مخلي نفسيتها تعبانة.. باعت شبابها عشانكم .. وفي الأخير تسوون فيها كذا !! حرام عليكم !!
صارت مشكلة بيني وبينه .. بس تأسف لي بعدين وقالي أنا مستحيل القى وحدة مثلك !!
وأمه على علم بكل هذا .. وتصوروا ردة فعلها يوم ردوا الشغالة اللي جبتها وهي في قمة الحاجة لها !!

وضاق صدرها علي وحست انها سبب في المشكلة ..

مرت الأيام .. واللي قهرني اليوم نزلت لها شغالتي تودي لها أغراض .. قامت نادتها تشكي لها وتبكي !!!

تخيلوا تشكي ع شغالتي وتقول أنا تعبانة .. عيالي ما نفعوني ...!!!
بالله وش أسوي بزوجي واخوانه؟!

مع العلم ان زوجي طيب مرررة .. معي .. هو شمالي غربي وانا جنوبية شرقية ...

ابي حل ......!!!! :35:

 

[دلع قلبه]

الله يجزاك خير ويكثر من امثالك ويعطيك الين يرضيك
على احسانك واخلاقك ورحمتك
(الراحمون يرحمهم الرحمن)
الله يجعل احسانك لها سبب في دخولك الجنه بلا حساب ياحي ياقيوم
بصراحة انتي رائـــــــــــعه احس اني عاجزة امام اخلاقك الطيبه اكتب!

عزيزتي انتي ابذلي مافي وسعك للاحسان لها وحث زوجك على برها
واجلسي مع الام وقولي لها عيالك يحبونك ودهم ببرك لكن يتمنون يسمعون الدعوات الطيبه منك
عموما المراة في سن الهرم تكون صعبة جدا ولاتتحكم بنفسيتها وتصرفاتها
واحيانا بعضهم تقطعين قلبك لها لكن سبحان الله تعود طفل في تفكيرها
فتظل ساخطه ومعترضه مهما بذلتي
انتي احسني باللي تستطيعين وحثي على برها
لكن لاتتصرفين بدون شور زوجك ورضاه
وتعايشي مع نفسيتها وتقبليها كما هي
لان حتى لو اكلتيها بملعقة من ذهب سبحان الله تظل بهذا التعب النفسي
مرحلة الهرم مرحلة صعبة جدا جدا
تخيلي نفسك قاعدة تتعاملين مع طفل عنيد مهما سويتي يظل ساخط وعنيد!!
حلك التعايش وتقبل هذي المرحلة الصعبة
ارقيها واعطيها زيت وماء مقري فيه
شغلي عندها القران كثير لانه بيهدا نفسها
اشغليها بأذاعة القران وبرامجها
اذا كانت تقدر تدخل دار تحفيظ حثيها تدخل
اما اذا كانت عاجزه فالحمدلله على كل حال
حسسيها بقيمتها مهما كبر سنها
استشيريها في امور بسيطه وخلي ان رايها حتى لو مااعجبك هو الصح والصواب وانك بتاخذين بحكمتها وخبرتها..
الله يــرضـى عليك ويــرضيك..

 

[ما لقيت لي نك]

حنني زوجج عليها وحدة انا اعرفها ارملة ومن كثر ما عانت وتسلفت وتعبت مرة في حياتها مع اهل زوجها دايم نفسيتها تعبانة مررررررررررررة مسكينة وعيالها بس مسكينة ما تدعي على احد بس مرات تبكي من التعب والشغل والله تكسر الخاطر
شوفيلك صرفة معاهم زوجج واخوانه حنني زوجج عليها وخله يتفقون على سستم لمصاريفها وزيارتها وشغالتها
وانت عليكي بزوجاتهم ترا عمتي مريضة وتعبانة وكذا وكذا وفقيرة لازم نسوي كذا ونسوي كذا
صح معاكي ان الاولاد اذا الام تكون صعبة وما تعامل اوكي عيالها ما يبرونها البر اللازم زي عمتي الله يهديها غلييييييييييييييييييييييييييييييظة مرة مع زوجي ودايم تدقه بالكلام قدام اخوانه وحريمهم وهذا اللي يصير الله يصلح حالها حتى هو ما يحن عليها كما يجب الله يهديها ويهديه

 

[دموعي قريبه]

جزاك الله خير عليك بإعانة زوجك على بر امه وراح تشوفين البر بعيالك ان شاالله وبالهدوء والاسلوب الزين يجي كل شي والله يوفقك

 

[حبك رماد]

أسال الله أن يعطيك من خيري الدنيا والاخرة حتى يرضيك على برك وحسن خلقك

 

[ممزقه الاغصان]

رزقك الله بزوجه ولد مثلك يااختي ومع انو والده زوج تجيب البلاء وتعرف انو ولدها الغلاطاني علي واذا خاصم رجعت علي انا بس وربي اني احترمها ولاارد عليها اذا زوجك طيب معاك كلميه مره وثنتين وثلاث باسلوب حلو وقولي اليوم شفت والدتك تبكي لاانها تعبانه ومن ذا الكلام لعل وعسى يحسون فيها الله يعين ويرزقنا الذريه الصالحع يارب انا وامهات المؤمنين ويصلح ويحفظ اللي جو

 

[عيوف]

الله يجزاكم خير يا أخواتي ..

دلع قلبه.. أخجلتيني بصراحة ... الواحد يفكر لبعدين ويتخيل نفسه مكانها ...

راح اسوي كل اللي قلتوا لي عليه ... بس ترى ماهي كبيرة سن بس المرض والوحدة خلتها عجوز.. حابسة نفسها..

قبل شوي اتصلت عليها وتطلبتها تطلع معنا ... ردتني وقالت تعبااااااااااااانة تعباااااااااااااااااانة ما ابغى أطلع..!!

الله يفرجها عليها ..., وعليكم .. وتقبلوا تحياتي ..

أبغى نصائح البقية جزاكم الله خير ..

 

[دلع قلبه]

عزيزتي احتمال يكون عندها اكتئاب
وكثير يصير بها الوقت خصوصا مع الاحساس بالوحده والعجز

اطلبي من زوجك يعرضها على طبيب مختص ويشوف وضعها
قريبه لي كبيره في السن بس من لدرجة كبيره
توفى زوجها واغلب من هم في سنها فصارت تحسس ان الموت قريب منها
وتعبت نفسيتها وصارت مكتئبه
انتبهو لها عيالها وعرضوها على طبيب نفسي وصرف لها حبوب يوميه وماشاء الله تبارك الرحمن
تشيل المجلس شيل بسواليفها ومرحها وابتسامتها.

 

[غبار الهجير]

الله يجزاك خير ويكثر من امثالك

 

[لودي الحلوة]

يالله هو فيه باقي في الدنيا مثلك فعلا لو خليت خربت ( انتي كذا لانها شكلها ما اذتك صح ولا انا غلطانه )
اقولك عندك خوات للزوااااااااااااااااااااااااااج ( تراها مزحه ممزوجه جد)
الله يخلي لك عيالك ويرزقك بمرت ولد مثلك
ومن ناحية حل والله ماعندي غير انك دقي فيه دقي فيه الين يلين يقول كثر الدق يفك اللحام

 

[ضحكات الزمان]

الله يجزاكي خير

خليكي دايما كذا وذكري زوجك بامه
حتى لو هيا قاسيه تظل امهم

وربي يعوضك خير بزوجك واولادك

 

[احلى سمايل]

الله يكثر من أمثالك ويجزيك من خيري الدنيتا والأخرة

 

[سهم العشق]

ما قصرت يا اختي وربي ان شاء الله يرزقك بر ابنأئك 00 ​

 

[مدام الدكتور]

ربى يكثر من امثالك
حاولى تاثرى على زوجة بطريقة مختلفة
بانه الراحمون يرحمهم الله
واجر بر الوالدين
وان الاجر يكون بالدنيا قبل الاخرة فى بر الوالدين
كذلك العقاب لمن يعقهم
اسردى له القصص عن البارين
قولى له كما اقول لزوجى عندما يتزاعل مع والده
( لو اجاك خبر ابوك قبل ما تصبح وتراضيه , ومات وهو غضبان عليك , هل تحسب انك ستهنأ فى حياتك
والله لن تذوق طعم الراحة ابدا)
اخبريه ان امه كبيرة ومريضة وربما تترك الحياة باى لحظة
فخاب وخسر من ادرك والداه ولم يدخل بهما الجنة

 

[تشكرات]

انك لا تهدي من أحببت ولكن الله يهدي من يشاء ......

لا أزيـــــــــــد على كلام رائعة بلقيس ( دلع قلبه ) كثّر الله خيرهــا

فعلآ يا أختــي ساعدي زوجك على برّ أمّه ولك الأجـر ....واذا عيالها

رفضوا الخادمه ....الله حسيبهم .....

طيب ايش رأيك ( تطلبي من خادمتك أن تشتغل عندك وعند أم زوجك

وزيدي راتبهــا .....ولك الأجــر .....

ربي يرضى عليك يارب....

 

[roozee]

الله يبارك في اولادك وهذا ان دل دل على تربيتك الفاضلة ويجزى والدتك كل خير وبالنسبة لزوجك دايم ذكريه بفضل البر بالوالدين وان عقوبتهما في الدنيا قبل الاخرة وان شاء الله يجي اليوم الي يبر فيه بأمه الله قادر على كل شي

 

[حور الأثرية]

مع تشكرات

 

[عيوف]

دلع قلبه ... بصراحة أنا شاكة في ان عندها مرض نفسي ...

.. لودي ... بصراحة ما شفت منها شيء أكرهه جزاها الله خير ..

وأنا آخر وحدة من خواتي تزوجت .... ههههههه ضحكتيني الله يسعدك ...

 

[عيوف]

ضحكات الزمان..

أحلى سمايل..

سهم العشق ..

الله يعطيكم العافية ..

مدام الدكتور.. فكرتك حلوة راح أطبقها .. الله يحنن قلبه عليها..

تشكرات .. اشكرك على ردك ... المشكلة انا موظفة والشغالة تقعد مع بناتي الصباح .. والظهر انام وتمسكهم ..

والعصر اقوم .. واخليها تروح ترتاح ... واذا عندي شغل للمدرسة ناديتها تمسكهم وانا أشتغل ..لأنهم صغار مرة ومزعجين الله يصلحهم ...

عشان كذا ما أحس فيه وقت ينقسم بيني وبين خالتي ..!! ومع ذلك بحاول وبقول الفكرة لشغالتي ... وربي يعوضني ..

روز ... حور ... الله يجزاكم خير ..

 

[الجرح نازف]

المشكله عند ام زوجك مو فى اولادها هى فيها غضب وسخط على وضعها وعدم رضا بالواقع الى مطلزب منك مو تجيبى لها شغاله لان هى بروحها ومااتوقع عندها ذاك الشغل انتى تبى تكسبى اجر فيها اشتغلى على الجانب الدينى والنفسى عندها
هى محتاجه لقناعه داخليه ورضى داخلى