ألم شديد

[عاشقة القرآن]

مرحبا بنات أنا توني محللة في البيت من يومين وطلع اني حامل بس الظاهر ان عندي التهابات لاني أحس بألم شديد أسفل البطن وخصوصا بعد قضاء الحاجة الله يعزكم أخذت موعد بس عطوني الاسبوع القادم سؤالي هل في خطر على الجنين لين يجي موعدي خايفة لاني حملت قبل كذا وحصل اجهاض وكان ايضا معي نفس الالام

 

[جمانة الدر]

انتبهي لنسك حبيبتي وحااولي ترتاااحين وتسترخين لين يجي موعدك واشربي موية كثيييير ..الشيء هذا يعني عندك التهاااب في المثاانه الله يستر عليك ويتمم حملك يااارب ..

 

[عاشقة القرآن]

شكرا على اهتمامك ياجمانة الدر

 

[سمو البرنسيسه]

غسلي بمويه وملح تخفف كثير من الالتهابات
انا جاني بس كان ع شكل حراره وخاصه اذا مشيت وغسلت بمويه وملح خشن وع طول خف

 

[يمر طيفك]

عوافي يارب ,,

لاتستهونين بالامر اذا جاء موعدك روحي على طوووووووووول ..

الله يثبته ويتمم عليك ويفرج نظرتك ..

 

[عاشقة القرآن]

شكرا لكم بس ليش استخدم الماي والملح أنا مافيني حرقة ولاحكة بس ألم في البطن وريحه في الافراز الله يعزكم
وان شاء الله اذا جا موعدي راح أروح بس خايفة يحصل شي قبل الموعد لاسمح الله :tears:

 

[الشوق وبس]

الغالية..كثري من شرب الماي..

إحتمال عندج إلتهاب في البول..وهو يصير في الحمل..بس مب زين للحامل..اشربي الماي بكثرة..

 

[عاشقة القرآن]

طلع عندي التهاب في البول وقالت لي الدكتورة اشرب عصير توت بري كل يوم