بروفسورة ريجيم
New member
- إنضم
- 22 مايو 2010
- المشاركات
- 64
بسم الله الرحمن الرحيم هبلتنن شوي شوي بالدور وحدة وحدة تدخل على الموضوع:surrender: وش هالزحمة عند باب موضوعي اعقلن والا ابجيب مكافحة الشغب:icon28:
كل ذا عشان إنه جنسوالله لو أنا قايلة الله الله بالصبر على الزوج ودفع السيئة بالحسنة، أوالصبرعلى أم الزوج ومعاملتها المعاملة الحسنة مالقيت أحد يدخل، لاو كان من أول لحظة يدحدر موضوعي للصفحة الخامسة
الله يهديكن بس
وش لاقيات بهالجنس
تروش وبرد وغرابيل
ذبحتننا الوحدة أكبر همها الجنس وكأنها ماتزوجت إلاعشانه
صحيح هو مهم لكن فيه أهداف أخرى أسمى للزواج والزواج مسؤولية عظيمة ماهوجنس وبس
وبعدين ليش سوء الظن بالرجال واتهامهم بالخيانة لاوالاحظ بعضكن يخرب بعض_ الله يصلحكن_إذا جت الوحدة تشكي لكم صدود زوجها عنها أسبوع أوأسبوعين أو شهر أو سنة بدل ماتواسن المسيكينة تتهمن الرجال بالخيانة وهو طاهر مطهر عفيف لكن الرجال يمر بأزمة نفسية أومالية أو مصاب بمرض معين كالسكر مثلا وأصلا الجنس نفسي قبل لايصير عضوي وتزيدن الطين بلة على المرة
أقسم بالله إن العفيف عفيف لو أبعد عن زوجته سنين الإيمان اللي بداخله يردعه-ولنا في نبينا يوسف-عليه السلام-أسوة حسنة وكم حولنا من شباب طلقوا زوجاتهم ويجلس الواحد منهم اعزب سنين وبعضهم قد يتأخر في الزواج ولم يفكر هؤلاء الصالحون ولا مجرد تفكير بمكالمة حرام فضلا عما هو اعظم ،أماالذي في قلبه مرض لو عنده أربع زوجات كل وحدة أحسن من الثانية كان ماناظرهن ولايعجبه إلا اللي بالحرام
وبعدين فيه عندي تنبيه مهم لكن يالحلوات الوحدةمنكن إذا توفقت وسخر الله زوجها لها نسبت ذلك لنفسهاوإنه بسبب إهتمامها به وماإلى ذلك صحيح التزين مطلوب والمعاملة الحسنة مطلوبة وهذا مما يزيد الحب ويؤلف بين القلوب لكن الذي ينفع بهذه الأمور هو الله ولايؤلف بين القلوب إلا الله-لوأنفقت مافي الأرض جميعا ماألفت بين قلوبهم ولكن الله ألف بينهم_لاتنسبين الجهد لنفسك وإنه بذكائك وحسن تصرفك كسبتي قلب زوجك وتنسين مصرف القلوب سبحانه وتعالى فقد ذم الله قارون حينما قال -إنما أوتيته على علم عندي-يعني أوتيت المال بسبب ذكائي هاه وين الذكاء مانفعك وحافظت على مالك يوم أغرقك الله وبعدين ياحبيباتي أنتن اللي كرهتن الرجال بالجنس من كثرماطالبتن المساكين بالجنس والله إني أعرف رجال الواحد منهم يهج لاصحابه بالإستراحة أو البرويتأخر عشان تنام زوجته يقول ذبحتن بالجنس من كثر ماتطلبه وتلمح له صار ماله طعم ،وتلقين الرجال بواد وهي بوادي أحيانا الرجال يمر بظرف معين يؤرقه ولايريد إخبار زوجته به أو بعد تبينه يقول لك كل شيء خير إن شاء الله ملكك هو ماقال لامه عشان يقول لك ،المهم نرجع لموضوعنا يصير الرجال ضايق صدره وصامت ولا له خلق أحد يفكر بمشكلته ولا همه جنس ولا همه شيءوهي تناظره وتقول ايه يفكر بفلانة ويفكر بعلانة ههههههههههههه شر البلية مايضحك ماهميتيه انتي اللي بين يدينه يهمه غيرك ثم تجي تسأل او تلج وتهوش وتتهمه!!!!!!!!!!!!!!!!!طبعا وش توقعون ردة فعله؟........بدون تعليق
اكيد أنتن عارفات
والطامة الكبرى أنها قد تقوم بتفتيش جواله وأغراضه وتظن ان هذا من ذكائها ونسيت أو تناسيت أن التجسس حرااااااااااااااااااااااام مالك حق تفتشين أغراضه هذي خصوصيات
وتسعة اعشار العقل بالتغافل كما قال الشافعي
وبعدين تذكرن إن حب الرجال للجنس يختلف من إنسان لآخر كما هو الحال في شهوة الأكل والشرب يعني بعض الناس يكفيه من الأكل مايقيم صلبه وبعضهم_ماشاء الله-طول الوقت ياكل وأكبرهمه بطنه وهدفي من التشبيه أن لاتقارن الوزجة زوجها بآخر بالجنس ولا تقيس عليه يعني لاتجي تقول زوجي مايجامع الا بالشهر مرة طبيعي اولا؟نعم قديكون طبيعي بالنسبة لزوجك وليس طبيعي بالنسبة للآخرفلا يمكن ان يصبر اكثر من أسبوع أما زوجك فيصبر إلى مالا نهاية
الله يازمن كانوا الرجال أول أنشط من شباب هالزمن مع إنهن بنات هالوقت ماخلن شيء من الرقص والزينة والحضن والكلمات المعسولة ومع ذلك مسهوجات يابعدي عكس اول اللي يمكن بعضهن تظاهر بالنوم من كثر مايشغله يبي جنس
لا والمضحك المبكي إن الوحدة تلقونها طول اليوم تعاتب على الطويله والقصيرةومادة لسانها عليه وأحيانا على اهله من وراه ثم إذاجاء الليل سوت ليلة رومانسيةوتقول ليش ماتفاعل معي!!!!!!!!!!بعد هذا كله تبينه يتفاعل أصلامثل ماقلت لكم هالشيء نفسي قبل لا يصير عضوي،
عدلي اخلاقك ثم فكري بالليلة الرومانسية
آسفة على الإطالة حشا صارت رواية من طوله:bye1:
