أصحاب الرأي والحكمه محتاجتكم الله يوفقكم

[memo9782]

السلاام عليكم ورحمة الله

عرضت قبل كذا مشكلتي مع طليقي اللي استمريت معه اقل من 3 شهور بس

كل يوم مطلع لي شئ يا عيب فيني يا عيب في البيت

وأحيانا يقول والله ماشفت منك اي تقصير بس ماارتحت نفسيا معك مع العلم اني كنت باختياره وشافني شوفه شرعيه واعجب فيني وكنا عسل قبل الزواج

حاولت افهمه واقنعه ان هذي تغيرات طبيعيه تصير لاي شخص في بداية حياته وانه مع الوقت كل واحد يتاقلم على طبع الثاني بس كانت تصرفاته تصرفات مراهق مو راضي يصبر يبغى كل شئ يجيه مثل مايبي

عنده اصدقاء سوء يخربون عليه حياته وهو وراهم وراهم غير كذا كان مو حريص على صلااته واكتشفت انه يكلم بنات

كل يوم اقول ان شاء الله ربي بيهديه مع الوقت ويتغير ,,, حبيته وما انكر هالشئ وماحبيت اني اتبهذل بحياتي بسوالف الطلاق .. تركني عند اهلي 4شهور معلقه وارسل لي الورقه !!


ومن بعدها قطعت علاقتي فيه لكن والله اثر فيني هالشئ نفسيا .. انا ماابغى الا الستر والاستقرار ليش يبيعني بسهوله

هو مايقرب لي واصغر مني بثلاث سنين عمره 23 احس انه مو متوازن ومو ناضج عقليا لكن قلبه طيب



اللحين مر شهر على طلاقي وتفاجاءت قبل يومين ارسل لي هالرساله

( اهلين ان شاء الله تكونين بخير,, ادري انك تتضايقين اذا شفتي رقم جوالي على شاشتك لكن من فتره ودي ارسل اسال عن اخبارك واسمع عنك شئ واذا ضايقتك الرساله سامحيني )



يوم شفت الرساله اختلطت عندي المشاعر بين حنين وبين قهر
قمت اصيح لا اراديا ومارديت عليه


ولا علمت احد من اهلي ..

برايكم ارد عليه ووش اقول بالضبط بالرساله ..

لاحظت هومن النوع اللي اذا لحقته شاف نفسه علي وقام يكابر لاني طسلة الاربع شهور اللي علقني فيها اتودد له بالرسايل ومبينه له ضعفي وهو ولا عبرني,,,, والله ودي ان ربي هداه ويرجع لي وتصير حياتنا استقرار







بليز ساعدوني يمكن انتم اخبر مني بهالامور


لا تنسوني من
دعوااتكم في هذا اليوم المبارك

 

[*ملكة الحب*]

نصيحه لاتردين عليه
أظن يعرف بيت أهلك وأرقامهم لو يبي يرجعك

 

[بحر الجواهر]

حبيبتي اثقلي عليه والله اني متزوجه من سنوات وكنت اداري زوجي واسئل عنه وهو مطنش وبعد ماتركته واذا اتصل ومارد يدور علي
اتركيه خلاص انت بحكم المطلقه مارجعك وهو يبغى يشوف مشاعرك بتتصلين عليه او ترسلين له
خليه يحتار في امرك وتربيه دنياه وهالفتره تقربي الله وادعي ان الله يهديه ويجمعكم على خير واستخيري كثير والله انها نعمة من الله يبين الله لك الخير فيها

 

[احب الخيرع]

نصيحه خليه يجي مع الباب وخليك ثقيله لالاتردين عليه الانه بكره يتكبر عليك بعدين بعد 4شهور تذكر الله يوفقك

 

[ام العنود1]

لاتردي عليه وثقي اذا فيه نصيب بيرجع لك راح يرجع
عليك بالدعاء والاستغفار ولو طلب العودة استخيري قبل واختاري الي يريحك و بعدين توكلي على الله

 

[عشق الرووHوح]

حبيبتي نصيحه من اخت لاختهاا اضغطي ع قلبج ولاتردين ع اي مسج يدزه لج والله اذا رديتي عليه انج راح تحسين بالندم والله اني حاااسه فيج بس حاااولي قد ماااتقدرين انج تمسكين نفسج ولاتقولييين حق احد انه يدز مسجاااات نهائيآآوهو اذا يبيج يكلم اهلج تقبلي مروري,,,,,,

 

[جسدبلاروح]

لا تردين عليه واستخيري وربي ما يضيعك
اذا يبيك بيجي مع الباب مو مع الرسايل
طنشي وبس

 

[نظرةعيوني ذلتهم]

لا تردين عليه

والله يكتب لج اللي فيه الخير

 

[zomorodah]

أنا مع الأخوات لاتردي عليه

ويجي من الباب كيف ماقالو الأخوات

وتتشرطي كمان

ماتصيري لعبة بين إيديه

وجمدي قلبك

 

[خواطر مجروحه]

لاتردين له طنشيه بعدين ليه مامسحتي رقمه من جواللك بعد اللي سواه فيك المفروض تمسحينه نهائي من حياتك للابد اللي زي هذا صدقيني مايتغير شوفي اختي صح الطلاق ابغض الحلال عند الله لاكن احيانا يكون هو الحل الافضل يعني تعيشين في ذل ومهانه كل يوم والقهر من غير سبب والا تعيشين حره مرتاحه وتدعين الله انه يعوضك باللي افضل منه بعدين لاتردين ابدا عليه لانه استغل طيبة قلبك لاترضين على نفسك الاهانه يعني يعلقك اربعه اشهر وكمان ودك فيه ارفعي قدرك عنه نصيحه لك اللي معرف قيمتك وانت في بيته ماراح يعرفها وانت بعيده الله يستر عليك ويعوضك بالشخص اللي يقدرك ويحبك

 

[قطفة اولى]

لا تردي عليه
طنشيه
بعدين صراحة انا ضد ان الوحدة تتزوج واحد اصغر منها
تجي وحدة تقولي الرسول صلى الله عليه وسلم تزوج السيدة خديجة رضي الله عنها وهي اكبر منه
اقولها النبي صلى الله عليه وسلم فوق اي مقارنة وزوجاته الكرام كذلك ولو كل الشباب اقتدوا برسول الله ماكان سمعنا مشاكل
بعدين انتي انسانة ناضجة كأنثى
لكن هو بزر
ربي يوفقك ويسعدك ويعوضك باللي احسن منه صلاح وتقى

 

[memo9782]

جزاكم ربي الجنه ع التفاعل

انا ماسحه رقمه من الجوال لكن هو ارسل لي وعرفته

كلكم تقولون طنشيه ,, بس اخاف لا طنشته بيقول هذي خلاص نستني وشافت نصيبها

لان العلاقه خلاص انقطعت بينا وهو ماله وجه يواجه اهلي من يوم علقني

ودي ارسل رساله عاديه انه اذا يبغى يعرف اخباري يعرفها بالطريقه الصحيحه ويرد لي كرامتي

يعني ماراح ارسل اني فقدته او مشتاقه له

بجس النبض اهو يبيني او لا


تأيدوني بهالشئ؟؟

 

[خواطر مجروحه]

لا اختي ما أأيدك ابدا اتركيه زي ماترك ولاتفكرين فيه ابدا انصحك عشان بكرة النهار تقولين ياليتني مارجعت له انت الان حره لو رجعتي له وحملتي تصير المصيبه مصيبتين عموما اختي احنا ننصحك لاكن استفتي قلبك ولو افتوك الناس يعني انتي اللي كنت عايشه معاه وادرى فيه مننا احنا نحكم عليه من خلال كلامك عنه لاكن هو اهانك وعلقك من غير سبب نفسك ماتعز عليك تبغين تهينينها عشان رجال الله يكتبلك اللي فيه الخير ويعوضك خير
​

 

[وفاء.^^]

حبيبتي رسالته لكي جس نبض يبغى يعرف نسيتيه ولا لسه في بالك الافضل انك تطنشيه عشان يتربى واذا فغلا يبغاك يوسط اهل الخير بينكم لكن اقول مافي مانع ترسليله رساله بالكلام الي ذكرتيه بشرط منغير غراميات ولاتنسي عليك بالدعاااااااء الله قريب هو مسخر القلوب وملينها الله يوفقك وطمنننننننننننننيني