أشيرو علي ماذا أفعل

[soso6]

أتهاوشت اناوزوجي على شيء تافه وأخذ جوالي ويقلي والله ماتاخذيه أسبوع عشان تتأدبي وماترد علي شو أسوي أقل لأبوي يتفاهم معه...........مررررررررره مقهوره

 

[رازيا]

الله يهديكي تعودي مشاكل البيت التافهه ما تخرجيها برة بيتك حليها بينك وبين زوجك حتى لو اخذت وقت
الحين تعوذي من الشيطان وحاولي تجنبي زوجك بس يكون معصب اسكتي وغيري المكان وروحي توضي وصلي ركعتين وامسكي يوميا سورة البقرة وراح بيتك وزوجك يهدء ويصير فيه سكون واستقرار نفسي
لا تكبري الموضوع وخلص طنشيه وخليه لين يهدء زوجك شوي وصدقيني يمكن بكرة يجي ويعطيكي اياه
هو قالك كذا لانه زعلان منك
الحين روحي حضري العشا واجلسي صامته الا اذا فتح معك موضوع تناقشي معاه بهدوء وصوت واطي
وخليكي زعلانة شوي مبينة يمكن يحس على حاله
هي فترة صغيرة وراح يروق صدقيني اعطيه فرصة يفكر ويراجع حساباته وراح يكتشف انه غلطان صدقيني

 

[ام سوفا]

حبيبتي مو شي يستاهل تقولي لابوک عشان جوال حليها بنفسک وتري الرجال مايحبون الحرمه الي ترد وخلي مشاکلک بينکم لاتطلع لاحد تصدقين ليه 5سنوات متزوجه ماء شاء الله والله والله عمري ماطلعت لاهلي. مشکله بيني وبين زوجي انا احلها بنفسي وحاولي تقنعينه بانک تاخد جوالک منه بهدو

 

[كيكا وحلاوه]

عااااااااااااااااااااااااتي

جوال ماسوى فيكي جريمه

 

[saniaend]

لا يا اختي ما يحتاج تعلمين والدك ليش ماهي مشكله من الأساس اختي بكره تروقوا وكل شئ ينحل ولا توصلي الامور لاهلك ابداً مهما كبرت المشاكل ما عدا الضرب او الخيانة فهما من الكبائر بالزواج ولابد من التدخل حينها فرج الله همك ودمتي مستقرة وبخير

 

[ياربي انصرني]

اذا حجمتي المشكله انها تافهه000 فكيف يحلف بالله ياخذ جوالك اسبوع؟؟

يمكن المشكله من وجهة نظرك تافهه لكن تلقي زوجك لها غير ذلك

استهدي بالله والزمي الهدووووء واذا هدأ زوجك بيرجع لك الجوال
لكن لاتوصلين المشكله لاابوك وانتي تقولين تافهه00
حلي مشكلتك مع زوجك بحكمه ورويه 000 الله يسخره لك ويبعد عنكم كيد الشيطان00

 

[بنوتة بلادي]

علشان جوال تبين ابوج يتفاهم معاه؟ ليش ابوج ولي أمرج و هو المدرس اللي ضربج و بتسيرين تشتكين لأبوج منه؟

يا اختي تعودي ما تدخلي الأهل إلا للمشاكل الكبيره القويه... مب على أشيا بسيطه و ما تستاهل...

و بعدين ليش ما قلتي المشكله؟ يمكن فعلا هو معاه حق في التأديب... (انا ما أايد تصرفه طبعا)...

و يمكن هو بس يهدد و باجر إذا روقتوا يعطيج إياه...

 

[soso6]

هويسوي أشياء تنرفز مرررررررررره يخليني أرد غصب عني

 

[درة أصلية]

حبيبتي مايصير تدخلين احد في مشاكلكم مهما كان
فما بالك لو كان السبب تافة
انتبهي وحافظي على اسرار بيتك وحلي مشاكلك مع زوجك بحكمة وروية
والتزمي الصمت والرسمية معه وبيحس بغلطته
وصدقيني هو من نفسه بيتراجع عن حركته
واغلب الازواج مثل زوجك اذا عصبوا مايشوفون اللي قدامهم
موفقة قلبي

 

[soso6]

أنا تعبانه رجلي كانت مكسورة(فترة نقاهة والدورة متأخرة هو من الصباح أنت نايمه شهرين متنظيفين ماتطبخين قومي سوي قومأعملي فأرد بعصبيه غصباعني من الي فيني والله

 

[قمر بلامنازع]

لازم من الصبر ,,
مايصير ’’

 

[داريين]

مع البنات
لا تدخلين اهلك على اشياء تافهه​

 

[soso6]

يعني أقعدأسبوع من غير جوال أنا أعرف زوجي أذاحلف لايمكن يتراجع

 

[بنوتة بلادي]

يا اختي... يمكن كان في شوية تقصير... انتي قلتي كااااااانت مكسوره.. يعني هي مازالت في الجبس؟ احس من كلامج انها خلاص مب في الجبس... هو شكله صبر شهرين و يوم شاف الوضع ما تعدل قال خلاص لازم اتكلم...

و دااايما داااااااايما كوني هاديه يوم الريال يعصب... أصلا كوني هاديه يوم أي شخص يعصب... علشان ما تعطين فرصه للموقف انه يتصاعد و يشتعل اكثر و أكثر... فهمتي يا عسل..

الحين لا تردين على ريلج أي ردود تنرفز... و لغة الجسد... دخيييييييييييييييلج لغة الجسد خليها إيجابيه...

يعني في حريم تقول انا ما أرد عليه... بس في نفس الوقت شو تسوي؟ تقوم بطريقه منرفزه.. تسكر الباب بالقو... او حتى تلف عينها يمين يسار دلالة ان الكلام ما عجبها... و بعدين تجي و تقول انزين انا كنت ساكته... ساكته بلسانج بس جسمج يتكلم عنج...

فهمتي علي...

 

[soso6]

أيه أنا فاكه الجبس من أسبوع بس رجلي ليسه تعبانه وزوجي يبغى يسب ويعصب وانت حاضر حاضر ومبتسمه يقل لاتكشري بوجهي

 

[soso6]

الله المستعان

 

[هموسآ]

لا حول ولا قوة الا بالله

الصبر لوجه الله يالغالية

معليش صحيح انك تعبانة بس الرجال مو زي الحريم , مايقدروا يتحملوا

واحتسبي الاجر وعليك بالدعاء والاستغفار

الله يفتح عليك​

 

[بنوتة بلادي]

شوفي حبيبتي... هو معاه حق... يعني حتى لو كانت فترة نقاهه...المفروض البيت يكون نظيف او على الأقل شبه نظيف او مرتب...

الحين كوني هاديه معاه... و حاولي ترتبين البيت... إذا حاسه انج بعدج ضغيفه و تعبانه... اطلبي منه يجيب خدامه مؤقته تشرفينها على شغلها دايما...

 

[رازيا]

الجميلة بنوتة بلادي ما قصرت
صحيح بنوتة شكلك من كلامك انك
من الامارات حياك الله بس من اي امارة
انا من ابوظبي اذا تحبين نتعرف على بعض
حياك الله تعالي وجيبي هدية معاك هههههههه

 

[دموع وأمل]

عادي قوليله فداك الجوال وصاحبة الجوال وخليك مره رايقه واهتمي بنفسك وبنظافة بيتك وخليك دائما مبتسمه بوجهه وشوفي بعدين النتائج وابتعدييييييي عن ادخال اهلك في جميع مشاكلك