أسألكمـ بالله أن تدخلوا تحلوا مشكلة صديقتي ...

[*الجوري1*]

صديقتي لها 15 سنه متزوجه تزوجت وهي صغيرة ...

وعندها ألحين 5 أطفال ما شاء الله ..

مشكلتها مع زوجها ... سفري .. صاحب مكالمات ,,, وصاحب إنترنت ...

كشفته كم مره ...

زعلت وزعلت وصبرت وصبرت ...

مافيه فايده ...

أخيرا أكتشفت معاه تذكرة سفر وصارحته وتمشكلوا مشكلة عوييييييصه ...

وتلفظ عليها بإهاااااانات ...

أهلها بعيد عنها ..

تبيه يراضيها وهو ما فكر ..

وما تبي ترضخ له لأنه غلطان100% ...

تكفون الله يوفقكمـ وييسر أموركمـ ...

كيف تتعامل معاااااه ..

والله إني مقهوره عليها ...

حليلها جميلة وطيوبه وحبيبه ...

صاحبة بيت من جد طبخ وغسيل وكرف ...

تبي الطلاق لاكن خايفه على عيالها ...

مستواها متوسط ...

في إنتظاركمـ ...

 

[mo0o0n2009]

الله يكون في عونها ويهديلها زوجها

 

[الفتاه الصامته]

يختي قولي لها لاتناقشه يعني

تحاول تنسيه انها نكديه وحقت مشاكل

لانه الرجال بمجرد ةمتناقشيهم اعتبروك نكديه خليها تهتم بنفسها اكثر

عند الاكل تخلي اكله لوحده اذا قال ليه

تقول اخاف العيال يزعجوك

وقت نومه تبعد العيال عنه وتكشخ كشخه ماصارت ولا تقرب منه تغريه فقط

وترى السوالف وقت النوم بالظلام والمصارحه بهالوقت تعطي مفعول وعن تجربه

وربي يصلحه لها ويصلح لنا رجالنا

 

[حنانوو]

تتغير من حياتها لااحسن تبعد من النكد والزنات والمشاكل صبرت الفتره هذي تتحمل
وتحاول تغير من شكلها من لبسها وووقت رجوعه تكون فاضيه له ترتب البيت وتبخره وكل شي وتهدي اولادها وتحاول تنومهم بدري علشان يكون فيه فرصه انهاتجلس معاه بكامل اناقتها وشكلها بس موتحط مكياج وهالخرابيط تكون ع طبيعتهاوتتخيل انها طفله صغيره علشان جد ينسى للي معاه ولوماعطاها وجه بالعكس تجلس تطالع تلفزيون بس بدلع ولاتحسسه انه تبي شي تطنشه بس بحركات دلع وهي تاكل وهي تشرب علشان ينتبه لها ولازم تكون ريحتها واصلته يعني تبخر نفسها وتتعطر علشان العطر للرجال له دور كبير
والله يرفقهم ويخليهم حق بعض ويبعد عنهم عيال الحرام

 

[احلى ملاك]

تطنشه وتعيش حياتها اهم ماعليها الاطفال وبسسس وهو تعطيه اشكل

 

[الجواااان]

الله يسخر لنا ولها يارب

 

[أبله رشا]

بعطيك حل..

والله العظيم انه الحل الوحيد أكييييد ميه فالميه!!
وربي راح تنور حياتها وتودع أيام الشقا للأبد!!



حبيبتي كلنا نعاني من مشاكل كثير ونعاني ونتعب ونيأل ونستشير ونبكي ونمووووت قهر..

وفي النهايه وش يكون؟؟

ما يتغير في الموظوع شي..

الحل الوحيد في:


الدعـــــــــــــــــــــــــــــــــــــــــاء

يا اختي الدعاء سلاح غفلنا عنه!!

الله سبحانه خلق السماوات والأرض..

أيعجز أن يهدي زوجها الى الحق؟؟؟

لا والله انه سبحانه ارحم من الأم برظيعها!!

اطرقي بابه اسأليه بخضوع وتذلل وانكسار!!

اسأليه وانت موقنة بالإجابه والله لا يضيع من طرق بابه سبحانه!

طبعا مع فعل الأسباب اللي راح ينورونك فيها اخواتي!

 

[*الجوري1*]

الله يفرجها عليكمـ ...

على فكره شخصية زوجها ( شمالي غربي )

 

[مضيعه زوجها]

عزيزتي انسي انك تتركي زوجك واولادك انتي اكثري من الدعاء ان الله يريحك من الغير
ويهدي بالك والله ان المصارحه مامنها فايده
بس توجهي للدعاءو قول
( الحمد لله وسبحان الله والله واكبر ولا اله الا الله )
واكثري من الاستغفار
وقراة سورة البقره
بنية راحة بالك وصلاح زوجك
فرج الله همك

 

[مملكة ميمو]

عزيزتي خليها تطنشة الرجال مايجون بالعناد وخلية يسافر عقلة براسة ويعرف خلاصة مهو بزر وخليها تفكر بعيالها مالهم ذنب واللة يفرج همها ويهدية

 

[سهام الصمت]

الله يسخره لها يارب

 

[المهاية]

خليها تهتم في عمرها وف زوجها وعليها بالدعاء وقيام الليل والاستغفار كثيرا ولا تناقشة ف هل الامور يعني اتسوي طنش تعش

 

[أم البيان]

مالها الا الدعاء وتتركه تقوم بواجباتها وهو ولاكانه موجودوتتفرغ لنفسها ولاولادها
الله يهدي ويحنن قلبه لها

 

[ملاك الوهم]

خليها تتررررركه وتكون رسميه معه تجهز اكله تنظف بيته تهم بنفسها وعياااله وعلاقتها معاه تكون كلمه ورد غطاها يعني تحقره بس بطريقه حلوه عشان ما يقدر يمسك عليها شي وتدعي با السجود وان ان شاء الله ربي يسخره لها ويرده000

 

[الامل الكبير22]

دائمااااااا خلي هذي المعادله في بالك ..
الدعاء+ قيام الليل+ الاستغفار+ الصدقه + حسن الظن بالله =
فرج فرج فرج وتحقيق للآمال ورضى ملك الملوووك

 

[لمااااااااااار]

انا مع الأخوات الدعاء والأستغفار بعدين تعطيه ركبة ولكن الله خلقه توفر طلباته قبل مايطلبها يعني الثوب يحصله مكوي الغداء يلقاه جاهز وووو000وتغل نفسه بأي شي وتعيش لنفسه وتبين انه قوية مو متأثرة باللي يسويه يمكن يحز ع دمه00والله يهديه00

 

[وهج الوجود]

اولا واخرآ وأخيرآ: الاستغـــــــــــــــــــــــــــــــــــــــــــــفار
والله انو بيجعل ربي لها من كل ضيق فرج ومن هم مخرج
ويرزقها من حيث لاتحتسب

وثانيآ: تروح عند اهلها حتى لو بالمريخ اهم شئ يعرف انو ليها سند
ومو لعبه يتمتع ويهين على كيييييييفه لالالالا لازم تحطل خطوط حمراء
مايتجاوزها وشو مكالمات وشنو انترنت ما عندها شخصيه
خليها تتغير وتفاجئه بأنها قويييييييييييييييييييه

 

[*الجوري1*]

يمكن ما تصدقوني لو قلت لكم كل اللي قلتوه هي تسويه ....

حتى لما تتخاصم معاه تروح تبكي وتقرأ قرآآآآآآآن ,,,

ملتزمه وفيها خييييييييير كثيييييير ...

بيتها ما فيه زيّـه نظااااافه وترتيب بشكل غير طبيعي ...

غرفتها دائما مرتبه ومبخره ....

الأكل إبداااااااع ما تخلي شي ما تسويه ...

طيبه معااااه ومع أهله ومع حمواتها ....

لكن ربي طيحها في يد واااااحد ما يعرف ربه ...

تتجمل آآآخر حدوتتعطر وتتزبط وهي واقفه عنده ما يطالع فيها ولا يعطيها وجه

يكلم وهي تسمع صوت الأنثى اللي يكلمها ,,,

قولوا لي على حل واااااااااضح ...

هي خااااايفه يجي العيد وهم متزاعلين ...

تستمر في تطنيشه والا تراضيه ...

وتبي طريقه تخليه يراضيها ... ونفسها يجيب لها هديه ...

وما تبي تذل نفسها لأنه غلط بحقها كثيييير....

 

[*الجوري1*]

للرفع ,,,,,,,

 

[قلب وافي]

قولوا لي على حل واااااااااضح ...

هي خااااايفه يجي العيد وهم متزاعلين ...

تستمر في تطنيشه والا تراضيه ...

وتبي طريقه تخليه يراضيها ... ونفسها يجيب لها هديه ...

وما تبي تذل نفسها لأنه غلط بحقها كثيييير....

حبيبتي لاتشيل هم راضاها ولا ماراضاها وبيحي العيد وهما متخاصمين ولآ

لأنه هو السبب . .


هالمره تخليه على كيفه ولا تاكل بنفسها من كثر التفاكير

تعطيه جوه الين يخلص اللي براسه متى ماشاف انه يبي يسامحها بيسامحها

أما انها هي تكون السبب وتبدأ بالمصالحه لآ والف لأ

لأنه ماراح يكون لها هيبه ماراح يكون لها قيمه وشخصيه عنده بالتالي سهل يكسرها وسهل يوجهها

زي مايحب . .


خليها كيذا مهتمه بحالها ومن بعيد لبعيد قايمه بحقوقه (يعني تنظيف وطبخ وغسيل ولاتنسى تهتم بشكلها ) . .


تبادله نفس الشي شوفي هو قد ايش حاقرها ولا مهتم الين يبرد قلبه وبعدها بيجي يصالحها


لازم يتوقف عند حده ويعرف مع مين هو يتعامل ..!