أريد الطلاق .... ولكـــــــن ...؟؟!!

[وحيده في دنياي]

بأختصار أنا متزوجه صار لي سنتين وشهرين
وعندي ولد عمره 11شهر وحامل في الخامس
لكني ابغى أطلق من زوجي لأنه دايم بره من يجلس من النوم طواااااااااااالي سبح ولبس وطلع ؟
وأنا بس اربي :11: واشتغل:23: .....
وأوقات يطلع من على أذان الظهر ولايرجع إلا الفجر
أقوله ودني بيت أهلي ولاجيت تعال خذني مايرضى يقول :
لا ... أجلسي ماراح أتأخر وهــو كذاب أنا عارفته
وصحيح يصير كلامي
والله إني اطفش وحامل ونفسيتي زفت
أهلي يجمعون وأنا ولما أقوله :
ودني لهم أنت بتطلع ومو راجع إلا متأخر يقول : لا
طفشت والله وكرهني حياتي
على فكره أنا ماأقدر أعزم أهلي لأني عند أهله فوق في شقه على نفس الباب الشارع حقهم

ولما أعزم اهلي ماأقدر كيف أدخل خوالي أو أبوي أو اخوي وهم غرفتهم لما أمربهم يشوفونا

ومره قلت لهم تعالوا في تاكسي عشان مايتعنون خوالي ويرجعون قلت للنسوان بس

وعملوا لي أهله مشاكل لأنهم جاو بتاكسي
طيب وش أسوي ها بنهتم عندم 24 ساعه متزوجه وعندها عيال وأنا لا ليه ؟

فكرت أطلق لكن أبوي مايتحمل بنت طلق وتجلس عنده ومافي مكان ثاني أروح له ..
والله أحس أن حياتي مالها معنى تعبت الله يخليكم شورو علي وش اسوي الله يخليكم
لأني حدي نفسيتي تعبانه ....

 

[دلع قلبه]

اول هل تعرفين نمط زوجك!!!
وش السبب اللي يخليه يهرب من البيت!!!
هل هو اسلوبك!!
او هل عنده برى البيت مغريات مو عندك!!
معليش يسهر مانختلف لكن دائما يوميا طول الوقت برى هنا مشكله ولازم تنحل!!
كيف اسلوبك معاه ونظام البيت!!
يعني انتي مرحه ولا لا؟؟
هل تنتقدينه كثير؟؟
هل تطلبين منه كثير؟؟
هل توفرين له جو مريح خالي من الطلبات والازعاج !!
ابحثيعن السر اللي يخلي زوجك برى دائما وخليه موجود في البيت وبتشوفين الفرق..

 

[وحيده في دنياي]

دلع قلبهمشكور ياقلبي على ردك يحفظك ربي ويناولك اللي في بالك ويرزقك من كل خيره ان شاء الله






هل هو اسلوبك!!
او هل عنده برى البيت مغريات مو عندك!!
معليش يسهر مانختلف لكن دائما يوميا طول الوقت برى هنا مشكله ولازم تنحل!!
كيف اسلوبك معاه ونظام البيت!!
يعني انتي مرحه ولا لا؟؟
هل تنتقدينه كثير؟؟
هل تطلبين منه كثير؟؟
هل توفرين له جو مريح خالي من الطلبات والازعاج !!

 

[شمس444]

طيب لازم تعرفى ايش السبب اللى يخلية ما يجلس فى البيت لازم تتفاهمى معاة وقولى لة ان لكى حقوق علية ماهى معقولة يخرج يوميا الى الفجر الله يصبركى ويعينك

 

[وحيده في دنياي]

شمس444

والله يااختي تفاهمت معه كذا مره لين تعبت مره يقول الشباب مجتمعين وبس
ومره يقول بوصل اهلي ويتاخر
وكل يوم له كلام

المشكله اني ماني جافه بالعكس مرحه وهو يمدحني اني حلوه ودايم اعتني بشكلي ومظهري بس مدري ليه؟

 

[حلا ماركه]

كيق علاقتك مع زوجك هو يحبك ولا لا

 

[وحيده في دنياي]

حلا ماركه
كيق علاقتك مع زوجك هو يحبك ولا لا


ايه يحبني والكل يعرف بهالشي حتى يوم اني صرت مريضه وولدت بدري ماترك المستشفى ماغير ملازم فيه بس احس له تقريبا شهرين متغير بدون سبب

 

[قرار ملكي]

الله يرفع عنك البلاء اختي
والله لو تمسكي ع الدعاء والاستغفار بأدن الله بتشوفي فرق الله يفرج عليكي ويسخر للك زوجك

 

[رمال البحر]

أختي نصيحة لا تتخذين قرارا الان وأنت تعبانة عليك بالاستخارة قبل طلب الطلاق
تعاملي معه حسب نمطه واهتمي بنفسك قدر الاستطاعة ومن الممكن أن تسجلي بمركز لتحفيظ القران الكريم يكون قريب من بيتك كي تستفيدي في الدنيا والاخرة
أو يمكنك الالتحاق بأي مركز نسائي أو جمعية خيرية لتربية الايتام أو دار للمسنين كي تشغلي نفسك وتكسبي الأجر ولا يكون كل تركيزك منصبا عليه

 

[نــور2010]

لاتفكرين بالطلاق
الله يهديه ويصلحه ويسخره لج
عليج بالاستغفار والدعاء
الله يكون بعونج

 

[الكبيره غاليه]

اول شيء لاتفكرين بالطلاق ابدا , بعدين انت تقولين انه يحبك وهو بس له فتره بسيطه
متغير يمكن عند مشاكل بالدوام او مع اهله ومايبي يقولك عشان ما يضايقك
تعوذي من ابليس واقري قرآن وراح ترتاحين انشاءالله واكثري الاستغفار
والله يهديه لك ويرده مثل اول واحسن بعد