أريد أن أختار الأفضل لديني ودنياي

[..Black]

السلآم عليكم ..

أنا عمري ١٩ سنة .. يمكن موضوعي يختلف قليلاً عن بقية المواضيع ،
قريباً بروح لأمريكا أكمل دراستي ،لكن فيه شي شاغل بالي

كيف راح يكون زيي كفتاة سعودية مسلمة هناك ،،

في البداية كنت مقررة أني ألبس بلايز طويلة وبنطلون .. وبديت أشتري .
لكن لما جربت ولبست حسيت أني ماني مرتاحة .. حسيت انو البنطلون مفصل حجم فخذي . وكذلك ذراعي .

وبديت أفكر أني البس عباية أحسن لي ، خصوصاً أني ماتعودت ابدن اكون بدونها .

لكن أحيانا أحس العباية راح تكون شاذة هِناك ..
والبلايز الطويلة والبنطلون اريح لي ، وبنفس الوقت اخاف لا تركت العباية بتهون علي أشياء ثانية


ابي آخذ قرار لنفسي واثقة منه ، بدون ما اكون مترددة في اختياري او مبني على رأي شخص آخر .

ممكن تساعدوني ؟

 

[شوكولـاته]

هلا يشرفني اكون اول من رد

وبصراحه احيي فيك تدينك وتأنيب الضمير لان بعض الناس بيسافرون برى بس عشان ينزلون العباة

الله يوفقك يارب

اختي بالنسبه للعباة بقولك معلومه انتي اذا رحتي امريكا راح تتذكرين كلامي انتي عبالك امريكا ناس كلهم عراة

حبيبتي اسمها بلد الحريه ونسبه المسلمين هناك كثيييييييييييييييييرة وغالبيتهم سعوديين

اقسم بالله صديقتي اخوها دكتور بامريكا وهي متدينه وبدويه حيل لمى راحت تزور اخوها راحت بعباتها

عباة الراس وقفازات وشراريب وحتى عينها مابينتها وتقول والله ولااحد تلفت لي ولااستغرب

لانهم متعودين على ذا الشي يشوفونه كثيير

بس ممكن تتضايقين من الحجاب بالجامعه لانها اختلاط <<لاتنسين ان الجامعه بيكون فيها طلاب عرب وسعودين

بس ((متهيالي ))ان العلماء اجازو كشف الوجه للي تبي تسافر برا حفاظا على سلامتها<<تأكدي من اي شيخ

واذا تبين رقم شيوخ اعطيك

واذا ماتقدري تلبسي عباة اشتري بلايز طويله وواسعه اللي تجي تقريبا فوق الركبه بشوي وتحتها بناطيل او اشتري

بلايز واسعه على تنانير افضل

لكن نصيحتي لك لاتنزلين العباة ولا غطا وجهك

وربي يوفقك بدراستك

 

[•мš.رشـّا.| ▐|✿]

الله يوفقك يااختي

فعلا زي ماقالت اختي اللي قبلي امريكا بلد الحريه والحجاب شي عادي يعتبرونه رمز ديني

انا شخصيا اعرف ناس راحو غالبيه دول العالم ولافكروا مجرد تفكير انهم ينزلون العباة

بس بما انك بجامعه اشوف لو تشتري تنانير وبلايز واسعه افضل

وانتبهي انتبهي تنزلين الحجاب اللي على شعرك واتمنى انك ماتنزلين غطاء الوجه الا اذا استلزم الموضوع

عندي رساله بريد نفسي ارسلها لك صور لعربيات في بريطانيا غالبتهم منقبات وماشيه حياتهم عادي

وادعيلي اتوفق انا كنت بقدم على بعثه السنه اللي راحت بس فاتني التسجيل ان شاءالله اعوضها السنه الجايه

 

[~أماسي~]

ممكن لون العبايه الاسود هو اللي راح يلفت الأنتباه فنصيحتي لك :

أنك تفصلين جلباب مثل اللي يلبسونه خواتنا بسوريا والاردن ويكون لونه كحلي او رمادي او أي لون غير الأسود

وبكذا راح تسترين نفسك من غير لفت الأنتباه ،،

أذكر مره سافرنا تركيا وكنا متمسكين بعباياتنا انا وخواتي بس والله انهم عوفونا السفره وين مارحنا نصير محط أنظار

وتمنينا اننا لابسين غير لون الاسود لان كان معانا من الاردن ومتحجبات ولا أحد ألتفت لهم ،،

 

[Ms.RoZa]

البسي مثل لبس المسلمات السعوديات هناك ..
بالطو طويـل حد الركبه او تحت عشان لايفصلك .. وبنطلون عادي ومابيطلع الا طرفـه
وطبعا حجاب ولثام ملونين حلو تختارين لك 3 الوان كفايه ..

الله يوفقك بدراستك والله الله بالستر اعتزي بنفسك واحتشامك
وامريكا فيها فوق الـ 70 الف طالب سعودي بس .. فما بالك بالعرب ؟

وصلني إيميل قبل فتره عن مدرسه بـ إلينوي كلها مسلمات ومحجبات بعد
يعني لاعاد الحجاب غريب ولا الإسلام الحمدلله ..

الله يوفقك

 

[سجينة همومي]

الافضل لدينك ودنياك

انك تلبسين عباية كتف تكون واسعه ولونها رمادي او بني غامق المهم ماتكون الوان فاتحه تبين معالم جسمك

والبسي طرحه طويله توصل لبطنك واربطي النقاب من فوق الطرحه وماتكون فتحة العيون واسعه

واذا مافهمتي علي انا اقصد حجاب المصريات ..لان خالي يدرس برآ ويقول كل المسلمات هناك حجابهم كذا حتى الطالبات المسلمات في الجامعه حجابهم مثل هالصوره

http://www.alriyadh.com/2009/10/13/img/183909754960.jpg

والله يثبتك على الدين ويوفقك دنيا واخره

 

[ريهاااام]

ماقصرن البنات معك
اعرف وحده راحت مع زوجها بعثه
لبست عباته عادي ماغيرته
ووحده لا فصلت عباة لاكن وش وصفه ماادري
اذا خايفه ع نفسك اتصلي ع شيخ واشرحي له وراح يريحك لما تكون فتوى شيخ....
والله يوفقك
بس انتبهي تساهلين بالحجاب
وخوذي الفتوى من شيخ احسن لك قسم

 

[من سبق دبغ]

حبيبتي تبي نصيحه مريحه لوجه لله لااااااااااااااااااااااااااا تسافري لا تسافري يمكن تقبض روحك وانتي ببلاد الكفر ثم يحكم عليك الله بمثل ماحكم عليهم نصيحه من ترك شيى لله عوضه الله خير منه ارجواء انك فهمتي قصدي والله من وراء القصد بتوفيق

 

[Ms.RoZa]

8
8
مع إحترامي لك بس وش هالنصيحه ؟
اعرف انك اجتهدتي وخايفه عليها لكن ماهكذا تورد الأبل ياعزيزتي ..

طلب العلم عباده , وطالب العلم بشره الله انه تحت حفظه ورعايته شرط ان يحتسب اجرها
والمسلم المتعلم النافع لدينه خير من مسلم جاهل لاينفع ولا يستنفع

ومن شدة فضلهم ذكر الله بكتابه (إنما يخشى الله من عباده العلماء) ..
اي ان اكثر العباد خشية لله .. هم العلماء !
بحثك عن العلم حتى وان كان في بلاد كفـر مأجوره عليه بإذن الله ..
والكفار يا أختي الناصحه ..المفروض نستفيد منهم بدل ماحنا عايشين على فضلتهم وبقايا اختراعاتهم الي يبيعونها علينا بأغلا مايكون

على كل ياعزيزتي المبتعثه .. لاتوقفين طلب علم .. طول ماعندك الفرصه اسعي لها وابحثي عنها
بارك الله فيك ونفع بك وسدد خطاك وحفظك من بين يديك ومن خلفك وعن يمينك وشمالك ومن تحتك

 

[شمس بلقيس]

وعليكم السلام ورحمة الله وبركاته

حياكِ الله عزيزتي

ماشاءالله يظهر من سؤالك خوفك على نفسك من الوقوع في الحرام وفيك خير كثير أحسبك كذلك والله حسيبك ولاأزكي على الله أحدا .... ثبتكِ الله وسددكِ ..

عزيزتي :

الأسلم لكِ ولدينك أن لاتسافرين لبلاد الكفر وفقكِ الله وهذه فتاوى في حكم السفر لهذه البلاد من أجل الدراسة ::

من هنــــــــا و هنــــــــا و هنــــــــــــا و هنـــــــــــــــــا


وهنــــــــــــــــا فتوى تبين شروط السفر لبلاد الكفر ..

و هنــــــــــــا وهنـــــــــــــــا فتاوى لما سألتي عنه غاليتي ..

وفقكِ الله لكل خير ..

 

[..Black]

يعطيكم العافية أستفدت من ردودكم ..

أنا أكيد حكون محجبة .. بس بالنسبة للبس كان استفساري ..

ودي أشوف أراء آكثر
​

 

[•мš.رشـّا.| ▐|✿]

طيب اشتري بالطو زي كذا

واعرف موقع يبيع انواع من البالطو بمختلف المقاسات ويوصلونه لحد باب بيتك ومضمون

هاذا سعرة بـ190<<اشتغلت دلاله خخخخخ

اذا تبين الرابط ارسله لك

 

[..Black]

ثاانكيو ^^ حلو البالطوا..

وبديت افكر فيه اشتري زيه ..

وصلك ردي؟

 

[..Black]

السلام عليكم ..

شوفو اللي بالموقع ،، http://www.shukronline.com/womens-blouses.html

والله ياسلام لو ألاقي محل هنا عندنا يبيع زي الأشياء اللي فيه

واسعة وطويلة وكمها طويل ..
فكرت اشتريها من الموقع بس الأسعار مرررة غالية بالنسبة لي =(

محد عنده فكرة محل يبيع زيهم
​

 

[•мš.رشـّا.| ▐|✿]

ايوة ياقلبي وصل ردك

مررررة روعه الصور اللي في الرابط

بس مدري مااتوقع يبيعون زيها بالسعوديه

طيب عندي اقتراح اشتري قماش ووديه لخياطه شاطرة تفصل لك نفس البلايز !!

 

[..Black]

مشكورة حبيبتي لأهتمامك ..

قررت أني البس بلايز طويلة وبنطلون .. لكن بضوابط ..

*البلايز او الأقمصة اللي راح اشتريها طولها يكون ٨٠ سم وطالع
*المقاس يكون أكبر من مقاسي برقم عشان يصير واسع ولا هو بمخصر على جسمي
*البنطلونات بحاول آخذ اللي تكون واسعة مش سكيني (أحس اني بعاني من هالنقطة لأنو اللي منتشر ودارج هالفترة السكيني =S )
* وراح أشتري قماش وأفصل الموديلات اللي تعجبني وبالطول اللي يعجبني


شُكراً من القلب ..
وأي وحده عندها نصيحة أو أقتراح ياليت تفيدني
​

 

[ريهاااام]

ياحبيبتي يااصاحبة الاستشاره
فيه وحده من الاخوات نزلت لك صور العبايات الي تلبس هناك
ليش عاد بالطوهات وبلايزوبناطيل
وضوابط الحجاب تاخذينه من شيخ لانك ماتعرفينه فصعب عليك تحطينه من راسك
لا تساهلين بهالشي حجابك حصن لك وواجب عليك((من رايي خوذي رقم مفتي واساليه هم علماء الدين وماااره عليهم كثير اساله من هالنوع وراااح يقولك حتى طريقة الحجاب ))
انا نااصحه لك من قلبي..

 

[عذبه المعاني]

الله يوفقج اختي ^^

والخوات ما قصرن ..

وبرأيي العباه احسن من البالطو ^.^

 

[اميره بحضوري]

ماشاء الله البنات ماقصرو معك بس اا نا من رائي الله الله بالحجاب والعباة لاتستهينين فيها وين تلبسين بلايز وبناطيل
على قولتك اذا استهنتي في العباة بتستهينين باشياء ثانيه الله يتسر عليك ويوفقك يارب في دينك ودنياك
وكلمي شيخ احسن لك عشان ترتاحين من هالناحيه الله يكون في عونك يـــــــارب..,,موفقـــــــــــــ,ه,,

 

[•мš.رشـّا.| ▐|✿]

بنات انا معكم انها تلبس عباة

لكن يابنات العباة ممكن لو راحت تتسوق او تتمشى لكن وقت الدراسه احسها صعبه بتضايقها وتقيد حركتها ؟؟!!

البالطو مريح لها هي ماتبي تجلس ساعه ولا ساعتين الدراسه هناك تبدا 9 وتنتهي 4 او 5 وبتجلس 4 سنوات

!!

سوي اللي ترتاحين فيه