أرجو المساعدة

[المتأملة دوما]

السلام عليكم ورحمة الله

شخباركم حبايبي وش اعلومكم

حبايب قلبي والله

أنا توني مقبلة على الزواج وزوجي توه شباب عمره 22 سنة
والشباب هالايام يبون كله وناسة وغيره

فهو شخصيته على رغم صغر سنه انسان عصبي ومتقلب وفيه حنان
وطيبه وطبعا وفق تربيته ما خذ حنان من صغره فهو يبي يتشبع من الحنان والحب والعاطفة....الخ

فطبعا خواتي الكريمات انا توني 20 سنة صج اني مو صغيرة واكيد فيه مواقع تخص الحياة الزوجية

بس أنا عقلي مو كوبي وبست أنا أبي أخذ المعلومات من زوجات عندهم خبرة في كل نواحي الحياة الزوجية

فأرجو منكم خواتي اتفيدوني بكل شي بشكل مبسط وباحلى واسهل الطرق

وطبعا شاكرة لكم

دمتم بسلام​

 

[الجواااان]

20 مو صغيره الا ماشاء الله صغنونه واذا تحبين تستفسرين اكتبي بقوقل السؤال اللي تبينه وبتطلع لك اجابه شافيه ووافيه

 

[الورده الشرقيه]

اللي تحبين تسالين عنه اسالي
حنا ياقلبي حاضرين يعني حددي وش الاشياء اللي تبينها بالضبط
صعبه تقولين كل شي الحياه الزوجيه متفرعه لها اول مالها تالي

 

[المحترمه]

الله يوفقك حبيبتي واسالي وحنا حاضرين لك

 

[بقلاوة]

الله يوفقكم ويبارك لكم وان شاءالله نقدر نفيدك انتي اسئلي

 

[أميرة الالماس]

ينقل الى الاستشارات الزوجية العامة

 

[المتأملة دوما]

متأسفة جداً على عدم توضيحي لكن

أنا أطلب طرق أو أفكار لزوج العصبي والمتقلب طبعاً أنا قرأت الكثير الكثير في قوقل وفي مواقع اخرى وحتى الكتب

وسئلت ممن هن لهن تجارب وخبرات في الحياة ولم أتوصل لنتيجة التي أتمناها أو أتطلبها

فأتمنى أرى طلبي لديكن

ولكن لم أقرأ مثلاً شيء عن تجربة وخبرة

بوضح أكثر

زوجي دوامه نهار فقط يعني في الحكومة يعمل وليس بالقطاع الخاص
ويرجع من العمل وينام ولليل وبعدها يطلع ويكمل سهرته برا

وانا بطبيعتي اقعد من الصبح واودعه ولما يرجع ذاك البيت منظف ومرتب وشحلاه
وانا بكامل زينتي وبعدها لا يتغذى ويروح يرقد وكالعادة

ويمكن وحدة تقول يمكن سامع منج كلام مو عاجبه او فعل قبيح سويتيه

لا أنا مطيعة بالفراش ونظيفة بنفسي وفي بيتي ولساني .

وبالرغم تونا في بداية حياتنا تونا عرايس على قولتهم

ولا بيوم عاتبته على انه يسهر ويطلع لان سبق وخذيت خلفية على ان الرجال اذا تزوجوا ما يتخلون عن اصدقائهم وعاداتهم اللي متعودين عليها
واذا اتصل انا تراني بتأخر أقول له حياتي أخذ راحتك
ومادري شلحل وانا من نوع حساسة ورقيقة اخاف اكلمه وايعصب علي او شي فمحتارة ؟؟

​