أرجوكن ساعدني يالغاليات

[sheer]

:icon1366:الحمدلله أحس اني عندي خوات ينصحني دايما هالمره احس اني لاعت جبدي من ريلي كثر مايزعل على اسباب تافهه ولازم انا ألي اراظيه مع العلم اول ماخذني انا ألي كنت ازعل وهوه ألي يراظيني ويقولي أنتي ياهل وبصبر عليج وهوه أكبر عني 8 سنين لكن ألحين انجلب ألحال وصار هوه ألي يزعل ولازم ماحاسبه على أي شي ولا بيبدا يصارخ ويزعل..........

نصحني خواتي شو اسوي؟؟؟؟؟؟؟

 

[ريتـــاج]

اهلين اختي sheer

انا وزجي تقريبا نفس طبعا زوجك وصار يتمادى ويتحكم بزيادة في مدري وش السواة انا موضوعي تقريبا مشابهة لموضوعك

نفسي افيدك والله لكن ان شاء الله الاحوات بالمنتدى يفيدونا

الله يصبرك ويصبرنا

دعواتي لك

 

[منال الليل]

اختي الحبيبه ... اعانك الله على ما فيك ... انت تعرفين المقوله الشهيره وهي ... ابنك على ما تربيه ... وزوجك على ما تعوديه .. فحاولي انج تغيرين بنفسك لان ما راح تقدرين تغيرينه دايما هدي الامور ... واذا لزم الامر طنشيه وتعوذي من الشيطان وحاولي بالعكس انك تهدينه اذا كان عصبي الابتسامه والحب يحلون الكثير من المشاكل وبصراحه ادري ان كل شي في بدايته صعب بس حاولي والله يعينك ... وسامحيني عالقصور ...

 

[سما العامري]

انكم الآن في البيت تلعبون لعبة القط والفأر مرة انتي والان هو ولكن افضل حل من وجهة نظري ان تهمليه قليلا ان رأيت انه المخطيء بالموضوع سيعود هو اليك ليتقرب منك والرجل نادرا ما يعتذر بالكلام بل تصرفاته توحي لك ذلك.
هذه وجهة نظري الشخصية والله اعلم

 

[شمعة لا تنطفيء]

حبيبتي شير
حطي في بالك ان الزوج اذا عودته الزوجه على المراضا يتعود
ويبدا يتزعل طول الوقت لأنه لاقي له وحده تخاف من زعله
حبيبتي حتى لو زعل سوي نفسك ما دريتي وكلميه عادي
ولا تراضينه لين يحس انك ما دريتي ويرجع يكلمك
واذا رجع لا تبينين له انك فرحانه برجعته خليك عادي
صح انه يبي يضيق صدرك بس تحملي وعوديه من جديد انك مو من النوع اللي يراضي
وكل مره يزعل فيها سوي نفس الطريقه
لين يبطل يزعل
واذا طرل بالزعل ومصخها اخصريه
واتركيه لين يطيح اللي براسه ويرجع بس حطي ببالك طول هالفتره لازم تكونين تحت خدمته يعني اكله ولبسه واشياءه كلها جاهزه
ترى الرجال يطفشون من الحرمه اللي تداريهم بزياده وتلصق فيهم وتخاف منهم وتظهر حبها لهم بقوه
خليك عاااااااااادي
والله يوفقك

 

[sheer]

والله انهم يلوعون بالجبد في خاطري اطنشه بس ماقدر قلبي مايطاوعني لأني احبه

 

[عنقود عنب]

شوفوا حبيباتي

كلنا نحب ازواجنا

لكن هذا ما يمنع ان احنا لنا مشاعر بعد و نحس

كثير من الرجال زعوووووولين ...مثل زوجي

والله بعد خبرة 24 سنه زواج

اكتشفت ان الحل انك ما تزعلي ...عشان ما تعطيه فرصة انه هو يزعل بعد

يعني اذا صار موقف بيني و بين زوجي ...وقال كلام يزعل او تصرف تصرف يزعل ...ما ازعل اكثر من عشر دقائق ..او اخلي يبين على وجهي ان الموقف هذا ضايقني و بعدين اسوي الامر عااااااااااادي جدا

حتى هو اذا حسيت انه تصايق مني بشي وانا ما كنت اقصد ...فورا اقول له حقك علي و اعطية بوسة على السريع

واذا شفته زعلان ...اسوي نفسي ان مو حاسة انه زعلان ..امشي الامر عااااااااااااادي جدا ... ولا كأنه صاير شي

يظل يوم يومين ثلاثة ...وانا طنااااااااااااااش الى ان يرضى لحاله

واحاول انتهز فرصة انه رايق و اقول له

حبيبي ...الحياة قصيرة ... حرام الواحد يضيع دقيقة منها في زعل

ما في شي يستاهل ان احنا نزعل عليه هذا الزعل الطويل

اقول له تخيل ... لو انا مت وانت زعلان علي ...والله انك راح تتندم طول عمرك

وتخيل لو انك لا سمح الله صار لك شي وانا زعلانه منك على سبب تافة ...تتخيل اني اقدر اعيش بعد هذا الموقف ؟؟؟

اذا ما في شي يسوى ان احنا نزعل عليه ...لازم نستمتع بحياتنا وما نخلي شي ينكد علينا

والله انه تغير كثير بعد هذا الحوار

صار يفوت الاشياء البسيطة اللي ما تستدعي زعل طويل

وربي يسعدكم

 

[sheer]

مشكورات يالغاليات والله يوفقكن ويسخر لكل وحده زوجها

 

[دواه عندي]

مساء الخيرات
نصيحتي لك الدعاء ثم الدعاء ثم الدعاء

نصيحه مجربه مرت علي مشاكل تهز جبال ولجآت لله سبحانه

وتعالى وأنحلت الحمد لله،،،

 

[هديل001]

حبيبتي لاتزعلين نفسك عشان اهو مايزعل

بس أعتقد إن زوجك حساس على اتفه الأسباب يزعل لكن ياعزيزتي طنشيه حقريه

لاتعطيه وجه وهو يرضى من نفسه ( اللي يزعل من لا شي يرضى من لا شي )

الله يوفق حالك وحال المسلمين

ودمتي / هديل 001

 

[البدرانية]

صراحة المفروض نسوي رابطة للازواج الحساسين والزعولين وانا الرئيسةخخخخخخ وش رايكم انا تعبانة منه

 

[حبيبت رشيد1]

اهلين اختي الي يزعل من دون سبب خليه يرضي على كيفه

 

[prnsesحلا]

مشكلة اغلب الرجال مايعترفون بغلطهم

 

[prnsesحلا]

دائما يبغون المراه هي الي تعتذر